厚興瑜記手撕雞 (卓爾廣場)

營業中

休息中

由於成日行屯門市廣場嗰度嘅嘢食差唔多食勻晒所以決定嚟卓爾居廣場見到依間手撕雞舖頭，都幾多人下！就決定入去試吓幫我哋落單嗰個姐姐超好人好好禮貌！我哋一行兩個人嗌咗個精選套餐招牌手撕雞三寶飯$58 配兩個小食 同一支飲品啲飲品仲係佢哋自家製嘅！嗌咗個阿華田水晶另一個套餐，就叫咗手撕雞熱乾撈麵$54都係配兩個小食，同一支飲品我揀咗佢地自家製嘅柚子蜜奇亞籽同埋例湯，估唔到仲有湯飲兩樣嘢都好好食，而且好夠飽啲雞好滑最鍾意就係佢哋自家製嘅飲品

屯門抵食手撕雞二人餐皇牌二人餐＄134招牌手撕雞半隻份量超級足夠，今次叫咗麻辣口味好入味，加上鮮嫩可口嘅手撕雞啖啖肉，入口口感好滿足好惹味，最緊要佢仲俾埋雞翼尖你，真係好足料！自選雙拼小食 海蜇、小冬菇開胃小菜仲有雙拼可以揀啱心水你想要嘅小吃，海蜇份量都剛剛好，小冬菇真係特別推介，細細粒超入味，口感好咬口，食落都會停唔到手！上湯魚腐娃娃菜濃厚嘅湯底加上新鮮爽口嘅娃娃菜，魚湯鮮甜可口加埋菜底好配合！住家靚湯老火靚湯，今次係粉葛赤小豆湯，真係心機之選，一啲都唔重味精，入面勁多湯料，熱辣辣要襯熱飲！白飯、水晶粉自家制特飲港式樽仔奶茶 $16鮮奶水晶華田 $16厚興瑜記手撕雞 (屯門)屯門石排頭徑1號卓爾廣場2樓202C號舖

身為手撕雞嘅愛好者，原來喺屋企附近就有一間新開嘅餐廳，上OpenRice睇原來都有唔少嘅分店，一於今晚就去試吓啦，原來有一個二人套餐，請唔算好貴，都係百零蚊除返開一位都係六70，小食揀咗海蜇，同埋流心蛋，估唔到小食份量都咁多，另外仲叫咗半隻醉雞，非常入味，而且都好多肉，另外最鍾意嘅就係老火湯，雖然係簡簡單單嘅蕃茄薯仔，薯仔煲到爛爛地非常之甜，用嚟撈飯一流呀！除此之外，我哋仲加錢要咗兩支特飲，唔會死甜夏天飲非常適合！估唔到呢個價錢有呢一個份量同質素，一定會再幫襯！

老公放半日假，同佢去附近嘆個下午茶。我哋叫咗兩款下午茶餐。天氣熱又濕，想食啲開胃嘢，冷盤手撕雞係個選擇。1⃣️芝士手撕雞牛角包🥐+沙律🥗+咖啡☕️牛角包🥐口感鬆脆，入邊有芝士🧀️青瓜🥒配埋手撕雞幾特別，加上港式水果沙律和飲品，$35平價抵食。2⃣️手撕雞魚腐魚片頭湯米線🍜+煎蛋🍳+多士+熱檸水份量十足，有4件魚片頭，3舊魚腐和不少份量的手撕雞和米線，加上煎蛋和多士食到好飽。平價超份量之選。另外，再叫多半隻招牌手撕雞，豬耳小冬菇雙拼帶返屋企宵夜。手撕雞肉質鮮嫩，好滑唔會咸，配上芝麻醬好香好滋味，薄切的豬耳能嘗到軟骨的咬口食感，夏天作涼伴小菜好適合。

午餐點左手撕雞三寶米粉海蜇&雞腎好味！勁爽口😋😋😋麻辣醬都可以，香口夠味👍🏻👍🏻但份量的確少😅😅食完冇飽肚感，空洞洞咁～～🥴🥴另加左個鮮奶水晶咖啡個樣幾Cute，但飲落得鮮奶、冇咖啡☕️少失望😞全餐共💲108少少貴，好味但份量可以多返少少🤌🏻

我對雞情有獨鍾，無雞不歡。呢間野多數是外賣，竟然在卓爾居見到呢間分店可以堂食。選擇都幾多，個個餐都吸引。點了手撕雞雞腎米粉，仲配煎蛋多士野飲，只係三十零蚊，真心抵食，味道都唔錯。

厚興瑜記手撕雞這品牌的店印象中已開了多年, 主要是外賣手撕雞, 當年開業初期很受歡迎, 很多區都有它的踪影, 但近年多了不少類似的手撕雞店開業, 它的踪影好像少了不少,  現在竟然在私樓的商場內開業,  還提供了堂食, 真的有點錯愕, 以香港人的飲食習慣, 餐牌內容選擇不多, 加上疫情關係, 心想佢都應該幾難捱.   但經過數月的營運, 它的餐牌亦豐富了不少. 它開業初期堂食情況真的替它擔心, 但可能始終它的手撕雞是有口碑的, 所以堂食人數有增加趨勢, 看過它的食評又不錯喎, 所以試下佢.食過它的下午茶牛角包餐 (有手撕雞牛角包, 牛角包很脆比很多面包店的好吃, 不過手撕雞餡不多, 飲品加錢要了特飲, 特飲都幾特別, 可以一試), 下午茶手撕雞魚腐魚角餐 (包炒滑蛋...香滑好味正, 多士...焗得脆正, 手撕雞米...米粉份量女仔來說有點多, 以下午茶來說雞絲份量可以接受, 魚腐魚角各2件, 但有點咸, 包飲品只是$3X, 抵食), 老公喜歡吃它的麻醬撈烏冬.  它家的手撕雞真的不錯有雞味, 比很多手撕雞店的好吃, 有保證, 至從我們吃過了它的堂食後, 屋企人都已外賣它的手撕雞數次了

Badboy今次喺商場經過見到呢間餐廳嘅下午茶居然集結咗badboy鍾意食嘅牛角包同手撕雞於一身，無諗過呢兩樣野可以擺埋一齊，最後做定中伏心理準備去試吓呢個組合😳-🧀🐥芝士手撕雞牛角包$36呢個價錢包野飲、沙律認真好平，本身諗住應該會細份d，點知牛角包比想像中大隻，連d手撕雞都比想像中多😳重點係，好好食‼️牛角包好脆口，手撕雞好有雞味而且肉質結實而唔鞋口，兩樣嘢好夾好高質，真係好好食🤤。同埋會俾定手套你，本身諗住環保d用一隻夠，但因為牛角包真係太脆，一咬就散開，都係用哂雙手食無捩咁棄。-🌶 手撕雞麻辣雞肚細碗飯$38呢個價錢包野飲同溏心蛋😳，手撕雞一樣好足料。雖然胡麻醬好食，但badboy覺得手撕雞都係配麻辣惹味好多😋辣度對於唔係食好辣嘅朋友仔真係恰到好處，溏心蛋都好食。而個細碗飯一d都唔細碗😂份量根本係午餐量吧！-店長(?)態度好好，俾人感覺好有心經營間舖。座位亦唔算擠迫。性價比高到badboy一定會再食🤤

同老公係屯門搵下野食下，就嚟左呢度試下手撕雞，我地叫咗個二人套餐，咁就有每人一碗麵，一個雙拼小食，例湯，上湯蔬菜，同埋飲品，因為而家夏天熱辣辣嘅關係，所以我揀咗個凍食，就係麻辣手撕雞撈麵，老公就揀咗個醉雞絲鳳爪雞腎水晶粉，本身呢個就係配米粉嘅，但係可以選擇轉水晶粉或白飯或湯麵，而小食我哋就揀咗麻辣冬筍同埋麻辣豬耳，因為呢度係半自助形式，所以就先購買食物，然後就等叫號攞餐，先講吓個麻辣雞絲撈麵，麻辣味好香，但係又唔會太辣，有少少麻味，雞絲份量都足夠，這碗麵入口涼浸浸，夏天食真係好透心涼，味道亦都足夠唔會淡👍👍至於醉雞絲鳳爪雞腎水晶粉，佢哋個醉雞做得好好味，每一條雞絲到包滿住酒醉未，超香超正，甚至乎鳳爪同雞腎嘅味道都好足夠，而雞腎肉質唔會好硬，入口軟林林幾好食👍麻辣豬耳筒麻辣冬筍呢個雙拼小食份量真係超級多，本身都冇諗住小食嘅份量會有咁多😲真係好抵食，冬筍唔會起絲，超好，其實二人套餐嘅份量真係好足夠，食到我哋好飽，上湯娃娃菜，每一條菜都浸滿上湯味，最最最要推介嘅就係佢哋嘅例湯，蕃茄薯仔排骨湯，煲到超好飲，完全唔係溝水，亦都唔係味精湯，真係煲足全日精華嘅湯👏🏻👏🏻而家喺出邊真係好難再飲到呢啲真

天氣酷熱，晚飯唔想煮，決定買外賣返屋企，朋友推介買厚興瑜記手撕雞食手撕雞可選胡麻，麻辣，唔辣，選擇彈性高招牌手撕雞半隻（加麻醬）$68選了唔辣加麻醬，雖然點了半隻手撕雞但份量都好多，雞肉新鮮嫩滑唔鞋口，加埋麻醬一齊食，味道好香濃自選雙拼小食 $38有好多種類選擇，有豬耳，雞腎，海蜇，雞腳，雞翼尖！今次選了雞腎，海蜇雞腎煮得好淋，而味道又唔會過鹹海蜇好彈牙，帶有少少醋味，又唔過濃，上面灑了些芝麻，增加了香味

一向都有去厚興買佢嘅手撕雞加餸，原來而加仲開左餐廳添，見佢價錢都幾親民，試下先。堂食店開左係屯門嘅卓爾廣場，雖然呢個場都好近西鐵站，但平時好少黎，原來而加開多左好多新食店，以後搵食又多個選擇啦。黎到厚興梗係食雞啦，可以配搭飯、麵、烏冬等，醬汁有辣有唔辣，如果對雞無興趣，都有其他滷水，炸野揀嘅。叫左一人一份主食加特飲，個撈麵同撈烏冬可以揀熱食或凍食，另外仲有例湯送，是日個冬瓜瘦肉湯幾正，清甜無味精。麻辣手撕雞撈麵（熱食）雞絲嫩滑有咬口，青瓜絲清爽，麵條彈牙份量多，麻辣汁鮮味不死辣，好食喎。胡麻醬手撕雞撈烏冬（凍食）朋友叫嘅胡麻醬，基本上一樣嘅，由麻辣汁轉左做胡麻醬，睇個人口味啦，自己就覺得麻辣惹味啲啦。佢個烏冬都好彈牙，不過凍食同熱食好似無乜分別…麻辣豬肚併豬耳仲加左份雙併小食，同樣有辣有唔辣，重口味啲就叫麻辣啦，個麻辣汁同撈麵係一樣嘅。豬肚有咬口，豬耳爽脆，滷得入味，加上辣辣地好正呀。3.6牛乳水晶華田朋友嘅特飲叫左呢樣，係牛奶加入阿華田味嘅水晶啫喱，阿華田味唔算濃，勝在唔過甜都幾好飲。金桔奇亞籽水晶蜜自己叫左呢樣，與其話飲品，不如話係甜品，奇亞籽同水晶都好多勁杰身，金桔酸酸甜甜好香，

厚興瑜記手撕雞旗艦店已開張，是首家有堂食的店鋪🙈，店舖位於屯門卓爾居二樓。環境裝修簡約舒適，食物跟以往店鋪差不多，新增了午餐、飲品、湯品及小食。-💥3.6牛乳水晶咖啡 | 金桔奇亞籽水晶蜜 HKD$16，細細樽的賣相挺可愛的。3.6牛乳水晶咖啡奶味香濃，水晶口感Q彈帶咖啡味🤤。金桔奇亞籽水晶蜜質感較濃稠，味道酸酸甜甜的，口感豐富又有飽肚感😚。-💥招牌手撕雞三寶飯 HKD$56，這個份量十足的飯，可另選兩款小食，選擇了麻辣豬耳和小冬菇。麻辣豬耳爽脆微辣，小冬菇腍身入味。手撕雞口感嫰滑，有麻醬很香口，可以用來拌飯吃🤤。-💥手撕雞麻辣水晶粉 HKD$52，水晶粉和手撕雞是分開上的。麻辣撕雞味道香口🤤，雞肉也是很滑溜的，雞皮爽不肥膩。水晶粉口感煙韌，湯底味道濃郁不咸。-💥上湯娃娃菜 HKD$22 | 雙拼小食 HKD$38，吃東西當然要點蔬菜平衡一下，用上湯製較健康，口感剛好味道甜甜的☺。小食可自選兩款，選擇了鳳爪和海蜇。鳳爪切件更方便吃，口感煙韌味🤤。海蜇口感爽脆，拌芝麻吃挺香口的。-

朋友約埋一齊踩單車去屯門，差不多到目的地已經好肚餓，見到單車徑旁邊嘅卓爾廣場，一於入去食埋晚餐先至搭屯馬綫返屋企。呢個商場都好多嘢食，發現有間可以堂食嘅手撕雞專門店，啱晒我哋做完運動嘅人去補充能量。店裏面嘅裝修光猛感覺乾淨，自行到櫃枱點餐點，然後等叫號碼憑發票去攞食物。兩個都好肚餓揀飯餐，招牌手撕雞三寶飯$56, 可以轉做米粉、湯麵或者水晶粉👍所謂三寶其實就主要係手撕雞，再响小食嗰個餐單裏面揀兩種小食，可供選擇嘅小食包括：海蜇、鳳爪、豬肚、豬耳、雞腎、麻辣豬肚、麻辣豬耳、小冬菇、醬油冬筍我哋兩個果然係好朋友，飯餐同小食都揀埋一樣，連飲品都係一樣🤣🤣飯餐有例湯飲送，味道清甜，飲落順口解渴。招牌手撕雞三寶飯三寳：手撕雞、雞腎、醬油冬筍手撕雞啖啖肉有雞味😋醬油冬筍爽脆帶咸香，雞腎好爽唔會韌，食到停唔到口，飯上面仲有一隻溏心蛋，加埋薑蔥蓉撈飯就最惹味嘞。食飯要有菜先健康，上湯娃娃菜鮮甜淸新。又加咗$38兩款特色小食海蜇+麻辣豬耳海蜇夠爽口，麻辣豬耳香辣又爽脆，正！食完飯飲番杯嘢，個樽幾趣緻，飲管由蓋面插入去就飲得，金桔奇亞籽水晶蜜，啜一啖滿腔金桔味，連埋滑滑奇亞籽，甜甜地，飲完覺得滋潤又滿足。

去開屯門做嘢, 順話便約埋好友見吓面敘吓舊, 佢帶咗我去卓爾廣場裏面去食手撕雞, 呢間舖頭我都見過有專門店買外賣嘅,唔知道原來有一間可以堂食嘅旗艦店添兩個人各自叫咗一個精選推介, 我叫咗一個醉雞絲鳳爪雞腎水晶粉$56 , 水晶粉同餸分開上，未食已經聞到好有酒香，上面仲灑有白芝麻更滋味，醉雞絲嫩滑又夠味，雞腎爽脆滿有酒香，鳳爪爽脆夠味，正！精選推介係有例湯飲配送嘅，見材料有粉葛紅蘿蔔瘦肉…飲落足料好味無味精，好飲喎。閨蜜叫咗胡麻醬手撕雞撈烏冬（凍食 ）$56 可以揀凍食或者熱食㗎。我試咗少少烏冬口感煙韌有彈性，撈埋胡麻醬夠香又滑溜。我哋仲叫咗一個小食雙拼和上湯娃娃菜：雞腎拼醬油冬筍$38醬油冬筍好入味口感爽脆，雞腎一句講晒爽！上湯娃娃菜夠新鮮，腍中帶脆。我哋又叫咗特色飲品，好友係金桔奇亞籽水晶蜜，佢話好香金桔味，配埋奇亞籽滑嘟嘟，好正咁話。我嘅係3.6牛乳水晶華田， 3.6牛乳奶香十足，華田水晶口感似啫喱，隨住溫度上升，華田水晶慢慢滲透進入牛奶內，奶味逐漸被華田味遮蓋，所以鐘意趁凍飲🤭

堂食開放返之後,我都耐唔時會去D清潔得唔錯既餐廳既堂食.呢日我就黎到厚瑜記手撕雞專門店既堂會店-卓爾廣場呢日係平日既晚市時份,堂食連埋我地有三圈客,都KEEP住有唔同既街坊選擇外賣自取.今日食左兩個DINNER SET加D小食,放滿晒成張台既感覺好治癒我好貪心簡左三拼飯(簡完之後發現飯仲可以改水晶粉之類)除左手撕雞仲有海蜇同麻辣豬肚,麻辣好惹味,海蜇一如以往爽口一見個蛋黃好開心醉雞水晶粉個雞好出色,溝個麵入D醉雞汁到食仲叫左小食拼盤加個菜清甜好多特別喜歡前面果個野飲,叫"金桔奇亞籽水晶蜜".甜度適中,又有咬口本身叫到成台餸有小小唔好意思,不過隔離台叫得仲多過我地,仲聽到佢地一路分享邊幾樣好食,呢D可能就係堂食既快樂啦