南香雞飯

營業中

休息中

有朋友介紹呢到既海南雞同肉骨茶，於是今晚黎開飯，我叫左肉骨茶煲飯，老公叫左檳城蝦麵，服務就一般般，本來預老公會叫海南雞，但佢話想食麵。。。檳城蝦面得一隻蝦，承為$56入面有米粉同油麵，份量都幾多，但餸就比較小，湯底都有蝦味，不過似味精多，呢個價錢黎講，不值得試。。。肉骨茶跟埋油條，肉骨茶都算不錯，承為$78,無野飲跟，就算叫野飲都無跟餐價錢的。味道吾算太濃，但都夠味既，油條淋左，吾好食，好失望，應該付近海皇粥店買，仲要過左夜，因為走時見到佢有一盒剪好左既油炸鬼係到。。。個時佢都收工，咁再留反聽日賣，真係吾知隔左幾多個夜大為扣分，意米水ok既肉骨茶內有豬肚，食到尾有兩舊個樣奇奇怪怪，中間多左層野，吾知吾新鮮定點，問個職員係咪豬肚？中間係咁架？佢就話入去問廚房，之後出反黎淨係答話係豬肚咁我林佢意思就係無問題，但我見到都吾想食整體黎講價錢偏貴，野飯全部正價，食物質素一般，元朗大把好食過佢，無下次

本人對海南雞飯情有獨鍾，呢間係元朗既海南雞飯真係唔錯食，我試過超過十間以上的海南雞飯，呢間係朋友介紹我去試的，我由港島突登去食，冇令我失望。雞真心滑。沾雞的醬汁真係好食。

寫開元朗又寫元朗, 天氣超熱...無咩胃口，所以打算食d 開胃南洋野，比我搵到間叫"南香雞飯"兩點幾鐘過左午市，不用等位。店內好細，裡面只有四張可以坐四個人的枱, 外面就有兩張。午市選擇十分豐富，有9款選擇，有飯有麵!!我當然選擇今日主角"海南雞飯, 跟手叫杯馬來白咖啡，店員會問要唔要湯，當然要試埋主角出場! 分量絕對夠填飽肚餓的胃! 油飯好香～～雞分量好多, 已經起骨! 正!!有時d海南雞有骨我都覺得唔正宗!叫得海南雞一定要有---雞啫喱!! 什麼叫"雞啫喱"?? 雞啫喱;係要蒸熟隻雞, 立即將隻雞浸入冰，急速遇冷時凝固的骨膠原!! 所以大家千萬唔好以為係肥膏!!食海南雞我慣常都會點醬, 店有兩種選擇; 甜豉醬，辣醬（不太辣), 杯馬來白咖啡都幾大杯，幾好飲. 最後碗湯就真係配角，有條節瓜，有點普通，好在不油，不多味精!!

聽講元朗區食市競爭大，有不同國際美食小店，今次介紹東南亞美食「南香雞飯」小店用公雞餐具做主題精緻有特色肉骨茶跟油條$60香濃嘅藥材味，肉骨鮮甜，分量十足海南雞飯$60雞肉新鮮嫩滑，雞油飯好好味串燒(4pc)$48 ..雞，豬，牛：味道一般

每次嚟都係叫海南雞飯連湯連餐飲，例湯冇特別，海南雞飯雞夠嫩滑有雞土香味，而每碟也很公平有翼位或肶位，油飯也剛剛好唔會太油或太淡，餐飲熱薏米水亦不會太甜，好食好飲，值錢推介比朋友 ^ ^ 😋😀👍👍

同元朗小朋友搞回証件…咁難得到美食天地的機會…邊去邊已在Google有咩好食！早前見fb人地講叻沙睇完便好想食…跟住便搵到呢道叻沙…好食到震…裏面有豬皮，獅蛤，豆卜等d獅蛤充斥着海水味，食著在閉上眼睛和烈日下好像真的好似到左沙灘一樣😍😍😍要挑掦的…就系爭半隻雞蛋！海南雞飯…和叻沙都系見到黎食的人必叫的…雞是嫩滑的，但我自己覺得味道淡了一點，味飯也是淡了一點…可能是新加玻式吧！檳城蝦面…和叻沙一樣都系…用一半米粉一半油面…有鮮蝦一隻…湯鮮微棘，好食噢。咖央多有兩種…蛋椰味和班蘭味…跟餐加十五蚊就有得食…我兩種都食哂…正到爆三色咖啡三色奶茶…最底系黑糖糖漿跟住系黑咖啡和白咖啡混搭…用心製作還有自家制薏米水…好消暑囉！總結佢地應該自家的小店食物一流…招呼有人情味，值得推薦和回味再三。p.s小朋友原先拎証件的地方就在西菁街…但近來搬了…如果吾系真系fit到爆；就像我覺得店內的叻沙欠了半隻蛋…否则我覺得就系完美了！…

星期日通常都很貪睡，醒來已經下午一時，稍為整理一下便和老公到元朗吃飯。原本已有心儀的餐廳，但經過這店時看到餐牌，食物好像不錯，人又不多，就進店試一下。我點了咖哩喇沙，老公點了海南雞飯，另加錢配了三色咖啡及三色奶茶。飲品很快送上，奶茶和咖啡看上去都很深色，店內介紹這咖啡是用上馬拉的咖啡，應該是非常香濃的吧。咖啡明顯的分了三層，最底應是黑糖漿，中間是奶，最頂才是咖啡。好不容易才能打三種材料拌勻，糖漿非常的稠身，冰塊也多。未拌勻時喝了一口糖漿，非常非常的甜。拌勻後與濃味的咖啡感覺挺配，奶味反而不強，跟一般的港式及西式咖啡很不同，很特別！咖哩喇沙也很快送到，先試一口湯，椰奶味不算太重，有一點辣，咖哩味不算太強。這個喇沙最特別是有兩款麵底，米粉和油麵，一粗一幼吃起來口感挺特別。配料方面，大蝦非常爽口，另有數粒獅蚶 (店內介紹說是泰國獅蚶)，算是比教正宗的做法，質感及味道都不錯。豬皮及魚片都很彈牙好味，還有粗粗又爽口的泰國芽菜，豆卜吸收了美味的湯汁，很好吃~ 總括來說，食物和飲品都不錯，很有小店風味及特色，值得一試！

寫開雞飯，不差也介紹一下西菁街10號地下、靠近千色廣場的南香雞飯，同行的當然又是大食仔！ 吉隆坡的南香雞飯是非常馳名的老字號，元朗這店與它應該無關，不過店內仿馬拉舊牆的大幅海報，以及甚有懷念風味的摺凳、醬油碟，的確勾起了遊馬拉的舊回憶～ 這裡午餐$48-56奉送熱薏米水，正中下懷就來了一杯，微甜幾可口；如果轉其他熱飲加$3，轉其他熱飲加$5，轉特飲半價～ 突然咖哩癮起，在咖哩雞配白飯 ($50) 及 馬來椰香飯配咖哩雞 ($48) 中選了後者，賣相及味道都一樣豐富，咖哩雞用了整隻大雞腿，咖哩味與香甜的椰香飯異常匹配，不錯！由於雞飯較遲上檯，肚餓的Matthew忍不住搶了我一半飯，拌上脆魚仔來吃！ 豬仔的飲品先上，是 熱美祿 (+$10)，這裡沖得很濃，一放久了就會有沉澱，我覺得不錯，但就不合他的意，只喝了一半不夠。 期待已久的 海南雞飯 ($48) 終於來到，層層疊的雞肉份量可不少呢，而且這兩間小店都是雞肉全去骨，十分方便小孩吃用，雞肉也算嫩滑，我只嫌那油飯較軟身沒甚質感，不過他喜歡吃就好～同行的老火湯，反而是我最喜歡的一環。 大食仔非常強，吃了我一半椰香飯，又把自己的油飯吃光了！

跟母親大人經過「南香雞飯」時，她突然對這餐廳甚為有興趣，所以我們便停下來看看他們門面的餐牌，剛巧他們有母親大人喜歡的肉骨茶，所以我們不說二話便到此吃晚飯。餐廳的空間不算大，內裏只有幾張枱，座位不算特別舒適，但也是可以的。肉骨茶既然母親大人特別喜歡吃肉骨茶，那當然我們點的一定是肉骨茶。肉骨茶來到的時候還是熱騰騰的，絕對值得一讚! 肉骨茶內除了排骨外，還有少許腩肉、支竹和豆卜。除此之外，肉骨茶裡還附有油炸鬼和白飯。肉骨茶的味道不算是濃郁，味道普普通通，所以吃起豆卜和支竹時都不是特別滋味，而排骨和腩肉的肉香味都相當淡。至於油炸鬼不夠脆身之餘，還有點靭。老實說，整個肉骨茶都真的頗為失望!咖喱喇沙摻摻麵這碗喇沙的配料跟平時吃到的有點不一樣，喇沙裏面除了蝦和豆卜外，還有豬皮、魚片、豆角和淡菜。配料方面都頗為豐富，大蝦口感爽口又彈牙，還非常鮮甜，但其他的配料只是普普通通，沒有什麼特別。而麵方面，他們用上油麵和米粉，所以吃上去更為有口感。油麵和米粉完完全全地吸收了湯底的精華，不過喇沙湯底沒有我想像中那麼香濃，咖喱味和椰香味可以再濃郁多一點。這裏的服務都算是不錯，環境亦可以，不過食物絕對有待改善。

剛巧路過見到間食海南雞飯，於是就試試，店內位置唔太多 ，但店外都有幾張枱能坐 。地方都OK , 乾淨整潔 環境都算舒適。既然咁招牌係海南雞，點都要試下呢度嘅海南雞飯 ，雞總算肥美香滑，黑豉油和辣椒醬等醬汁係枱自已放，而雞油飯清爽，唔太油膩 總算爽口。個人就唔太喜歡食太軟的飯，所以都OK. 配上濃郁的例湯。餐飲 叫左個 凍拉茶 ，比一般洗式奶茶較甜，沒咁香茶味。椰香汁飯配咖喱雞 ，飯係室溫，即微暖，但都想試試點樣椰汁法 ，味道清淡，唔太覺有椰香味，配咖啡雞唔覺有咩特別，可以叫返普通白飯都OK。咖啡汁唔夠，味道就可以，唔會有辣味，所以唔太食得辣的人都可以叫，雞 有3件，大概係肶位，肉質普通。 薯仔夠淋。椰香喇沙 ，望落去份量十足，有油麵同米粉， 熱辣辣香噴噴 ，一個成年男人都應該可以食飽， 材料都算豐富，有蝦豬皮魚片豆粕等等，奶香味濃。三色奶茶，比較特別，係 茶淡奶黑糖混合而成，比拉奶好飲。但個人覺得最好食的， 還是這個蛋椰咖央多士 ，大大件牛油， 十分好口感，外脆內軟。總括: 係 海南雞飯 咖央多士，比較吸引 ，下次有機會經過或者會試試肉骨茶。

假日就是要來發掘未食過的本身有收藏這間食店 但見到最近的負評未免卻步 今天還是想來試試虛實！跟餐熱薏米水 味道正常海南雞飯（跟油飯）$48飯香 雞也嫩滑 算不錯例湯 中規中矩馬來椰漿飯 $48 OK汁料香 配著的魚仔等好好味 但飯凍了 扣了不少分數班蘭咖胦/ 蛋椰咖胦多士 每$15 多士香脆熱辣 配著牛油及內餡 罪惡好味呀（我和相公都較偏好班蘭 更能帶出咖胦香味）會再黎試試其他的

今日無聊到元朗閒逛，忽然想起在open rice 收藏左d食店，發現呢間食海南雞飯嘅，我點左個海南雞飯，先嚟一碗淡而無味嘅湯，算！反正湯唔係主角，到鷄嚟嘞！份量尚算可以，油飯到，個飯完全無香味，汁醬就更是垃圾，薑茸無，豉油都係無味嘅，丁點誠意都無，食完後結論係：未食過咁難食嘅海南雞飯！唯獨係個阿姐幾有禮貌，其他就一d可取都無，真係垃圾！奉勸老闆應該從新去學師！收六十蚊比咁嘅嘢人食，唔係咁好囉！！真垃圾。

第一道菜上牛腩，碗都冇隻。叫人點食呢？可能一心想人地一人叫一碗飯，有碗之餘又賺多一浸。點完菜可能知道自己d嘢味精重，主動問人飲唔飲嘢，又想賺多一浸，但d嘢飲一d都唔吸引，叫唔落食下食下隔離台有人想要杯水，話呢度得一支支既水要$6支。連水都要賺埋你錢，認真係賺到盡。以上兩點已經睇得出呢間嘢非常小家。炒麵係求其炒上黎，有蛋芽菜臘腸和魚片呢d港式嘢。乾爭爭咁好難食。羊肉串燒其實就係得4串每串得兩啖咁多$58，掠水。肉骨茶d肉唔入味。埋單$500左右，呢個環境同出品俾呢個價錢真係只可以用唔順氣去形容。

食過新加坡既雞飯，就會明白香港既雞飯大多都又貴又唔好食今日行過俾啲相吸引左，就決定入去食無骨海南雞飯幾香滑，份量同味道同新加坡差不多，當然啦，新加坡平好多，新加坡係廿幾蚊港紙佢有送湯，但望落好深色，唔似東瓜湯，所以冇影相肉骨茶我本身好怕藥材味，所以新加坡我食過松發，松發係新加坡一間連鎖式專食肉骨茶店如果味道相比，依間係藥材味濃好多，肉亦都唔痴骨，我怕藥材味，所以撈唔到飯價錢呢就平過我係新加坡食飲品叫左2杯美綠幾濃，好好飲3色奶茶我冇飲，不過友人就話好飲斑蘭咖央多士食唔到斑蘭味，不過好食總括來講 ，食物同價錢都ok，如果飲品方便有埋恐龍美綠同三色檸茶就更好啦

元朗一向好多小店，唔問地膽都唔識食。今次試下呢間新加坡海南雞。黎得呢啲新加坡餐廳，識食一定試佢個海南雞啦！見到佢個drink menu,揀左好一陣子，因為有好多野飲都好特別架！ 例如黑白咖啡、鴛鴦美碌、荳蒄水，都好特別，又唔係好common間間都有得飲。揀左一輪，跟餐有薏米水，如果飲特飲半價，難得黎到就試下新野啦！叫左個鴛鴦美碌，因為嗌左少冰嘅關係，黎到都仲暖暖地，不過美碌味好濃，唔係好飲到鴛鴦味。海南雞飯轉左白飯，佢啲雞唔錯幾滑大大舊啖啖肉，台上有汁可以自己落。不過鋪就細啲要坐得逼少少。