古今二 (荃灣千色匯I) (已結業)

經過好多次都見幾多人等位，今日見無人等咁就要試下啦。😁呢間主要食卷物，款式十分多，最後我兩個人叫左兩個午餐定食～日式冷麵拼卷物同卷物拼湯麵。湯麵同冷麵普普通通可以接受，卷物方面就同我想像有少少距離啦…4款卷物有2款係呢度既特色卷物，有個叫火山，有帶子蟹柳青瓜牛油果，呢個幾好味，帶子味好甜，不過見唔到有青瓜。其如d卷物就好一般啦，其實呢度有好多款卷物，不過大部分食材都係以牛油果、芝士配其他食材，我食既費城卷就係牛油果、芝士、三文魚，牛油果、芝士大大舊，三文魚一小片，跟本只係食到牛油果味，呢個價錢非常唔接受。整體嚟講，性價比十分低，食一次就夠啦。

古今二算是我欣賞的其中一間日式餐廳主要原因係創新及有用心設計食飯種類同擺盤 先上枱係柚想蝦你其實係柚子沙律來的內裏有好豐富嘅柚子、牛油果、菜、蕃茄非常開胃的根住就係金龍卷同埋蜘蛛卷、都係一併放在碟上的此店最出色的地方就是擺盤、食物配搭都是非常有特色金龍卷是有三文魚既芝士蝦卷 蜘蛛卷其實就是有軟蟹在內的兩卷份量適中再配上汁醬非常好食熱食我哋揀咗有牛脷，燒得非常適中，很有口感另外我哋就要左野菜天婦羅，其中我比較愛紫薯甜甜的整體都有驚喜的一餐yummy

又禁晚市堂食又嚟食外賣了ฅ•ﻌ•ฅ卷物真係幾岩拎嚟share食唔洗自己食曬一個飯( ･⌓･̥ )( •᷄⌓•᷅ )蜘蛛 ($85)牛油果同軟殼蟹配搭係無敵一份份量都幾大 都夠2-4人食軟殼蟹厚肉 岩曬愛軟殻蟹嘅朋友₍₍ (̨̡ ;ᯅ; )̧̢ ₎₎( •᷄⌓•᷅ )富士山 ($88)應該係因為啲蟹柳堆到成座山咁高所以命名為富士山好少食到咁多蟹柳嘅口感再加上脆片 層次非常豐富( •᷄⌓•᷅ )⸜( ⌓̈ )⸝柚想蝦你 ($78)之前食開龍卷風沙津但發現呢個柚子甜蝦沙津一樣豐富亦同樣收左啲中華沙津係入面 仲要有埋牛油果同甜蝦成為我嘅沙津新歡⸜( *⁼̴́ω⁼̴̀* )⸝⸜( ⌓̈ )⸝原條茄子燒 ($48)超多櫻花蝦鋪喺面好足料 亦都令茄子味冇咁單調🤓🤓

係好耐之前已經bookmark左呢間位於荃灣嘅「古今二」😋見好多人都去咗呢間度食，非常之吸引！所以小編收工都要去朝聖一下！雖然冇堂食，唯有買外賣拎返屋企食啦！😊忘不了你$88呢款菜式，真係冇改錯名！食完之後真係令人難忘！喺壽司上面加咗層芥茉醬，以為會好唔夾，點知帶出左佢嘅鮮味同埋清新嘅味道，真係估佢唔到咁好食！😋火山🌋$90呢個火山一睇個賣相就已經好吸引！一大堆嘅蟹柳鋪晒喺面，加上蟹籽，無論口感賣相都係一流！😋埼玉網燒牛舌(5件)$78牛舌燒得香得黎又好爽口！令人想一食再食，好正🤤迷你甜薯天婦羅$39薯仔好甜！炸到脆卜卜！龍捲風沙律🥗$72大量蟹柳絲！啲菜卜卜脆好新鮮，仲有啲中華沙律，口感都係一流！😊😋櫻花蝦茄子燒$48呢個茄子燒認真不得了！超級香，賣相亦都好正！加埋櫻花蝦係面，口感十足！😋

之前食過荃灣千色匯嗰間古今二，覺得水準唔錯，原本約咗朋友今晚去食，但因為晚市禁堂食關係，唯有外賣同朋友一齊上我屋企食。外賣嘅份量和味道都保持到堂食嘅水準，冇另我失望，真係值得一讚。富士山富士山十分澎湃，山頂佈滿厚厚嘅蟹肉，山腳下有鰻魚和牛油果，雖然唔係貴價嘅刺身，但混合一齊，再加上柚子汁，味道很匹配。蜘蛛其實係軟殼蟹手卷，深色嘅紫菜包着份量頗多嘅軟殼蟹，兩隻蟹爪張開出來，感覺真係有啲似蜘蛛。柚想蝦你依個沙律真係包羅萬有，包括柚子、甜蝦、海草、車厘茄、蟹子、蘋果和牛油果等等，十分健康，CP值極高。迷你甜薯天婦羅原隻甜薯天婦羅，一囗嘅size，甜度十足，鍾意食番薯嘅，呢個必食。埼玉網燒牛舌回家後我用焗爐將牛舌微微加熱，食落牛味濃郁，肉質夠淋，熟成度剛剛好，啱晒牛舌控嘅我。

🌸荃灣和食外賣🌸古今二🍣盡管晚市繼續禁堂食，想安在家中享受新鮮正宗日本料理？今晚就到了一間主打和風創作卷物料理專門店-「古今二」惠顧是日晚餐回家享用❗餐廳裝修精美，裝修以木系素材為主調，充滿日本風情；而店員殷勤有禮，會細心替客人介紹餐點及下單。我們一行2人惠顧了以下菜式：1️⃣🌟蜘蛛 $88蜘蛛為軟殼蟹牛油果創意卷物料理，卷物外層有香脆紫菜包裹著，餡料有香脆原隻原殼蟹、滋味軟牛油果及蟹柳等，配料豐富，口感豐盛，十分惹味。2️⃣🌟火山 $90火山上層為厚厚的蟹肉、蟹籽及沙律配料，而下層則為粒粒日本香飯，份量十足，配搭滋味。3️⃣🌟雜錦天婦羅 $88雜錦天婦羅有三款炸物，分別為有炸蝦、紫薯及秋葵，天婦羅炸得黃金香脆，炸蝦新鮮嫩滑，紫薯味道香甜，秋葵香脆清新❗4️⃣🌟照燒雞肉串燒（4串）$39照燒雞肉肉質嫩滑，配搭秘𠤣燒烤醬汁，雞肉相當入味❗️5️⃣🌟柚想蝦你 $78柚想蝦你為一款份量十足的柚子刺身蝦沙律，沙律配料豐富，有香甜柚子肉、鮮甜蝦刺身、中華沙律、翠綠爽口生菜、蟹籽及蟹柳等，配料豐富，味道清新怡人❗🔖整體評分美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️🌟為是次餐廳用膳的推薦菜色❗ 總括而言，此

又到咗晚市冇得堂食嘅日子，想食嘢唯有外賣返屋企，今日去開荃灣千色，梗係喺呢度搵嘢食啦，見到呢間古今二，記得上次同太座喺銅鑼灣食過，味道唔錯，一於揀佢！落單唔使十五分鐘，食物就可以拎走，效率唔錯！“柚想蝦你”呢個沙律裡面有蝦、柚子、車厘茄、牛油果、蘋果、蟹子、蔬菜配上柚子汁，醒神健康開胃，特別係牛油果配柚子汁原來好夾！“宮崎黃金炸豆腐”雖然返到屋企先食，仍然食到外脆內軟，小食送啤酒一流！“金龍卷”卷內有芝士、炸蝦，加埋上面嘅三文魚，互相配合又唔會搶咗大家嘅味道，不俗！“搖滾樂”卷入面仍然係包住芝士炸蝦，呢款仲有埋牛油果，卷上面係鰻魚，非常肥美同多汁，喜歡食鰻魚嘅不可錯過！“ 網燒牛舌”牛脷控嘅我見到有得食一定唔會放過，食落好嫩好豐富嘅感覺，我覺得做得非常好，再多幾塊會好D，哈哈！

上星期日日都想食卷😂有日收工就去買外賣返屋企食❤️呢度最出名就係口味獨特 但又好夾既卷物每份都落足料 火山上面佈滿既係蟹柳絲加沙律醬 芝士 蟹籽等等 面頭再輕炙 更香濃下面卷物用左帶子 牛油果🥑 青瓜等等 口感豐富煙花卷上面其實就係吞拿魚蓉加蟹籽🦀薯片碎食落咸咸地又脆脆的 吞拿魚蓉味道本身係略為清淡 加上咸香蟹籽同薯片碎就岩岩好👍🏻.鹽燒網燒牛舌係厚切 肉質爽口彈牙 點左酸酸地既醬汁更惹味～怕會太膩既可以點返個沙律 柚子甜蝦沙律🥗呢個組合又唔錯啊💜酸酸甜甜沙律菜新鮮 啲餸同汁足夠撈晒成個沙律 大滿足。.最後當然少不了 小吃 甜薯天婦羅🍠細細粒 一口一粒 外脆內軟 點埋天婦羅汁食仲會無咁熱氣呢～.

疫情爆發又無晚市堂食，好在有外賣，之前都試過呢間日式店外賣，質素幾好，今次再幫襯質素仲高過以前。呢間店啲名改得新奇有趣，「柚想你」係柚子沙律，新鮮沙律菜加入新鮮蝦肉、有子肉、車厘茄、蟹籽、牛油果等等，新鮮好味道，超有營養味道又豐富。火山，帶子、牛油果、青瓜、蟹柳嘅卷物，厚厚嘅蟹柳條鋪滿整個卷物，由於裏面有新鮮帶子，青瓜、牛油果，成個卷物好豐厚嘅口感，亦都好飽肚。黑龍卷，鰻魚、炸蟹柳、芝士、牛油果，都係一個好豐富口感嘅卷，但比起火山就多咗一種香脆，因為有炸蟹柳喺中間，而芝士有少少鹹香，呢個卷物比火山更濃味。雜錦天婦羅🍤，有炸蝦、秋葵、炸日本番薯，外賣返到屋企都冇滲返啲油出嚟，依然非常亂口，正！櫻花蝦茄子燒，櫻花蝦炸左超香，加甜甜地嘅燒汁燒香茄子，超惹味！

疫情影响，防疫措施開始六時後無堂食的第三天，放工有時唔想煮，想買外賣返屋企。想食日本野但又唔想食平時啲大型連鎖店，好悶啊食到....就諗起之前會同朋友慶祝生日嘅呢間古今二。亦之前同老公成日嚟食佢嘅特色飯卷。每次食完都覺得滿足嘅。今晚又係2人前，叫了一啲小食：網燒牛舌，龍卷風沙律，雜錦天婦羅。壽司方面就點了芝士炸雞卷，蜘蛛。每次都會叫佢地嘅龍捲風沙律，份量好多，而且簡單配埋中華沙律同埋蟹柳絲就已經好好味。同每一餐都要食少少蔬菜嘅。卷物一貫水準，因為調味較多，有醬汁，上面又鋪咗薯片碎。唔錯👍天婦羅就比起在店食無咁脆，同埋今次炸粉略嫌有少少厚，但係無計啦好想食天婦羅，都足以過口癮。

無得堂食認真頭痕，晚餐想食壽司都變得困難。好彩古今二都有做外賣，卷物同小食拎到番屋企都仲係好好食😋柚想蝦你即係柚子甜蝦沙律，甜蝦好甜😆沙律份量都幾多，仲有好多牛油果，足夠兩個人食。網燒牛舌超爽口好有咬口，有五大塊，凍左都好食，性價比都算高。蜘蛛炸軟殼蟹好香口同埋十算多肉，加埋蟹柳、青瓜同牛油果，係好出色既卷物，難怪係招牌菜。雜錦天婦羅有兩隻炸蝦、秋葵同日本蕃薯，炸粉厚左小小，第一次食炸秋葵口感又幾正，蕃薯好甜，比多兩隻就好😆

今日收工經過荃灣千色匯，因為晚市禁堂食嘅關係，唯有買外賣返屋企食。搵緊千色匯有咩食，見到有間日本嘢好似唔錯睇下個餐牌OMG!!!!!有我至愛嘅雞泡魚干，正呀！即刻精神曬！由於我食唔到生野（一食就食肚痾的人）所以呢間有好多熟食，好岩我！！😻😻因為屋企人都未食晚餐關係，所以叫多少少，請下屋企人食，一齊嘆吓日本嘢哈哈細細粒嘅紫薯仔，雖然外賣拎返屋企已經有一段時間，但個皮仲好好食，紫薯仔好甜👍🏻第一次食雞泡魚干係腦細請我地試食的，個陣食完難以忘懷，以為香港地好少機會可以食到，點知呢度有得食！實在太開心啦！味道香甜，超好食！👍🏻真心推介大家試！呢個富士山卷物一流，滿滿的，上面係我最鍾意嘅蟹柳條，下面係好豐富嘅卷物正呀！牛油果卷物，大大嚿好豐富梗係醒返兩支串燒試吓啦，帆立貝冇得頂，仲有好新奇嘅荔枝卷串燒，咬落甜甜地，幾得意，大家可以試吓呢款👍🏻😆燒茄子上面有櫻花蝦，好邪惡啊！食完咁多燒野嘢記得要飲水啊！😆叫左7樣野，製作時間預約20分鐘，好好味，埋單$353，三個人唔係好肚餓都好夠食，正！

自從禁晚市堂食之後，外賣又變成生活常態，這天收工後就來到荃灣千色匯的古今二，外帶日式卷物作晚餐。簡約淡雅的原木系裝潢，格調和諧，環境整潔明亮。餐牌種類繁多，供應沙律、前菜小食、飯麵、定食、串燒、燒物、天婦羅及炸物、壽司、刺身、卷物等等。外賣自取不收加一服務費，包裝夠穩固，回家途中都沒倒瀉醬汁。這次外賣就點了沙律、串燒、天婦羅和卷物。柚想蝦你 $78沙律加入不少酸酸甜甜又飽滿多汁的新鮮柚子果肉，令人胃口大開。清新的柚子、蘋果、牛油果及車厘茄等等，加上肉質爽彈的甜蝦，喚醒沉睡的味蕾。琦玉網燒牛舌 $78串燒雖然看似是簡單直接的烹調技巧，但其實難在如何控制以高溫烤熟食物又不傷食材，燒牛舌夠厚肉而富有焦香。迷你甜薯天婦羅 $39外層麵衣粉漿酥酥脆脆，內裡包裹著粉糯甜香的一口紫薯。煙花 $95卷物賣相色彩繽紛，讓人提起食慾，灑上金黃脆片，更添香脆口感。表面鋪滿份量澎湃的辣味吞拿魚茸、粒粒蟹籽和辣味三文魚，鮮味十足。蜘蛛 $88卷物飯粒握得緊密，軟硬適中，夾起來不易散開。緊緊捲著青瓜、蟹柳、牛油果和軟殼蟹的豐滿餡料，一口就有多重層次。

因疫情關係，晚上6點後要買外賣返屋企食，其實喺屋企都可以食得好開心🥰 呢度有靚靚乾淨包裝盒，而且食物返到屋企都保持質素，帶返屋企食當然好放心❤ 柚想蝦你🥗柚子沙律有生菜配牛油果、蘋果、車厘茄、蟹子等，再有日式胡麻醬，清新味道提升食慾，令人胃口大開，陪感心情特別靚🥰 雜錦天婦羅🍤大蝦、秋葵、紫薯天婦羅外脆炸物，配有鰹魚汁味醬汁，返到屋企食都好好味😋 火山🍣蟹柳、帶子、牛油果及青瓜製作出火山卷物 蜘蛛🍣炸軟殼蟹、蟹柳、牛油果及青瓜卷物，配有沙律醬汁，令到軟殼蟹味道更突出 自家制花菇雞肉丸串🍢大大粒雞肉丸好特別，入面釀有花菇，而且串燒香味濃 鹽燒雞中翼🐤雞中翼燒香後，有點鹽燒鹹味，好吸引

古今二 (荃灣千色匯)荃灣眾安街68號荃灣千色匯1期3樓3013號舖因為第5波疫情既關係，又開始要過6點後無晚市堂食既生活啦，雖然無得堂食但都唔可以待薄自己既，今晚突然想食日本嘢，所以見順路就黎左荃灣千色匯既<古今二>幫襯,之前已經黎食過幾次堂食，有信心既保証，估唔到連外賣既質素都keep到wo，值得一讚柚想蝦你色彩豐富又足料既沙律，配料分別有西柚，中華沙律，蘋果，牛油果，車厘茄同埋沙律菜，全部都好新鮮，望落已經覺得好fresh再配合埋胡麻醬攪拌一齊食，作為前菜就岩晒啦，非常開胃超級龍捲風非常足料既卷物，入面有芝士，青瓜，炸蝦，鰻魚同炸片，每舊既size都非常之大，真係一啖都食唔晒呀，好滿足紅龍卷呢個面層有我最鐘意既吞拿魚，而飯入面係包住芝士同炸蝦，望見已經流晒口水啦網燒牛舌牛舌既size大大片，切既厚薄適中，而且燒得非常香口，又唔會燒得太乾太靭，感覺岩岩好，非常推介