古月

營業中

休息中

下午大約3點左右，在北角區附近做完野，一直都想試試米芝蓮推介的古月，一直都有留意呢間餐廳，但平時甚少去到北角，聽聞平時要排隊，襯下午茶時間入去食就fit。入到店內都7成滿的客人，點了招牌辣椒板麵，食第一啖就覺得名不虛傳，雖然唔知星加坡正宗口味是如何，麵質恰到好處，配料豐富而且不太辣，又配以清湯解辣，非常細心。跟餐飲了熱的白咖啡，叫了少甜，有白咖啡的甜味亦飲到咖啡香味。下次有機會再去試試其他食物，期待。

基本上星期一至五都完全唔會考慮入去。香港地做小本生意做得好又唔一定可以開分店再分店咁理想。難得店主仲支持聽障人士就業，所以好多人想支持下。今次都係同事帶我來，見到米芝連都仲係賣呢個價錢，大喜。立即講食物我同事個招牌黑肉骨茶個蒜頭真係好奪目。個湯倒是五味雜陳有各種味道。😬😬😬Sorry 我只可向大家表示佢既味道感受到好足料同夠火候，如果我用來送飯真係唔太夾。咁我好肯定係我問題🙇🏻‍♂️🙇🏻‍♂️🙇🏻‍♂️🙇🏻‍♂️我自己叫了一個板麵。大包圍下相對上麵既比例比較少。食落啖啖餸不同配料配合，肉碎、魚仔乾、溫泉蛋，撈起十二啖內KO，我第度未食過既好豐富既星馬配料。男性應該唔夠食，所以立即多點一份炸雞。估唔到重點係個炸雞度我唔知呢啲係港式星馬定咩地方，就係好正路少粉多肉唔太乾。建議店家可考慮將佢加入麵餐，very goodvery good埋單每人八十幾，午餐來說有點貴但都係好經驗

古月地點雖然唔起眼，但裝修唔錯卡通造型人物以外加左新加坡元素，令我想起會唔會食新加坡菜？今次點左3個餸，古惑雞飯/秘製魚露雞翼/串燒豬肉。古惑雞飯其實就係海南雞飯，首先個油飯幾香而且比平時出邊食嘅少油，值得比讚。雞就直接比肶肉，雖然表面個漿汁唔錯，但有少少overcook，變得乾身左少少。不過，份量唔錯，整體而言我比3/5星。秘製魚露雞翼聞到有少許魚露味，但食落去似南乳雞翼，每碟有4隻，味道都ok嘅。3/5星串燒豬肉兩個字太乾～ 2/5星

我一向都好喜歡星加坡的肉骨茶，聽聞「古月」肉骨茶好夠味，星期日嚟過，但摸門釘，今日我哋order「古月招牌肉骨茶跟米粉」同「古滑雞飯」，肉骨茶的湯是無限添加，湯底非常夠胡椒味，仲有好大粒完整蒜頭，排骨肉都好夠諗，肉骨茶好飲，我飲到出汗😬，天氣潮濕最適宜飲，可以祛濕，連米粉的湯也是肉骨茶，米粉好入味，如果你想試吓勁重胡椒味嘅肉骨茶，可以試吓古月，至於「古滑雞飯」，雞肉唔夠滑，但加了幾條豬耳仔，又幾特別，果然係米之蓮推介

見佢係米芝蓮 所以先試 點知又係失望而回80幾蚊食個甘難食嘅lunch 真係忟忟地肉骨茶啲骨係幾正 但個湯完全唔掂 飲左兩啖就接受唔到 寧願飲碗米粉嘅湯算 敗筆之處 成個湯 好似胡椒加水甘 飲到想咳 我知新加坡肉骨茶係胡椒味濃 都唔係甘丫

上星期到新加坡出差，差不多每天都吃肉骨茶；回到香港再想吃肉骨茶，哈！今天來到北角錦屏街，垃圾站旁有一食街，其中一間名為古月，有肉骨茶呢～我點了古月招牌肉骨茶配白飯。碗內原顆蒜頭好震撼哩！之前新加坡吃的只有數顆，但古月是原顆哩！蒜頭已被炆煮到淋，一點辣也沒有。可以每顆小粒吃，有小小甜。古月的肉骨茶帶有大片骨頭，容易食用；肉質軟淋，充滿肉骨茶的味道。食店牆身畫滿壁畫及貼滿與名人來用餐的照片，原來是名人食堂呢！

今日專登去古月食佢既肉骨茶！上次食佢個藥膳肉骨茶食過返尋味，今次決定試佢另一個招牌肉骨茶個招牌肉骨茶比我想像中冇咁濃味，可能因為上次個藥膳太好味同重味啦！佢個湯今次冇藥材味但多左陣胡椒味，同埋我想講都幾辣！有d 搶喉野飲叫左杯玉桂拉茶，不過唔係我杯茶囉下次都係食返藥膳果隻先佢地連續三年攞左米芝蓮家，膳埋好多名人去食過Tim 家！鍾意肉骨茶既你，真係要試試！

難得來到北角，又有時間，所以找找附近著名的餐廳試試。來到這間有米芝蓮推介的“古月”，最出名的有肉骨茶和“古滑鷄飯”，眼見在座很多人都點了這個古滑飯，所以我也不甘後人了。等了良久，終於上菜了，果然沒有令人失望。鷄肉是雞髀位，肉質非常滑溜，而且除掉骨頭，吃起來非常方便。淋上醬汁，雖然不知是什麽醬，但味道非常夾，有點像新加坡海南鷄飯那個黑色的醬油，但味道沒那麽濃，整體吃起來沒有油膩感。再配上一杯斑蘭奶茶，表面淋上斑蘭味的糖漿，杯邊塗上砂糖，直接喝已經甜度適中，可惜斑蘭味不足，整體尚算不過不失，還是雞飯比較出色。再談店内裝潢，頗有特色，墻壁畫有趣壁畫，也可當作一個打卡點。餐桌上也有一排擺設，上面有些波子，讓人在等餐時可玩玩來打發時間，也是不錯。

食咗個古滑雞飯. 一心諗住米芝蓮. 果真, 證實米芝蓮的不可信.雞係幾滑, 有5舊. 真心無咩特別. 稱不上好食, 又唔喺難食. 食完就係「哦, 原來依個係米芝蓮級數」.飯加左啲薑蒜, 係幾好食.不過份量超細, 完全唔夠飽. 同枱的男仔, 直程想叫多份食.平日的12:00放lunch時間去食, 人都唔算少, 有人排隊.坐落都舒服. 野食都叫正常速度到上菜.$50黎講, 都算ok接受到.若果是一般餐廳, 我會比個openrice既ok評價.但既然上咗神枱, 為米芝蓮, 就唔得啦.

經過北角一帶，附近都有幾間不錯餐廳，見到肉骨茶決定一試。叫了傳統同藥膳黑肉骨茶，藥膳肉骨茶同湯中既大大粒蒜頭十分驚喜，值得一試。但用餐後都幾口渴，沒有套餐連飲品有啲失望傳統藥膳肉骨茶可以再添，但飲完一整碗都夠哂飽所以不是十分花算。店内裝潢尚算可以，座位夠闊，和友人食飽後多坐半小時閒聊店員亦無趕住收野相當不錯。Overall, a fine restaurant worth trying in North Point.

今次我因為阿媽在西貢舖頭休息，而需要把食午飯的地點，移師到區外進行。今次我選擇了午餐餐廳地區，位於香港島「東區」裡面的「北角」。北角相對於其他地區，於我而言是比較陌生的地方。北角唯一給我最大印象，就只得位於「英皇道」旁邊，可以同時容許進行粵劇表演，以及放映電影的老牌戲院「新光戲院」，我對「新光戲院」的好奇，純粹因為「新光戲院」比較懷舊的裝修格調而已。我站在外面，看過「新光戲院」一面之後，就立刻尋找目標的午餐食店，主打新加坡菜的餐廳「古月」。「古月」位於比較深入的「錦屏街」，「錦屏街」再深入的後街位置，但是這樣不等於「古月」名不經傳。因為「錦屏街」後街本身，都屬於一條雲集中外不同食店，猶如「木人巷」的後巷。「錦屏街」一到了中午午飯時間，就會有大量的上班族、市民、學生聚集在「錦屏街」各大食店外面。我就選擇了「錦屏街」其中一間，有大量食客圍在店外苦苦等候的新加坡菜食店，食店的名稱只有兩個字，叫做「古月」。「古月」給我的第一個直覺就是「胡椒粉」，因為「胡椒粉」以前有「古月粉」這個稱呼叫法。不過，實際上的「古月」，卻是實而不華，深藏不露的隱世新加坡菜食店。「古月」店舖門口沒有任何高調的設計裝潢，

食物的味道只是一般，服務奇差，為求加快食客流轉及翻枱，不斷趕客，示意要求客人買單，即使只是短暫放下筷子與朋友們傾計，碗內還大半碗尚未食完的食物便已趕着收碗。絕不再去。

看食評做足功課，點了藥單肉骨茶，果然名不虛傳， 很濃郁的藥材味，排骨、腩肉都炆得淋，豆腐卜充滿藥材味，超正，吃了全身充滿幸福的感覺。 還選了椰漿飯、㗎央薄餅、 鹵麵，飲品有薑茶冰梅橄欖汁冰， 每樣食物賣相及味道都一流， 像處身馬拉時別的風味，值得大力推薦。 朋友試了冰梅橄欖汁，酸酸甜甜的開胃，值得一試。 鹵麵送到時平平無奇，吃的時候確定沒有錯選，點了滲滲，原是油麵+米粉，湯底都甜，連湯都全部飲下去。最後還叫了甜品㗎班蘭千層糕，外貌不吸引，吃時仍然是暖，外面仍是少脆，像剛出爐的狀態，微甜， 賣相平平無奇，想不到吃下時喜出望外，讚店鋪牆上壁畫，感覺彷如已身在檳城欣賞壁畫。

搬返呢頭返工,間唔時都同同事出去搵”食”， 發現到呢間星馬菜。菜式亦小巧精緻，值得一試。我們1250到門口已經要排隊等侯了。店家推介古滑雞飯 ($50)呢個古滑雞飯啲雞肉真係好滑。就算食到雞胸既位置一樣都係滑。油飯好香口乾身，唔會有好「濟」既感覺。啲雞點埋個醬更好味, 又酸又辣，好開胃！雞飯除雞仲有小量大腸作配菜，大腸洗得好乾淨，唔臭，好入味，正🤤黎到星馬餐廳,識叫一定叫拉茶, 屋仔樣, 好靚, 好滑好重奶味, 不太甜, 推。

於北角區排名，名列前茅的古月，真係狗養大明。聞名不如見面，今次就一窺佢嘅盧山真面目。周末中午去到，人唔算多，大概坐滿6-7成人。由於第一次嚟到，肯定試D招牌野。於是揀咗個肉骨茶，賣點是可無限添湯，令人挑起了我戰意，要同佢個無限之湯作個對決。心諗話曬大嗱嗱80蚊，幾大飲翻夠本。另外老婆點咗個椰漿飯。個肉骨茶送到嚟，一碗湯，配一碗飯，仲有一個醬汁連同兩塊大大舊油炸鬼。試一下個湯，有種升仙的感覺，似曾相識的味道，辛辣的感覺獨一無二，在家中曾經品嚐過......是即食麵胡椒湯麵的湯底，真係令人一試難忘。湯入面有一個煲到軟曬嘅蒜頭，同兩條肉排。而梛漿飯，最出色就是個飯，椰漿味真的很重，而江魚仔也很香口，但雞翼炸完表皮太乾，唔太令人感興趣。最後我都有添了一次胡椒湯，為了完成添湯對決這個任務。雖然毫無疑問我是落敗的一方。總括嚟講，如果你係胡椒湯麵嘅擁躉，你一定要嚟呢間古月朝聖。但如果你要求好一般真係想食好一般嘅肉骨茶，或者可以試下叫另一個馬來西亞肉骨茶，又或者出門口轉左。