南香雞飯

營業中

休息中

今日天氣熱返小小，好想食下南洋野，於是揀左南香雞飯，貪佢門口方便泊車，食物黎得又快同朋友叫左個二人套餐，好抵食啊！我哋揀左：1. 海南雞飯 雞肉好滑 記得點黑醬油啊枱面有碟仔同其他醬汁，方便客人2.巴東牛肉飯牛肉好好食，唔會好韌，亦唔痴牙(最怕食牛肉食到要搵牙籤撩牙)味道比之前無咁辣，應該因應了客人的口味調整過3.馬拉盞炒芥蘭味道唔錯，蝦醬味好香，今次係芥蘭苗，唔會有渣4.串燒x4熱辣辣上碟，配有沙嗲醬，趁熱食完先發現唔記得影相5.龍眼冰 特飲系列，值得一提係跟套餐嗌唔洗加錢6.凍檸茶茶味好香，好濃$248 無加一肺炎肆虐期間，晚市依然好多人食

2020 年一月四日星期六晚 元朗夜遊揀左間黃色小店係西菁街打證旗號：黃藍是政見 黑白是良知揀左二人套餐$248 唔貴嘅套餐價套餐有有串燒 兩個飯或麵 又可以叫特飲上菜速度快 凍三色奶茶凍三劍俠 (黑糖豆漿涼粉）好特別嘅特飲 但兩杯特野冰略多同甜左d 串燒 兩雞兩豬 新鮮出爐馬拉盞炒通菜咖喱喇沙摻摻麵 米粉加油麵咖哩喇沙 湯底好濃郁配料有豬皮 魚片 蝦 豆卜 芽菜兩種麵 兩種口感 巴東牛肉椰漿飯飯有椰漿味好濃郁 牛肉唔老 又有咸魚仔點綴 整碟都夠份量黎元朗一定要試下馬拉風味小菜

今日一行10個人嚟到南香雞飯👭本身驚太多人好難等位但好快就有張大枱10個人坐落去都算坐到 講少少個環境先鋪頭比較細 有幾張枱開咗喺出面裝修都有啲心思 有啲懷舊嘅情懷🖼我哋就有啲人嗌咗海南雞飯 🐓配個細既中湯海南雞飯啲雞唔算多 飯就好多個油飯唔夠油 食落就會比較dry但加返佢啲酸甜醬料就幾開胃啲雞唔肥啱啱好 同埋唔會乾另外仲叫咗肉骨茶個味道好濃郁好入味除咗個飯仲有又油條啲肉又夠多好夠飽另外咖喱惨惨麵好好夠椰香🍜好足料啦有魚片有蝦同埋佢啲麵係撈埋左油麵同埋少少米粉叫咗一個蛋椰咖央多好大舊牛油喺裏面同hon得啱啱好甜甜地好香 值得一試💗呢度嘢飲都好多選擇如果飲就有半價薏米水就夠清新 又健康可以解油膩個美祿恐龍好足料好濃郁🦖另外仲叫咗三劍俠佢係有涼粉豆漿同埋黑糖 好特別🥛飲三劍俠嘅時候呢 要督少少落個底度如果唔係就會比較淡呢度價錢呢個質素性價比都好高🌟推薦大家嚟食👍🏻👍🏻👍🏻

今日同隊友練完波一行十人唔知食咩好唔知邊個提議 食海南雞好無一致同意 就起行去南～香～雞～飯～由於人太多我地坐左張大枱但都係略嫌有啲逼咁就叫野食啲野飲都幾特別我地主要都係叫左薏米水 三劍俠同美祿恐龍薏米水就好足料三劍俠 好香黑糖味美祿恐龍真係好失望佢就係一杯 好甜既美祿我懷疑 佢只要有一半既冰融左我就又可以又飲多杯美祿咁我自己就食咖哩雞配椰香飯我真係覺得好蝕啊椰香飯加左椰 咁會肥左但係我食就食唔到椰味 失望個咖哩雞係ok ge 咁岩俾左隻雞鎚我 開心但加加埋埋得三舊肉好快食晒🥺其他隊友叫左肉骨茶 都好香既仲有喇沙 同 海南雞個海南雞份量真係少左啲總括而言不割 文宣過左時都不割 不完美可接受但要改善下次再黎希望可以更新番日程表

過開元朗拎車，順手幫襯一直在list的餐廳。門口可泊車食物美味正宗。 服務正常店員有禮貌。有機會一定要一試。這餐點了多士，喇沙及串燒，消費114，下午3點人流不算多。

元朗馬來餐廳本身已經唔多，除左水門雞飯之外，南香雞飯同樣得到米豬連認證，當然要支持同路人！💛午餐：巴東牛肉飯（$56）🔸牛肉煲得林，而且份量都好足夠，加埋兩大舊薯仔，正🔸辣汁香濃，唔會嗆喉，用黎撈飯最好👍🏻印度薄餅（$20）🔸兩塊大薄餅呢個價錢都好合理，仲要熱辣辣的🔸跟一碟咖哩汁，可以多啲，覺得有啲唔夠點🥺班蘭咖央多士（$18）🔸呢個係我暫時食過最正嘅咖央多🔸多士烘到好似餅乾咁脆，唔係得個面脆，係全塊都脆！🤪🔸仲有牛油，好邪惡！！-希望多啲良心食店肯表態，創造香港獨有嘅經濟圈！

假日lunch同屋企人唔知食乜好，就試下西菁街一旁既南香飯店。門口係沉實既木啡色，入到去係數張大圓枱一眼睇哂。menu好細但都算多選擇。今日mami嗌左海南雞飯，自己諗住嗌肉骨茶，賣哂唯有嗌喇沙海鮮摻摻麵，餐牌本身係米粉混合油麵配搭，個人口味就轉哂做米粉。飲品送埋薏米水，性價比幾高。加錢仲可追加串燒、咖咉多士或印度薄餅tim☺️海南雞飯🐔$51無骨雞肉幾滑，室温，點紅色醬汁幾清新，雞油飯有淡淡油香👍🏿唔會太鹹。加兩塊青瓜就更好🤤熱薏米水 （跟餐）🥛中意佢唔太甜，暖暖地，正常發揮。咖哩喇沙摻摻麵🦐$56睇圖都見到好足料，有蝦、豬皮、魚片，呢個價好少地方食到。喇沙湯底濃厚，椰奶同香料辣度恰到好處，加埋d配菜可以解膩。米粉份量好多，成碗滿哂，嚇左嚇，覺得係兩人份量。

今日諗住試下啲新嘢食先再返工，咁行行下見到依間南香雞飯，朋友話過唔錯，所以就入去試下。一坐低就發覺佢都幾多選擇我就叫咗佢個蝦麵($54)試下碗麵有啲辣，然後佢個麵係油麵溝粉絲咁個口感幾好推薦大家嚟試下

有薏米水飲既海南雞飯，支匙羹仲要係心心。啲雞好食，有好多地方都整到變左白切雞，而且唔熟又有雞，佢呢度就舊舊都都熟唔使𦧲骨，枱頭點雞個辣醫好食，唔知係咪自製？反而個飯一般，如果再油啲或者遲啲有椰香飯揀就好喇~店內都好乾淨衛生，好多做東南亞食品既舖頭都好污糟、周圍濕轆轆，呢個要讚。店主/職員音樂品味好好，竟然播宋岳庭！！！有冇谷友識宋岳庭？好可惜既天才rapper😢生命無常，但要緊記好好關心身邊既人，唔好為時已晚先發現自己乜野都唔知。之後有《願榮光歸於香港》（驚喜）😳再黎《葡萄成熟時》、《Fly me to the moon》，如果你係個八十後應該幾感觸，會諗返唔同階段既自己。

此食肆主打星馬美食，我相信元朗區內冇乜類似嘅食店，而且仲係良心小店，不過座位比較迫，同埋太多人食就等得比較耐，唔太適合活潑好動小朋友或年邁嘅食客。招牌海南雞飯，望望雞皮同雞肉之間嘅透明啫喱，就知道皮爽肉嫩，配埋辣醬同黑豉油，再加油飯，整碟飯都非常香濃。招牌喇沙，呢一份比較失望，椰香味唔夠重，米粉完全唔索味，非常奇怪。印度薄餅，新鮮滾熱辣，配上咖哩汁，香脆可口，餅身唔會好厚，值得一試。鮮油咖央多配斑蘭，多士夠脆但唔夠熱，斑蘭味唔算太突出。整體質素唔差，下次會試埋其餘咖哩飯，因為望到其他食客食得幾滋味，賣相亦唔錯。

【咖哩喇沙滲滲麵】滲滲麵其實係米粉加埋油麵一粗一幼嘅配搭，湯頭微辣有些少咖哩味，不過味道比較單調唔夠惹味。配料方面，豆卜魚片芽菜同埋蝦都夠新鮮，炸過嘅豬皮雖然大塊但無乜味又索唔到湯底，食完有點失望... 浪費咗咁靚嘅賣相【斑蘭咖吔多士】味道唔錯，鐘意食咖吔又或者大胃王可以叫份試下【美碌恐龍】係表面灑上大量美碌粉，就算冰融咗都仲係好夠濃。【三色咖啡】係咖啡加淡奶同埋黑糖，味道出奇地搭，黑糖味突出，入口順滑減低咗咖啡嘅苦澀，望落似dirty 果種漸層效果，值得一試【怡保芽菜雞飯】我想講佢嘅雞真係做得出色，原因係皮滑，夠肥美而且重點係濃雞味，連皮食都唔覺膩，豉油汁散發陣陣麻油香味，同隻雞同埋芽菜都好夾，不枉我等咗40分鐘先有得食，係值得嘅🤤 至於油飯就還好，略嫌油香不足，整體黎講係唔錯，下次去開元朗可以試試😋

耐不耐回到元朗區附近遊玩一下，看一看這兒附近，好像很多食肆也已經改頭換面，成為了另一間餐廳，不知為何，這兒附近的舖位，好像變得非常快的。但是，看一看這間，好像馬來西亞式的擺設，還有那一張一名孩子踏單車盛載另一名孩子的壁畫，都非常有馬拉風味。現在經濟低迷，即使我在街上看到有海南雞，都未必會叫，因為如果海南雞沒有加錢要雞脾，它給你整碟雞胸的話，其實沒仇報。🤔因為我看見店內環境不算太大，內裏的椅子也沒有靠背，勉強搭枱坐冷氣位，倒不如坐在露天位置，反正沒有人在吸煙。😄友人點了個檳城蝦摻摻麵，好像油麵一份不算太多，相反米粉的份量比較多，份量來說它也算是極之大碗；有一隻大蝦，肉絲的份量亦都不少，但湯底的味道，我就覺得比較淡，麵味的味道很淡，輕微辣，不算特別出色。我就點了一個人們說近來馬來西亞最美味的菜式——怡保芽菜雞飯。它也配一個例湯以及油飯，例湯味道淡淡的，輕微雞味不算非常濃郁；而油飯，亦都吃不出有濃郁的雞油味，只是比普通的白飯稍為濕潤少許，有輕微油香。芽菜雞，拿來的時候也賣相不錯，好像一碟小菜一般，底下鋪滿了大大粒的芽菜，比起港式的芽菜，即是家中媽媽煮的那些芽菜，豐滿的很多。雞也算不少，大概都

身為海南雞飯愛好者 對海南雞同油飯既標準非常高呢間做到合格水準 有機會會回頭再幫襯雞肉滑 無骨 食起上黎啖啖肉好正 但可以再濃味啲 雞皮亦都無乜肥膏 連皮食更加正油飯出色 香口 好好食 甚至覺得比雞出色跟餐可選例湯及熱薏米水 薏米水好飲不會太甜 加$5可轉凍薏米水唯一爭啲既係醬汁 醬油比教杰身 味道一般 辣汁太辣 可酸小小 間唔中會食到一塊塊細細塊既辣椒皮 要飲翻凍飲舒緩下 個汁可以水小小 咁就唔會咁易食中椒皮見到隔離食客飲例湯 好似都唔錯 有啲雞肉食下總括黎講可以一試 但未到好好既食海南雞飯

元朗食肆林立, 尤其是街坊小廚, 天色早已昏暗, 今晚放工食馬來菜🏃貪得意點了$20斑蘭味鮮油咖央多士😳一改我對咖央一味死甜的印象👉白麵包烘得焦香鬆脆, 鮮牛油口感順滑, 兼中和咖央醬的甜耶耶。 雖然斑蘭和牛油香味並不突出, 口感完勝🎊餐廳招牌菜🐔海南雞飯$63, 配細碗足料中湯👈時近八點油飯已售罄, 一對夫婦點兩個海南雞飯, 聽見無油飯轉身就走, 看來招牌菜並非浪得虛名🧐油飯表面無油光, 味道似鹽焗雞的雞汁🍗雞肉統一上雞脾位, 份量不多, 但勝於雞皮咬下去時才滲出濃郁雞油香, 和油飯一樣味道內斂🌷🍜咖哩喇沙摻摻麵$58, 摻摻麵指米粉油麵兩溝, 又一口感完勝❕湯頭一般喇沙, 不算辣🤔材料不及檳城蝦喇沙堆得滿, 豬皮、豆腐、螄蚶各二或以上(除了蝦碌係伶伶仃仃一隻浸過時🙈)。食材吸湯汁平平, 唯一有看頭的是怡保芽菜😳被遇見的很意外❗一道地方名菜很快會被模仿得遮天蓋日, 但食材本身特別是植物類, 限於產地水土、運輸保鮮等因素往往難於聲名大噪🎉怡保芽菜肥嘟嘟, 比普通芽菜清甜, 即使泡湯時間長爽脆度絲毫無損🐵完勝後記: 雖然餐廳無標榜正宗, 但螄蚶、摻摻麵、怡保等菜名都令人望向遠方的馬來亞,

已經第三次去南香雞飯，一來支持小店，二來食物質素真的值得再去！更已經推介比其他區的朋友！今次仍然點海南雞飯，另一半就點芽菜雞飯！雞真的嫩滑，個油飯啱啱好！但可以熱d！會繼續支持！