口麻天辣

營業中

休息中

天花頂酸菜魚🐟$138（套餐包一碗白飯、一款涼菜及小食）呢道招牌菜用既係鱸魚，鱸魚片同酸菜既份量都好多，而且底部用蠟燭熱住，所以一路食都keep到個温度。湯底有好多花椒粒、蔥段、芝麻同辣椒仔等去調味，我地叫左少辣，但覺得唔係好夠辣，如果辣啲應該好味啲! 個人唔會特別推介呢道菜，因為鱸魚片帶皮，食到有魚既腥味，魚肉唔係特別滑，而且仲食到有少量細骨絲，同埋個湯底望落都幾油下! 不過就勝在夠抵食，套餐包左一份黃金脆炸小酥肉同埋涼拌萵筍絲。椒麻鳳爪$28全餐覺得最好味既竟然係佢既無骨鳳爪，辣辣地，好入味，好好食！香炸脆奶$28外皮香脆，一啖咬開，入面係熱辣辣既牛奶條，雖然奶味唔算好濃，但都幾好食！餐廳地方好細，得幾張枱，有啲迫，啲人出出入入都要就一就。另外，餐廳職員既態度麻麻地，對食客既語氣都唔係咁友善。不過，出面食酸菜魚閒閒地都$200起，但呢餐2個人食都只係用左$194，仲要唔使加一，真心抵食! 見佢好多菜式都落好多調味料，如果唔怕重口味，都可以試下!

約左朋友上佢新屋house warming ，諗吾到食咩就落去Vwalk八掛下。無意中，發現間裝潢好美觀，充滿少女粉的酸菜魚餐廳🍴吸引我地買外賣番屋企食。首先抵讚的是外賣包裝好貼心， 用上坊間少有全粉紅色盒，而且貼心到釘封好膠袋不怕漏汁。題外話，其餐廳裝潢一樣少女心大爆發，堂食仲有金屬架一邊助熱酸菜魚，儀式感滿滿。晚市套餐都幾抵食，一個價錢包括了主菜、是日小食、是日涼菜以及白飯。我地點了兩個晚市套餐，分別是風味獨特的天花頂酸菜魚（$138）和噴火水煮牛肉（$128）。主菜🍲天花頂酸菜魚：毫不吝嗇的正宗新鮮鱸魚魚肉🐟，魚肉嫩多汁，無骨可放心食用，雖然是少辣但香港人絕對啱食，吾會太辣，反而贊過油花椒味十足，而海量酸菜每整碟菜生色不少，酸酸地越食越開胃，湯汁用黎佐飯一流。噴火水煮牛肉：叫得噴火牛肉就知有幾辣，主要是麻為重，香、麻、辣🔥好過癮。牛肉質感好嫩口，竟然仲有闊條寛粉同芽菜索汁吸水煮汁，不得了。涼菜🥢麻辣牛𦟌：牛𦟌質感好有咬口，口感細嫩，仲有豐腴辣椒和香料，好獨特香辣刺激，青瓜片可做到解辣作用。椒麻鳳爪：無骨非常貼心，帶點泡椒香氣，都有5-6 隻份量，好中口味！吾會過咸或過辣，想食多幾

每次在附近健身後，好多時都會幫襯呢間餐廳，因為佢嘅酸菜魚大大份，店面位置不大，平日嚟到通常都要等一陣位✅天花頂酸菜魚配涼菜同白飯（$108）爐魚片好多，超足料🥰魚肉鮮嫩，沒有骨或者雪藏味，加埋海量嘅酸菜，超開胃，加上下面跟住個火，個湯保持熱辣辣，冬天食好暖胃✅ 清新藤椒湯（少麻）配3款葷菜同4款素菜（$88）簡左鱸魚片,大蝦,嫩牛肉,金針菇,萵筍片,炸豆卜配手打麵，勁多配料，個湯好香又清爽，手打麵索晒啲湯汁，超入味！仲叫咗一啲小食✅黃金脆炸小酥肉外層炸得酥脆香口，而且仲熱辣辣，啱啱炸好嘅感覺😍入面肥美多汁✅香炸脆奶外層炸得酥脆，食落有濃郁的奶香，甜品嚟講都好食

.南昌原來開左一間專門食川菜嘅餐廳 - 口麻天辣成間舖頭都佈滿粉紅色..川味水煮魚 138價錢好抵食，份量足夠2-3人食足料，有好多辣椒乾，口味可以自選辣度及麻香度有好多豆芽、薯粉，套餐更已包含前菜，小食 - 炸鮮奶，及白飯..清新藤椒湯 88藤椒湯好清新，選了大麻，麻味好香濃，配菜可以自由選擇，選擇了鱸魚片、大蝦、青口、萵筍片、脆魔芋絲、花菜、手打麵，配料份量好多，絕對足夠2人享用，性價比極高..香辣豬扒串串 38一份有兩串，新鮮即叫即燒，香脆，肉質爽嫩..麻辣牛展 38略嫌麻辣牛展的麻辣味唔夠多，建議可以再辣多d，但本身味道已適合大部分人口味，偏好辣嘅人士可以問一問餐廳可唔可以加辣🫣..手打檸檬茶 33手打檸檬茶的檸檬味好香濃，用嘅檸檬好新鮮，沒有苦澀嘅感覺，茶味亦非常香濃..黃金脆炸小酥肉 28黃金脆炸小蘇肉外層香脆，內層肉質爽嫩。..地址：口麻天辣 (深水埗)深水埗深旺道28號V Walk 2樓L2-127-128號舖..

最近愛上食酸菜魚，突然間諗起之前係呢間食過一次，今日決定lunch time 再去食過，地方都細細地，但係好粉紅色，有吧枱，都可以一兩個/幾個人都可以，～水煮酸菜魚 （有分辣量，無辣，少辣，中辣，大辣） 我選小辣 加白飯，份量好多，酸菜都多，魚好夠滑。～ 麻辣豬手 推介 決定試一試，好軟軟 麻辣夠辣，如果喜歡食得辣可以叫中辣，朋友食得辣，覺得小辣唔夠辣，～餐前蓮藕😍小食，好爽口，份量好多兩個人根本食唔哂，份量太多。

原來vwalk商場隱藏左呢間專門食酸菜魚水煮魚小店！睇環境細細間 好似bar檯形式咁食川菜都係一次～ 但估唔到食物水準咁高，好有驚喜，款款都係熱辣辣快靚正，最緊要價錢真係算好抵食！點水煮魚套餐 又包涼菜土豆絲 又包小食小酥肉 仲有白飯，基本上兩個人share都好足夠～ 水煮魚本身自帶芽菜同寬粉，魚肉好嫩滑 無腥味 小辣個辣度都食得好舒服 屬於容易handle的辣度🌶️ 另外點左款麻辣燙 湯底試左清新藤椒湯 麻味為主 基本冇咩辣度 配料可以自選三款肉類三款菜類 推薦大家揀嫩牛肉片、蓮藕同鮮豆皮 同湯底好夾好惹味！整體性價比同質素都好高 已經諗好下次再同屋企人一齊食 絕對值得encore！

開拓左覓食新版圖啦🤣 原來南昌都幾多美食 今次來食我地最愛嘅辣嘢🔥 哩間主打一人餐 但份量意外地多 除左主菜外 套餐仲有小食 涼菜同白飯 好豐富‼️🔍：#jcfood_南昌 #jcfood_川菜✿ 天花頂酸菜魚 ✿ [$138]酸菜魚魚肉比較脆身 幾爽口 我地叫左小辣 唔係幾辣 食開辣嘢嘅可以直接叫中辣🌶️ 是日小食係香炸脆奶 涼菜係香辣土豆絲 麻辣藕丁 小食同涼菜嘅質素👍🏻✿ 噴火水煮牛肉 ✿ [$128]份量都係好多 牛肉幾嫩滑 yum🤤 底下面仲有薯粉 薯粉Q彈 加埋面頭啲炸蒜同芝麻一齊食好香 一樣都係可以叫中辣如果食開辣嘢😝✿ 黃金脆炸小酥肉 ✿ [$28]小酥肉一上枱已經聞到好香 香到即刻忍唔住食 新鮮炸起 食落去熱辣辣 同埋好脆 嚟到一定要試吓✿ 彩虹冰粉 ✿ [$38]飯後甜品 都係幾大份 適合share 解膩一流✿ 手打檸檬茶 ✿ [$33]近排好興手打檸檬茶 所以叫嚟試吓 甜度唔使少甜 正常糖就啱啱好 少甜會酸啲地址➸ 深水埗深旺28號v walk 2 樓★好食指數★：4/5★有加一★

終於搵到間餐廳係可以自私食水煮魚，一個套餐，包小食包甜品包主菜都係百幾，份量好夠！今次仲嗌咗兩個餐加一啲小食，叫咗一份水煮魚一人餐，再揀咗個清新藤椒湯！水煮魚同清新藤椒湯可以揀辣度同麻度，今次都係揀咗小辣。 水煮魚會用一個架上菜，會跟咗一碗白飯，再配有一個涼拌小菜，今次涼拌小菜係蓮藕粒，而另一個小食就係炸鮮奶，所以如果想額外叫甜品或者涼菜就可以睇咗套餐包嘅涼菜同甜品先再點。水煮魚入邊包括咗魚片，寬粉同芽菜，佢比起出邊嘅水煮魚唔會太油，味道夠辣，同白飯係絕配！套餐包括嘅炸鮮奶，外脆內軟，入邊質感有啲似布甸嘅質地，好食！另外叫咗個香辣豬扒串串，好有驚喜，好好味，肉質鮮嫩得來，唔會燒到好乾，配埋本身豬肉嘅調味，好有大漠串燒的味道，推介要加呢個小食！ 清新藤椒湯除左可以揀辣度，仲係自己揀材料，包左3款肉，3款菜加一主食，肉方面揀左蝦、豚肉同魚，菜揀咗蓮藕、萵筍、芋絲，主食揀左寬粉。個清新藤椒湯麻椒湯唔算辣之餘有椒味，啱晒想淺嘗辣嘢既人，蝦都彈口有口感，豚肉唔肥之餘都有咬口，魚片無骨同埋夠薄片！而幾個菜都比較爽口，寬粉係較厚身，比平時食既煙靭。食辣嘢點可以唔加嘢飲，叫咗杯手打檸檬茶，睇住店員真手

天花頂酸菜魚 （$138）餐廳主打一人前既套餐，呢個價錢除左有酸菜魚外，仲包埋一款小食，一款涼菜同埋一碗白飯，十分抵食酸菜魚魚肉鮮嫩，份量都好多，我選左小辣，辣度岩岩好，再加上餐廳好細心咁用蠟燭温住D魚，就算食得慢都唔會好快凍哂，抵讚清淑藤椒湯 麻辣燙 （$ 88）麻辣燙湯底味道濃郁，仲有好多款配料可選。我們選左鱸魚片，巴掌肥牛，牛百葉，萵筍片，金針菇，脆魔芋絲。配料份量都好多，牛百葉十分爽口，可以話係必點 再加埋麻辣燙必加既寬薯粉條吸哂d湯汁勁煙靭彩虹冰粉 （$38）食完咁多重口味野 ， 當然要叫返碗冰粉消消濟，甜度適中，配料好多，大滿足！兩個人share 食都得！— - - - - - - - - - - - - - - - - - - - - - - - - - - - - - - - -總括而言，餐廳食物性價比相當高，就算係一人套餐覺得兩個人食一個都夠食， 而且環境坐得舒服又可以打下卡，值得一試👍🏻

今日去咗機場送機之後嚟咗南昌行吓，呢度都有好多唔同嘅餐廳，我就俾啲一間粉紅色嘅餐廳吸引咗。我同朋友都好鍾意酸菜魚，所以叫咗個天花頂酸菜魚，呢道菜好好味，魚肉好鮮嫩，魚味都濃郁，同酸菜一齊食真係好開胃，湯汁都好鮮味，感覺好爽口！之後我哋都叫多咗個噴火水煮牛肉，因為驚太辣，所以揀咗少辣，感覺上廚師有跟香港口味調整，所以唔算好辣，好易入口，值得一試。而牛肉好嫩好滑，辣椒同牛肉嘅味道好搭配，令人忍唔住要一直食。麻辣牛展都好好食，牛展肉好多汁，加上辣椒同香料，味道好正。黃金脆炸小酥肉係一個好好味嘅小吃。麵衣好酥脆，肉塊好嫩，每一口都好爽脆，炸得好好。香炸脆奶好甜，脆皮包住著滑嫩嘅奶蓋，入口即化，好特別，甜蜜滋味好好。當然唔少得飲品，我地叫咗手打檸檬茶、紫米豆漿同五穀米漿。手打檸檬茶好清新，檸檬味好香，好解渴。紫米豆漿同五穀米漿都好有營養，飲落又健康又好味。呢到上菜好精緻，見到都滿心歡喜

每次經過南昌V walk 見到「口麻天辣Moto Mala 」粉紅色裝潢 都會心思思想試😍捉緊午餐時段 試試精選午餐 午餐包埋主菜＋是日涼菜＋白飯 價錢由$88-$108 食物擺盤精美 用靚靚層架呈上🤩六款主菜天花頂酸菜魚｜噴火水煮牛肉｜川味水煮魚｜酸甜清新番茄魚｜獨門秘製麻辣豬手｜秘醬口水雞選了天花頂酸菜魚｜獨門秘製麻辣豬手酸菜魚酸度適中 魚片大片冇骨 麻辣豬手帶辣勁 滷得軟腍 餸飯一流😋是日涼菜 麻辣藕丁 細細粒份量慷慨 追加小食椒麻鳳爪｜黃金脆炸小酥肉鳳爪冇骨帶椒麻味道 食唔停口 小酥肉香脆可口追加甜品紅糖糍粑外脆內軟 沾上紅糖好夾😛飲品選了低糖紫米豆漿和五穀米漿 解辣不錯

今次專登過去南昌，呢間食酸菜魚嘅舖頭，雖然唔大，但係非常搶眼。我哋兩個叫咗一個海鮮麻辣燙同天花頂酸菜魚，第一個好快就嚟到，見到真係好驚喜，冇諗過呢個價錢個盤非常之大😍魚肉非常滑。啖啖肉，而且湯底唔算太鹹，配白飯非常適合，我哋就加咗手拉麵，面身香口彈牙。配料有好多選擇，肉類方面我哋揀咗鮮牛肉同埋豬肉，其他就選咗金菇、鮮豆皮、芋絲，一次過滿足晒幾種唔同嘅口感。湯底：藤椒湯小麻，就算唔太食得辣嘅朋友都唔驚㗎土豆絲都好好食，唔會太油。題外話，呢度嘅豆漿我真心推介，係樽裝嘅低糖豆漿，兩款口味都值得試！而且入咗半個鐘之後，想加多支已經賣晒，建議早啲落單其實原本我哋想試口水雞㗎，不過8:00入座都係賣晒，唯有下次請早。見到其他枱叫咗酸菜魚，咁樣擺出嚟非常之靚。份量亦都係好多，配上兩碗白飯，真係非常之飽肚。酸菜唔會太酸，亦都唔係偏甜，恰到好處，魚肉厚身好滑，大大片，我哋叫咗小辣。食食吓又望吓菜單，小食都有好多選擇，於是我哋又加咗炸鮮奶，好快手，外脆內軟！口感qq. 食得呢啲酸酸辣辣嘢，點可以冇咗最後解膩嘅甜品，冰粉！成個擺盤加埋環境真係好靚，識落都覺得好開心，成餐飯色彩繽紛特別一提，手機落單好細心，入

已經開左一段時間嘅舖頭，舖面以粉紅色做主題，但唔係食甜品，反而係食#麻辣 同酸菜魚，真係比較特別。有人約到，先知係呢間想食左好耐嘅嘢。舖頭細細，員工唔多，但設計一個人，都可以服務曬全間舖頭嘅傳菜收錢，煮食就其他人負責。所以睇完餐牌，就可以用QR Code自己落單。海鮮麻辣燙 清新藤椒湯 $88 雖然叫海鮮麻辣燙，但原來有好多選擇，唔係得魚，仲有肉。肉揀三款、菜三款，一款澱粉質，望落價錢偏貴，原來份量超大。今次呢個藤椒湯非常清，只有少少麻，但唔辣，非常開胃。值得一題嘅係，蔬菜好吸湯，同埋原來鮮豆皮唔係腐竹，而係切得好似麵條嘅百頁，所以真正嘅麵條可以出少啲，甚至作為代替品。 黃金脆炸小酥肉 $28肉切得唔大，外皮酥脆唔硬，加埋少少燒烤辣粉，非常吸引。紅糖糍粑 $28呢度嘅紅糖糍粑，唔係有紅糖嘅糯米糍撈花生，或者糖粉，反而係炸嘅。炸過多左一份香脆，但少少油味遮住甜味，所以令呢個甜品變成唔會好甜。手打檸檬茶 (少甜少冰)$33香水檸檬事先由職員用棍暴打，已經有基本香味酸味，之後將檸檬角同黃色西檸片放落茶度，有幾種清香，酸甜配合得宜，適合為呢餐作結。 總數：$177

呢間主打四川菜嘅食肆，裝修同埋餐具都別具心思，非常適合打卡，全部都係粉紅色和公主峰，簡直係女生嘅最愛。食物方面，份量大兼且有水準，價錢仲好抵食，唔怪得一路食，一路都有人排隊同埋叫外賣。天花頂酸菜魚晚餐（$138）：套餐有一個主菜+是日小食+是日涼菜+白飯，份量極多，仲要好好食。天花頂酸菜魚真係冇改錯名，店主都話係舖頭嘅招牌菜，眼見個個客人都有點這個菜。酸菜魚冇骨、肉多，基本上係啖啖肉，而且佢嘅味道調教得非常好，夠酸，酸菜份量好夠，而且上面仲有調味料，令酸菜魚更加好食。是日小食係麻辣牛𦟌，五香味十足，又腍，好食！是日涼菜係香炸脆奶，呢個係我食過咁多次炸奶最好食嘅一個，脆卜卜，裏面啲奶好似食緊燉奶咁，直頭想encore！海鮮麻辣燙（$88）：有藤椒湯同埋麻辣湯揀，我哋揀咗藤椒湯，味道都唔錯，好有椒味。配料揀咗大蝦、青口、嫩牛肉，份量都唔少㗎，有三隻蝦三隻青口，牛肉份量仲好多添！另外揀咗萵筍片、炸豆卜、大豆芽，三樣都好食，再加埋寬薯粉條，爽滑彈牙，食完都好飽肚㗎！彩虹冰粉（$38）：食完咁多辣嘢，梗係食返個冰粉，喉嚨都即刻冰涼晒！彩虹冰粉嘅配料都好多㗎，有紅豆、提子乾、丸子、酒釀米、花生、芝

上次留言有一次米飯比較硬，今次落單寫明希望米飯軟硬適中😄，今次真係改善左。仲有之前嘅小食係炸芝士（因我地無人食），今次落單留言希望小食唔要炸芝士，店家有比另一種酥肉好好。今次朋友一起食，都係讚，外賣盒靓加好味道😄。還有一點如果酸菜魚可以揀辣嘅程度就好了，下次叫嘅時候試試留言希望酸菜魚加辣😄。