古早味休閒台灣 (已結業)

去開旺角搵野咬呢排係咪興乜都叫古早味，好似周圍都聽到呢個名諗住台灣野應該無死點知.....首先係好多侍應，但上菜都好慢●五味雞我未食過再差過佢既凍雞好似唔知擺左幾耐再翻整咁，啲肉硬既●牛肉番茄麵口感同個樣都似豬腸好un湯底有說不出的藥水味都唔係完全不可接受既呢個係台灣特色既刈包刈讀＂割＂傳統刈包會用饅頭麵包皮、滷五花肉、酸菜、芫荽做餡料呢度就做左好多新款式●我呢個係花枝蝦餅刈包麵包皮係好鬆軟仲有剛蒸完濕濕地既口感蝦餅炸得好香脆至於會唔會為左佢再試其他野，我諗唔會啦

亞皆老街開咗間新嘅台灣餐廳，穿過繁華鬧市中嘅攤檔走上一層便可以去到，餐廳裝修好 fresh，而且有好多台灣名勝牆畫，認真夠晒台味！豆腐外脆肉軟，炸得啱啱好。而且又唔係落得太多粉，食落好惹味。雖然好似唔係台灣菜？但係都好值得一試。蝦餅用嘅蝦肉蝦膠多，食落夠彈牙，炸得熱辣辣，點泰式辣醬或就噉食都可以。本身想試九層塔手抓餅，但係咁啱賣晒，所以試下普通手抓餅，都唔錯。只是食落略嫌有少少淡味同乾身，會比較適合唔太鐘意食咁重口味嘅人。個人認為得原味同九層塔版本揀有啲單調，如果可以學台灣噉可以加蛋或者芝士會更加好。呢個好夠份量！豬軟骨好大舊，熬得入味且鬆軟。肉燥都唔少，半肥瘦。珍珠、黑糖同刨冰都係台灣成日見嘅食品，作為台式餐廳當然唔少得。黑糖有唔少益處，但唔會就噉食。所以將佢擺落刨冰度就係一個好好嘅選擇。香港而家咁熱，食冰係消暑必備！而家潮流興飲果茶，周圍都有果茶飲。呢間餐廳雖然唔係打正旗號賣果茶，但都有唔少嘅選擇。我好鐘意飲百香果茶，又好鐘意食西瓜，所以呢個茶簡直係為我而設。兩者加埋一齊完全冇違和感，百香果甘甜嘅味道再加上西瓜嘅清涼將味道昇華，呢個夏天特別熱，飲呢個茶實在一流。茶入面仲有啖啖果肉，

今日同我個姊妹出黎旺角行街 順便食埋個令飯 因為大家過幾日就吾系香港 決定食餐好既 見到呢個旺角分店系新開既 而我之前又食過銅鑼灣分店 所以就黎左呢間首先我地叫左個花枝丸一共有4粒 個花枝丸炸得幾好味 而且都幾彈牙 2個人share 有d吾夠喉 性價比 超值之後叫左個紅燒豬軟骨麵豬軟骨都幾多 不過就有d肥有d瘦 有d太瘦好難咬 但其他肥既豬軟骨都不錯啊 而麵質系幾彈牙 而且好粗 麵既份量都算多 而湯底都幾正宗台灣味 我地仲叫左炸蝦同炸花枝蝦餅原來炸蝦得2隻 入面隻蝦有d細 但佢又炸得幾金黃同脆 甘蝦餅嘅份量都幾多 而且入邊仲有好多蝦仔 大概有6塊 都算系幾平我哋叫左 兩杯野飲二兩杯嘢飲 味道都差唔多 分別係白桃西柚同荔枝草莓 不過荔枝個杯就較甜 但入面嘅生果種類都係一樣 本身我哋仲諗住食埋個甜品先走 但係因為太飽 所以下次先再食 整體來講 兩個人用咗大概＄300都幾低 因為叫咗好多小食又夠飽 下次再戰吧

有一段時間冇去台灣旅行，好掛住一定台灣夜市，所以今晚揀番間台灣餐廳同朋友食晚飯。我選擇了旺角這間”古早味”，因為之前在銅鑼灣也食過他們的分店都不錯，今日在旺角正好一試。鹽酥豆腐 $38鹽酥炸豆腐，外脆內䁔，豆腐好滑溜，食到唔停口。鹽酥豆腐炸得香脆而內裡軟滑，再加埋脆蒜粒同味粉，惹味非常。炸花枝丸 $38外表黃金色，炸得好輕薄，好大一粒，好夠彈牙好有口感，還食到墨魚肉粒，真不錯。黑糖薑母雞翼 $24賣相吸引，用上黑糖薑母，好入味，帶微甜味道好夾，好開胃。鹽酥雞扒刈包 $26香港都好少食到刈包，又想食鹽酥雞扒，有這樣的配搭正合我心，刈包鬆軟有口感，但雞扒就炸得有點干硬。台灣台南擔仔麵 $40主食方面，台南擔仔麵價錢相當平民，女仔都夠食，調味幾好，不過我比較喜歡麵條更硬身！台式滷肉飯 $50台式滷肉飯個汁好好味，滷肉肥瘦分明，整得真係唔錯，有台灣嘅風味!百香果西瓜水果茶 $33百香果味清新，配上消暑解渴的西瓜，加上水果茶，好有果香味又冰爽。芋香奶綠茶 $16芋頭味濃，奶蓋厚身Creamy，配上綠茶，味道平衡。最後我們還點了两款甜品，焦糖燉蛋$38和草莓窩夫配雪糕$56，雖然不是台式的，店員說

好耐冇行先達，今日落去同朋友行街，以前行經對面有間快餐的，現在新開了這家台式餐廳古早味，心血來潮總要試一試如何。餐廳裝潢簡潔舒適，環境休閒很舒適，看看菜單有咩特別野先。點了两款台灣飲品，奶蓋綠茶 $23+仙草$3，綠茶清淡配上滑溜溜的仙草，還有Creamy的奶蓋，整體不錯。白桃西柚水果茶 $33白桃味和甜，還有西柚帶微酸，配上水果茶，味道豐富。涼拌木耳 $28木耳新鮮爽脆，有口感，調味不錯。醬汁茄子 $38份量都幾足，茄子腍軟入味，我十分喜歡，有驚喜。五味雞 $38餐廳特色五味雞，雞肉都尚算嫩滑，當中配有五款醬料，啱曬鐘意左點右點的我，有普通辣油、薑蓉醋、芥末、糖醋、台式麻辣醬，我比較喜歡台式麻辣醬，味道配起上來感覺都幾新鮮。花枝蝦餅 $38蝦餅炸得金黃，外面酥脆入面彈牙，不錯。蒜泥白肉 $48肉肥瘦相間，肉質嫩滑，簿簿一片吸曬醬汁的味道，醬汁調味剛剛好不會過鹹。牛肉牛筋麵 $65光看賣相已感到好有誠意，湯底和麵都帶有藥材味，原來店員告知是用上台灣的藥材包一同，寬身麵質感好彈牙，牛筋出奇的入味，麵撈左豆瓣醬所以帶有少許辣味。手工綜合芋圓 $45作為主打台式食品的餐廳，比較失望是這個綜合

和朋友約左旺角行街街, 自己早到先逛逛, 發現有間裝修新正既台灣食店...俾佢樓下既甜品吸引, 就同朋友仔試試...環境: 餐廳佔一樓全層, 好大, 好多位, 有卡位, 普通四人座~ 裝修新正簡潔, 空間闊落, 坐得舒服~我平日食飯時間去到, 都有6成枱滿~ 食物:上菜很快, 點了一陣便有炸物上~先來花枝蝦餅, 炸得鬆化, 不覺油膩, 熱度剛好, 不會太熱~切開細細件, 方便入口~ 咬落有口感, 食到有花枝及蝦粒架~!! 好好味~~接住上既係蚵仔酥~ 去台灣蚵仔煎/鹽酥雞就食得多喇,  蚵仔酥真係未試過, 即管試試~味道似鹽酥雞, 我朋友話可以再落多D調味粉, 想重味D, 我就覺得還可以~ 可能蚵仔一炸就縮水, 細細粒, 口感無鹽酥雞咁香口咁有咬勁~嘉義雞肉飯~ 細細碗, 但雞絲同肉汁好多, 撈勻食, 有少少甜味, 配炸物一齊, 可減膩, 不錯~古早味蕃茄牛肉麵~ 上既時候, 已經聞到濃湯既香味~濃湯既味道都蓋過蕃茄味, 飲落有種老火藥材湯味, 香味久久不散, 唔通呢種就係「古早味」?似係個種老奶奶一代傳一代, 熬左幾十年既濃湯咁... 我自己好喜歡呀~! (可能我好喜歡飲老火湯)朋友

行mk買野行到攰，走入女人街隔離見到有間新開嘅台灣餐廳，睇個名就吸引到我地了。有時就係間中想一嚐果種『古早味』。門口見到有好多台式飲品，仲有啲甜品擺喺度添~餐廳係位於2樓的，沿住呢幅咁colorful嘅塗鴉牆上去就係喇~上去見到個裝修都有點驚喜喔，古早味通常真係比舊殘舊，但呢度裝修以少女大愛的薄荷綠同tiffany綠黎做，文青打卡一流喔~❣本身想點珍奶，又見到啲咁靚嘅花果茶好想飲，價錢仲要40蚊唔洗，好親民！我叫左走甜，淡淡洋甘菊花香，很清新怡人~傾計必點然後當然要點古早味的皇牌，台式牛肉麵和魯肉飯啦~❣魯肉飯好大碗呀，同台灣食的味道差唔多~不錯喔！我點了半筋半肉麵，想食牛肉之餘多吃點養顏的骨膠原嘛，這個湯底很不錯，應該是牛骨蘿蔔滯的湯底，肉也很入味很淋，麵質也是彈牙的，給5星！接著就點個蔬菜，醬汁茄子，唔太濃味，油亦不太多，ok的~宜蘭葱餡餅是朋友點的，我覺得吃起來有點像韓式煎菜肉餃子，外皮是煎得蠻香脆的。吃古早味怎能少了炸花枝丸呢？這可以吃花枝丸的最佳食法，炸出濃郁酥香和花枝的鮮味，真的無得輸，二人吃剛剛好~吃這間店一定要留肚吃甜品！窩夫可說是非常非常非常出色！師傅是研發了很久才自

早幾日同台灣朋友係旺角行街行到夜,見到尼間新開冇耐既台灣嘢食,諗住搵個地方坐下,環境都算ok,卡位坐得舒服,服務態度都可以但食物同其他台灣菜比較就普通左d,種類唔多..而且價錢偏貴,周街都係台灣菜,咁既價錢我諗唔會有衝動去第二次🤦🏼‍♀️

星期日約左朋友仔去旺角行街買野，行左兩個幾鐘，天氣好熱，想搵間餐廳休息下順便食晚餐。係女人街附近發現開左間新台灣餐廳，地下係外賣位，堂食要行樓梯上去，上樓梯位已經充滿台灣味既壁畫，打卡影相都非常靚。餐廳佈置風格係簡約休閒，坐位唔迫坐落舒適，下午茶傾下計都係好選擇。我地三個女仔叫左兩個主食同幾個小食涼拌。第一樣菜係台式滷肉飯，滷肉既肥廋岩岩好，店員係點餐既時候，提點滷肉裡面會有豬腸，熱心地考慮到唔鐘意食豬腸既朋友。古早味牛肉麵黎喇，好厚既滷水牛展，滷到好鬆軟，一咬就化了，湯底帶點辣，麵係寬條手工麵，口感好煙韌。小食既炸物都好出色，推薦一定要食花枝蝦餅，超好吃，好QQ彈牙，點酸辣醬好配。炸鹽酥雞都超好吃的，熱辣辣超酥脆。另外還有滷味拼盤，有豬耳、雞翼、大腸，味道也是剛剛好，不咸，還有涼拌青瓜和麻辣雞腎，都很清爽開胃。最後還叫了飲料和甜點，要左杯奶蓋烏龍茶，有驚喜，首先我們沒有叫怎麼半甜半冰的，甜度適中一點都不甜，奶蓋超厚同茶一齊飲，口感滑滑的，兩者好夾。甜品要左熱既芋圓同草莓冰淇淋吐司磚，芋圓超大粒，食得出裡面係有芋頭粒，煙煙韌韌。吐司磚超大份，卜卜脆既吐司再夾雲呢拿雪糕，一凍一熱冰火相傳

今日食台灣野。餐廳好靚，好多壁畫。裝修得唔錯。首首都識既台灣歌，好熟悉既感覺。叫左個杯奶蓋仙草綠茶。奶蓋俾人好濃厚既感覺，加埋綠茶香味真係好好飲。少糖既珍珠奶茶令茶味更加特出，香。好多珍珠。珍珠彈牙，好飲。叫埋個紅燒三寶麵。好大碗，無諗過份量好多。有金錢肚，牛筋，牛肉。三個牛味道葉得超夠味。好濃郁既牛肉麵，質素高。麵質感彈牙，索曬湯底既味道。好好食。豬軟骨滷肉飯都好濃郁。滷肉煮得好濃好夠味。豬軟骨又夠軟，成碗飯係色香味俱全。值得encore。我諗呢間餐廳特色真係份量多。鹵水拼盤又係好大碟。重點係滷水味道已經滲透曬係所有野食度。味道好香。而且雞翼整得好滑，好有水份。炸紅槽肉味道好特別，第一次食。食既時候出邊脆卜卜，肉質好濃紅槽味。呢個炸肉係有汁既，所以唔會乾，反而炸完好有水份。真係好抵食。係咁靚既環境，又唔嘈，野食又好味，下次再黎！

同朋友經過旺角發現銅鑼灣既古早味原來係旺角新開左樓上鋪分店,之前已經想同朋友去試!咁岩撞正新鋪開幕就一於入去打卡.餐廳位於樓上鋪要行小小樓梯上,樓梯設計得一d都唔馬虎,牆上畫有心思設計過一幅油畫,幾得意.嘉義雞肉飯大大碗滷汁底飯上鋪滿一絲絲雞肉,肉鬆同小小醃蘿蔔,一些拌匀後一齊食令滷汁,油蔥味道更平均分佈,每食一啖都帶點油香味,香而不膩.古早味蕃茄牛肉麵古早味湯底含藥材熬湯,聞同飲落都散發住淡淡藥材味但唔會太濃,店員都建議飲埋牛肉藥材湯.牛肉雖然厚切肥厚但肉質軟淋而且所選擇部分唔會過肥.麵用上寬麵提升掛湯力吸盡牛肉湯底味道,麵質煙靭彈牙.鹽酥雞一小一小粒炸得幾酥脆乾身唔會過油,炸粉漿夠簿唔會食落口成口炸漿皮.略嫌果道不夠,如果鹽酥味更重就完美.手工綜合芋圓手工綜合冰上十分豐富鋪滿有芋頭,紫薯,蕃薯芋圓,珍珠,仙草,綠豆,紅豆蓉.拌匀後啖啖帶有煉奶甜甜味道.芋圓大大粒咬落小小粉煙靭d會更出色.整體感覺不錯,店員服務有禮貌而且細心推介食品好有誠意.

朋友告知旺角又有新開的台灣餐廳，這天特意過來試一下地方座得舒適，卡位較多食物種類不少，更有朋友最愛的甜品蚵仔煎剛起鍋外層還有一點點酥酥的口感，粉漿不會太多Q黏軟彈卻不會滿口都是粉漿辣味鹽酥雞份量不多，剛炸起來嫩口多汁古早味牛肉麵每一口麵條都吸附著濃濃的湯汁，的確不錯湯底非常的香濃，而且不油膩吃牛肉麵就是要加酸菜不然就少一味再說到煮到軟爛的牛肉，有點半筋半肉的非常容易入口，而且完全入味香蕉窩夫配雪糕現烤窩夫擠上，旁邊再鋪上香蕉跟雪糕球窩夫外層的脆度依然，內層鬆彈而不是紮實感旺角亞皆老街36-38號龍飛大廈閣樓全層及地下3-4號舖

旺角鬧市各種食肆一向多不勝數，今日有股衝動想食番懷舊既味道。行到先達個頭，叫到對面大大塊BANNER寫住古早味台灣料理。古早味一詞黎自閩南，係國民黨遷移到台灣之後亦傳左過去意思係化工食品係以前唔發達，用較單純、簡單既調味料黎料理食物，精緻但又實在既味道本身小妹十分鍾情台灣野，叫我如何抵擋呢～就掹左男朋友一齊去試下沿路行上去個陣，牆上面既塗鴉好有台灣小學牆身個種童年味道。店內自然文青風既裝修，配上柔和既燈光，伴著輕快既國語歌曲，有種鬧市入面小清新既感覺。店員都非常有禮貌同熱情，仲主動推介有咩特色推介，服務周到，加分餐飲係即叫即整，有個OPEN AREA 可以望住店員現場製作飲品。我叫左杯白桃柚子特飲，男友仔就叫左草莓荔枝特飲。記得要攪渾先飲呀！入口甜度適中，有好多果肉，清甜果香令人煥然一新。之後黎左碗擔仔麪（因為我同店員講我食唔到咁多，佢推介我的）。麪雖小，但五臟俱全，好足料，尤其係貢丸，多汁又好味！麪身較幼易入口，爽口彈牙，好食男友食既係紅燒三寶麪，有牛根、牛展同金錢肚。牛根柔軟唔痴牙，牛展夠厚夠份量，金錢肚更唔似平時酒樓食個Ｄ得個軔字，佢連左一部分牛肚肉，彈牙得黎又有咬口，整體食落去