叄嵐日本燒鳥串燒居酒屋 (已結業)

今天和媽媽在灣仔附近「搵食」的時候，無意發現這間餐廳的廣告餐牌，但左看右看都沒找到餐廳是身影，原來是藏在籃球場後面的位置哦。一拉開趟門，迎接我們的是一隻可愛的小貓咪。接著再有一隻。我們選擇的是二人餐，價錢是$489，其中包括了前菜、小吃、主食和甜品哦。松葉蟹肉沙拉，沙拉菜很新鮮，而且店家一點也不吝嗇哦，裡面都是滿滿的蟹肉，吃起來很清新，很開胃呢。酥炸軟殼蟹，本來以為是炸腳，殊不知上菜時才發現是炸整只的軟殼蟹呢。吃起來脆脆、香香的，挺惹味呢。黃金燒蠔，媽媽很喜歡吃，蠔上面鋪上了滿滿的芝士，再加上香口的煙肉，三款配搭在一起，好吃！磯燒日本花魚，因為今天沒有花魚的關係，店家轉了燒鯖魚哦。燒鯖魚加上酸酸的檸檬汁，不但起到提鮮的作用，而且感覺不會很膩。龍蝦尾海膽味炒飯，龍蝦尾上鋪上了海膽味的醬汁。龍蝦尾的肉質吃起來很彈牙，但可惜在我個人沒有特別喜歡海膽的味道… 朱古力心太軟配雪糕，這個是意料之外的好吃。心太軟做的恰到好處，切下去時慢慢會有巧克力流出來哦。

作為一個貓痴,無野好得過有貓貓陪食~ 老公上網見呢間居酒屋黎緊有串燒放題,一睇之下原來呢度有貓店長~網上訂檯又有折扣,咁就先食為快啦~店舖位置喺W Square 後面，球場小巷直入。推門進店已經見到貓貓啦黎到居酒屋當然要點串燒，呢度既雞都用上日本阿波炸酢雞，點左份一人前套餐($148)有12串燒物: 雞腎、雞羽、雞胸肉、雞中翼、膝脆骨串、雞腿串、 翠玉瓜、雞脾菇、大蔥、秋葵、冬菇、菠蘿~仲有碗飯跟埋，成個set其實好大份，幾抵食! 雞串燒得香滑又有肉汁。蒜蓉燒蠔($48)，蒜香帶出蠔既鮮美。蒜蓉原條茄子($38)，燒得唔過火，慢慢一夾一絲絲既茄子, 底部剛好又唔濃~鰻魚厚玉子燒($68)，香噴噴帶高湯味既蛋香，玉子燒有關東關西之分，呢度係關西既煮法，亦係我比較中意既~雖然係居酒屋，但呢度嘅咖啡種類都唔少，我就點咗杯若如初見，其實佢係一杯Rose latte,好香好幼滑~最後黎個Bailey's Affogato，將香濃既百利甜酒淋落雪糕球同埋手指餅，啱哂中意Bailey's 既朋友手指餅索哂甜酒加埋雪糕食有d似tiramisu 既香味

剛剛下班去灣仔電腦城買完嘢，肚子空空但又唔想食得咁heavy食西餐,在openrice search 一下，發現在安樂里有間隱世日式居酒屋，而且仲有貓貓在場，身為愛吃又愛貓之人，今晚一於試一下。這店餐廳曰式氣氛濃郁，牆上放著各式各樣的清酒，還有和式畫作同poster, 加埋曰本流行輕音樂，和風十足。一走進店內，見到兩名可愛的貓貓。一坐下來，花貓便跳到座位旁邊，完全唔怕人，十分友善。而白貓則靜靜地在旁睡覺荔枝梳打$48這杯荔枝梳打口感冰涼，荔枝味十足，味道酸爽清新，十分消暑解渴 。藍莓水果茶$58這藍莓茶用上白瓷茶具，賣相高雅。這水果茶帶有藍莓的香氣，是天然果味，微微的酸，沒有多餘的糖份，感覺健康。酥炸軟殼蟹$58這軟殼蟹一客有兩件，炸得十分香脆酥化，蟹味十足，是一道香口的前菜。特盛灼燒鰻魚飯丼$108嘩啦！這特盛鳗魚飯有成條鰻魚在飯面上！完全蓋過了白飯。鰻魚十分厚肉，肉質肥美又香甜，帶一點口感，唔會太稔，真的足兩人分吃，大滿足！龍蝦尾海膽味炒飯$128雖然定價唔高，但居然有啖啖肉的龍蝦尾，實在真材實料！這龍蝦口感爽彈，表面仲有海膽醬在龍蝦上，味道鮮味，好吃！而炒飯份量唔少，粒粒分明，十

難得閒日放假，更係同媽媽兩個行街同揾食，係集成中心附近，行經一條小巷，發現原來都有幾間餐廳，最入嘅呢間有嘅個燈籠高高掛著，入去就發現兩隻可愛小貓咪睡在sofa好relax同懶洋洋。諗住坐低飲杯野歎唞下，點知最後都係食埋野囉，唔使回家再煮！ 多款串燒選擇即叫即燒 (自己圈) 除串燒還有沙律，丼同飲品添！ 可能口喝，推介佢地嘅荔枝Soda唔太甜夠晒氣。松葉蟹肉帶子沙律味道新鮮用上蕃茄菠蘿帶子粒，蟹子，蟹柳同真蟹肉配個醬汁，口感好豐富，每樣食材都可夾到。酥炸軟殼蟹熱辣辣原隻上香脆，內裡光滑細膩，食到蟹嘅鮮味！鰻魚丼 (細) 燒鰻魚飯份量不少，鰻魚肉質鬆軟配鰻魚汁好香濃，兩個人分享。蒜蓉燒矮瓜香味撲鼻但我同媽媽對孜然粉一般，尤其媽媽覺得呢種味太霸道。所以食時都有點抗拒，不過矮瓜軟淋一絲絲質地ok. 燒脆脆軟骨(雞軟骨)我本人覺得燒得唔錯唔會太乾同過時，脆扑扑有咬口。媽媽鐘意食燒雞肝，但可惜今日無貨所以叫左燒雞心，質地較爽口，我自己對雞心的口感比較適合自己，爽又有嚼頭！ 原來他們係自助架！ 無論餐具，食飽後都要自行放回回收處！

好難得可以喺灣仔呢種鬧市嘅地方，搵到一間咁舒服嘅餐廳 ，而食物質素又係唔錯 。坐落嚟嘅感覺就好似去咗日本既cafe 咁， 係一種休閒寧靜嘅感覺 ，可以慢慢輕鬆一下，同周圍嘅朋友談心傾計。而且成個地方好日劇feel，隱藏喺街角之中， 更有兩隻貓貓店長，周圍巡視店鋪。不過唔擺上嚟啦，想睇下貓貓既可以自己去餐廳食飯。 周圍都係充滿日本味道嘅擺設。 環境闊落坐得好舒服。其實都爭紮咗一陣，究竟要特盛嘅灼燒鰻魚飯丼，抑或係普通size嘅鰻魚飯丼，不過礙於有嗌到其他小食同埋飯，先試個普通嘅鰻魚飯丼先，其實個分別在於係原條燒鰻魚，抑或半條嘅燒鰻魚。雖然只係半條，份量都一啲都唔惹少， 而且烤鰻魚肉質肥美 ，加咗唔少嘅蒲燒汁去燒，非常之惹味，而且魚肉既肉質結實， 外皮燒得焦脆內軟，即叫即整，非常之有心機。 然後係另一個打卡位嘅龍蝦尾海膽味炒飯， 雖然要等一陣時間，因為都係即叫即燒，所以食落非常之熱，龍蝦嘅肉質彈牙鮮甜，加埋海膽醬，仲有輕微嘅清酒香味， 食落juicy得嚟又非常香口 。同埋好欣賞個炒飯炒得粒粒分明， 而且有輕輕嘅海膽香味，但係唔會太鹹， 清新得嚟唔油膩，好少炒飯會做得咁乾身 ，但又唔會太油。

今日去到灣仔W square ,見後巷有間隱世日本小店，入去試下，一入到去見到一隻貓已迎面向住你叫，就好像歡迎你到來一樣，係一間有貓陪住食飯的日式居酒屋，而且仲有兩隻，一隻白色，一隻有啡色及黑色花紋，佢地完全唔驚人，相信已習慣招呼客人，也感受到老闆是如此喜歡貓及痛錫貓的主人。睇餐牌見到有個二人餐$498，以海鮮為主，岩晒唔洗諗，先來松葉蟹肉沙律，蟹肉都算多，清楚見到拆出的蟹肉，撈埋沙律更鮮甜。燒物有芝士煙肉片的黃金燒蠔，共有四隻，夠多汁。還有酥炸軟殼蟹小食，有兩隻，蟹身有肉有蟹籽，可留著等餸下一道菜-海膽龍蝦尾炒飯，到海膽龍蝦尾炒飯上枱，龍蝦尾開邊，基本上係全隻龍蝦肉都響度，啖啖肉，夠彈牙，面層還有一層海膽，好像龍蝦膏一樣，放在一大碗飯上面，夠晒二人份量。最後還有時令魚-磯燒鯖魚，一大條，非常濃郁的鯖魚魚香味，平時要唧好多檸檬減少魚腥味，但呢度因魚夠新鮮，完全唔唧檸檬也唔會腥，反而有魚的鮮甜味。最後還有甜品，係朱古力心太軟配雪糕，驚喜地還有一個烘熱了的牛角包，這個配搭太妙了，原來三樣一齊食係咁夾。

小店位於隱蔽的小巷中，於轉角位豎立了午餐餐牌，否則相信不易發覺到。店內環境很舒適，還播著音樂，十分放鬆。Lunch Menu價錢合理，且不用加一。最近天氣有點悶熱，想吃點涼快點的食物，故我點了個牛油果番茄冷烏冬($58)。客人需到櫃臺點餐。點餐後，店員會給一個號碼，作送餐之用。色彩很鮮豔，賣相也很吸引。整個午餐感覺很清爽，很適合夏天食不過，略嫌牛油果較硬身。而其下層為冷烏冬，可按個人口味加上醬汁分開上。

佢個玉子真係幾好味.最好食嘅係佢個 大蘑菇夠曬creamy足料用埋酒即時打火上枱足曬巴別橋味道雖然當日甩漏百出卡機八達通完全冇用處全部壞曬但係附近都好多atm所有燒物都好好味韭菜燒得好啱完全冇咬唔爛嘅感覺雞髀菇亦都非常juicy咬落有水分亦都燶燶哋勁好味燒茄子 蒜蓉非常之多超級鍾意雖然當日有啲 野都冇得食但係廚房亦都唔係hea 咗就算沙律同糯米 釀雞翼都好好食龍蝦尾炒飯亦足料最緊要有兩個貓貓做侍應雞泡魚乾燒得中規中矩唔錯

等jor 45 分鐘都完全mo上過野飲同飯，其他台比我地遲來都已經食完。侍應走過來幾次看張單，但次次都看完就算！終於來到，個咖啡有怪味，之後個沙律，雖然知道系凍，但裡面系沙冰既狀態！我想呢個應該5系正常吧？以後都不會再來！

叁嵐係串燒居酒屋 係灣仔一條不起眼後巷有著日本居酒屋神秘的感覺🏮呢個霸氣大滿足原條蒲燒鰻魚飯 一兩年前見到會心心眼 但呢兩年已經好多地方都有得食 不過每次食都係咁滿足🤤主食的鰻魚飯 鰻魚唔算勁厚肉 但勝在夠大條仲有一小碟蒲燒汁比你自己落🤤🤤叫左杯咖啡 (雖然我知同日本料理唔係好夾😂)但拉花好靚 仲有食用花瓣襯托 幾少女😂串燒好多選擇 包括多款不同雞的部位 菠蘿 秋葵等 全部即叫即燒 熱辣辣 仲有手羽先 燒蠔等 食物選擇多 好豐富😌呢度係自助形式架 食飽飽餐具要自己執返去回收處架

想睇下貓，但又唔想去貓貓cafe 果種消費動物的餐廳所以搵左呢間。 雖然係巷內最入，但因為利景對面球場隔離，係好旺既地方，去一次一定記得。地方都好闊落，星期四黎只有數台客黎到貓貓訓緊， 兩隻都係大家都不打擾。小人馬上睇menu有咩好食有一人的串燒餐，12 串雞+飯其實好難送飯送烏冬，所以簡左散叫多謝店家願意提供cesar salad 替換想食但沒貨的蟹肉沙律。$50 樓下想密密食的串燒選擇唔多心諗既然叫左個沙津 ($68)就叫韮菜一份以及煙肉蘆筍捲尚有辣青味，可以燒透多小小調味不用太多剛好，油左小小 不過菜類燒烤預左油呢個開始食到黑椒香味，蘆筍好幼係幾好食無出事， 反而無個菜咁油個頭有小小渣，不過呢個時代就係食到好幼都會有渣，同以前個世界唔同左喇食到咁上下其中一隻貓醒左，自己行左去廚房，諗起自己特登黎但只見到貓貓走過一趟，有d唔抵，但下次都會再黎睇貓，哈哈

上北海中心攞完集運，行落樓下睇下有咩醫完肚再去銅鑼灣行，見到後巷有間日式野諗住入去試下佢。望一望餐牌見到串燒款式都算幾多，可惜今次單機食飯，下次同朋友仔再一齊試下酒同串燒，最後嗌左最安全嘅縵魚飯試一試先。幾得意嘅係竟然日本餐廳入面有cafe嘅野飲，所以嗌左杯熱朱古力飲就最冇死，心諗點伏都有個譜。野食一到，個賣相真係好吸引，飯冇估錯應該係珍珠米黎！縵魚份量都唔少，入口一啲都唔乾，好juicy！後期高枱有位搬左過去諗住影下貓貓，可惜一坐埋去就俾我嚇走左T^T之後杯朱古力都黎埋，個下真心有驚喜！初頭以為係一杯用水溶個啲朱古力粉，點知係真•cafe入面個啲有拉花嘅朱古力！估唔到店員妹妹望落一啲都唔似咖啡師，點知原來有啲料到！杯朱古力都好濃，好creamy！總括今次真係幾抵食，好有驚喜！會再黎試下啲串燒同酒！

近日見朋友介紹灣仔有一間小本經營的餐廳，聽了朋友介紹後決定同另一對情侶朋友去試晚餐，因為本人有少許唔鍾意連鎖式集團的食物，就決定去嘗試下小鋪餐廳， 始終小舖餐廳有佢自己嘅特色美食。雖然餐廳在巷仔裹，但好容易畀的燈籠吸引，餐廳叫《叁嵐日本燒鳥串燒居酒屋》入門第一眼就發現兩邊牆身放了大堆日本酒樽好似置身在日本居酒屋一樣環境舒服好似家的感覺，另外有兩隻貓店長好鍾意周圍走，餐廳點餐要到收銀處之後侍應會送餐過黎不收額外加一服務費，最後用完餐後需要盡量自行收拾餐具係指定地方。2對情侶叫了MAIN SET$298×1，少許串燒，少許小食：黑松露煙肉沙律 味道同一般沙律一樣都係用佢嘅沙律醬調味。唐揚炸雞軟骨 味道適合，唔會偏鹹。火焰酿蘑菇 味道芝士配合得好不會過鹹，感覺新鮮灼燒鳗鱼飯 味道不錯，可惜太過淋啲飯如果乾身就會好味啲。朱古力心太軟配雪糕 味道值得推介心太軟，不會整得太過火有流心， 雪糕配合得不錯，值得推介牛角包鬆脆。小食和風炸魷魚鬚 味道不錯，不會炸得太過火 ，金黃色 鬆脆香口。糯米釀無骨雞翼 味道不會過鹹適中，糯米飯剛好不會太濕。串燒（原味) 整體味道平均，食物新鮮，不會過鹹 ，火候剛好

一向鍾意幫襯小店，事關成日食d連鎖式餐廳真係好厭倦，而家要搵d有誠意嘅食店，對食材同煮法有要求嘅，真係越來越少！朋友知我鍾意食串燒，極力推介下就試食呢間，果然冇令我失望！本身住喺大角咀區，附近都有好幾間食川式串燒嘅小店，而今次食嘅係日式串燒，風格好唔同！見師傅喺正門燒緊d串燒就出去觀摩下，睇見都流口水🤤食物真係燒得好有水準！冇多餘味精調味，更突顯食物嘅質素好好！火候亦探制得宜，食物唔會燒得太乾！肉質仲好juicy添！真心好味！題外話，呢隻小貓勁親民，喺等食期間可以同佢玩下！可以推介俾d貓奴朋友！🐱🐱總結呢間小店無論環境定食物水準都幾好，今次飲啤酒冇試到咖啡，下次一定再試！大家去開灣仔不妨支持下呢間店呀

今日打算出灣仔食野比我發現呢間店，呢間野雖然都幾難發現既，但d野真係好好食！！呢間野既裝修西日合壁，其實主要食日式野。3點幾間野都算唔多人，我一共點了3樣食物，分別是糯米釀無骨雞翼，炸豬排湯乌冬和homemade tiramisu。首先係個釀無骨雞翼，個色真係好令！糯米又釀得好，食完真係好想叫多碟！之後個炸豬排湯烏冬，塊豬排炸得又脆又好食！最後個HOMEMADE TIRAMISU好大件，食完超飽。間野有2隻貓，好好玩個老版又幾好吹水，下次試下晚餐食串燒同飲酒先