古早味澎湖台灣 (已結業)

平日openrice都淨係睇唔會寫食評，究竟有幾負先可以逼使我特登開個acc去寫？本身間野新開諗住試下，晏晝經過見到都有人排隊，menu都無睇過就衝咗入嚟。一打開menu睇，死，伏伏地，間野食台灣野但係又有刺身又有火鍋食。即刻打開openrice睇下人哋啲comment，好努力揀啲人哋覺得ok嘅野。嗌咗4樣野，跟上菜次序：1）牛肉麵竟然係最先嚟嘅，反而小食最遲。牛肉好韌又硬，條菜咬落去生生地嘅，湯同麵一般。最後我無食晒淨係食晒啲麵，因為牛肉真係好硬好"鞋" 。個心即刻諗起小王牛肉麵，一比之下好後悔點解唔入黃埔食佢而揀呢間呢。2）鹵水拼盤揀咗大腸，豬耳，腩肉呢個最正常，有咸味，但係離好味係有距離。3）蚵仔煎成碟唔知有冇4隻蚵仔。全部都係綠色。4）蒜泥白肉呢個最失望！我平日好鍾意食呢個，去好多餐廳都會嗌，同埋好難唔好食。個樣好presentable，砌得幾靚，好似座山咁上面有啲菜。舊肉。有好多舊都係有1/5係軟骨。厚厚地嘅肉但係咬落去係完全無味，似係無醃又白烚咁，個蒜泥係一啲都唔辣嘅！正常蒜蓉唔多唔少都會有少少辣味，食完個口仲會成陣蒜頭味，但係呢個係一啲都無，似係上面舖住啲可以一樽樽買嘅蒜

新開的台式食品店，有小食，小菜， 燉湯，面食，飯食，飲品同甜品類。叫左炸花枝蝦排，外脆肉爽，食得到蝦同花枝，ok好食。蔥餡餅，有四小塊，皮薄，唔多油，略淡左少少。藥燉烏雞湯，味道好香，飲落去唔算濃，不過啲肉好乾，勁柴皮，應該係煮得太耐。黃金炒飯，係無咸蛋黃，有啲台灣腸，味道ok，唔算多油。豬軟骨面，個湯似係紅燒牛肉湯，ok好味，不過啲豬軟骨唔太林。服務大至幾好，除左收銀果位，明明有位都唔比入座，要攞飛，攞完飛又唔收，唔知攞黎仲乜。

新開的台灣菜，本來想食碗牛肉麵，後來卻被豬軟骨吸引，點了豬軟骨刀削麵！湯底很好味，雖然有少少肥，但有濃厚的牛腩味！豬軟骨煮得很淋，入口即溶。我覺得最特別的是刀削麵，好係小腸的外表，很有彈性，有咬感

2019第一個食評, 又係分享下黃埔既食店今次依間係新開冇耐既台灣餐廳兩點幾去到都要等位,唔通真係咁正?2:30下午茶啱啱開始,個餐係主食+小食+飲品諗都唔洗諗當然要試下個魯肉飯先啦所以選擇左豬軟骨魯肉飯小食簡左宜蘭蔥餅,飲品就苿香綠茶原來重有個湯跟埋,四十幾大洋算合理先試啖魯肉飯,夠味,魯肉肥瘦比例應該6:4純粹我感覺黎豬軟骨有兩大舊,味道不錯但食晒成碗就有d膩...肥肥...到塊蔥餅,正喎老細!一咬就噴汁!!!!(大x哥?)皮薄,多涵,讚湯同苿香綠茶都唔錯,正路味道總括黎講個小食比主食好味,價錢合理蔥餅拉高左評分依間一定會再翻食以上食評只反映個人立場,如有雷同,實屬不幸

聖誕假期中，似乎很多人都去外地旅遊，街上的人流亦疏落些。平時假期中午很多人去搵食的民泰街都顯有些冷清，試過晚市，見午市有套餐，最便宜$55 有湯、前菜、飲品，不用加一，便再次來了。紅青蘿白湯，簡單清甜，飲完也沒有囗渴。嘉義雞肉飯，份量中等，飯中混有粗米飯，頓覺健康些。一絲絲的雞肉，味很淡且肉質較嚡。前菜有鹵豬肚絲、西蘭花和木耳，都味不太濃，清新的冷菜。大雞扒滷肉飯$75，明顯份量大很多雞扒是由很多小雞塊，然後用炸粉將其合併炸出一大塊出來的。雖是如此，可雞肉都好juice 酥化，還配有滷旦。滷肉是半肥瘦，滷得入味。似乎午市套餐划算得多。另午市每個套餐可半價優惠小食，選雙色台灣香腸$38 變為19，且份量都很多。是台式香腸和墨魚汁香腸合併，軟熟肥肉又不太多，好味。珍珠奶茶，茶味比一般的濃些。熱黑糖薑汁奶茶，薑汁味不重。

經過紅磡，見到呢間古早味牛肉麵好似幾香，即管入去試下。一黎就點了個古早味牛肉麵，湯頭還算清甜，牛肉炆得軟腍，但味道可以再濃一點；麵條彈牙，有驚喜。另外點了一客麻辣肚絲，不麻不辣，味道過咸，浪費了肚子的位置。跟餐點了一杯珍珠奶茶，茶味香濃，珍珠有咬感，不錯。

今晩又唔知食乜好，黄埔都幾乎間間食過！忽然想起古早味，因為上次等太耐無食到。今晩六點幾就去到，又係要撳飛仔排隊。都排咗成四五個字先有枱。三個人要搭枱，但係帶位嗰個從來無講過一句要搭枱！搭枱唔係問題，但最基本要同客人講聲囉！餐牌好多嘢，但叫蚵仔煎就話無！唔叫又唔比茶水。食物方面其實 ok 不過係份糧細少少。麻油花腰好嫩滑。四季豆炒肥腸都 ok 。但刈包嘅肥豬肉太肥。鹵水牛三味(牛鍵、牛筋、牛肚)好入味。煎葱餅好香口。甜品 綜合珍珍仙草芋圓好彈牙。其實呢間嘢都食得過，不過唔係平價嘢，三人四百幾五百蚊，服務有待改善。

原本對台灣野期待很高...但入左間屋見到菜單...刺身又有 火鍋又有 炒飯又有...就已經驚驚地 唔通廚師真系全能？可以一間店食出全亞洲特色？心中暗自叫苦 9成9已經中伏...果然...菜品份量很少 一份招牌小炒60+ 得幾塊魷魚同紅燒肉 可能係未落味精？ 淡到完全無味 再無其他完全無服務仲要+1 等左近一個鐘先上齊菜？？ 明明無咩人 催又話整緊...明明大把位空閒 卻叫客人在外面排隊...好多侍應企係度卻唔汁檯？？唔知點解會開在紅磡 同紅磡食野氛圍完全唔啱 唔想再去...

新店開張，仍在試業中。門口自己按人數取票，減少人手。全店以澎湖為主題，佈置得似漁船般。原來古早味是台灣的俚語呢！蟲草花燉鴨湯，頗真材實料，燉湯色深，但飲起來不太濃，味道淡淡的。絲瓜炒蛤蜊，蛤蜊鮮甜，與絲瓜同煮沸，令絲瓜吸盡鮮味，又爽又甜。豬軟骨滷肉飯，兩種肉都醃得不太鹹，沒有太突出的味道，且份量不大。以$68+10%的價錢有些貴。花枝蝦排，花枝打成醬，再釀入蝦肉和花枝肉，外皮雖不太酥化，但吃到2種不同的肉味，一爽一彈牙，又出奇的夾，讓人吃完再吃。

食物和环境都蛮不错的，糖醋鱼的糖醋汁很好；小菜价格偏贵，味道感觉平均水平没有特别好吃，性价比不高；上菜太慢，等了快一个小时还没有上齐，店外也排了很多人，如果要来建议在没人的时候来 。

晚上九時許跟媽媽在黃埔逛逛，看見了一所正在試業的台式食肆，就走進去了。餐牌上的款式很多，令我倆花多眼亂，最後決定點了古早味牛肉牛根麵，蝦餅和新出的櫻花蝦炒飯。先來了櫻花蝦炒飯，份量少得驚人，我想應只有一碗飯，但價錢卻是六十八大元。再來一個蝦餅，感覺不錯，很有鮮味。最後來了古早味牛肉牛根麵，正正是這個麵令我決定會再次光顧，兩塊厚切牛肉，兩塊粗粗牛根，再加上似豬腸的麵，加添了不少分數。如果滿分是十分，我會給予九點五分。總括而言，份量有待改善，但質素卻很不錯，是另一台式食肆選擇。