南대門3號

營業中

休息中

南大門係金巴利道一條街道已經有幾間分店，之前食過bbq個間覺得唔錯，老闆同店員都係韓國人，感覺都幾正宗，所以今次就去埋南大門3號試下其他嘅韓國料理。一邊食韓國菜，一邊用燒酒杯飲燒酒，即刻好似置身韓國一樣。雜菜牛肉炒粉絲粉絲口感幾Q彈，唔會炒到好碎同乾。牛肉份量都唔少，仲加左好多蔥木耳洋蔥紅蘿蔔絲，材料幾豐富，同粉絲炒埋一齊好香。海鮮煎蔥餅 超級大塊嘅煎蔥餅，薄薄地食落幾香口，仲有唔少嘅海鮮，唔會好厚粉，唔會食落啖啖粉咩都冇咁，幾足料真係食到海鮮。

今晚諗住同朋友黎試下韓國嘢，揀左好耐見佢地選擇幾多，阿叔又好熱情叫我地入去，咁咪入去咯，嗌左燜牛肋骨，辣公仔麵，人參雞，d牛肋骨有三四舊係好老好老好乾好似牛肉乾好似磚頭咁，爭d哽死我，好在有兩舊有d脂肪嘅可以食下，唔係成煲198（未計加一）根本食唔落口。個公仔麵好普通，辣雞麵都好食d，個人參雞裡面有栗子，正常人參雞嘅栗子應該係好軟好香，佢係硬嘅臭嘅，雞湯味道正常，但人參味道唔濃，雞大部分係好鞋。咁講態度方面，我地水飲曬係冇得加水嘅，叫個女人加泡菜佢個樣好似好唔想過來咁，以為係講英文，點知埋單發現原來好標準嘅廣東話，但一句聲都唔出。成餐飯都洗左五百幾蚊，食d咁嘅嘢，真心冇下次。佢隔離嗰間都食過，雖則唔算太特別但人地態度好d而且泡菜任加🙂🙂

呢間韓國菜有韓燒同埋韓式家庭料理👨🏻‍🍳，兩間姊妹店喺尖沙咀韓國街嗰頭並排，上次試過佢嘅韓燒，都幾抵而且氣氛都幾好～今次試佢另一間主打韓式家庭料理嘅，佢嘅菜式選擇都幾多下，由韓國人主理嘅韓式料理，味道夠正宗！菜式都會係以韓式日常料理居多，有啲小食、鐵板烤肉、同埋唔同嘅韓式湯料理套餐、麵食類，價錢唔貴，人均$100唔使就試到一個set！✨------------------------------🐂◖鐵板烤醬醃牛肋骨◗ $168見佢個鐵板牛肉好正，有三大嚿牛仔骨，其他嘅會切成牛肉片一齊上，連埋啲筋膜位置一齊食，好脆口，但就要費啲牙力去咬～醬汁醃得好夠入味，香口仲有少少燶邊，牛肉片幾軟腍，牛味香濃！🥘◖海鮮辣豆腐湯◗ $85佢有一碗海鮮豆腐湯，跟配一碗白飯，可以加啲豆腐同湯汁落個飯度，個湯酸酸地飲落唔會太辣，撈埋一齊食軟滑多汁，混合埋個湯鍋入面隻半熟蛋，咁樣食個湯飯，口感好正超好食！🍜◖炸醬麵◗ $85炸醬麵望落黑蚊蚊，但食落又唔會話好鹹，幾香；個麵好有韌勁，咬落去彈牙，真係食到停唔到口！🌟Encore指數：8.9/10

諗諗吓原來都有一段時間無食過韓國嘢🥘本身諗住係尖沙咀呢條韓國我附近隨便揾間自己去食個lunch，但朋友無啦啦約我🙆🏻‍♀️咁就緊係無得求其啦，而呢間南대門感覺都好正宗🇰🇷聽到門口叔叔同店内姨姨都操一口流利韓文，即刻信心大增🤪。我地得2個人都食唔得多，所以一人一個主食再加一個配菜就岩岩好💁🏻‍♀️韓國人話落雨天要食煎餅☔️咁我就緊係要跟啦，而估唔到呢款煎餅原來咁大件😆而且同平時唔同，呢款係有少少似食緊蠔餅咁脆卜卜。🐒海鮮煎蔥餅💰$143🐒餃子年糕湯💰$92年糕湯係用左雪濃湯都做base，而入面仲有件件既牛肉🐮所以成件事唔會好單調，而餃子係豬肉餡🥟。🐒鐵板烤豬肉蓋飯💰$89鐵板烤豬肉蓋飯就係會少少辣🌶️用泡菜同五花腩加埋其他配菜同醬汁一齊係鐵板上爆炒，除左夠火候外，調味都唔會over左👍🏼就咁食都岩岩好

食過幾次 南대門3號，餐廳提供傳統韓國料理，味道好地道同正宗👍🏻每次想食韓國野都會諗起呢間餐廳！下單後店員會送上三碟伴菜，分別係南瓜、泡菜、豆芽鐵板烤雞蓋飯 $89用鐵板盛載住可以保持住熱辣辣，將雞肉、椰菜、紅蘿蔔、洋蔥同韓式辣醬一齊炒香，辣得黎帶帶甜味，配飯食一流😋海鮮辣豆腐鍋 $85呢款鍋有蜆、蝦、豆腐、雞蛋，配料都幾多，豆腐好滑，海鮮都好有鮮味，加上辣湯，味道好正宗😋👍🏻辣炒年糕辛拉麵 $95有炒年糕、辛拉麵、魚糕、雞蛋、紅蘿蔔、椰菜，都幾豐富，拉麵好煙韌，而且吸晒辣汁，都幾辣，食得辣嘅唔好錯過😉

嚟到尖沙嘴嘅韓國街搵好嘢食當日係南大門系列店🥳，雖然黎的時候算早，但3號店呢度入面已經有幾檯人。不過位都夠大，而且樓底高，所以坐落唔會有壓迫感，而且啱啱坐到梳化位可以同後面果排兔公仔打卡🐇 辣炒年糕拉面 $95麵同年糕都好入味，份量都唔少，而且因為年糕都好多所以如果本身細食嘅話會好飽，而且仲會有一隻蛋🥚，沾滿汁嘅韓式魚板、洋蔥、椰菜，非常豐富。不過都偏辣🌶，如果自認食得辣嘅話就可以試下啦。 煎餃子 $75餃子煎得熱辣辣又香脆🥟，入面有菜、粉絲同肉，味道都相當唔錯。 水冷面 $92 推介！！如果想食冇咁濃味嘅嘢就可以試下呢個水冷麵，啱晒悶熱嘅夏天。麵身都好爽滑，而配菜有牛肉、半隻蛋、梨和一啲青瓜，食落唔會太單調🥰 韓國提子汁天熱最適合飲果汁😛😛雪櫃拿出黎夠凍配熱啦辣辣麵最適合！！最後加多個生菜～新鮮好味💚整體性價比好高～

金巴利道一直都有好多韓式餐廳，今次我地就黎到南대門3號嘅一間餐廳~ 入面裝飾感覺好似啲本地小食店，都幾啱約埋兩三個朋友一齊去食~ 😙我地order咗個✅參雞湯，係香港嘅韓式餐廳唔係成日有～ 呢個參雞湯嘅雞入面放滿咗糯米飯同人參，令到成個湯都好清甜美味；隻雞拆咗肉之後出嚟嘅份量亦都好多，啱啱好夠曬兩個人食～😛我地仲order咗✅泡菜炒飯，呢個炒飯粒粒分明，而且都有幾香嘅泡菜味；旁邊嘅太陽蛋、腩肉片同紫菜都有係入面，十足十正宗嘅泡菜炒飯呀！🥰

好好食特別係生牛肉，店入面嘅都係韓國人但佢講中文都可以溝通，最鍾意食嗰個五花肉厚切！覺得喺香港來講算係比較正宗嘅韓燒！每次去尖沙咀食韓國嘢都係食呢一間！！！！！！！店有幾間舖 應該都係同一個老闆

落單後就有三款小菜 有泡菜 大豆芽 蘿蔔✨紫菜包飯(💰$66)紫菜包飯係預先切好 一碟有9件 餡料有蛋 青瓜 甘筍 醃蘿蔔 午餐肉再配上芝麻同芝麻油 簡單得嚟又飽肚😆✨炸醬麵(💰$85)炸醬食落唔會好鹹 反而有啲香甜味 配料有唔少洋蔥🧅同青瓜絲🥒仲有啲豬肉麵質略為有少少淋咗 如果彈牙啲就更好✨鐵板辣炒八爪魚蓋飯(💰$108)有八爪魚🐙紅蘿蔔絲🥕椰菜絲同蔥 睇落紅卜卜 但唔係好辣 係幾香蒜味🧄✨Milkis(💰$18)有唔同韓國飲品 叫咗呢款 甜甜地

🎈南大門3號餐廳由地道韓國人主理🇰🇷食到正宗韓式風味菜式價錢唔算貴但份量充足性價比頗高，吸引不少捧場客❤️入座後店員送上泡菜、芽菜及翠玉瓜三款韓式前菜，味道正宗☺️🎈 辣伴冷麵($92） 冷麵冰冰涼涼，係夏日消暑最佳之選☀️麵質煙煙韌韌有嚼勁加入水煮蛋、蘿蔔絲、青瓜絲，夠晒清爽🥢湯底酸酸哋好開胃，仲可以加入韓式辣醬酸酸辣辣味道更豐富🌶️🎈鐵板五花肉 ($128）以鐵板上枱夠晒熱辣辣🫶🏽五花肉肉汁滿滿，加上辣辣哋嘅韓式辣醬邊位微焦，油脂豐富⭐️以香甜洋蔥伴碟，簡單配搭都好滋味🥰🎈辣炒年糕辛辣麵年糕同公仔麵煙煙韌韌又掛汁🥘沾滿同辣醬，邪惡度爆燈💡越食越辣夠刺激🔥最驚喜係裡面有口感彈牙嘅魚糕，索晒辣醬真心正❤️

南대門3號 📍尖沙咀金巴利道65-67號太平洋大廈地下3號今晚來左尖沙咀韓國街～食韓國料理經過南대門3號～見到老闆笑容滿面😊好親切🩷一於試試👀小店由韓國人主理👍🏻正宗韓國菜一入座會先送上一式三款韓國泡菜真係好味😋又開胃我地叫左三款食物～味道唔錯👍🏻份量好足。紫菜飯卷 $66家的味道～材料有腸仔、甘筍、酸蘿蔔、青瓜、雞蛋絲～口感豐富我自己喜歡配上韓國泡菜一齊食🤭好味。雜菜炒粉絲炒牛肉 $90粉絲炒到恰到好處😍入口Q彈不油膩配上牛肉、木耳、甘筍、大蔥等雜菜～更添口感。鐵板辣炒八爪魚蓋飯 $108 原個鐵板上夠哂新鮮熱辣🔥八爪魚🐙入口彈牙👍🏻調味好夠配埋大量椰菜、同埋韓式辣醬炒香～好惹味另外叫兩款韓國罐裝飲品。 Lemon Tea & Pear Juicy $18/Each 整體來講～食物質素唔錯👍🏻性價比高而且店員同老闆都好親切有禮🩷🩷

再訪高質素韓國餐廳，絕對值得一試☺️ 餐廳有小王子的佈置，環境乾淨企理，人流多，好熱鬧 氣氛很好🥰 食物方面主打傳統韓國料理，款式選擇豐富，質素高 有驚喜👍🏻 價格合理，性價比高，店員服務態度很好🥰 吃不完可以打包喔🙆🏻‍♀️💖💖💖食評💖💖💖 下單後店員便送上三款免費前菜（泡菜、芽菜、芹菜）😚 等待美食時也不會餓🥓鐵板五花肉 ($128)✨煎到剛剛好 外層微焦，配上大量洋蔥🧅 好吸引😍 肥美五花肉爽口有嚼勁，非常香口👍🏻 可問店員攞辣醬，沾上醬汁更好味🤤🥘辣炒年糕辛拉麵 ($95)✨推薦！熱騰騰，醬汁十分香濃惹味，配上大量年糕，正呀🔥😋 韓國拉麵好彈牙，份量多，配上雞蛋、椰菜、翠肉瓜及洋蔥，好飽肚好滿足😍 🍝辣拌冷麵 ($92)✨有驚喜！比起原本水冷麵更好味，湯底香辣惹味，配雞蛋，麵條質感滑溜彈牙，冰涼爽口，好好味🥰

✨尖沙咀地道韓國料理🇰🇷必試辣魷魚🦑✨————————————————————次次去到韓國街都選擇困難🤔🤔碌左入去呢間試下 又唔錯wo入面啲staff都幾nice☺️格黎仲有韓燒店！下次去試吓————————————————————🥗前菜有三小碟：泡菜、薯仔、芽菜🦑鐵板辣炒魷魚蓋飯 $108 （8/10）鐵板上好有韓國feel keep住熱辣辣味道比我想像中辣！但辣得好惹味幾香🌶️連我呢啲本身唔食辣既廢J都忍唔住係咁食魷魚爽口 索哂啲汁 撈飯一流呀！.🥩鐵板炒牛肉 $148 （7/10）個樣好似中式通菜炒牛肉啲fd😂😂調味幾夠 不過啲牛肉dry左少少份量都幾多 又係好岩送飯見menu推介牛肋骨！見格黎枱有叫好似幾正☺️————————————————————📍 南대門3號 (尖沙咀)尖沙咀金巴利道65-67號太平洋大廈地下3號舖.🔺#littlefatwest尖沙咀 🔺#littlefatwest韓式

尖沙咀既韓國菜除左金巴利道之外，係天文臺道附近都有好多選擇☺️南大門有一邊食韓式燒烤，一邊食地道小菜。我地入左款去南大門3號搵食，食物款式地道，都係傳統見到既小菜。辣炒年糕辛辣麵 - 唔算好辣🫣反而有D甜甜地味道唔錯！年糕煙韌而且入面仲有我最愛既魚糕😍紫菜包飯 - 簡單傳統既配料，食落麻油味唔夠重🫣不過都好鍾意！海鮮煎餅 - 雖然海鮮唔算大大件，不過煎餅入面都有唔少嘅海鮮粒粒，用料都唔錯嘅。而且煎餅非常趣卜卜，入口十分香口

水冷麵 $75夏天咁熱最好食水冷麵，食落透心涼，水冷麵口感柔軟煙韌，配上清爽青瓜絲同雞蛋，再配上牛肉，牛肉肉質都算實，整體味道清新。紫菜包飯 $66通常食韓國菜都會諗起紫菜包飯，今次都唔例外，紫菜包飯嘅味道同口感都中規中矩，冇話特別驚艷，但係單純好食，略嫌味道有啲淡，相信紫菜包飯淋上沙律醬或者加上更多醬油會更加好味~牛肉海帶湯 $88牛肉海帶湯配白飯，口感清淡，湯汁清澈，牛肉味道鮮美，配上足料海帶，海帶同牛肉都有豐富嘅蛋白質同維生素，牛肉吸入海帶湯，牛肉同海帶經煮後， 兩者味道合而為一，加上韓式麻油香，令味道更加昇華。