叉燒大王

營業中

休息中

今天終於可以放假，又可約朋友去飲飲食食。 朋友記得我愛吃靚叉燒，介紹我去這間在沙田圍＂叉燒大王＂。 去到門口原來餐廳也好大間，一邊是外賣燒味，另一邊是餐廳堂食。門口收銀櫃也有兩個，看見不停有人來買外賣及出來俾錢。 未入到去食，看見門口咁多街坊幫趁，也即時對它們食物增添信心。入到餐廳未夠7點，內裏也坐滿食客。一打開餐牌，就看見它們的皇牌蜜汁叉燒王叉燒王外層帶少少微甜及焦香，內裏肉質嫩滑帶䶢香味。 肥瘦適中，口感鬆軟，啖啖甘香，美味至極。蒜茸豆苗火喉十足，炒至豆苗剛熟，沒有過多水分。蜜薯牛仔粒炸脆薯仔外層，再沾上薄薄蜜汁，炒至外層帶有焦糖脆脆口感。 牛仔粒切成粗粒，炒至外層甜甜，增添味道層次。

叉燒大王點解會去食：2019-01-06 晨早趕住出尖沙咀，諗住趕巴士，點知走左，唯有食個早餐kill time 食物新鮮程度：⭐⭐⭐方包尚算軟熟，；炒蛋應該略有稀釋，因為沒有蛋味，還要太過多油；配以茄汁焗豆，毫無技巧既組合。味道尚算合格！食物合適溫度：⭐⭐火腿米，熱到我差d燙親個咀添呀！食物驚喜程度：⭐⭐⭐️⭐️碗火腿米，竟然有好多Kernel corn 做配菜，為無咩值得讚美的地方，添上色彩！—————————————————服務員態度：⭐️⭐️快手歸快手，不考慮客人的服務，不算為好服務！我在吃的時候，她竟然把一杯熱飲從我的頭旁遞入，好在我沒有大動作！—————————————————最重要系。。。我會唔會再去？重遊指數：⭐⭐⭐

這天去沙田，本來打算直接到工程的地方，但是下車之後，有點兒肚子餓。途經這個河畔花園，吃東西的人流不太多。難道是因為大家都在昨天慶祝除夕，倒數之後很夜才睡眠，這天都沒有太早起床🤣？ 12時左右，這一間位於河畔花園的叉燒大王，竟然第一次見到門口沒有人龍，內裏亦都有不少座位。在秘密的地方使用洗手間之後，更加顯得肚餓，回來叉燒大王直接內進。看看餐牌有沒有什麼特別吸引的，有些炒粉麵飯，但都只是茶餐廳的普通菜式，沒理由到夢寐以求了這麽久要吃叉燒大王，不吃叉燒。😏如果叫一碟叉燒飯，就可以吃到最多的份量的叉燒，但是可能會比較乾，因此就叫了叉燒煎蛋飯。例湯薯仔蕃茄湯，由於昨天在學利打邊爐已經喝過了蕃茄薯仔湯，因此就點了個茶走。想不到，以燒味掛帥的這間餐廳，茶走的味道也相當不錯，奶茶的味道較濃，😀濃得來又不會太澀，那種茶味，好像已經滾了很久的茶，猶如舊式茶餐廳三四時才喝的那種滾了很久的茶。🤘🏿叉燒煎蛋飯，叉燒的份量不少，因為叫了肥叉，因此可以看到叉燒的質素不錯啊，沒有見到乾瘦如柴的叉燒，但是即使你叫了肥叉，亦都不算是一舊二舊肥膏。亦都可以看到叉燒的兩旁燒得非常之脆，燒得有點熱焦香，但是又不覺得有不健康的地

之前聽住沙田嘅同事講沙田圍呢邊有間食叉燒好出名嘅餐廳，個名叫得叉燒大王，相信佢嘅叉燒應該質素好高，於是同朋友喺沙田行完街就過嚟食晚餐，喺沙田行到大概需要10-15分鐘左右。餐廳好大間，左手面可以外賣燒味，我地6點鐘左右到嘅時候唔多人，到就黎7點嘅時候就餐廳坐滿晒，外面有人等緊位。入到去望下餐牌，已經有侍應拎左壺茶。我地兩個人叫左三個餸同埋白飯。首先有招牌叉燒一碟嘅份量相當之多，兩個人係有啲難度去食晒，個人覺得叉燒同普通我樓下燒味店買嘅最大分別係口感上呢度嘅叉燒軟身啲，同埋肥、瘦肉嘅比例啱啱好然後有蒜蓉粉絲蒸象拔蚌仔隻隻象拔蚌仔都大大粒，粉絲份量好多又唔會乾身。仲有一道菜：上湯蒜子浸豆苗總括而言，三道餸份量都好多，兩個人食非常足夠，適合一家大細或者同朋友聚會一齊食，招牌叉燒都好有誠意，值得一試。

老香港人（親戚）從外國回港，佢哋已經好耐冇食廣東菜。佢哋特別miss叉燒，可能因為外國做啲吾好食。咁啱佢地住 Regal Riverside Hotel, 隔離就係叉燒大王。叉燒買相好靚，肉好霖，部位要靚先做到，燒得好好，真係冇得彈，同銅鑼灣某酒樓啲䚍叉燒有得比，但他們要double價錢。😅。親戚都話食返幾十年前啲靚叉燒。😁重叫咗啫啫芥蘭同紅燒石班，碟石班好多配料，白菜，豆腐。柢食。好次再嚟試其他燒味。

大約六點去食飯，人數都未係好多，一路食慢慢就見到開始有人要等位。坐卡位感覺都幾舒服，坐兩個人仲好鬆動。食物鑊氣都好夠，黃金四季豆入口似小食，一路食一路同朋友傾計，係個唔錯嘅選擇。紅燒豆腐個汁都好味，所以豆腐同配搭白飯黎食都好易入口。西蘭花炒帶子呢個菜就好多地方都有，不過呢到西蘭花係爽口，帶子食落都係有質感。整體都唔錯。

今晚係屋企附近食個便飯，所以揀左老字號叉燒大王，地點近馬鐵站的沙田圍，每次去親都係好多人等位，餐廳夠大，可容納二百人左右。我同爸一坐低，侍應就開壺茶俾我地！我地揀左三個菜左右，特選蜜汁叉燒$88 價錢不算貴，份量頗多，上菜速度也快，顏色鮮豔奪目，咬落去肉質鮮嫩，而且沒有什麼肥肉，岩曬喜歡食瘦肉的我，每人叫一碗白飯去餸飯，十分正。另外再叫了個客家胡椒浸釀豆卜$68，用豬肉釀豆卜，粉絲吸曬湯的精華，另有一點胡椒粒調味，味道帶點兒微辣，不經不覺已食曬。最後石窩生啫芥蘭$68 熱辣辣的呈上，上面有少許薑絲同蒜頭爆香，食上去更加惹味，但我嫌菜有少些苦苦的，下次試下通菜。總結：價錢每人埋單一百左右，期望下次食物可再做好的！

平時喺屋企多數都係食中菜所以出街就好少食，但係今日都去試吓呢間餐廳。天氣凍左就想滋補下所以飲咗呢個茶樹菇豬橫脷粉腸燉唐排，我個人就幾鍾意，因為都算清甜。好足料仲有好多我鍾意食嘅茶樹菇超好味！如果豬橫脷再多啲就更好添。每個燉湯佢都有一碟小嘅辣椒豉油跟湯上，幾細心。可以俾你沾埋湯料一齊食。話明叉燒大王咁就梗係要嗌佢個招牌叉燒啦！一上，都覺得份量都幾多，算有好多油花，不過色澤我覺得可以再靚啲。而肉質都可以更加好因為有啲好似唔係太結實，但係味道都尚可。之後仲叫咗個頭抽雞，呢個色就算幾光鮮吸引，顏色好亮麗，好似好入味。同埋即使係半隻份量都覺得夠。平時食呢啲豉油我鍾意係甜甜地嘅因為覺得咁先夠好味同埋配合，就好似要落啲冰糖落去煮咁樣，豉油雞咁就一定係要咁啦！呢度都係帶啲甜甜地嘅豉油汁，送飯一流！而且啖啖肉，肉質唔會好靭，整體感覺啱啱好。最後叫個蔬菜咁就揀咗個雲南火腿蝦乾炒九菜花。九菜花的的骰骰好可愛，而且雲南火腿同蝦乾非常足料，分分鐘仲多過韭菜啊。雲南火腿本身就大濃味香味再配上蝦乾更加有獲氣豐富完整。不過有呢兩種材料去炒就的話味道便可注意淡味返一啲。我覺得呢度比嘅份量都算足。唔會話收咗錢但係份量又唔

星期六晚飯時間怕等位，諗住買外賣返屋企煮麪食，方便又慳時間。平日都有買叉燒大王嘅叉燒及貴香雞加餸，貪方便同貪佢每日有兩款燒味做優惠(其實都係平幾蚊)。但原來星期六同平日質素差咁多，落單講到明要「半肥瘦」，返屋企先知中伏.........😓😫全盒都係瘦肉，切到又厚又大舊，又硬又乾‘’爭爭‘’添😖😖😖😖外賣落單收錢同安排入坐都係一個人，一腳踢。䌓忙時間服務態度不太好係人之常情，要體諒一下呢～

今日落好大雨，諗住放咗工食完飯即刻返屋企，去開沙田圍，見到有間中菜館排晒長龍，好似幾好味咁，就入咗去同同事食下飯因為天氣開始涼，就叫咗個燉湯補下身，係茶樹菇豬橫脷粉腸燉唐排，見到個湯材料好夠，真材實料，而且望落去好清甜，有好多好味嘅茶樹菇，飲完覺得好滋潤另外就叫咗個招牌叉燒王，望落去顏色好吸引，而且份量都多，食落去肉質好嫩滑，只係我覺得稍為肥咗少少，但送飯一流再叫咗個客家胡椒浸釀豆卜，材料有豆卜之外，仲有好多粉絲，豆卜裏面仲釀咗魚肉，有好香嘅胡椒味，夠晒惹味，仲有少少辣椒同炒蒜調味，夠晒香餐廳職員服務態度幾好，而且座無虛席，證明餐廳嘅質素一定有保證，好多一家大細都嚟食飯，大家要嚟嘅話就早啲去啦

去完沙田富豪花園打保齡， 我和朋友便去找食。 看到河畔花園這間餐廳有很多人讚好， 因此就過嚟試下。因為餐廳名字叫叉燒大王， 叉燒應該是很好味很出名， 所以第一時間點了一個 下午茶餐雙拼湯河 ，叉燒燒肉河粉連飲品（$42)。 叉燒的賣相不算太好， 味道也不算是期望那麼高， 而且叉燒很鞋口， 完全是有點失望。 燒肉有點肥， 而且皮不夠脆。 河粉還可以。 餐飲點了奶茶， 奶茶很苦澀。以這個價錢， 真的物非所值， 應該沒有下次。

去咗沙田河畔行經高見到有海鮮小菜可以叫餸食飯於是就去試吓啦兩個人唔算太餓既關係 叫左兩道送黎試下雞汁水鬼重個名幾特別即係豬肉釀豆腐 豆腐香滑加上雞汁鮮甜 足足八大件底部仲有火keep住溫暖 唔錯豉椒炒蜆芡汁夠稠 配上洋蔥、青紅椒同豆豉等炒得好香 而且好足料但蜆肉唔夠新鮮 有點失望今次冇食到叉燒因為同男朋友兩個人都唔係太好叉燒見隔離台一大碟又驚兩個人食唔晒而其他小菜味道不過不失試左兩款 方便經過肚餓既大家都可以試下既

今日係沙田放工好肚餓 咁就喺呢頭食飯😗 見到呢間好似幾好食 小菜款式都幾多 價錢又唔貴 咁就入咗去食喇餐廳比較多大檯 侍應見我地兩個人就俾咗我地坐卡位 都幾舒服話明係叉燒大王 梗係要試吓佢個特選蜜汁叉燒皇例牌 叉燒半肥瘦 上面有好多蜜汁 咬落口仲好juicy添 配埋個白飯真係一流🐷 果然係招牌菜呀 係一碟好好食嘅叉燒😻蜜豆合桃燒汁安牛粒 賣相都幾豐富 有蜜糖豆 合桃 同牛柳粒🤤 合桃外層有少少蜜糖同芝麻 食落口味道更有層次 蜜糖豆同牛柳粒好夾 牛柳一啲都唔韌 入面都幾多肉汁👍🏻最後一樣係客家胡椒浸釀豆卜 呢個餸一上枱已經有好重嘅胡椒味🌶 豆卜同粉絲吸晒啲湯 真係好惹味 如果鍾意胡椒味嘅朋友一定唔可以錯過 粉絲份量都好多 仲夾雜住啲蝦米同芹菜😮 好彩同朋友只係嗌咗一個飯去share啫🙊下次好想再嚟食叉燒😻 半肥瘦真係好正😚

今日同男朋友去咗沙田河畔經過見到依間叉燒大王啲叉燒好似好出色咁仲有海鮮小菜可以叫餸食飯於是就去試吓啦7點半左右黎到 門口坐左人要等位好受歡迎咁例牌叉燒黎叉燒大王又點可以唔叫叉燒呢叉燒肉味道濃 肥瘦恰當 烤得好香肉質軟面 仲有燶邊架 配上蜜糖汁 真係好出色 食完一舊又一舊不愧對叉燒大王一名呀啫啫炒芥蘭濃濃鹹魚香 送飯一流雞汁水鬼重即係豬肉釀豆腐 豆腐香滑加上雞汁鮮甜 足足八大件底部仲有火keep住溫暖 唔錯唔錯豉椒炒蜆芡汁夠稠 配上洋蔥、青紅椒同豆豉等炒得好香 而且好足料唔會淨係得殻 食完一隻又一隻兩個人食左四碟餸 食到好飽好滿足既一餐呀！

奶奶今天來探我們，老公叫我不要獻醜，所以便一起去了附近的叉燒大王吃飯。老公最愛吃叉燒，所以想試很久。鋪面不大，但也有好幾張大枱，裝修光猛，家人吃飯最適合。首先當然要叫一碟例牌叉燒，一上菜便看得出的確是好貨色。半肥瘦叉燒燒得色澤均勻，不會過燶，肥瘦比例適中。叉燒的蜜汁濃淡適宜，肉質也是軟硬度剛剛好，奶奶給予非常高評價！想不到它其他小菜也水準超班。菜單有很多海鮮菜式，原來店舖內便有個大水缸！不過這天奶奶説選點簡單一點的菜就好，便選了我喜歡的蜜薯牛柳粒及侍應推介的胡椒浸豆卜。薯仔牛柳粒非常好鑊氣，薯仔和牛柳粒走油後再用濃濃的蜜汁包着，甜甜的帶小小脆，不會太膩，送飯一流！另外奶奶想要濕濕地的菜，侍應便推介胡椒浸豆卜，這樣的配搭比較少見，清清地但胡椒湯底令到整道菜式不會太淡。粉絲墊底，吸收了湯的精華，我們最後連湯完全清光！要一讚的是雖然店面少少但食物的種類不遜色於大酒樓，有大量海鮮，也有很多特別的菜式！看見它有很多熟客，想必這個叉燒大王在這區真的有一定地位！