55
4
4
港鐵銅鑼灣站 B 出口, 步行約7分鐘 繼續閱讀
營業時間
星期一至五
12:00 - 22:30
星期六
12:00 - 23:00
星期日
全日休息
付款方式
AlipayHK 支付寶 現金
座位數目
50
其他資料
Wi-Fi
酒精飲品
電話訂座
外賣服務
加一服務費
室外座位
食評 (67)
等級3 2019-01-23
327 瀏覽
位於灣仔不起眼嘅後巷,日式居酒屋小店門面清新,見餐牌幾吸引,價錢唔算貴,人又唔多,就入去試下。坐低諗好食咩,等左一陣,至明白係自助點餐,要自己出去俾錢嗌嘢食,指示並唔起眼。鰻魚飯好快黎到,鰻魚大大件,幾厚身,油脂分佈均勻,入口即融,口感彈牙,可惜魚尾燒到黑晒,而且近尾位較多尖到好似針仔嘅魚骨;白飯上面鋪左適量嘅日本飯素;沙律不過不失。雞肉鳥冬鍋等左半個鐘至到,仲要極普通完全冇技巧可言,同自己喺屋企煮嘅水平相若,嚴重扣分!!!湯底係典型港式偽日本湯,得個咸字,味道膚淺;烏冬表面上係高檔扁身手打烏冬,但一咬落去立即現形,淋過超市噹噹烏冬;配菜煮到淋晒冇晒本身味道;雞肉白烚;翠玉瓜苦到要吐返出黎!!!跟餐熱柚子蜜勁細杯,放左少少柚子蜜糖入杯後就咁加左熱水就拎俾個客,攪都懶得攪,又唔提供攪攪棒,杯嘢根本飲唔到味原本高高興興支持下小店,食完終於明點解咁少客。收呢個價錢仲要等咁耐又唔好食......唔會再去了 繼續閱讀
(以上食評乃用戶個人意見 , 並不代表OpenRice之觀點。)
等級3 2018-11-15
206 瀏覽
好難得可以喺灣仔呢種鬧市嘅地方,搵到一間咁舒服嘅餐廳 ,而食物質素又係唔錯 。坐落嚟嘅感覺就好似去咗日本既cafe 咁, 係一種休閒寧靜嘅感覺 ,可以慢慢輕鬆一下,同周圍嘅朋友談心傾計。而且成個地方好日劇feel,隱藏喺街角之中, 更有兩隻貓貓店長,周圍巡視店鋪。不過唔擺上嚟啦,想睇下貓貓既可以自己去餐廳食飯。特盛灼燒鰻魚飯丼嘩啦!這特盛鳗魚飯有成條鰻魚在飯面上!完全蓋過了白飯。鰻魚十分厚肉,肉質肥美又香甜,帶一點口感,唔會太稔,真的足兩人分吃,大滿足!龍蝦尾海膽味炒飯雖然定價唔高,但居然有啖啖肉的龍蝦尾,實在真材實料!這龍蝦口感爽彈,表面仲有海膽醬在龍蝦上,味道鮮味,好吃!而炒飯份量唔少,粒粒分明,十分油潤,還有淡淡的海鮮鮮味,份量十足。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-11-01
208 瀏覽
返工之前諗住食啲嘢,又唔想食麥記,就行入去呢度試下。午餐價錢唔算貴加$4仲有杯咖啡我叫左個照燒鯖魚便當我好鍾意個擺盤因為以木為主,夠簡約味道方面,主菜其實就一般般,反而係個飯好食。用珍珠米,同埋煲得夠水份,上面舖埋飯素....淨係食個飯都好滿足不過講到最吸引我嘅地方,就係店內2隻貓相裡面係其中一隻貓,你去摸佢嗰陣佢好識做,比你摸完一邊,會擰轉第二邊比你摸lol 咁識做生意,真係唔嚟都唔得。最後我先發現,原來呢間店係自助形式。點餐唔係舉手嗌人,而係要自己走去reception;食完要自己攞餐盤去收集區。埋單$62,lunch都坐得舒服。不過唔係好接受到貓味嘅朋友,真係要留意了。因為室內好大陣貓味的。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-21
182 瀏覽
我哋其實已經係超級肚餓所以不停叫咗好多嘢到最後每人都係二三百蚊埋單真係好抵其實佢個煮蜆真係好惹味燒蝦都好好食超級大隻其實我自己覺得呢度嘅師傅真係燒嘢燒得好叻燒得啱啱好平時怕肥嘅嘢燒完之後感覺上冇咁多油好似雞皮同埋bacon咁樣燒到脆脆地堅有咬口可惜蔬菜種類唔多就算係沙律入面都好多海鮮仲有好多嘢都賣曬我真係好失望但係都值得我返去 最多要預訂囉而家佢做緊 食滿七百蚊有支 sake 送堅抵個鰻魚飯真係好好味呀不過太多飯啦最好味都係佢個燒魷魚鬚service good ar佢係咪都叫我靚女心入面真係好舒暢 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-08
1539 瀏覽
以前係呢邊番過工,所以安樂里呢一頭我都幾熟,唔好睇少呢個小巷,入面有幾間餐廳,好容易就會錯過左門口放有燒爐,望落好整潔,串燒ORDER好之後就會即刻係度燒啦,爐放係門外就唔會燒到成間餐廳都係油煙味黎得呢度主要都係食燒物,MENU上有唔少的選擇藍莓水果茶 ($58)水果茶可以兩份飲,落左好多藍莓,味道較酸可以作開胃之用糯米釀無骨雞翼 ($68)屋企人出街食飯,係ORDER時都會成日講一句說話,就係要ORDER D係屋企整唔到或者比較會少煮的菜色,簡單黎講即係製作複雜的菜色,呢道糯米釀無骨雞翼絕對符合要求,先要將雞翼去骨,再釀入糯米,雞翼釀到漲卜卜,燒到外脆內軟翠肉瓜 ($18)、燒魷魚鬚 ($48)、茄子 ($38)呢度所有燒物火喉控制得不錯,依然保持到食物的水份,翠肉瓜同茄子仍然十分JUICY,但又不失燒物的香蟹籽松葉肩蟹肉飯 ($78)材料好豐富的一道飯,蟹籽同松葉蟹肉份量都俾得幾多,拌勻一齊食唔洗醬汁都好美味記得要做個負責任食客,將食完的餐具放到回收處喔 繼續閱讀
(以上食評乃用戶個人意見 , 並不代表OpenRice之觀點。)