南記飯店 (已結業)

好耐冇食過潮州野故搵左呢間黎食下但服務差 想叫個些春菜 2人餐都沒有了很是失望😞個魯水併盆得紅腸 豬腸 肥豬肉 豆腐,十分唔食, 金銀蛋現菜有沙, 抄麵線偏咸，貴錢偏貴，🙁 唔會再幫襯了.

因為阿爸退休, 而且我們是潮州人, 食野都有要求,同爸媽出街食飯, 更加要選擇好一點, 不然會被罵. 南記我食左好耐, 佢用來招呼客人的茶, 好好飲, 是潮州茶, 好正.食物味道也不錯, 咸雞, 薑葱魚腸,蝦棗, 及潮州炒麵線,是我的最愛, 爸媽食完都說不錯.有空再食. 正...

潮洲菜由細食到大 真係未試過一餐咁差嘅 早幾日夜晚去食 點左滷水掌翼 方魚芥蘭 炸蝦蟹棗 掌翼普通滷水味但就超級咸 0分 方魚芥蘭個切法真係第一次見 成條垂直切開 方魚D魚鱗都無打走 重要打個杰”獻” 再重要打得唔好一舊舊 芥蘭”拾”到過晒龍 淋PAT PAT兼黃KAM KAM 0分 蝦蟹棗先經典 成舊野唔話你知比你食真係唔知果舊係乜東東 蝦無蝦味 蟹無蟹味 成舊粉同肥豬肉粒 兩人每人每樣食左半粒 成碟10粒淨6粒 0分 個廚師簡直係侮辱左潮州菜！

今晚一行四人 去九龍城南記飯店晚飯 叫咗好幾味餸菜 今晚我哋非常失望 整體食物質素麻麻地 嗰啲鹹雞啲肉質梅梅地 雞冇雞味 果一碟煎豪餅非常差 個豪餅林謝謝 油淋淋 完全唔得 嗰碟沙嗲牛肉芥蘭得個咸字 服務也是麻麻哋 係咁吹你叫嘢食 係咁問你啲嘢係唔係已經離齊 啲食物都未食晒就話送糖水俾你食 好似有啲想趕你走 想翻枱 感覺麻麻地如此一間幾十年的老店 食物質素不斷下降 今非昔比 真心期望店主能深刻反省 改善好食物質素 希望下次再去時 期待佢有一點改善 回復昔日的高食物質素😔🙏

有朋自遠方來..說想去九龍城食潮洲菜..冇錯係去食潮洲菜𣎴是泰國菜..南記是老字號既舖頭所以裝修會有點過時..如果是要食環境的話就要想想啊！叫了常見既潮洲菜式墨魚 - 上枱時一見到.e..居然不是橙色..很驚喜啊.因為大多數店舖都是用上已染色的.想不到這間沒有.食得很放心椒鹽九肚魚 - 夠大條.炒得夠乾身.外脆內軟.很惹味炒鵝腸 - 鵝腸份量轉少..味濃烏頭魚 - 肉質不實，沒有黃油蠔餅 - 蠔很大粒..佈滿蠔餅既表面.很香脆可口.蠔仔粥 - 沒什麼特別.但味道是不錯的鵝片 - 肥瘦適中.但覺得有點少只得幾片

好耐無食過打冷, 朋友們請食生日飯, 又要就人踢完波, 呢頭好似得呢間打冷食評最好(定好似得呢間係打冷)。見食家們寫一定要訂枱, 所以個幾星期前已訂好, 雖然去到都要等, 但老細一直熱情招待叫等多陣, 好親切。仲幫我地諗好大慨點幾多餸就夠食, 驚我地叫太多。一行6人先叫左個4人餐滷水豆腐-無得輸, 滷水汁取勝潮州咸雞-好味, 肉好滑, 唔會過咸咸菜胡椒豬肚湯-好似金潮個湯好飲D轉左個魚, 唔記得係咩, 唔鍾意食, 好腥(我本身唔識食魚, 鍾意食魚既人可能會覺得好正)蝦蟹雙棗-最好食呢個!必點!蝦蟹肉都十分多, 好食過去酒樓飲既炸蟹鉗方魚炒芥蘭-十分油潮州炒麵線-最後上枱, 個陣已經非常飽, 個麵同佢D色一樣無咩味因為我地自己帶左支SAKE去飲, 好好胃口, 再點左幾個菜送酒。生炒骨-真係用排骨黎炒, 但個味就一般滷水鵝片-鵝片滷得入味, 好食烏頭-魚肉唔夠實, 好似有D梅梅地, 麻麻其實最後係太貪心食唔哂, 雖然呢度既野唔算好大碟, 中等份量, 但話抵食又算不上, 味道屬一般, 環境因為有好多一家大細幫襯, 都幾嘈, 服務唔多講, 老店既老員工, 大家心照, 試過就算。

第一次去食嗌左胡椒豬肚湯，雞，同麵線。兩條友食到好飽。點知第二日瞓醒就黎料，兩個人都腸痛胃痛屙水。以後都唔再黎喇。都唔知係食錯左d乜。而家仲痛緊，男朋友就嚴重d... 平時都好少食錯野嫁我地兩個。

每次去富臨飲茶 路過“南記“ 都停下腳步睇佢門口貼嘅餐牌胆粗粗推門問吓“午市“ 係咩餐牌侍應大多是上咗年紀嘅伯伯 招呼我嗰位 似有啲撞聾㖭全部都好有禮貌 & 親切 敬業精神入來食飯嘅 大多是熟客 老人家侍應即叫 乜生乜太又即時推介 今日有咩好嘢 叫咗“涼瓜什會飯“ 餸飯分開上即煮有鑊氣 涼瓜夠冧入味大虾尤魚鮮 豬肚粉腸林 肉片比較硬餸多新鮮底食送例湯 仲 送 糖水 “鐵觀音“ 茶香 水滾茶靚免茶免加一 盛惠46元 午市優惠不過老店老老實實 冇豪裝怕小動物 要求高嘅就要諗諗啦

母親節當然要同媽媽食飯啦姐夫之前食過LEE間話唔錯喎，就提議母親節黎食過，姐夫一早便BOOK好位又寫好菜單睇下有乜食先先來個冷盤醒醒胃冰鎮酸梅涼瓜~~~味道酸酸地，涼瓜好爽，涼涼地...好味！綠荳邊春卷~~~個餡料好得意呀！綠荳邊好粉，配上脆脆的春卷又好味喎！潮州鹹雞~~~雞肉好滑，味道剛好金牌鵝片~~~唔太肥GOOD，鵝片肉好滑，墊底D豆腐都好好味鹹菜胡椒豬肚湯~~~好胡椒呀！飲完真係成個人熱辣辣呀！豬肚煲得夠"林"又夠味呀蝦乾荷豆炒象拔蚌片~~~油左D，但荷豆炒得剛好，象拔蚌又好好味蝦棗，蟹棗及花姿春卷拼盆~~~蝦棗同蟹棗個人覺得麻麻地，因為潮式的蝦棗唔係彈牙的，個春卷又好好味喎！椒鹽九肚魚~~~好味，夠乾身GOOD金牌生炒骨~~~小朋友非常LIKE的，味道剛好金銀蛋莧菜~~~好味喎！香煎蠔仔烙~~~煎得好香脆，唔需要沾醬都好好味紫菜肉碎象拔蚌膽粥~~~粥煲得唔錯，粥料好足夠NICE葱油反沙芋~~~芋頭做得好"粉"，又唔會好甜......YUMMY其實環境真係麻麻，但食物真的不錯不過呢！最慘就係小店有個冷氣壞了真係食到滿頭汗呀！

這不是日記，是一篇夜記，因為事件是在晚上發生的。在附近很遲下班的朋友突召小人，小人義不容辭即時趕到，幫助開解一番。呻苦之夜，朋友也沒甚麼胃口，寧願叫些小菜下酒。潮州打冷，經常會叫的是蝦棗蟹棗。以豬肉混和蝦或蟹肉來炸，算是不太油膩；可是肉質頗實，未能嚐到各種肉類的鮮味。椒鹽九肚魚亦不外如是，椒鹽似乎落的不多，而九肚魚還帶有些微的腥。反為用作伴碟的脆炸川椒葉更佳。是夜主題在於紓緩朋友的心情，食物雖屬一般，不過邊吃邊談還是合適的。

這家九龍城潮州老飯店已光顧多年，每次必叫的是姜葱炒魚腸，由於一碟要用上十幾副新鮮嘅魚腸魚肝，所以每晚只賣二至三份，遲来的必向隅。這店的魚腸清洗得好乾凈，廚師又好功夫，炒的時間啱啱好，炒好後魚腸魚肝均清楚見得到，並無散晒或溶晒，而且一㸃也唔腥，魚腸魚肝軟滑入口即溶，口感甚佳。另一道菜是潮式凍烏頭，新鮮烏頭蒸好後連同魚鱗攤凍然後放在雪柜，上枱時打開魚鱗進食，魚肉質好鮮嫰甘香又唔腥，沾上在魚鳞下面的黄色魚油才入口，非常好味。煎蚝仔餅也煎得好乾好脆但不油膩，雖然蚝仔不夠肥美，但仍然好香口。另外也叫了鮮茄豆腐大眼雞魚湯，魚是走油後才放入去煲，但煲好後仍然原條可以食埋，而且重好有魚味，鮮紅色的新鮮番茄湯酸酸甜甜好飲外還好醒胃，大增食慾。

是咁的，有親戚從唔同的國家到港探親，大家都是潮洲人，一定要「打冷」，冷唔冷我唔知，但佢地指明要去南記食飯，係有佢地道理。如果要食格調講排場，閣下可以剔除呢間餐廳，因為佢走樸實路線，無花巧設計，又無華麗裝飾。有潔辟的更不宜在此用餐。但佢的食物質素，連一個唔係潮洲人的我都激讚，好的餐廳一定有一兩味「能手小菜」做買點。南記的胡椒豬肚湯是享負盛名，一大碗湯有半碗係豬肚 (咁重本錢會唔會有利潤架?!)，胡椒又足料 ，夠辣，飲第一啖胡椒的辣同湯的熱流進胃內，這種湯對寒底、濕气重同埋女性特別有益，所以湯一到大家先倒滿滿的一碗暖和身子。另一樣係潮洲烏頭凍魚，呢個菜式我真心佩服潮洲人，魚一冷就好腥，好難入口，但潮洲人可以令凍烏頭魚冷而不腥，味鮮而肉不「鞋」，而南記也有啦，可能烏頭魚還未當造，所以魚肉間只有淺淺的黃魚油，魚有一點乾呢。另外，還有咸雞半隻，都是十分鮮味。還有其他炸菜色啦，包括甜酸咕咾肉。不過長者們對炸物興趣不大，所以無炸蠔。另外，南記的待應太多是較年長，手腳也許沒有年輕人靈活，但細心及耐性已彌補，他們喜歡同客人聊天，了解客人的需要，客人一到已經能呼叫對方名方，跟別人閒話家常。呢份人情味只在懷

慶祝父親節不會揀正日，因為太多人又貴，所以都會提前慶祝。之前跟朋友來過這裡，覺得幾好食，所以帶埋家人一齊試試。之前見到都好多人食，所以醒目地打電話訂位，本來係訂早一日，但訂位時老闆告知店舖火燭未整理完，所以訂了這天。叫了一個四人餐，有幾樣唔同小菜，有不如選擇。另外亦點了蠔餅，因為食潮州野，冇理由唔食蠔餅啦！先有鵝片，正常味道。豆腐，正常味道。鮮茄大眼雞湯，都OK！炸蝦蟹棗，味道一般，冇乜特別。潮州芥菜，幾有風味。椒盬九肚魚，很普通。另外叫的蠔餅，好差！好難食，粉多而且厚。成家人食完都覺得極差。蠔仔粥，唔掂。唔知係因為火燭過後的問題還是廚師變了，比起以前黎食爭太遠....

衛生環境一般 舊式潮洲菜餐廳都係咁既樣叫左個4人餐 其實全間店最吸引既野都係晒個餐度咸雞雖然無乜驚喜但幾好味 好新鮮方魚肉碎蠔仔粥 加大左  蠔仔都唔算少 叫多左碗白飯放入去食蠔餅 唔會太多粉 九肚魚 咸左d送粥一流整體好抵食 4個人食到勁飽 下次會再黎過 

曾來過南記一次，但只兩人試菜不多，希望人多時可試試魚飯。這天六人同檯，有訂位也等了好一會，等位時望望貼在門外的價目，每項也列出正價跟優惠價，曾路過這店很多次都看到這價目表，其實也沒有賣過正價吧 。餐牌裏很用心地用大字體介紹各招牌菜，我們見六人套餐已經包括不少心怡的拿手菜，便順理成章點了六人餐。像老闆的店員頻頻推介套餐裏二選一選鮮咸雞，我們倒沒所謂，誰不知吃到一半那店員說活雞來貨價貴，咸雞要另加$15，雖然不是甚麽大數目，但做法有點那個吧。新鮮雞的味道確是勝一籌，滑嫰結實的口感是冰鮮不可比擬的，怪不得我城冒著禽流感的風險勞師動眾，逢年過節鮮雞還是有價有市。說回這加價咸雞，咸味恰到好處，食材新鮮就是滿分，值得推介。上菜很快，然後是胡椒豬肚湯，頭一輪盛起的超辣，豬肚亦很多。蝦蟹棗雙拼就是蝦蟹不分，我們六人都吃不出哪個是蝦哪個是蟹，最後忍不住問店員，他說方型的是蟹棗圓形是蝦棗，那是不是真材實料大家亦心中有數了吧。蠔餅超油，味道一般。椒鹽九肚魚雖然也是油晃晃的，但有少見的珍珠葉便要加分，九肚魚外脆内香滑，很不錯。潮式炒麵缐餐牌内的推介說麵缐是手造的，所以粗幼有致，爽口帶靭，蝦肉卻很實，可以一試。