博多丸 (iSQUARE國際廣場) (已結業)

今日約左老公放工去尖沙咀行街，咁行行下有d肚餓，咁就入左國際廣睇下有咩食啦～咁我老公就無拉麵不歡既人黎，睇左一輪，咁我地就鎖定6樓既呢間博多拉麵～間餐廳好光猛，不過就半自助式。要自己點餐，職員捧餐。其實拉麵有幾款選揀嫁，紅丸，白丸，綠丸，黑丸，不過我地兩個都選擇左白丸拉麵（博多叉燒拉麵豬骨湯底), 湯底十分之濃郁，叉燒一啲都唔韌。好有水準！仲叫左份日式煎餃子，一份5隻，28蚊，好抵食！食完見到佢擺出黎既薯餅好似幾好食咁。所以叫多一份蟹肉忌廉薯餅。裡面好忌廉嫁！外面又好脆～正牙！埋單只係加埋$178蚊！係尖沙咀夜晚食到呢個價錢，呢個水準，一d都唔貴！

依家星期日嘅尖沙咀同以往大不同， 加上呢一日中午區內有大型活動，呢個商場其實真係冇乜人但一向價位偏高。以前係呢個場通常食同集團嘅烏冬，呢日好想食飯，就試下呢一間算係場內平價之選 中午12點到達只有1檯客，meau有拉麵有飯，選擇唔算太多日式豬扒飯 54蚊 自助到櫃位點餐，十分鐘內職員就將餐送到面前， 熱辣辣上枱，豬扒炸得香脆，飯淋上足夠醬汁，面頭大量紫菜絲，加埋隻畫龍點睛嘅雞蛋，性價比高食得好滿足，下次再到tst又多一個飯堂選擇

呢度似係主打拉麵但係我同男朋友都冇揀到，兩個都食咗飯！見門口有個牌寫住鯖魚定食做特價$58即管試試！ 男朋友叫咗個蛋包牛肉飯！ 另外叫咗炸雞同炸蝦，冇影到相個炸雞好脆，幾好味！炸蝦我就不嬲都唔好，所以無食到原本$58冇乜期望, 但個鯖魚出奇地高質、同一般餐廳食百零蚊一個定食差不多質素，燒到剛剛好， 皮香口，肉亦唔會太乾附送嘅芥辣魷魚小食都好惹味！呢個定食性價比真心高！男朋友個飯我就完全冇試到，佢就話牛肉OK！ isquare 快食平價之選！

午餐好去處，之前去過食，果陣時試過拉面🍜，味道是好食的。今次試飯類，鯖魚飯，三文魚飯，各個set有湯又小食 ，魚份量都又很大，又有米素伴著食仲可添加。整體是好味又價值相宜的。

放正約左fd 睇toy story.又想食麵，見到呢間平平地🤣拉麵竟然70有找就試試！想食辣就叫左招牌既紅丸！.....um 真係圖片只供參考！我以後係地獄湯底d fd,點知只係辣椒醬....同埋舊肉係五花肥肉，唔係好岩我口味，好油呀。還可以啦，早知叫豬軟骨😕

見到呢間博多丸唔使排隊就有得食，以自助形式落單。拉麵價錢60幾蚊起，仲有蛋包飯等等可以食，選擇都豐富。.#白丸拉麵 $65拉麵控嘅豬太郎，唔算太肚餓就咁揀咗最簡單嘅叉燒拉麵配豚骨湯，一嚟到外表無平時出面食嘅咁靚仔，塊紫菜已經軟晒，配料有紅蘿蔔、木耳絲、筍同半隻溏心蛋，溏心蛋味道都唔錯。主食嘅拉麵係硬身嘅幼麵。湯底飲完唔會口乾，但拉麵食落無豚骨湯嘅香味，小小失望。.CP值嚟講算係咁，六十幾蚊有肉有蛋，湯底仲唔會口乾到狂飲水。下次要快食都會再考慮佢。.

係isquare竟然有間平價拉麵～就試下你！佢個格局好似丸龜…（好似係同一個集團？）所有野都係自助形式～自己拎餐具、水，食完自己放番啲碗比廚房～主要都係食拉麵…仲有幾款飯～仲有d小食可以加…但望落就唔太吸引…望落好似比丸龜差呢拉都選擇…原味／紅(辣)湯／黑湯(墨魚)／綠湯(青醬)（點解我覺得咁似豚王XD)嗌左綠湯…個湯幾濃…有啲'傑'添…上面有一大pat芝士！融左之後令個湯更加傑！值得一提係隻溏心蛋同叉燒！好好食～講真依個價錢都算係咁…當然冇得你揀麵質／麵粗幼blablabla架喇但尖沙咀食平啲黎講都唔錯啦～

鐘意周圍食嘢既我，成日大多係尖沙咀區出沒搵嘢食，見到無乜人，又有位，望入去都算坐得舒服，所以就入去試下😅————————————————————見門囗無人招呼，甘就入去望下望下咩料，後尾有個女人見我一直行入去周圍望，之後有個女人就話比我知係呢到點餐先😨😨原來係自助式😨————————————————————為免監介就照食啦，望下頭頂上的餐牌食物不算多款，甘就食佢個博多丸拉麵一定吳會差😀比完＄之後就比個牌你，自己想坐邊都可以，食物做好就會有人送餐到你枱上😅———————————————————-🥢筷子，🥄匙羹要自助自己拿，水亦一樣，全自助式😟————————————————————@博多丸拉麵配🐷🦴🥣底——材料有🦐x2, 日本魚蛋x1, 菜，蘿蔔絲，芽菜，青口x1，溫泉🥚半隻，荀絲，紫菜，海帶，豚肉x1,蔥粒材料同拉麵味道吳錯，🐷🦴湯味道一般。————————————————————食完見牆上有個位置係要自己將食完托盆回收在此位置———————————————————-1-食物味道一般2-無服務又正常，全自助式，因為人地係無收加一，甘又正常，有D收左加一服務費都吳一定有服務比你😂3-不過

Lunch時間同同事黎到Isqaure食拉麵，見到呢間人少少就入去試下，點餐係自助形式嘅，自己走到點餐位置叫野食，店員無乜特別好禮貌，唔會扮下日本餐廳咁叫下歡迎光臨之類的說話，所以服務可以話係零。我叫咗一碗紅丸，成為68蚊，拉麵黎講價錢正常，但咁嘅質素，就真係唔值喇一黎到個賣相已經係差到爆炸， 味道好一般，亦無香濃嘅辣味，仲衰過喺超市買返黎自己煮嗰啲，叉燒又無味，我真係唔明點解會有人話好食，無其他野食都唔好幫親呢一間拉麵店呀

喺尖沙咀呢邊搵嘢食 除咗厚福街其實都幾多選擇今次就嚟咗iSquare原本想嚟食丸龜但係上到嚟同一層發現有拉麵鋪頭就入嚟試一試 嗌嘢食先發現其實佢同丸龜模式好似都係自己揀嘢食 配埋其他小食俾咗錢先至享受食物最後發現原來佢同係丸龜同一個集團所以其實佢係丸龜嘅拉麵版我哋揀咗日式豬扒飯 海鮮飯仲配左一個南瓜薯餅南瓜薯餅好味😍個豬扒飯其實就相反地有啲乾所以就算中規中矩啦個海鮮飯原本就咁睇圖 我以為係類似魚生飯咁樣嘅乾飯啦但係上到黎發現都幾多芡汁 整到一個濕嘅飯其實容易入口嘅但係比我嘅感覺就有啲似大家樂食到嘅鴛鴦飯同我期望嘅有啲唔同不過其實佢嘅海鮮料係算多嘅特別嘅丸龜同呢間博多久丸亦都可以用一張單減$5嘅優惠所以如果你拎呢張單去其他鋪頭都可以減咖唔好掉左張單

2018年11月24日 (星期六) 6:00pm 21°C 店內裝潢以時尚樸實為本，感覺舒適和優閑。 環境光亮整潔，餐具乾淨。 餐具、水杯、清水、餐巾、調味料等，均以自助形式，根據自己需要自行拿取。 用餐完畢後，需要自行將托盤及食具拿去「返卻口」。 人數：2 人 HK$108 不用等位 日式豬扒飯 - 豬扒熱騰騰，外層脆口，內層肉嫩不靱。蛋漿金黃滑溜，配合洋蔥絲一起吃，爽口香滑，而珍珠米飯質亦軟綿綿。整體來說，以自助形式餐飲店比較，味道出乎意料之外好，沒有馬虎、減料等欺場行為。豬扒大大塊，洋蔥絲多，份量足夠。【推介之選】❤❤❤《 環 境 》《 門 面 》

採取自助點餐形式，先點熱小食（冇點，因為全部係炸物，sample賣相一般），再喺雪櫃拎凍小食同飲品（亦都冇拎，因為望落似擺左好耐）,最後點主菜然後搵位坐。點左推介新品 - 豬軟骨味噌拉麵。點完菜坐低3分鐘店員已煮好送上，好有效率。湯溫度好夠，但只食到咸味，唔太食到味噌味，少少失望。拉麵幼細彈牙，吸收到湯汁，可惜個湯冇乜味噌味。麵嘅分量看似唔多，但好有後勁，其實幾飽肚。主角豬軟骨份量算唔錯，肉太韌同乾左啲，似煲完湯嘅豬展，而軟骨位就剛剛好，呈啫喱狀，非常入味煙韌。配菜有木耳絲、筍絲、蛋、炒雜菜同紫菜，質素平均。可一試。

Isquare 食肆林立，你想食中西日韓台泰越 都滿足到你。假日時不時和男友會到 丸龜製麵食晏，我們鐘情於佢地既明太子飯團今日唔太想食飯團，在同一層四圍行下發現有間開張一段時間既 <博多丸>。一看店舖格局 與丸龜製麵有幾份相似。不知道是否同一集團 拉麵選擇頗多，另外男仔想食飯都有得揀門口有Menu 可以比客人睇，店舖設計簡潔 用上木材為主。客人可自助提取冷凍櫃飲品食物到收銀一拼計算。另外，雪櫃旁邊有一小食區域 跟丸龜非常相似食物種類也類近，大多以炸物為主白丸 $65. 評分7.5/10以旺區商場店，這個拉麵的價錢實在相宜。要知道現在隨便一間日本過江龍也索價 $100或以上，而很多都沒有附上蛋和紫菜。紫菜上碟時是原塊脆的，下圖係小編已浸落湯首先，湯頭豬骨味夠 味道有點像出前一丁棒丁麵。叉燒事先炙燒，帶有點炭燒味，咬落軟和嫩 肥瘦適中溏心蛋一般，略微過熟。麵質煮得剛好 偏硬紅丸 $68 評分7/10相比其他店以豬骨作底加辣汁，這個湯頭以味噌為主調 再加上辣醬。男朋友這隻溏心蛋比較有水準唔好睇落好多湯以為唔夠食，麵底好大個。女仔會食唔哂 以我睇隔離幾枱

去尖沙咀睇戲之前，求其搵嘢食。本來打算去食茶木，不過太多人等位，選擇咗隔離嗰間拉麵館。雖然價錢唔算貴，不過食物一般辛辣叉燒拉麵 🍜雖然叫咗辛辣味湯底🌶(?)，不過完全唔夠辣，而且湯底唔夠濃。麵條嘅質地，只係屬於一般。叉燒肉雖然燒香🍖，對女生來說太肥了，男生也未必接受得到。呢個價錢比出邊一般日式拉麵館要平得多。糖心蛋，上碟嘅時候已經散咗😮⋯⋯天津飯🍚其實就是日式的滑蛋蝦仁飯。雖然係茶餐廳碟頭飯嘅價錢，不過水準就比起茶餐廳、大排檔、冰室的質素要低。雞蛋不夠滑、不夠香，份量也只屬一般。湯汁沒有味，所以需要加入大量芝麻用來送白飯吃。蝦仁爽口彈牙，不是太差，但比起冰室還略欠一籌。炸雞🍗（$18）得三塊細細舊，炸得香脆，但份量一般。

好難想像到，可以係ISQUARE度搵到咁抵食既飯呢個滑蛋豬扒飯+汽水只係$38蚊老實講，心諗會唔會中伏，出到黎變左個迷您飯點知個份量又ok大份，仲差少少食唔晒d飯咁既價錢有咁既質素，真係超級抵！仲要係即叫即整！無得輸