南대門3號

營業中

休息中

每次想食韓國嘢 都會去尖沙咀金巴利道🇰🇷呢間南대門3號算係其中一間最常去 主打韓式家常菜 夠晒地道正宗🥢ꕥ 鐵板烤醬醃牛肋骨有驚喜 牛肋肉烤到勁香🐂肉質食落都好軟稔 而且醃得好入味 雖然個名叫牛肋骨🦴不過都係肉佔多啦 用鐵板上可以保持温度 慢慢食都唔怕凍咗ꕥ 海鮮煎蔥餅口感超豐富 煙韌嘅魷魚🦑加入面有大葱/辣椒等配料 味道都好有層次 配嘅醬汁絕對係錦上添花 醎醎甜甜中再帶有麻油香 一份有8件 份量十足ꕥ 辣炒年糕辛拉麵帶有辛辣味 不過唔會太辣唔會嗆口🌶️仲好惹味 年糕質地煮得啱啱好 唔會過稔 有嚼口 另外仲有我好鐘意嘅魚糕😍整體味道都好正宗 如果麵嘅份量再多啲就好喇

餐廳由韓國人直接處理，連樓面的阿猪媽都係講韓文的，態度親切又有禮，餐廳帶點韓國樸素簡潔的裝修，連餐牌上的菜式也很有韓國傳統的平民風味。一落完單就即刻奉上自家製的韓式前菜；韓國泡菜，涼拌豆芽，醬酒茄子，先來開一開胃口🔮鐵板烤醬醃牛肋骨一上枱就聞到香噴噴的牛肋骨味道，牛仔骨好大份，層層疊上去，差唔多有成廿塊咁多呀，牛仔骨配得非常入味，牛肉十分軟腍，即使連骨頭位置也很有牛味，還有微微的牛油脂慢慢滲出來，非常惹味呀，好食到我連骨都lur埋呀!🔮辣炒年糕辛辣麵份量比我想像中多，賣相真係好似喺韓國街頭上的炒年糕。韓式炒年糕非常煙靭有嚼口，再加埋我至愛嘅辛辣麵，我地兩個share來食都好飽肚，以傳統的韓式甜辣醬再加埋魚片，翠玉瓜，大白菜等，甜甜辣辣，仲越食越辣，但係越辣越又想食，香濃有惹味呀～🔮紫菜包飯紫菜包飯大大件，一碟有九件，餡料有蛋，青瓜，甘筍絲，醃蘿蔔，和午餐肉，包得好紮實整齊，喜歡那清新的口感又帶點麻油香，食哂都幾飽呀～我哋兩個女仔嗌咗三道菜，都已經挺住個肚咁出門口，真心覺得抵食又大件，雖然沒有華麗的排場，不過就是因為這種親切的地道風味，和出色的味道，餐廳開業11年至今，仍經常客似雲來，晚

今日去咗韓國街覓食，見到有間叫南大門嘅餐廳，價錢相宜，就去試下喇辣豆腐海鮮湯是一道充滿風味的韓國料理。湯的口味辣而鮮美，辣椒的熱情與豆腐的柔軟口感相融合，海鮮的鮮甜更增添了湯的層次感。韓國泡菜炒飯是一道經典的韓國主食。豐富的口味和獨特的酸辣風味，泡菜的酸味與米飯的香氣融合在一起，令人回味無窮。牛肋骨經過醬汁的醃製和烤制，使其肉質更加嫩滑多汁。在鐵板上烹調後，使牛肋骨保持熱度和口感。醬汁的秘方賦予了牛肉獨特的風味，帶有微甜味和香氣。成餐飯都好滿足！

好似好耐冇食韓國菜，心血來潮，今晚就同朋友來到南大門3號開開心心食返餐。韓式煎餃子皮脆，餡料有粉絲，韭菜豬肉，簡單又好味。紫菜包飯爆料韓式壽司卷係我至愛之一，一啖有齊菜，肉同飯，口感豐富，調味好好味，一個接一個咁放入口，令人不知不覺食多好多飯。麵豉大醬湯個湯惹味，唔辣，d蜆好鮮甜，豆腐嫩滑入味。石鍋拌飯呢個飯好香口，配料多，有牛肉，大豆芽，紫菜，紅蘿蔔絲，脆肉瓜，仲有生雞蛋, 石鍋飯撈上蛋汁，加上韓式辣醬，好正。

想去食韓式家庭料理就去左南大門3號食，感覺都幾正宗，有好多唔同種類：小食、鐵板烤肉、唔同嘅韓式湯料理套餐、麵食類～價錢合理⭐海鮮煎蔥餅 $143    * 成份蔥餅好大份，2個人食的話都太多呀哈哈～    * 入面有超多材料，魷魚肉、蝦米、蜆肉等，成個蔥餅味道都更香口    * 煎蔥餅口感酥脆，外層金黃香脆    * 建議要點多少少汁，因為佢真係保留番自己海鮮煎蔥餅嘅原汁原味😂⭐雜錦拌飯$85⭐石鍋拌飯 $922個味道都較相似，不過石鍋拌飯經過石鍋保溫之後，炒過的米飯2更加香同有飯焦！配料方面，2個飯都係有有牛肉、紅蘿蔔、翠肉瓜、牛蒡、大豆芽、蘿蔔絲、紫菜～再撈埋韓式辣醬，口感好豐富！

‼️❤️ 記得CLICK我PROFILE關注我呀 ❤️‼️.😋 𝚃𝚛𝚊𝚍𝚒𝚝𝚒𝚘𝚗𝚊𝚕 𝙺𝚘𝚛𝚎𝚊𝚗 𝙵𝚊𝚛𝚎 @ 🌟 南대門3號 《👽食神大媽愛韓食》.💁‍♀️ 圖片展示美食為：Spicy Chicken Stew HKD 189Kimchi Pancake HKD 130.👽 大媽咁多年都好鍾意去韓國街呢幾間南大門搵食，原因就係夠正宗、地道，價錢又實惠，不論係老闆定係煮嘢俾我哋食嘅廚師都係韓國親親黎架。.🐔 呢一個「辣炒燉雞」唔係好多韓國餐廳有得食，佢係燉出嚟，但係再用辣汁炒，所以雞肉係好嫩，但又唔係好似炸雞咁熱氣。上枱嘅時候好大兜，連隔籬位都問我哋係乜嘢菜式想叫。.🫓 配上面呢一款最好嘅拍檔就一定係「泡菜煎餅」！可以點上面嘅汁，冇違和感。佢自己都會配上一個韓國豉油，就算唔點任何汁醬其實佢本身都好好味，香脆得來唔會過硬。份量十足，超級惹味！.😊 呢類樸實但食物有質素嘅正宗小店係好值得支持，同埋佢價錢好實惠，份量好大份，有機會可以試下。.📍 尖沙咀金巴利道65-67號太平洋大廈地下3號📲 +(852)2321-7775.‼️❤️ 記得CLICK我PROFILE關注我呀 ❤️‼️.💯 最真實的美食點評

每次去食韓國菜必定去尖沙咀韓國街～差唔多全部店都試過哂😂南대門有幾間分店，這間是主打韓式家庭料理，上次試過覺得都不錯～✧ 鐵板烤醬醃牛肋骨 $168烤完用鐵板上熱辣辣的，牛肋骨醃得很入味！醬汁鹹鹹甜甜，牛肉唔會好韌，成盤好快清哂～✧ 水冷麵 $92水冷麵湯底冰涼清爽，值得一讚既係湯底唔會淡而無味，麵條有咬口，唯獨個湯唔夠凍🥹✧ 辣牛肉湯 $98牛肉燉得很軟淋，入面仲有粉絲同其他料～湯底調味又辣又惹味！配飯一流～

有時行過尖沙咀見到好多韓國嘢都會忍唔住想試我覺得性價比最高一定係呢間舖頭由韓國人親自主理Lunch set 唔洗$100!亦都會送頭嗰三碟小菜今次我係夜晚黑嚟叫咗支米酒2個人share just fit之後叫咗個豆腐海鮮鍋有prawns clams 仲有好多蔬菜同埋豆腐健康得來有好味另外叫咗個泡菜炒豬肉好鍾意佢嘅醬汁配埋韓國嘅米飯就最啱豬肉又肥又瘦任君選擇唔會剩係得一味好寡好滯Will definitely revisit

位於尖沙咀韓國街，一間正宗韓國料理—南대門3號，由韓國人親自主理，引入地道韓式風味，繁忙時間都有唔少客人到訪🥢 餐廳麻雀雖小但五臟俱全，餐牌上包含左形形色色既經典韓國料理菜式，例如非常推介既鐵板泡菜炒豬肉；薄切豬肉每片都香口入味，肥瘦均勻，配上特調辣醬，令味道相當出色惹味～ 而另一款海鮮豆腐湯；海鮮配料充足，加上滑豆腐等配菜，送飯一流🍚 總結整體而言，個人認為餐廳屬於香港一間較為地道既韓式餐廳之一✨

南大門係金巴利道一條街道已經有幾間分店，之前食過bbq個間覺得唔錯，老闆同店員都係韓國人，感覺都幾正宗，所以今次就去埋南大門3號試下其他嘅韓國料理。一邊食韓國菜，一邊用燒酒杯飲燒酒，即刻好似置身韓國一樣。雜菜牛肉炒粉絲粉絲口感幾Q彈，唔會炒到好碎同乾。牛肉份量都唔少，仲加左好多蔥木耳洋蔥紅蘿蔔絲，材料幾豐富，同粉絲炒埋一齊好香。海鮮煎蔥餅 超級大塊嘅煎蔥餅，薄薄地食落幾香口，仲有唔少嘅海鮮，唔會好厚粉，唔會食落啖啖粉咩都冇咁，幾足料真係食到海鮮。

今晚諗住同朋友黎試下韓國嘢，揀左好耐見佢地選擇幾多，阿叔又好熱情叫我地入去，咁咪入去咯，嗌左燜牛肋骨，辣公仔麵，人參雞，d牛肋骨有三四舊係好老好老好乾好似牛肉乾好似磚頭咁，爭d哽死我，好在有兩舊有d脂肪嘅可以食下，唔係成煲198（未計加一）根本食唔落口。個公仔麵好普通，辣雞麵都好食d，個人參雞裡面有栗子，正常人參雞嘅栗子應該係好軟好香，佢係硬嘅臭嘅，雞湯味道正常，但人參味道唔濃，雞大部分係好鞋。咁講態度方面，我地水飲曬係冇得加水嘅，叫個女人加泡菜佢個樣好似好唔想過來咁，以為係講英文，點知埋單發現原來好標準嘅廣東話，但一句聲都唔出。成餐飯都洗左五百幾蚊，食d咁嘅嘢，真心冇下次。佢隔離嗰間都食過，雖則唔算太特別但人地態度好d而且泡菜任加🙂🙂

呢間韓國菜有韓燒同埋韓式家庭料理👨🏻‍🍳，兩間姊妹店喺尖沙咀韓國街嗰頭並排，上次試過佢嘅韓燒，都幾抵而且氣氛都幾好～今次試佢另一間主打韓式家庭料理嘅，佢嘅菜式選擇都幾多下，由韓國人主理嘅韓式料理，味道夠正宗！菜式都會係以韓式日常料理居多，有啲小食、鐵板烤肉、同埋唔同嘅韓式湯料理套餐、麵食類，價錢唔貴，人均$100唔使就試到一個set！✨------------------------------🐂◖鐵板烤醬醃牛肋骨◗ $168見佢個鐵板牛肉好正，有三大嚿牛仔骨，其他嘅會切成牛肉片一齊上，連埋啲筋膜位置一齊食，好脆口，但就要費啲牙力去咬～醬汁醃得好夠入味，香口仲有少少燶邊，牛肉片幾軟腍，牛味香濃！🥘◖海鮮辣豆腐湯◗ $85佢有一碗海鮮豆腐湯，跟配一碗白飯，可以加啲豆腐同湯汁落個飯度，個湯酸酸地飲落唔會太辣，撈埋一齊食軟滑多汁，混合埋個湯鍋入面隻半熟蛋，咁樣食個湯飯，口感好正超好食！🍜◖炸醬麵◗ $85炸醬麵望落黑蚊蚊，但食落又唔會話好鹹，幾香；個麵好有韌勁，咬落去彈牙，真係食到停唔到口！🌟Encore指數：8.9/10

諗諗吓原來都有一段時間無食過韓國嘢🥘本身諗住係尖沙咀呢條韓國我附近隨便揾間自己去食個lunch，但朋友無啦啦約我🙆🏻‍♀️咁就緊係無得求其啦，而呢間南대門感覺都好正宗🇰🇷聽到門口叔叔同店内姨姨都操一口流利韓文，即刻信心大增🤪。我地得2個人都食唔得多，所以一人一個主食再加一個配菜就岩岩好💁🏻‍♀️韓國人話落雨天要食煎餅☔️咁我就緊係要跟啦，而估唔到呢款煎餅原來咁大件😆而且同平時唔同，呢款係有少少似食緊蠔餅咁脆卜卜。🐒海鮮煎蔥餅💰$143🐒餃子年糕湯💰$92年糕湯係用左雪濃湯都做base，而入面仲有件件既牛肉🐮所以成件事唔會好單調，而餃子係豬肉餡🥟。🐒鐵板烤豬肉蓋飯💰$89鐵板烤豬肉蓋飯就係會少少辣🌶️用泡菜同五花腩加埋其他配菜同醬汁一齊係鐵板上爆炒，除左夠火候外，調味都唔會over左👍🏼就咁食都岩岩好

食過幾次 南대門3號，餐廳提供傳統韓國料理，味道好地道同正宗👍🏻每次想食韓國野都會諗起呢間餐廳！下單後店員會送上三碟伴菜，分別係南瓜、泡菜、豆芽鐵板烤雞蓋飯 $89用鐵板盛載住可以保持住熱辣辣，將雞肉、椰菜、紅蘿蔔、洋蔥同韓式辣醬一齊炒香，辣得黎帶帶甜味，配飯食一流😋海鮮辣豆腐鍋 $85呢款鍋有蜆、蝦、豆腐、雞蛋，配料都幾多，豆腐好滑，海鮮都好有鮮味，加上辣湯，味道好正宗😋👍🏻辣炒年糕辛拉麵 $95有炒年糕、辛拉麵、魚糕、雞蛋、紅蘿蔔、椰菜，都幾豐富，拉麵好煙韌，而且吸晒辣汁，都幾辣，食得辣嘅唔好錯過😉

嚟到尖沙嘴嘅韓國街搵好嘢食當日係南大門系列店🥳，雖然黎的時候算早，但3號店呢度入面已經有幾檯人。不過位都夠大，而且樓底高，所以坐落唔會有壓迫感，而且啱啱坐到梳化位可以同後面果排兔公仔打卡🐇 辣炒年糕拉面 $95麵同年糕都好入味，份量都唔少，而且因為年糕都好多所以如果本身細食嘅話會好飽，而且仲會有一隻蛋🥚，沾滿汁嘅韓式魚板、洋蔥、椰菜，非常豐富。不過都偏辣🌶，如果自認食得辣嘅話就可以試下啦。 煎餃子 $75餃子煎得熱辣辣又香脆🥟，入面有菜、粉絲同肉，味道都相當唔錯。 水冷面 $92 推介！！如果想食冇咁濃味嘅嘢就可以試下呢個水冷麵，啱晒悶熱嘅夏天。麵身都好爽滑，而配菜有牛肉、半隻蛋、梨和一啲青瓜，食落唔會太單調🥰 韓國提子汁天熱最適合飲果汁😛😛雪櫃拿出黎夠凍配熱啦辣辣麵最適合！！最後加多個生菜～新鮮好味💚整體性價比好高～