印度咖喱閣 (已結業)

之前同女友幫襯過幾次都係食咖哩， 所以今次心血來潮走過嚟試下小食食咗個香辣芝士焗多士同咖哩魚蛋。 老闆娘仲好細心咁問我想要幾辣， 因為印度人食辣程度唔一樣喎個多士新鮮焗出嚟， 個麵包脆芝士又拉到絲。 有啲我以為係胡椒，老闆娘同我講係印度香料。 好味道 下次會再叫如果出面一串咖哩魚蛋廿幾蚊真係貴， 但佢用到印度咖哩個味真係唔同啲。 辣度仲可以自己揀🤣啲啤酒都幾平，下次得閒冇嘢做會再入去坐下，食小食飲啤酒都幾好。🙆‍♂️

一入到去雖然座位有少少迫，但勝在食品質素好，價錢抵食同老闆娘好nice，睇得出係有心機既小店。兩個人叫左個芝士脆多士，菠菜咖哩雞，Paratha，薯仔椰菜花，蔬菜炒飯同奶茶Cream Brulee，個多士係必試，即叫即做，新鮮出爐脆得黎好juicy ，少少辣好香。唔可以唔提個薯仔椰菜花，好足料，入味得黎又唔滯，味道岩岩好。最後要提個炒飯，因為除左好多香料，..... 個飯兜仲好正，金光閃閃好印度! 老闆仲同我地講原來印度間間餐廳都係用呢個上飯，佢地專登響印度帶過黎，香港無得賣ga。

放工同同事係佐敦行左陣，行行下肚餓去左渡船角個頭搵野食。原來個到開左間印度餐廳! 同事話想試下就入左去，就係咁我就試左人生第一次嘅印度菜.....餐廳細細間但都幾舒服，入到去最eye catching 係張 啤啤啤 poster 依頭黎講真係幾平。不過有d 餓嘅關係就揀左野食先!我仲以為唔食辣無咩好揀，但老闆娘話原來正宗印度咖喱係可以唔辣，想食辣先加辣煮。我地3個人一共叫左5 樣野食， 埋單200幾蚊到。menu 有好多選擇，剩係咖喱都有10幾款揀, 有魚、雞、羊...成晚最鐘意嘅係烤雞同奶油雞，奶油雞個汁有點酸酸甜甜，配飯食一流! 不得不提，其實我係第一次食印度米，texture 形狀都同白米有d 分別，唔錯唔錯!如果想試下正宗咖哩嘅朋友，不妨可以去試下。

本身唔係太好辣同印度菜 , 但因為朋友鍾意食，係佢推薦下就抱住一試既心態黎食下。去到是印度老闆招呼我地，老闆娘是地道香港人😳 似是家庭式經營小店，擺設都幾舒服。同朋友叫左小食咖喱角同芝士多士，主菜叫左butter chicken同烤餅～本身係奶菜迷，所以點埋印度奶茶。最簡單既野食可見真章，咖哩角炸得岩岩好，個餡香料同辣份量調味幾好，我唔係太食辣都覺得岩岩好。個多士更加不得了，趁熱食好重芝士同蒜香味。最推薦係個butter chicken 同奶茶！顛覆左對印度咖哩既印象，原來可以唔辣但又咁香好鍾意個汁，同薄餅食一流！問左老闆娘，原來佢比較著重香料運用，個butter chicken 有月桂、荳蒄，當然鍾意食辣既佢係可以加辣的。最後飲左個奶茶，同平時飲開既港式奶茶唔同，佢都落左香料（好似係肉桂），好香又特別，有印度風味😋。睇返menu ，原來香料有咁多款，長知識了🧐總體食物份量唔算大，但可以試多幾款食物，價錢都相宜。係呢個時勢，覺得更加有責任要支持小店。如果去開佐敦、柯士甸又鍾意印度菜，不仿可以去試下。

最近好沈迷印度咖哩角隔個星期就會想食試左呢間係佐敦/柯士甸嘅印度咖哩閣佢係家庭式嘅scale 得幾張枱價錢好實惠 每人$100左右味道比唔上我係油麻地食開果間印度野嘅質素但呢度性價比高 值得一試印度老闆識講廣東話 服務亦唔錯Semosa 不錯 唔會太油 外脆入面足料 夠哂熱印度烤雞 味道唔錯 燒得乾身之餘雞肉都仲好滑 印式豆泥ok 適合唔食得辣 又或者素食者 用黎點烤餅唔錯美中不足係烤餅 叫左三款烤餅都覺得佢烤得唔夠乾身 質感唔夠煙韌

食咖喱唔止剩係得旺角佐敦都有唔少嘅選擇。今日喺附近按完摩一條友揾嘢食。附近唔少有特色嘅餐廳餐廳我都幾鍾意，不過就比較難一個人去食。行返出去渡船街見到呢一間印度咖喱角，鋪面幾乾淨裝修又OK入邊又真係有印度人就入去試一試。入去我全程用爛英文問佢野，佢又答返我，我以為佢真係唔識廣東話。結果睇返其他師兄嘅食評，原來係可以講流利廣東話。OK下次識。入去之前我有啲擔心一個人有啲難叫野，所以入去之前問咗佢一個人用唔用易叫到嘢食，佢話OK可以加份量會適中。咁我信佢啦。去到印度餐廳，都係會想食咖喱。咁我就叫咗個咖喱羊，問老闆陪乜嘢包好，佢建議我配蒜蓉包。咁我當然聽佢講啦。又真係唔錯喎。食系真係幾好食，但唔係幾夠飽。所以我叫咗一個印度飯。個印度飯好有誠意佢會炒兩炒先上碟。呢一個有香料嘅炒飯配埋印度長米，再加埋咖喱簡直係絕配。識識吓望吓幅相見到佢有一個甜品推介，係印度香料或者奶茶嘅cream brulee. 兩個$20， 1個$12。其實我都飽飽地不過想食甜野，所以就叫左一個印度香料味。其實呢一間餐廳嘅嘢食係感覺幾正宗。（我冇去過印度，只係喺東南亞地方食過唔少印度野) 感覺餐廳老闆好有誠意去營運呢一間餐廳，

佐敦渡船街附近一向多野食，最近行過見開左間印度咖哩閣，我又like印度食物，就去試下新。鋪面比較細，大約只有十幾個位，好彩d櫈都幾舒服，又夠大張，唔會好逼窄咁。如果人多去最好留定位先，因為當晚所見生意都唔錯架。餐廳老闆，樓面同廚師都係印度人，不過識得講好流利嘅廣東話，唔單止溝通冇問題，仲好好招呼添。一坐低我就叫左杯mango lassi, 味道酸酸甜甜，超對版，令到我對其他食物都好期待呀。食物方面，點左naan bread, tandoori chicken, 芝士波菜, 炒飯呀咁，全部都好正宗好好味（如果怕辣都可以少辣），一上枱就清曬。不過最正係個甜品-老闆娘親手整嘅愛心Creme brûlée，有原味同masala奶茶味，兩樣都好香，唔太甜，同埋...面𠴱層糖夠脆，賣曬就冇㗎喇。Overall呢間印度菜真係exceeded expectation, 唯一問題就係份量唔多。不過睇返價錢，嗌多幾碟都唔會傷荷包，而且人少少或者想試多幾個菜都冇難度，下次行開佐敦會再幫襯。

amazing food Indian curry corner if you like Indian food come here you can taste original Indian food we arrive the restaurant at about 7pm not so busy we are the first customer we first ordered appetizer so nice then ordered lamb curry and lamb chop garlic naan it's so so so delicious 😋😋😋that I can't find in other places in hk 😎😎 this is our second time I really love Indian food I tried so many place this is the best👍👍👍 very clean

食物新鮮 老闆好nice 有驚喜中途可加辣 一定會再食 文英街吾係得串燒同火鍋呀 推仲有個焦糖燉蛋二重奏OMG 吾太甜 脆卜卜嘅焦糖食多幾個都仲得真係估吾到 文英街又令我有衝動係呢幾街估佢吾到

午餐時段食左咖哩羊肉，青豆芝士同奶油咖哩雞羊肉好腍好入味雞好滑青豆超甜！佢地既naan好厚，好實，甜甜地，好正好耐都未食過咁抵又好食餐廳幾好坐，舒服，老闆幾好人，係咁推介我地有咩好食，點樣係正宗食法The food are good, especially the lamb. The environment is comfortable A really pleasant experience here having lunch.

近排食過2次，都係lunch time過黎食，lunch set的選擇都好吸引！😋份量適中，味道又幾驚喜！試過奶油雞、菠菜芝士、咖喱羊，可配飯或薄餅。😋抵食！印度老闆好好，又好熱情！餐廳環境不大但潔淨、整齊。對餐廳的食物的信心度亦有所提升！值得再試！

今天跟一位巴基斯坦朋友慶祝生日，咖哩很好吃亦很正宗，午市套餐只售$50，可選擇辣度。店東是巴基斯坦人，懂說廣東話，很友善，服務也很好，環境亦很雅緻明亮，以後會多光顧的👍

今日放假悶悶地去左屋企附近新開的印度餐廳食lunch...我們order左咖喱雞同埋羊咖喱飯..點知有驚喜😍😍D咖喱好好味..老闆係印度人..但廣東話好流利..好Nice同我們傾下計，仲話飯唔夠可以再加..唔駛客氣的！真心d飯真係唔夠..D咖喱好味到起碼食兩大碗飯先夠餐廳環境雖然唔大...但好乾淨坐得好舒服...餐廳播放英文歌🎶...一邊聽歌一邊食野...感覺好放鬆😌...下次會再幫襯💓💕👍👍

平時住附近，見到呢間印度餐廳最近轉左手。上一手做得唔太好，成個感覺好差，食左一次就無再食。轉左手之後，黎左個大變身，個環境舒服左好多，最重點係乾淨企理左好多。我叫左lunch set 黎食，$50份lunch價錢合理。諗左好耐唔知食邊款好，就決定食最傳統的印度咖喱雞飯。入到去坐低，老闆已經好熱情咁傾計，落左單之後，好快就上枱。送到上枱，聞到陣咖哩香，我又肚餓得濟，忍唔住食左兩啖先記得影相整體黎講，值得番啅。

Enjoyed nice lunch set with office friends. Also ordered samosa and lamb chop. Good taste and service.