原藝

營業中

休息中

這餐廳服務水平極差劣我已數次光顧這餐廳，但每次到門口想攞枱那兩位待應姐姐， 都當你透明，我今次企咗係門口成5分鐘，佢都冇招呼我入座。向經理反映，佢完全冇虚心接受意見，仲同我講佢兩位同事好忙，係咁架la. 佢係乜野待客之道？同埋，呢到嘅冷氣好弱，好焗，請他們開大冷氣，都係好晦氣回應，佢話開到最大。疫情大爆發下，我覺得好不衛生。啲人成日話要支持小店，我特登身水身汗行成半個鐘頭嚟到，但得到咁嘅服務，一定唔會再幫襯。

#cassiegokowloontong-今日為大家介紹一間九龍塘隱世法式餐廳，食物環境水準一流，非常適合生日飯或者週年紀念黎慶祝。依度嘅主廚畢業於法國巴黎藍帶廚藝學校，一直醉心於研究法國菜的美學，每道菜都為客人帶黎感官享受，碟碟都好好食！💙-餐廳位置係又一村會所嘅後面，瘦編係九龍塘站行過去大約10分鐘左右，唔算太難搵。前菜叫左碟蕃茄凱撒沙律，啲蕃茄片好好食，係有特別醃製過，酸酸甜甜，到依家我仲回味緊陣味，真係好特別！另外仲有一碟徳國腸拼盤，開頭諗住都係普通嘅腸，一咬落去，腸身軟彈，仲有完美的脂肪和肉比例，原來香腸係可以咁好食！😋-主菜分別叫左加拿大豬鞍配蘋果醬同鱸魚。豬鞍肉質好嫩滑，充滿肉汁，散發出少少油脂感。鱸魚好新鮮，煎到個皮好金香。啲配菜有蘆筍、番茄仔等都好好味。睇得出大廚係好用心制作。價錢兩個人都係大約$500，就可以食到咁高質嘅法國菜。👍🏿👍🏿👍🏿-味道評分▶️🌕🌕🌕🌕🌗 (4)抵食評分▶️🌕🌕🌕🌕🌗 (4)回購評分▶️🌕🌕🌕🌕🌗 (4)-➡️ 原藝 (九龍塘)📍 九龍塘海棠路66號女青雅舍地舖-IG: @cassiecwy/ @cassiegetfatFB: @cassiegot

放工食好西❣️食好嘢係要付出代價的😂之前朋友嚟過呢間青年會先知道原來有間隱世餐廳係度❣️由石硤尾行上一段幾分鐘嘅小山路就到👍🏻約朋友嚟呢度講秘密最岩夠清幽🤣店內用木做主題❣️好似去咗大自然咁❣️好舒服👍🏻入正題❣️我地叫咗1個前菜➕2個主食🤓🔺白酒煮青口🔺啲青口大大隻啲肉唔會太鞋👍🏻用咗白酒煮更易入口❣️另外啲洋蔥🧅甜甜哋幾好食😋🔺雞卷🔺雞皮烤得好香👍🏻肉好嫰滑❣️望落去好似好少但食落原來都幾飽❣️雞肉入面仲有啲豆豆好有口感❣️而且食到原材料嘅味道👍🏻材料好用少少🤏調味料已經夠❣️🔺美國極黑安格斯西冷扒🔺塊扒大過隻手🖐🏻兩個女仔分嚟食👍🏻除咗扒之外仲有芋泥同埋少少蔬菜🥬肉大概7成熟❣️煎得好香肉質鮮嫰❣️另有醬料點😛不過對我黎講有啲咸😅配菜芋泥幾出色❣️口感幾粉幾軟👍🏻食完都無滯嘅感覺❣️

連續放四日假, 大食妹同朋友仔又四周圍去覓食今次我地就去左位於九龍塘嘅original art食西餐餐廳裝修係走藝術風嘅, 深灰色嘅牆上掛滿左好多嘅畫作、塑膠彩同調色碟, 門口附近仲擺咗張畫畫嘅枱<加拿大豬鞍配蜜糖芥末汁>大食妹嗌咗份加拿大豬鞍配蜜糖芥末汁 豬鞍散發出微微嘅油脂感, 配上清甜嘅蕃薯蓉, 味道唔錯<是日餐魚: 鱸魚>鱸魚炸得脆卜卜, 但又唔會好油膩<法式洋蔥湯>法式洋蔥湯好足料, 上高放咗蒜蓉芝士多士, 感覺好特別<日式溫泉蛋蟹肉沙律>溫泉蛋比較熟, 但新鮮沙律菜配上蟹肉, 再淋上柚子蜜, 食落就好清新<咖啡>雖然餐廳位置唔係好方便, 但週末嚟食下飯都係一個唔錯嘅選擇

之前聽朋友講，話九龍塘有間叫「原藝 Original Art」的法國餐廳，據說店舖是由法國藍帶深造的 90 後老闆開設，相信食物水準有一定保證，反正今晚約左老公行街兼食飯，就一於嚟呢度試下。 餐廳座落於海棠路女青雅舍地下，原來位置都幾隱蔽下，不過店舖的環境好舒服，分室外和室內兩區，室內以木系色調為主，牆身上鑲咗多幅掛畫，裝潢極富藝術感，置身其中，趣味盎然。我哋揀咗兩客餐湯、頭盤、意大利飯同一個主菜。先來的黑松露蘑菇忌廉湯 ($68@)  用料十足，一端上來就已經聞到陣陣香濃的菇菌味，而且上檯時還熱辣辣，挺吸引。舀起一看，湯身質感濃稠，入口啖啖都係香郁的蘑菇碎粒，拌勻後更散發著松露的幽香，口感極之豐富。白酒煮青口 ($98)：青口即叫即煮，隻隻外形都十分飽滿，新鮮「開口」，橙黃色的肉夠曬鮮甜肥美，質地嫩滑有彈性，食落無渣兼Juicy，跟白酒絕對是美妙的配搭。三文魚南瓜汁意大利飯 ($148)：意大利飯煮得很不錯，外層微軟，裡面仍保持點硬身，吃起來富有嚼勁，南瓜汁十分鮮甜。頂頭的三文魚亦很煞食，魚皮煎至色澤金黃，食落甘香脆口，魚肉呈鮮橙色， 油潤亮麗，肉質結實，而且鮮味十足，入口充滿魚脂香

白酒煮青口 HKD98先嚟個appertizer，白酒微甜滲入青口，好夾，青口大大隻👍🏻燒西斑牙橡果黑豚梅肉 HKD248黑豚梅肉食落肉質結實，肉汁飽滿，薯蓉同配菜都好好味😋三文魚南瓜汁意大利飯 HKD148三文魚煎得啱啱好，皮略脆，肉鮮嫩多汁，南瓜汁明顯落咗超多南瓜去整，南瓜味好天然香濃，簡單又好味嘅一道菜🥰跟餐嘢飲我地都揀咗latte，幾濃味，唔錯食完飯食埋個甜品先滿足，叫咗hazelnut lemon tart，好驚艷！好多層次，不甜膩，檸檬酸度同homemade既hazelnut butter相附相乘，批皮鬆化程度剛好👌🏻📍原藝 (九龍塘)九龍塘海棠路66號女青雅舍地舖

今日黎九龍塘食飯選擇左原藝雖然地址有些難揾但黎過之後就覺得非常值得我好鐘意佢個環境好文青感覺主要木製傢俱燈光暗暗地 非常有情調我地今日兩個人叫三樣菜墨西哥粟米片配牛油果醬法式香草燒雞燒西班牙橡果黑豚梅肉墨西哥粟米片配牛油果醬即叫即整 熱辣辣 脆卜卜配埋牛油果醬非常好食法式香草燒雞賣相好好下面係紫色薯仔薯蓉顏色靚 味道好軟硬度岩岩好雖然係配菜但一點都唔馬虎燒西班牙橡果黑豚梅肉份量多 肉厚十分驚喜 豬肉煮得好香軟下面係南瓜蓉既伴碟非常香甜多汁整體黎講高質素既食物舒適寧靜既環境值得再黎

又一村有一間隱世嘅西餐廳，環境以工業風為主，餐廳簡單嘅裝修別具風格。呢度嘅廚師係藍帶廚師，所以食物都有一定嘅水準。晚餐有散叫，有套餐。有較經濟嘅一人餐或者係比較Luxury嘅一人或二人餐，適合唔同選擇嘅人。我哋叫咗凱撒沙律，份量都好多；Parma ham 味道唔會太鹹，容易入口；而且沙律菜夠新鮮。湯係摩椒湯，係唔同嘅椒混合一齊，味道味道好似番茄湯咁，幾creamy。配上香脆嘅蒜蓉包。主菜係三文魚南瓜意大利飯，三文魚柳煎得恰到好處；皮少少脆；南瓜意大利飯嘅飯度軟硬適中，南瓜汁都幾香。我鍾意食豬鞍，整得夠林，已經有調味；而且豬味好香。仲有唔同嘅配菜：有小椰菜花、小蘿蔔、粟米芯及BB蘆筍。餐廳俾人感覺隱蔽有私人空間，而且都幾舒適，不失為一個好地方。

FOOD OF ART@原藝 Original Art九龍塘海棠路66號女青雅舍地舖 G/F, YWCA Lodge, 66 Begonia Road, Kowloon Tong 好隱世呀, 我從SHEK KIP MEI B2 出口行會比較近法國菜餐廳 Original Art 走。門口估不到有一間高水準法菜。一入門口, 感覺裝修反差很大木質的風格有點原始感覺，是舒適而讓人放鬆心情用人餐磨菇忌廉湯，喝到粒粒打碎的口感，配上重牛油的脫麵包三文魚南瓜意大利飯，飯粒沾了南瓜的微甜，所以顏色都呈點橙黃色，幾creamy 仲有rosemary 香 魚大大塊原塊上的誠意，不過加多些鹹調味更佳 紅酒燉美國牛面頰肉，雖我不吃牛，朋友對嫩嫩的面頰肉可是讚不絕口呢！ 白酒煮青口 幾抵食，淡淡酒香帶酸的湯汁中，己經融合了青口的海水鹹味及鮮味，肉質紮實，而湯頭我基本上會喝掉的，點滴精華也不浪費位置真的有點難找，附近是學校住民宅很寧靜

我哋嚟食晚餐 而每一個主菜都有跟一杯餐飲caesar salad依個凱撒沙律有落少少芥末 食落啲芥末加埋沙律醬感覺好清辣 微辣既沙律令你唔會覺得好油膩好漏白酒煮青口依個頭盤煮得好入味 青口既海水鹹味加埋洋蔥同香草葉煮 令到個汁好濃郁 同時又帶有啲甜味 青口固然好食 而洋蔥作為爆鍋既材料都好好食主菜-炸雞肉卷雞肉慕絲雞卷下面有蕃薯泥 好甜好甜既用雞髀肉包住肉蓉 雞髀有事先烤過 表面好香脆 依個雞髀卷配以黑醋醬汁好夾主菜-三文魚配檸檬忌廉汁同樣下面都有蕃薯泥加埋蕃茄伴碟 三文魚好嫩滑 絕對無過度烹調 無鞋口👍🏻👍🏻食間餐廳無謂裝修、擺盤、食物賣相都好靚 朋友小聚會之選🥰🥰

朋友生日，想搵間靜靜地餐廳食飯傾吓偈，上網搵到呢間餐廳，又近我地住嘅地方，就決定嚟試吓。餐廳位置唔顯眼，石硤尾地鐵站行一段路再上一條樓梯，經過間學校就到啦。餐廳唔大，裝修配燈光營造比較溫馨浪漫嘅感覺，主要以木為主題，門口係一個畫畫嘅工作枱，牆上面亦掛住啲藝術作品。我地無叫到set dinner，決定散叫。同埋只要叫佢地嘅menu嘅任何野食都會附送一杯餐飲，真係好抵呀。我地叫咗白酒煮青口，青口新鮮好味，個汁好清甜，好香濃，可惜太少啦，我同朋友一人一啖清埋個白酒汁。🤤蒜香雞翼，炸到好香脆，味道唔會好鹹，亦唔會好油，強烈推介！下次可以再encore。🥰另外叫咗龍蝦汁虎蝦意粉，每條意粉都沾有龍蝦汁，濃郁嘅龍蝦味，虎蝦反而有啲唔夠彈牙，但都剪得香口，唔錯唔錯。😋甜品叫咗檸檬撻，酸味啱啱好，有清新嘅檸檬香，個撻皮又夠脆，可以食多幾個都唔覺漏。餐廳亦都好貼心咁寫埋happy birthday，朋友都好開心。🥳平日夜晚唔多人，個晚有兩三枱客人，坐得舒服又夠靜，啱哂同一兩個朋友聚會或者同另一半平時拍拖嚟食。呢間餐廳絕對係用心烹調食物，而且價格非常合理，有機會會再嚟試吓menu上面其他菜式。

Relaxing zone今晚和老闆來晚餐。。。主菜的羊鞍很有驚喜，外面焦香也脆，內裡很嫩。調味恰當，不點醬汁也可以了。清酒青口略嫌過火，但有洋蔥九層塔配搭還是不俗。帶子濶麵，松露不會過多。帶子煎得剛好。甜品是朱古力味濃而結實。謝謝店家送的鹅肝，很香滑。會再來的。些些會再來。

新年前節目特別多，到又一居探朋友， 之後他們帶我到原藝吃晚餐， 地點清幽，揸車到達餐廳門口十分方便。 餐廳燈光柔和， 座位舒適， 坐低不久後就叫了以下菜式，Caesar salad $88，Mussels $98，Pork Rack $158 ＆ Fettuccine with scallop $138。Caesar salad～ 沙律菜新鮮， 份量多。Mussels～ 白酒忌廉煮青口， 每一隻青口都脹卜卜好新鮮， 味道鮮甜配上白酒令到味道更加突出。Fettuccine with scallop～ 帶子大粒鮮甜， 黑松露香噴噴， 闊條麵口感煙韌不太腍。Pork Rack～ 厚切豬扒， 煎得金香肉嫩， 配菜有紫薯，露筍和蕃茄仔。最後還有兩杯熱檸水餐茶， 健康又消滯， 豐富的一餐。 多謝朋友的好介紹， 估唔到九龍塘有一間隱蔽的法國餐廳。

原藝 Original ArtEnvironment: ★★★★★Service: ★★★★★Taste: ★★★★★Original Art 是一間法國菜餐廳，位於九龍塘海棠路女青雅舍地下。餐廳由Chef Brian 主理，環境佈置得十分時尚。今次我就和大家分享我於Original Art 的用餐經驗吧。Caesar Salad $ 88沙律的材料有菜，麵包，煙肉和芝士等等。沙律菜清甜爽口，麵包烘得頗香脆，有牛油的香味，配上煙肉和芝士等，味道不錯。Mussels $ 98洋蔥的味道清甜，青口的份量亦頗多，有淡淡的鮮味，亦有淡淡的白酒味。US Ribeye $ 238牛扒的份量頗多，牛肉味香濃，入口亦有肉汁。牛肉本身已經過調味，亦可以按自己的喜好沾上醬汁。另外，店員亦會按顧客的需要換碟，服務頗貼心。總的來說，餐廳的食物和服務都頗令人滿意，US Ribeye 更是烹調得不錯呢。🔛🏃‍♀️🏃‍♀️🏃‍♀️九龍塘海棠路66號女青雅舍地舖#hkfoodie#foodiehk#香港美食#hkblogger #hungry #foodphotography #holiday  #hongkongfood

今次好姊妹話要推薦一間位於九龍塘女青雅舍既法國菜，由石硤尾地鐵站行過去大約15分鐘就到～雖然地點唔算方便，但係入到餐廳，原來好多客人都會特登開車慕名而來，絕對不能小覷它！呢度環境寬敞，裝修走優雅路線，同朋友一邊品嚐美食，一邊聊聊近況就最適合不過！蒜香雞翼（$78）：總共有6隻雞翼，每隻都炸得好香脆，蒜香味濃郁！南瓜甘筍忌廉湯（$28）：朋友飲左呢個湯，話好creamy同香甜，仲有一片蒜蓉多士，可以蘸些湯一起吃！龍蝦濃湯（$38）：龍蝦湯味濃，鮮味十足，鹹度啱啱好，值得一讚！加拿大豬鞍配蘋果醬（$158）：切開肉質呈粉嫩色，嫩滑多汁，豬羶味唔重～配菜仲有蕃茄、薯仔等等，令人一試難忘！香煎帶子黑松露闊條麵（$138）：黑松露味超香濃，而每粒帶子都係大大隻，煎得亦啱啱好～闊條麵軟硬度適中，好易掛汁且蛋味香濃，好味玫瑰千層蛋糕（$68）：雖然份量唔算好大件，但勝在玫瑰味超香濃，比另一間連鎖西式餐廳嘅玫瑰蛋糕系列還要高質！