印尼餐廳 (已結業)

昨天去了印尼餐廳,由於是情人節,雖book了位,但仍需等十五~二十分鐘。 我們叫了四個菜,巴東牛肉、串燒、醬燒雞同一個唔知咩菜。 錦多個送,最好味就係巴東牛肉,真係好味,而且好開胃,送飯食一流,串燒都好好味,個炒菜亦比想像中好,聽lee到d網友話醬燒雞唔錯,果到d人都係錦推,食左,發覺冇想像中好食,而且本人不好太好辣... 整體來說都十分不錯,亦會再去。

晚上與男友提議到印尼餐廳晚膳，他說因從前吃過，印象。起初我對其沒太大期望。吃了才發覺水準不錯，推介食物有加多加多及咖哩雞。加多加多即是印尼沙律，是青瓜、椰菜、薯仔等蔬菜伴沙爹醬汁，再加蝦片，那個沙爹醬汁甜甜的，很惹味醒胃！而咖哩雞真是太美味，從來我倆吃咖哩都是為了咖哩汁及薯仔，但今天晚上我倆把所有雞肉吃光，因為很有鮮味，而且又滑又嫩！環境也不錯。

除夕那天來了這..... 係因為冇選擇吧, 之前食過一次都OK , 咪再俾多次機會佢!果日冇咩選擇! 只有2頁紙...叫了串燒! 可選2款! 叫了牛同豬... 仲有菜都再加燒尤魚筒(好脆好正) 可以叫一個飯夠了, 因份量太多!$9叫了3樣野, 埋單$220.但我想講一樣好重要既野! 佢地既冷氣開得偏大, D 飯放了一陣已凍冰冰, 我好唔鍾意!

前晚叫了<燒醬雞>；<沙o爹串燒豬>；<酥炸金錢肚>。<燒醬雞> ~~~ 必食推介：雞肉嫩；醬汁香口得o黎帶點辣，撈飯一流　<沙o爹串燒>：唔明白Ｄ汁點樣可以煮得咁好味呢？又撈多一碗飯；<酥炸金錢肚>：名副其實，好鬼脆（一入口，簡直覺得有股“熱氣”從條脷傳送到身體各部位，所以，食完呢餐飯，O拿O拿林去‘O對’蕃支清熱號至得！）但食o既時候，如點以上兩味Ｄ汁食，味道更佳。最緊要係白飯任裝 ~~~> Whao~~~ 食o左兩碗飯呢~~~

同行三人都基於太過餓..所以我地一連串叫左六個餸..個湯..豬肉炒貴刁..好有鑊氣..唔會太過油..比想像中好..酸辣海鮮湯..勝在海鮮足料..味道偏辣..馬拉盞炒通菜..味道唔會太咸..仲有小小驚喜..就係連蝦一齊炒..牛肉串燒..肉質都可以..唔錯..雞喇沙..令我回味既喇沙..味道同我係澳洲食既仲差小小..算係甘..醬燒金沙骨..味道幾特別..好好味..肉質算淋..一啲都唔韌..咖哩魚頭..酸酸地..辣辣地既咖哩..好得..不過魚頭太小..可以多返啲就好..服務好親切..直得表揚..

上星期我同一班同事去印尼餐廳食飯,好彩當日吾系好多人,之後d侍應安排我們坐卡位,我地叫左好多野食,有加多加多,串燒,葉包燒魚.....d野食都幾好味!就系咸左少少甘...旦系我地叫加水都冇人理,佢地竟然成班侍應系度傾計,只有幾個伯伯系度做野,我覺得佢地既服務態度差左,或者依家d侍應年輕化左掛,期望有日再黎幫襯既時候,會改善啦~

與一位很久沒見的朋友一聚, 加上一位老友, 三位想食得"平平地", 便走到印尼餐廳, 找那好坐的卡位, 再胡叫了一堆食物。食物真是多得一塌糊塗! 將四人檯卡位放得滿滿不特止, 仲係要"朝行晚拆"至放得曬d食物。對於食得落一隻牛的我而言, 是"見到仲開胃"。印尼沙律gado gado是一堆花生碎做成的沙爹醬, 加上芽菜椰菜豆卜雞蛋等拌成。味道不用多說。串燒要了3支羊3支蝦, 幾時都覺得串燒中, 最穩打穩扎的是羊肉, 因為燒羊肉是無不好吃的道理的。是晚羊肉依然滋味(當然不是市面中最好的), 而燒蝦更見驚喜, 本來認為燒蝦會偏乾, 較難做得好, 可是一串3隻的蝦又燒得幾香幾好吃, 再沾上加入乾蔥的甜醬油, 是很想很想加單的一味。煎牛薯餅口感很粉, 牛肉茸加上薯茸做成的一pat狀薯餅, 外脆內軟, 完成度幾高。豆腐卷是豆腐加上蝦膠炸成一條, 中間的某種菜蔬有畫龍點晴之功效, 是印尼餐廳中稍為清淡之選。另一味菜蔬"印尼雜菜"比gado gado 更像沙律, 與gado gado相類似的醬汁, 加上青瓜, 菠蘿, 青蘋果等, 味道很複雜, 這一味我不太推薦, 要吃就吃gado gado。信我, 這

食左5樣野:1) 黃羌飯(星期日先有),少少辣,但幾好食2) 粟米餅- 初初睇佢好似好熱氣,不過食落都幾好食3) 串燒沙爹雞同豬- 豬比較好食,兩樣都唔算辣,仲有d甜甜地...4) 炆牛脷,呢個最好食,好稔,甜甜地,好特別5) 炒通菜- 普普通通,不過有d辣...侍應態度ok,仲識自己加水,不過食完到而家2個鐘都仲有d口渴...

4/23/2007 8:00pm又係晚飯時間, bf提議去食印尼, 都好, 一來未食過, 二來餓到我暈咁滯.人不多, 侍應都係老一輩, 好nice. 我地坐左係卡位,幾舒服.叫既食物都係朋友介紹:燒雞半隻($70):新鮮炸起, 香氣四溢, 點埋附上既酸汁, 外脆內嫩. 食唔停口呀~ (推介)咖哩魚($85): 呢個好新鮮, 係d好厚肉既倉魚,有3, 4件,bf話街市都賣$5一兩喎~ 食落好滑, 好好味. 咖哩係唔辣架, 仲有d椰汁味, 有白飯就好喇~ (推介)印尼炒麵:可說是豉油皇炒油麵,有d肉片, 蝦仁, 時菜.好肥膩下, 食落無咩特別.炒芽菜: 一般, 有蝦仁,蔥一齊炒,幾油.紅豆冰($26): 一飲就知有椰水o係度,加埋椰汁, 好正. 紅豆幾林又唔會太甜.p.s 講起白飯, 唔好以為d侍應拎住d一大桶白飯圍問你要唔要飯就唸住唔洗$. 起初bf就係唸住要啖白飯送下咖哩, 叫左個waiter, 問清楚先知要$9一位.可惜既係,返到屋企好口渴, 師傅到....

今日行經呢道見到佢外賣既小食好吸引,所以買咗"1) 香蕉pancake $4.00: 外皮好厚, 內裡有三塊香蕉肉, 好香香蕉味, 但係我唔欣賞層外皮2) 薯仔牛肉卷$4.00: 外層好以pancake 皮咁, 內裡係薯蓉同牛肉碎, 好香牛肉味, 唔錯3) 香蘭糕$3.00: 好香好滑, 可惜太過軟身, 無咩口感可言都係覺得佢價錢比較貴, 試一次就夠了!

見到食評咁好就同朋友去食, 全店都係印尼客人….好嘈…..我地叫左個印尼大餐,$140,一共有16樣野, 個waiter話我地2個女仔一定唔夠食…..有d無奈唔係太記得有d咩, 大概有:沙爹3串- 沙爹醬鋪滿串燒, ok好食沙爹魚- 我冇食, 朋友食, 因為得一舊…..巴東牛肉-好似有2,3舊, 係全餐最最好食ga喇~咖喱雞- 唔辣有2大舊雞, 我朋友最中意d咖喱汁蝦片- 好大塊但好硬煎牛肉餅-有1件, 唔太好食半只蛋- 咪就係半只拾蛋囉, 好難話唔好食ge1杯野飲1個椰汁西米甜品- 試左1啖就放棄左….><”其餘仲有d炸花生,魚仔, 青瓜, 椰菜, 芽菜丫咁……仲有幾碟size大小小ge, 但其實都冇乜點食, 第1次食印尼菜, 睇黎我地都唔o岩食印尼野囉……的確印尼大餐係唔夠2個人食, 但好彩冇加嗌其他野咋……..><..我地冇叫飯但一黎餸waiter就拎木桶“不”飯俾我地,咁我地以為係跟餐係有飯ga啦,但因為唔想食飯又怕浪費,見佢“不”原一殼仲想再“不”多殼,就即時話唔駛咁多喇, 點知埋單先知白飯係要加錢…..唔問就俾d飯我地, 咁都唔該講聲話要另加

上年年尾嚟食飯。對上一次嚟都係幾年前，印象中間嘢黑忟忟，但係而家唔知係咪裝修咗，光猛晒，仲唔知整乜鬼鬼死咁多人，九點幾仲有人等位添。六個人食咗打半串燒、巴東牛肉、加多加多、醬燒雞、印尼炒飯、煎鮮魷，後來唔多夠，再叫多個金沙骨同馬拉盞炒通菜。啲嘢食味道普通，份量就好少，而且個menu其實唔係咁多嘢揀。其間成日有人走埋嚟pud飯俾我哋，但係因為明知要收錢，所以冇要到。後來到埋單九百幾蚊，我攞張單一睇，計咗九蚊乘六嘅飯錢，即刻同佢講啦，個阿叔EE哦哦咁：「哦…多咗呀…」之後就減返個數出嚟。我簽咭嗰吓佢喺我身後大大聲講咗幾句唔知印尼話定鄉下話，可能係話：「你班港燦坐粒幾鐘阻鬼住晒，收多你五十四蚊都唔x俾!」如果佢喺印尼開餐廳，相信暴動會由佢間舖開始。

又係平日夜晚, 又係尖沙咀的晚餐. 大家都無乜頭緒, 苦惱於這個抉擇, 最後揀了而度.人出奇的多, 相當熱鬧, 像街市一樣的嘈吵.先要了兩樣, 又覺得唔夠, 再加一樣.沙爹: 8分, 要了半打, 三串羊, 三串牛. 沙爹醬係相當得, 花生味相當香濃. 羊同牛燒得剛好.燒醬雞: 8分, 而個掛頭牌的食物, 係好辣, 但隻汁係好特別, 辣中帶甜.咖哩牛腩: 7分, 咖哩反而麻麻辣, 但係牛腩整得麻麻, 好靭.三款唔同的汁, 用來撈飯係一流, 加上而度係白飯任裝, 真係食極到有.依然係不錯的選擇.

上個幾禮拜又係我同我男友拍拖第N個月紀念，我地又如常去慶祝，四周圍試好菜。不過我男友都幾嘴叼，我有時都唔知同佢去邊到食好。我記起我之前試過呢一間印尼餐廳，印象中超勁得，於是就帶左我男友去食。試下D水準有無變到，你地都知香港地可以keep住水準絕對唔多咯。去到門口塊玻璃，又見到多左好多傳媒報道前貼，就知道水準應該唔會差。兩個人叫左一份荷葉燒魚、半打雞沙爹、巴東牛肉、牛尾湯、馬拉盞炒豆角同咖喱雞。牛尾湯有少少油，不過味道非常得，飲得出係用真材實料煲，唔係水滾求其放條牛尾去煲。上次試過沙爹，印象至今難忘，所以一定要再試。我男友食完D沙爹醬后，反應同我當時一樣，難以置信可以gum 好食！！我覺得香港唔會有第二間好得過呢間。荷葉燒魚好特別，我比較少食印尼菜，所以試左呢樣。一D都唔腥但又好有魚既鮮味，唔會好乾。不過都幾辣下。巴東牛肉又係另一經典！超勁好食。我之前試過另一間印尼餐廳，賣相靚D，但就又少又貴兼又硬又乾！我最怕D牛肉乾爭爭！呢到勁入味又咬得開，真係好好味。馬拉盞炒豆角同咖喱雞都唔錯。不過馬拉盞炒豆角又係有少少油膩。咖喱雞細細份，唔會好大。D服務依然無變，D waiter 依然係班伯伯，態

My boyfriend took me to this restaurant to celebrate our anniversary. We ordered Satay, Gado-Gado, fried corn-cake, Padeng beef and fried vegetables.The Satay was just GREAT!! I love the chicken and shrimp and they are just well cooked. The Gado-Gato is a type of Indonesian salad with peanut sauce and again I love it much. The corn-cake is crispy and the beef is very tasty. The service is excellent, the waiter came to us and asked me whether I needed more rice. And the food they introduced (c