叙滿庭 (已結業)

此店供應京川滬菜，但由於家人全部唔食得辣，變左京滬菜之夜。頭盤小食點了醉豬手。約有七八件，花雕酒味不太濃，肉質幾爽。東坡肉看來很肥，平時我完全不吃肥肉的，是晚姑且一試。脂肪在口中不覺太肥膩，醬汁味道濃郁，我用埋個汁撈飯食 。食完重口味嘅東坡肉，就食碗清清地嘅嫩雞煨麵。碗面有唔少雞粒，仲有香菇、青菜絲。麵亦很滑。手撕包心菜有滬菜風味，偏油。味道是加了醋來炒的。招牌魚鍋（清湯底）。鍋內有大魚頭、肉片、豆腐、青菜。上枱時仲有個gas爐保温。魚頭肉質滑；肉片較瘦，所以比較'鞋'。各菜式分量不少，我們四人點了五個餸都食唔哂。

晚上和家父家母晚膳於北角來到了錦屏街的叙滿庭看到裝潢就知道有一段歷史看看餐牌價錢也算是親民脆皮炸子雞沒有紅噹噹的外皮但肉質還算嫩滑椒鹽鮮魷的炸粉外皮不夠酥香炸蒜份量倒是頗多椒鹽鮮魷還是去大排檔的才有風味農家豆角小排骨不錯排骨肉質和味道都好豆角的制法是干煸方式香口非常十分惹味芫荽豆腐魚頭湯份量頗大有煎過的魚頭作底湯頭美味瑤柱蛋白炒飯味道有點單調但配搭小菜食用不失為一個好選擇最後追加的夫妻肺片香辛惹味我們就用以涼菜來結束這趟中國之旅

今日同老公去北角華豐國貨行下，我們小時候經常到這店購物，當年係屬於名店，今日來逛逛懷舊一下，而且老公同事介紹我們到附近錦屏街的叙滿庭食飯，佢話有好多明星都去幫襯，應該吾錯，所以今晚晚餐我們就去試試！明星留影！老公同事介紹我們記得食片皮鴨、小籠包和鍋貼，這些都是我喜歡食的，但老闆說片皮鴨賣曬！小籠包、鍋貼又因為師傅請假冇得食，唯有第日再來食😔而家食住其他先。鎮江排骨：酸酸甜甜很醒胃，排骨不會靭但有囗感！砂碢雲吞雞（半隻）：湯底好鮮甜，因為有金華火腿，所以鮮味提升左好多，雞嫩滑，雲呑是用鮮肉包成，很鮮味😋黃金鮮魷：本來我們點的是椒鹽鮮魷，可能侍應聽錯，冇所謂啦！又試下先，黃金即是咸蛋黃，炸好鮮魷，再用咸蛋黃快炒，味道比較鹹，沒有椒鹽甘脆，但都好惹味！老北京炸醬麵：麵質好滑，味道帶甜！老上海湯粗麵：有冬菇絲、肉絲和椰菜，麵有口感，湯底鮮味。

叙滿庭 北角錦屏街7-9號地下港鐵北角站 B1 出口, 步行約2分鐘; 新光戲院對面在香港找一家傳統的京川滬菜館都不容易，住在北角的同事帶我到這家叙滿庭，裝潢跟環境都有中國特色，帶點北方味，希望能吃到地道的味道。主理人原來是地道北京人，對飲食有著那份熱情與執著，承傳了正宗的北方口味。醉豬手 $58大大舊既豬手，酒味唔算好濃，適合唔太喜歡酒味重既朋友。凍豬手好爽口，食落好脆身，肉質都幾爽口，唔錯呀。台式皮蛋豆腐 $35皮蛋豆腐也經常吃到，但加上帶微甜的台式醬汁十分新鮮的配搭，味道豐富。雞絲粉皮 $48粉皮清爽嫩滑，平時吃到的多半是辣的，這裡的一點不辣，雞絲份量足，加上麻醬，伴一伴吃不膩之余還好清新。招牌敘滿魚鍋(清湯、半邊) $278魚鍋用上龍躉，賣相夠體頭，湯清甜沒有腥味，魚肉厚實，魚頭好大，魚頭的肉好嫩滑。嫩雞煨麵 $45湯底味道調得正好，雞塊挺滑，面質感細滑爽口。拔絲香蕉 $58可能放得比較久，都跟碟子粘住了，完全沒有拔絲的感覺，本來是用冷水泡一下把絲弄斷，現在也不用了，都夾不起來。菠蘿粒粒冰 $22蜜桃冰紅茶 $20沒有菠蘿粒，菠蘿味道重。

今日去開北角開會，同事介紹下先知原來北角多左條食街，入面有好多餐廳，同事不嬲無辣不歡，見到呢間川菜已經話要試試望望餐牌價錢合理，選擇亦好多，我地初時想試海鮮，但原來要預訂才有，所以大家都要留意呢點。先來2碟小食，拍青瓜，清甜帶點酸辦，十分開胃。醉豬手唔會太重酒味，但食落好香，豬手整得好爽滑，食到啖啖骨膠原落肚，一碟仲要有好多舊，非常精彩，值得一試。鼓油皇炒大蝦，上碟已聞到好香，而且仲非常大碟，隻隻蝦大過我成隻手指。鼓油汁食落好香濃，而唔會太咸，開邊令到蝦入面都食到汁，好正，大蝦爽口彈牙，好惹味，送飯一流。話明想食飯時間，但白飯邊滿足到我地呢，叫左呢個炒飯，好乾身，好多料入面有好多雞粒，辣辣地寧捨開胃，食多幾碗都仲得，正。最後叫左扙絲香蕉，功夫菜色，外脆內軟。見到好多藝人明星都曾經幫襯過，就知食物有返咁上下水準，下次來試海鮮先。

呢排食得多西餐，今次想試下中菜，見到餐廳門面幾有特色就決定入黎試試蒜蓉粉絲蒸大扇貝本人最鐘意既大帶子，帶子既新鮮又鮮甜，粉絲吸收晒帶子的汁同埋蒜頭的香味，最經典的配合松鼠黃魚好考師傅功夫的一道菜，做的非常出色，黃魚炸得皮脆肉嫩，酸甜比較控制合適，將江南經典名菜重現。雲腿扒津白金華火腿的肉香完全融入津白入面，高麗菜既清新補足了火腿同奶油的油膩感。瑤柱蛋白炒飯平平無奇既炒飯就最考師傅功力，飯炒得乾身，每一粒飯都好飽滿，又加上瑤柱既香氣，非常怡人

平時食中菜, 第一時間都會諗起酒樓, 但酒樓又要收茶位、前菜, 一坐低已經冇左幾廿蚊。今晚妹妹帶左我去佢返工附近既叙滿庭食川菜, 唔洗收茶位、前菜, 而且門外更貼左好多明星黎呢度食既合照, 吸引左我地入去試試。 店面面積唔算大, 檯椅以松木為主, 很有中國風格。打開Menu, 呢度有唔少中國唔同地方既特色小炒, 例如片皮鴨、砂鍋雲吞雞等等...可惜今晚既片皮鴨缺貨, 遺憾冇得食呢款美食! 好彩都有其他唔錯既選擇。大熱天時, 叫左凍飲解暑。【菠蘿特飲】 HK$22有汽既菠蘿特飲, 雖然冇果肉, 但都有幾重既菠蘿味【脆皮炸子雞】 HK$128半隻炸子雞冇肥油層, 皮脆肉嫩, 幾入味, 唔洗點淮鹽都夠味, 不過有d炸子雞皮係上檯前已經唔見左。影響賣相。【椒鹽鮮魷】 HK$88口感唔脆, 魷魚好爽口, 不過整體味道偏鹹。【老北京炸醬拉麵】 HK$52呢個炸醬拉麵係全餐dinner最驚喜最好食既一款!!用左幼身拉麵, 麵質偏林, 更有爽脆既青瓜絲, 同炸醬攪拌, 拉麵索左炸醬既醬汁, 味道甜甜地, 口感層次鮮明, 再配上隔離既清甜湯水, 出乎意料咁好食!!【黃金虎蝦】 HK$158/4隻Menu

叙滿庭以京川滬各款馳名菜式為主角，用心選材，配搭烹調一絲不苟，食客們滿足的笑容，是驅動叙滿庭不斷進步的原動力。 主理人康姑娘是地道北京人，自小遊走於京川滬美食之中，本著對飲食的熱情與執著，承傳正宗北方口味。 🌶夫妻肺片（$68） 牛展、牛肚、牛肺以香辣口味醃製，冰涼可口，肉質香辣且有嚼口。底下青瓜清脆爽甜，冰涼美味。 🐥北京填鴨（$168/半隻） 北京填鴨是即叫即製的，半隻份量足夠2人享用。鴨件油脂甘香，肉質鮮嫩美味，配上青瓜、京蔥和片皮鴨醬非常美味。 🐟🌶水煮魚（$118) 麻辣大辣的水煮魚內裡有鮮甜嫩滑的魚片外，還有大豆芽、雲耳、菇菌、薯粉等配料，吸收麻辣汁味噌，非常美味！ 🍲宋嫂魚羮（每位/$48） 之前在廣州吃過宋嫂魚羮是原條魚拆肉霸煮成，味道令人回味。這裡的魚羮雖沒有廣州吃的風味，卻吃出每啖的誠意。 🍜酸辣粉（$42） 酸辣粉是用了幼薯粉，質感爽彈又煙韌，富豐富彈性。碗內還有粒粒香辣肉碎，香辣惹味，增添美味。

今晚突然想吃京川滬菜，於是相約住在北角的朋友到叙滿庭食個晚餐，順便一聚。餐廳就在北角B出口步行只需一分鐘內的橫街，十分方便。誰說京川滬菜一定要辣？餐廳有辣、有不辣的選擇，適合各人喜愛選取，而且菜式彼多，令心多我我眼花。踏進餐廳便被牆上的北京填鴨相片吸引，所以首先就點了《半隻北京填鴨$168》（兩食的炒鴨絲只需右$65；全隻的話$318，三食的鴨湯就加$58）。用來包著北京填的薄皮叫做單餅，口感薄而煙韌；鴨肉連燒得香脆的鴨皮厚薄平均，配上京蔥及青瓜放在單餅上，最後蘸上醬油及卷著入口，味道帶甜、鴨肉帶香、京蔥微辣、青瓜清新，口感層次豐富！《雞絲粉皮 $48》此小食有麻辣與麻醬之選擇，而我偏好雞絲粉皮配麻醬。份量比預期多，但質量沒有降低。粉皮彈牙，雞絲有調味，再配合麻醬令人開胃。《台式皮蛋豆腐 $35》豆腐切成薄片，再放上皮蛋，調味醬汁微甜，配合起來很惹味。《萵筍(蒜蓉) $58》萵筍即是油麥菜的莖，切片吃，十分爽脆，我不喜歡油麥菜，卻喜歡萵筍的爽脆口感，用蒜蓉炒香更據味。《蜜桃冰紅茶 $20》開始晚飯時都點了其中一款餐廳特飲，十分清新。

星期五細佬要開OT最後得返我同媽子撐枱腳諗起同媽好耐無出去食就決定食中菜都係中菜岩哂媽咪七點幾到達原來都算好多人好熱鬧牆壁上見到好多同明星嘅合照店員奉上碗碟仲有杯好甜既熱茶菜單上有好多款 款款都有相片提供其實有d菜色係京川既獨有名稱甘睇到相就唔怕嗌錯啦北京填鴨 半隻$168估唔到呢度都有得食鴨半隻既份量都算多 青瓜葱同醬汁都足當然唔少得薄餅皮隻鴨既皮連住少少脂肪 加埋青瓜同葱黎食無甘油膩 所有野包住黎食 味道濃郁我地食完d鴨 但都仲有好多薄餅皮淨哈哈 真係無試過薄餅皮多過鴨豉油炒虎蝦 四隻$158香氣四溢有媽的孩子像個寶 媽媽幫我拆蝦殼哈哈 當然啦 都有lam下外殼既味道豉油突顯到蝦既鮮味蝦肉結實豐厚 一人兩隻都已經有少少飽肚蒜香一字骨 $88外層卜卜趣,香脆可口但覺得有d燶清炒窩筍 $58點都要食返d蔬菜既最後個顏色好鮮嫩 味道好甜好鮮食到呢到 已經飽到上心口仲要無叫白飯食下次再係北角覓食

今晚的飯局忽然想吃中式，朋友二話不說就帶左我嚟呢度開飯。位於北角既餐廳收工過嚟都幾近。餐廳中式的食物種類多，有齊京滬川菜，多到唔會記得晒咁多樣野食。椒鹽鮮魷 $88比平時食開既椒鹽鮮魷細件，可以一口過，唔駛分兩啖食。炸粉唔會好厚，食落亦唔算太油，十分惹味。雲腿扒津白 $68本身都幾鐘意食津白，可惜唔係間間餐廳都有得食。呢度既津白煮得夠晒腍，用既上湯都幾清甜，加上粒粒雲腿，感覺好健康。手拍小青瓜 $38幾抵食既小青瓜，雖然碟仔細細，但就十分多小青瓜，食極都食唔晒。酸酸地的手拍小青瓜爽口又開胃。砂鍋雲呑雞 $158新鮮滾起既砂鍋雲呑雞，打開鍋蓋出勁多煙。雖然只叫半份，但都份量都好多，應該分到六碗湯。湯中有雞，雲吞，菜，都幾多湯料。雞都算多肉，雲吞肉感重。雞湯鮮甜，入口舒服。酸辣粉 $42酸辣粉辣道適中，唔會太酸，粉好滑身，份量又多。如果想試中式菜呢度都真係幾好選擇，因為可以一次過試晒大大小小的京滬川菜。

放工去左同同事去左北角買野，之後搵飯食～北角地頭蟲既同事就帶左我黎到一間食京川菜既餐廳，叙滿庭。先睇睇餐牌，好多菜式，而且價錢都好經濟～先叫左２個小菜～雞絲粉皮，粉皮清爽又滑，雞絲同青瓜都好多，食落好清新！ 醉豬手最中意就係醇香微醉既感覺，酒味甘香醇厚，醉豬手份量好多，愈食愈爽口～ 宋嫂魚羹～好多湯料，有荀絲、豆腐、冬菇絲、蛋白， 湯味鮮甜可口，值得一試！ 奶油津白～白色奶油襯托白黃色既紹菜，感覺好純凈、健康，食落味道不會太膩！ 炸子雞雞肉嫩滑，雞皮非常脆口，正！ 瑤柱蛋白炒飯～Ｄ飯好乾身，唔會太油，同同事竟然每人食到 2 碗，食完好有飽肚感～ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★★

話說今日同屋企人去左海洋公園玩左成日，之後坐地鐵去左北角食野，地鐵通左車真係超方便。屋企人鍾意坐得舒服慢慢食，我就試下呢間菜館，好多野食，價錢又抵。熱辣辣即煎既素鴨，配上酸酸的GIP汁，味道幾好。入面有少許冬菇同筍，香味十足。大大舊既豬手，酒味唔算好濃，適合唔太喜歡酒味重既朋友。凍豬手好爽口，食落好脆身，肉質都幾爽口，唔錯呀。皮蛋豆腐醉雞味道超濃，好香既黃酒味道。雞的部位主要係雞胸部位，配上黃酒的味道比起用其他部位更好，更吸到酒的味道。雖然雞胸但係肉質都算嫩滑而唔會太UN太乾，唔錯呀！幾好食既回鍋肉炒年糕。炒年糕口感比較軟，唔似平時炒得好硬身既上海炒年糕。醬汁夠濃，配上軟軟的年糕，係幾好食。好食的津白，醬汁唔會太濃，味道適中，配上清爽的白菜同雲腿，味道幾夾。雲吞雞既重點係雲吞定係雞？我唔知道呀！不過對我黎講，呢道雲吞雞最好食既就係個雲吞同埋湯頭。雲吞飽滿，食落去好結實既雲吞口感。而湯頭用雞肉去烹煮，味道濃厚而清爽，非常好味。結果？我係飲哂所有既湯。黎到呢度食飯，當然要叫埋另一個名菜，北京填鴨平時食北京填鴨普普通通都要成3丶400蚊，呢度叫半隻都只係168，真心幾抵食。不得不讚一讚呢度包

今日因爲要就婆婆，費時去咁遠食，就唸住樓下搞掂就算！見到有間野叫叙滿庭！唸住入去試下，叫左個雜菜煲！北京填鴨！東坡肉！皮蛋豆腐！同海蜇頭！點知.......除左個東坡肉似係俾人食之外，其他都好難頂下！皮蛋豆腐個汁超咸！海蜇頭碟野4/5都係青瓜，海蜇勁少！個北京填鴨完全係中伏！塊皮係硬既，頂！下次唔駛錢都唔想再食！

妹妹生日選擇了這間，因為平時她倆姊妹唔可以吃咁多餸，東坡肉好肥，片皮鴨半隻得咁少，唔低。素鵝好味，雲吞雞一般。最差係抜絲香焦，七個大人一個小朋友，九百幾，算平，可惜回家飲好多水