古早味休閒台灣 (已結業)

食台灣野的意慾高，就想係旺角搵間台灣野，上次試完鐵牛，本來今次都想食返鐵牛，但諗住試下新野，見呢間評語不錯，所以就一試。午餐：嘉儀雞肉飯+洛神花水果茶雞肉飯：個汁甜甜地，雞肉絲唔算滑，個汁加雞肉唔吸引，味道唔算夾。3小碟小菜：本來好期待小菜，希望會有驚喜，以為雲耳係我愛的醋雲耳，但點知少少酸都無，辣的。大豆芽都係辣，可以照顧下唔食辣的朋友嗎？洛神花水果茶：算係今餐較好味的，但洛神花味唔突出，讚的位置係多水果，還有加了椰果。味道：2/5抵食：3/5回頭率：0/5

喺旺角行街唔知食咩好，都係揀番間平民小小嘅台灣菜餐廳。呢間古早味牛肉麵係新開嘅。古早味牛肉麵＄60牛肉裏面都有幾大舊，好入味，個湯底幾濃郁而且又香，啲麵條質感比較結實，非常有口感；加上有小小菜點綴，就豐富少少。為咗食返個甜品我哋都叫一個麵就算，反正又唔係特別肚餓草莓蜜糖方磚＄75睇個樣已經好正，啲cream係滿瀉晒，每片蜜糖脆脆包表面非常香脆仲有好濃嘅蜜糖香味，仲要加上有啲士多啤梨醬汁，滿滿的cream為每塊包生色不少。好食過香港某間連鎖店。奶蓋烏龍茶＄23加珍珠加＄3滿滿的奶蓋，味道比較清淡，配搭烏龍茶令味道特別得多。胚牙奶綠＄16加珍珠加3我估唔到佢胚牙個份量都幾多，乾乾地甜甜地有口感，加埋啲珍珠都甜甜的有彈性，配搭清新嘅奶綠就好味得多。menu: 

去開旺角，知道呢間新開，而且見都有好多好評，所以決定黎試下。佢分成2層，下面個層方便大家買外賣拎走。行樓梯上去2樓係餐廳，不過行樓梯小心啲，無扶手。上到去環境ok舒服,可能因為新開暫時唔多人，員工幾有禮貌。由於知道台灣食物一定油膩，怕食唔曬，所以都就住黎叫。_飲品凍飲) 芋香奶綠茶好飲～老公鍾意～_(熱飲) 珍珠奶茶好驚喜～佢個奶茶底好香～連我老公都讚～如果無飲錯，應該係用百爵茶黎沖，而且好滑～值得推介～_食品:台式滷肉飯簡簡單單既魯肉飯～ok既～味道唔差～_宜蘭蔥鹹餅好好味～～～味道好似食緊餃子咁～不過每粒都好多油，（唔敢肯定係湯汁定油）多到可以滿曬成隻匙根…😅😅😅感覺上少啲油會好啲…_鹽酥雞扒刈包麵包皮甜甜地，鹽酥雞新鮮炸起，好味。晚餐黎講，食得飽肚，味道又ok，唔算太貴。下次有機會都會再黎試下食其他食物。

朋友介紹我地黎昵間古早味，原來香港有好多唔同嘅小店😁內𥚃裝修好特別，🉐意特別係佢牆壁的畫，待應好好味，好主動介紹店內出名的小食同甜👍🏼呢間台式食絕對係包羅萬有，而且麵食，小食，甜品，飲品都有好多選擇😍我地點左百香果西瓜水果茶同荔枝草莓水果茶！有豐富的生果，種類繁多！由於我地食量比較細，所以無叫到主食！只食小食同甜品😃叫左辣味鹽酥雞，小小辣辣，脆口！蚵仔酥，蚵仔新鮮非常脆口！鹽酥雞扒刈包，包軟身，有菜同雞扒配搭！台式手卷有台灣腸仔炸菜，足料好惹味！花枝蝦餅：豐富花枝味又唔同太油！

今日同朋友上黎旺角這間專食台灣野食的店鋪古早味，這間是一間樓上鋪，位置大，坐得非常舒服，員工非常友善，服務態度非常好，朋友的電話無電，肯借插頭。一坐底當然叫左台灣必食的滷肉食，份量十分之多，因為我地兩個不太肚餓，只是點了一個滷肉飯，滷肉份量多，胖瘦適中，啲肉汁味道濃，今次是第二次來食，味道亦與第一次差不多水準依然好味。當然我們亦叫多一隻滷蛋，因為我們太喜食食滷蛋，這個滷肉食價錢抵食，一人食一碗會飽肚！而我們今次主力試了不同種類既甜品，店員十分有耐性，為我們逐樣逐樣介紹，首先食了個士多啤梨杯，是非常清新，沒有加任何糖和人造色素，士多啤梨非常新鮮和香甜，加上不太肥了既奶油，很好食。另外，這個芒果千層餅是必食，亦是這間店鋪既gimmick,餅皮不是外面買回來，全部都是廚師一手一腳自己整，十分香脆，芒果亦十分新鮮！

聽人哋講話呢間野都OK又開咗喺旺角所以好近就試吓食個lunch ,好似台灣味道幾重嘅一間餐廳又見到個lunch set有好多款台灣便當類嘅嘢((不過都係主力係滷肉飯))一心都係想食台灣牛肉麵呢個係三寶麵有三款送，有牛筋牛展牛肚, 牛展同牛筋 同已經好淋, 輕輕一咬就已經鬆開,牛肚夠曬滷水味 又唔韌。個湯就唔算濃味 同埋無辣嘅 要自己加辣椒油。麵就係好粗, 比較厚身咖種, 都好有咬口。另外, 有三款小食"涼伴雲耳,炸墨丸,中華沙律"中華沙律比較特別一點, 有好重嘅青瓜味, 應該係溝左D 青瓜絲整。炸墨丸 正常味道但粉左D。另外我D 貪心鬼咁小小食滿足唔到我, 叫多客麻辣豬耳先, 每條都非常爽脆, 麻味好香濃但唔算辣, 感覺剛好。飲品叫左普通沒你綠茶，好驚喜因為完全零糖,估唔到佢比啲咁健康嘅綠茶, 平時台灣飲品都只有嗌少甜㗎嘛, 竟然佢係一杯零糖份嘅茶。抵讚

約了好姊妹食晚餐， 黎到旺角就選了女人街， 被這間台灣餐廳的佈置圖案所吸引， 再看看門口有台式飲品名甜品好精緻， 終於就上樓上 坐下點餐填飽肚子裡的空虛要知道這台式餐廳的質數如果， 不得不點魯肉飯及牛肉麵一試！魯肉飯賣相不錯， 飯粒軟硬適中，肉醬味道剛好 不用會太鹹， 但用來撈飯吃實在一流牛肉麵也值得一試， 湯底是香濃蘿蔔牛肉味，牛肉牛筋炆得很入味， 而且淋身，麵質也很彈牙其後再點了幾款小食， 這個涼伴茄子， 最岩呢d 炎炎夏日既時候食喇， 茄子與醬汁很夾， 味道不錯， 略嫌有點油膩。另外 這個宜蘭餡餅， 味道幾特別， 有點像吃台灣的糊淑餅一樣， 只是比較精緻細小。還有這個炸花技丸， 我十分喜愛， 新鮮炸出來， 很香口彈牙， 絕對值得一試最後 一定唔可以錯過的珍珠奶茶， 仲有甜品， 食到很滿足， 下次會再來光顧的

古早味是閩南語，意思是古老的、傳統的味道。在台灣，愈是好吃的東西，一般來說都是流傳了好幾年，甚至是一代傳一代的。今天來到旺角看見有間休閒臺灣餐廳就取名為<古早味>，滿滿的親和力和溫暖感一上心頭。由地下的入口上二樓會經過這條臺灣壁畫隧道，感覺就好像穿越這條樓梯就會去到臺灣了。果然沒有估錯！內裏的感覺就是臺式的休閒咖啡店。<奶蓋烏龍茶及奶蓋紅茶>近期買奶蓋蓋大熱，我和老公都非常喜愛！所以就毫不猶豫點了這兩個。綿密的奶蓋毫不手軟地加了很多！！而且奶蓋沒有太重的調味，所以混和了帶甜的茶類後味道剛剛好。<蒜味鹽酥雞>說到臺灣的小吃沒可能沒有鹽酥雞吧！剛剛做好的鹽酥雞熱辣辣，味道和我在臺灣吃的是一模一樣的。<臺式滷肉飯>另一個代表當然是滷肉飯！！粒粒飽滿的飯粒上淋上香滑濃郁的肉燥汁，我可唔可以要一碗白飯？？<古早油飯卷>這個是新嘗試喔！油飯卷其實就是帶有調味的糯米飯卷，卷著臺灣腸，醃蘿蔔和青瓜條後再淋上酸酸辣辣的醬汁。而且糯米飯還還有香菇片和蝦米粒，味道非常濃郁，不知不覺就把整碟吃光了。位於旺角咁方便，以後臺灣癮發作時

Happh friday一班同事一齊食lunch ,唔想成日咁悶食茶餐廳，去佐試新開嘅早古味台灣野。叫佐一個炸豆腐同芋圓仙草冰share 食,同埋各自叫set lunch 食。個炸豆腐外脆內軟，滑啫啫, 個炸皮非常薄, 用快子夾起呢件豆腐要有技巧😂佢每個set lunch包佐原味茶，我就叫咗個茉莉茶，係無加糖嘅, 感覺清清地日有茶咁, 可以消濟。另外跟左三個前菜，一個係中華沙律，炸花枝餅同埋涼拌木耳，仲有一個肉丸湯，出奇地肉丸湯粒肉丸又好好味, 可惜得一粒。個餐就叫佐個五味雞飯，咩係五味雞呢？係雞脾加五種唔嘅醬汁，醬油，沙茶醬，山葵芥茉醬，蒜蓉汁同泰式辣汁。個雞髀大大隻肉質幾嫩，D 汁 其實唔算出, 個人覺得蒜蓉同沙茶好食d 。另外一個滷肉飯同紅豆奶茶，試咗一啖滷肉飯味道好濃，好好送飯。仙草冰有好多唔同嘅水果，仲有仙草同芋圓, 上桌時驚訝點解呢個冰是沒有汁的, 原來.... 個冰本身已經係用糖水整, 每粒冰都有甜味, 而且甜味適中, 可以食多D。 不過如果芋圓口感再q 啲就好啦, 有點實。

這天經過旺角女人街附近，見到一間叫『古早味台灣原味』的台式料理，想起都有一段時間沒吃台菜，餐廳又不用排隊，於是決定跟朋友進去試試看！餐廳在二樓，要先經過一條畫滿台灣景色的樓梯上去，很有特色，蠻適合在這兒拍照打卡～晚上7點入座已坐了8成人，餐廳的裝潢簡潔舒服，不會太擁擠。餐牌上全都是台灣獨有菜色，熱食、飲品都有很多選擇，而且甜品全都很吸引～不過我們想叫多點咸食，所以沒有點甜品。「紅燒豬軟骨麵」，湯底濃厚，豬軟骨肉質頗軟和很入味，麵條亦夠彈牙，很有台灣的地道風味，必試！「嘉義雞肉飯」的醬汁又甜又香，淋在雞肉絲上再配上白飯，吃起來十分開胃，是一道簡單得來美味的菜色。 「黑糖薑母雞翼」一碟有4隻，乍看之下好像沒什麼特別，但味道很有驚喜！獨特的黑糖薑母汁與雞翼出奇的夾，甜得來能帶出雞肉鮮味，令人十分回味，必點～「蚵仔酥」炸得既香且惹味，炸皮夠薄夠脆，蚵仔大大粒，不過分量不多，不夠吃……LOL「仙草奶綠」要了少甜，我們覺得甜度剛剛好，奶味不太明顯，但茶味夠香，配上清甜仙草，忍不住一口接一口的喝下去～ 二人埋單一共$218，個人覺得很抵吃，亦令人想起台灣的地道風味，坐得也很舒服，很值得一試！ ---

話說原本今日同男朋友係想食韓國拉麵......搭車出到旺角已經晏就三點幾結果午餐無左呵呵呵放假大家都訓到晏一晏機緣巧合之下兩人覓食團就黎左食呢間台灣野 「古早味」一入黎店員就好熱情招呼我地 眼看店內客人不少 仲可以做到服務咁好 呢樣已經抵讚坐低睇menu 下午茶餐大概在$45左右我地order左兩個tea set分別係 古早味雞肉飯套餐男朋友既雞肉飯一入口感覺普通 後來到食到炸蒜十分驚喜既感覺男朋友都話好好食古早味滷肉飯套餐總覺得台灣料理一定要必食既滷肉飯個套餐包左三款小食（豬耳 海草 炸地瓜）大白菜湯品 滷肉飯本人（含滷肉及幾片小黃瓜）整體搭配棒棒der~咸：滷肉比起其他台灣料理店 肉脂肪比例算是比較多 但感覺上滷肉飯就係要有肥肉先至夠正宗的辣：帶有少少辣既豬耳甜：炸地瓜 又甜又脆很好入口酸：食滷肉食得最尾總會覺得太膩 吃口小黃瓜 感覺清爽湯不得不讚歎一下 出街食飯最怕就係飲到唔熱唔凍既味精水 但呢間並沒有呢種難受既體驗 溫柔夠熱 味道清清爽爽 配上滷肉既咸 很好地解膩了跟餐飲品我地揀左仙草奶茶同珍珠奶茶感覺呢間店係每個item都好用心 由入黎接待客人服務 店內裝潢充滿台灣既感覺

今日lunch沒有帶飯就同同事出去睇下有咩好食, 經過女人街正打算轉入去搵餐廳時, 街口就見到新開左間台灣野，價錢都係50幾蚊已經有一個set lunch，就入去試下新野啦。店下面係可以買台灣飲品同甜品，上一層就係餐廳，樓梯仲畫左D壁畫，幾有特色. 上到去環境簡潔舒適, 適合三五知己聚會。Menu都有幾多款式，有set lunch、台灣小食、沙冰等甜品。而每個set lunch 都會配三個小食, 仲包一杯野飲，可以叫奶茶/原味茶/熱飲，所以O係旺角黎講算抵食咖喇。我地就叫左一個滷肉蛋包飯 , 豬軟骨滷肉飯 同一個古早油飯巻。送餐既時候，侍應先同我地介紹跟餐的三個小食係每日唔同, 有D係menu小食裡面既細碟版，細細碟可以試多幾款唔同的小食。我今日的三款小食就係涼拌木耳、中華沙律同炸花枝丸。我個飯係set所以仲會有餐湯跟埋, 今日係台灣肉丸湯，內丸味好香但只得一粒唔夠喉。 滷肉蛋包飯貌相好好，切開入面其實係D西炒飯，個蛋皮D蛋味都幾香不過最緊要都係D 滷肉汁, 味道好但唔算濃, 似港式 。 豬軟骨滷肉飯我地係散叫的 所以比較大碗, 豬軟骨已經淋曬, 連軟骨都食曬。油飯卷份量好多, 有

為左唔好有更多人中伏而寫呢個食評我地一行二人 一人叫左一個飯 分別係古早味油飯同魯肉飯 索價50蚊一碗 份量只係得酒樓白飯咁大碗 女仔都食唔飽 味道方面 先講魯肉飯 正常味道 但魯肉得面個少少 仲要鋪唔滿 食完頭幾啖就得返白飯戲肉黎喇 個古早味油飯其實即係糯米飯 仲要係無料既糯米飯 搵勻成碗飯得兩粒臘腸碎 而個飯本身又硬又咸 落左好多胡椒粉同鹽 求其街市買盒糯米飯都好食足料過佢n倍咁既垃圾仲夠膽收加一服務費 呢間野真係請都唔食 23個正評一係買返黎 一係班人味蕾有問題 如果覺得我係惡意中傷既 大可以親身一試 你就知咩叫眼淚在心裡流

剛去完台灣旅行，但仲好掛念台灣美食，知道旺角開咗間台灣古早味休閒台灣店，一於去食番餐晚餐醫下肚！台灣手抓餅，好有夜市小吃感覺，煎得脆口！酥炸鹽酥雞，必吃小吃之一，炸得香囗，外皮又薄，細細粒，一口一啖嘉義雞肉飯，個汁一流，配手撕雞肉，好惹味！台南擔仔麵，細細碗，個湯底好正，必食之選！古早油飯卷，好似日本加州卷，另一種風味，食落口不油膩，又有啲似食糭，可以一試！甜品叫咗桂花酒釀小丸子，好香桂花和酒味，小丸子軟綿綿，好好味！桂圓紅棗茶，好濃香味道！食完這餐好有係台灣夜市掃小食的感覺呀！

是咁的，我站在旺角中心對出嘅十字路口，又係向左走向右走，人生交差點，今日食咩餸嘅時候喇。偏偏呢個時候仲要落大雨，媽呀點算好。。。就喺我迷茫之際，眼前一閃就係對面馬路一樓嘅3隻字。。。古。早。味。。。我同朋友行到六福金行，諗左陣點上去，原來，門口就喺身邊! 店員親切招呼我地上樓上坐。點餐都幾有效率。我見餐牌有個叫5味雞飯幾特別就叫左黎試下。個雞用杞子湯煮過，好入味，好清甜。飯係糙米飯，好健康。 原來五味雞即係有五個味嘅醬汁可以點 ，全部都好有風味 ，我都唔知點形容，所以大家有興趣就過嚟試下啦。跟餐仲有三個小食同埋一碗湯而且仲可以任揀一杯台灣珍珠奶茶 或者奶綠。由於我覺得好抵食嘅關係，我已經介紹咗好多朋友去幫襯啦，哈哈!!