南記粉麵 (朗盈商業大廈)

營業中

休息中

平時食開酸辣小窩米線，今次轉下口味叫咗雙拼(春卷、竹笙)清湯套餐配魚片頭，加5蚊轉飲凍仙草奶茶其實南記除咗招牌魚肉春卷必食之外，魚片頭都好值得叫熱辣辣的魚片頭配埋孜然粉，非常惹味

YO YO AR HA AR HA CHECK IT.食魚蛋粉 蛋粉 蛋粉食魚蛋粉 蛋粉 蛋粉魚蛋好好味道牛丸好好味道春卷好好味道WOH　三種溝埋仲好味道三款溝成招牌河都幾好味道，今日去到在......同熱愛這片土地 大家刻骨銘記愁或喜 生與死 也是香港地同熱愛這片土地 大家一句到尾 由自己 生與死 也在香港地......嘅香港仔。去真。堅。香港仔南記。呢間舖嘅位置要上樓，我相信唔會係總店或者係第一間分店。排隊買飛食個上面嘅招牌河，抵食夾大件。買完飛等叫號，時間都幾快，5分鐘都唔洗。拎到個餐搵個位，坐落位置舒服，空間都夠唔會逼。有d醬汁可以配搭，我一般喜歡魚露，陣咸腥味一流。香港仔仍然係香港仔

依家出街食飯真的愈來愈貴, 物價每隔一排就升一點, 打工仔真的是百上加斤。所以, 現在食飯的選擇亦愈來愈少, 特別是糧尾。雖然「南記」慢慢地都開始加價, 不過都還可以接受。墨魚丸春卷河我幾乎每次食「南記」都係食這個配搭的。墨丸彈牙, 春卷夠香夠有咬口, 兩款配料都好味。河粉有時就會很散很碎, 有時就會好完整一條條, 這是要看彩數。另外湯底我一向是沒有要求的, 因為就比較普通的味精湯。最正還是要講的, 就是辣椒醬! 真的非一般好味! 連我的印度同事都好喜歡, 比起辣椒油, 這個辣椒醬更辣。最重要是辣得來又同粉麵好夾。反而如果食小窩米線, 加辣椒醬就沒有那麼的好吃。

這天放工後，我約了朋友在香港仔吃晚餐和看電影，我們在香港仔的街道看到很多餐廳，最後決定吃粉麵，便決定去南記吃晚餐珍寶番茄濃湯($57)鮮甜和濃郁的番茄湯，軟彈煙韌的春卷，彈牙的魚蛋，煙靭的牛丸，新鮮彈牙的魚皮餃，爽彈鮮美的墨魚丸，份量延多整體來說，這個價錢應該跟埋餐飲才合理，收銀員工不太有禮貌和黑面，服務態度有待改善，另外，我認為食物的選擇也足夠多，食物的質素不錯，米線的份量足夠多，所以我認為這間餐廳可以考慮再去惠顧

如果你一個人! 如果你糧尾無錢!! 如果你想快食!! 香港仔南記幫到你!!今日糧尾去左香港仔既香港仔南記 (唔知係咪正宗D 架呢?呵呵...)雖然係糧尾，但都要飽!!所以叫左”今日超值套餐”，但留意番,佢個雙併只可以係下面個2行到揀，姐係...冇得叫辣肉，cashier 姐姐話辣肉要幾番原價.. 咁叫得糧尾，唯有食清到爆既清湯米配must eat招牌春卷同魚餃! 餐送炸魚角同汽水! Lee 期仲送紙片一包tim! 小知識 (邊個想知)同朋友研究緊港仔既香港仔南記係咪正宗D Lee 個話題時, 好學仔既我上左佢官網!! 講你都唔信ah!!! 你估除左香港以外，邊到有分店ah?? 你而為大陸?? 錯晒!! 係韓國呀!!!! 勁呀! 唔知有冇泡菜春卷架呢?? 呵呵

行經附近唔知食咩好，望到呢間招牌便上樓上開餐！食開小鍋米粉，招牌春卷每次必食，煙韌囗感；魚蛋食落口感彈牙，好味！湯底味道有酸菜令加添酸味，少辣更令人有醒胃感覺！仲加埋黃金炸魚片頭，外面灑上五香粉調味，咬落未及魚蛋般彈牙，但味道都可以！

南記開左咁多年，可以話由細食到大。既然係咁就評佢一評。話說今日餓餓地，除左一個粉之外加左個小食豪一豪佢。今日主打，春卷牛𦟌小鍋小食是五香淮鹽魚片頭好～入正題，去相！$43尚在算大大碗，但其實價錢黎講係偏高既，招牌河先廿幾蚊，佢就黎貴成倍，但係個開胃既感覺係第度冇既。唔講仲以為加左白粉，食到人上癮。酸辣黎講，南記做得唔錯，酸比辣剛剛好（小辣既話）咁先食到味道，太辣搶哂所有野既味。講配料，九菜腐竹芽菜肉碎，都幾多野架，但家下變左集團野，睇下呀姐心情好唔好，有時芽菜都唔多條。大名鼎鼎既春卷，放湯食吸吸湯汁，野味非常。唔入湯，直食夠脆口，可以話係名物。個人黎講黎得南記唔食春卷不如唔好黎，道理好似kfc唔食雞，打邊爐冇肥牛一樣。牛𦟌相對普通，但都好食既。呢個片頭可以話又愛又恨，外皮夠脆，但油得很，每咬一口都驚血管會爆，油！肉夠滑，可惜唔夠彈牙，同謝記比差一皮，但兩樣野黎，呢度賣滑，果度賣彈牙，況且人地執左。最驚喜係五香淮鹽，好多地方用椒鹽但佢用淮鹽，五香味好出，好香，將片頭提升一個層次。總括黎講，呢間野越黎越貴，食個粉加幾粒片頭盛惠$58大元。唔係唔好食，只係食完心有戚戚焉。

我買外賣春卷河＋春卷米缐＋淨春卷＋才＋全部分湯共$97！回家打開睇盒內只得共6條看卷，而另一碗河粉只得兩條春卷還有一碗湯內有兩條魚片和二粒牛丸，我order全部只有春卷數量應該共有14條，為何只得8條，尚欠我6條實在是不應發生，又不是繁忙時間都會有這樣的出錯，實在太粗心大意，不能忍受😤😡😡😡😤

今日去開香港仔見客.....對於我呢個新界人來講....真係一啲都唔識路.....仲要問過同事幾次.....先至識得搭車來香港仔......見完客有啲肚餓.....就同細隻妙一齊去搵啲嘢食....行嚟行去都唔知食乜好......竟然比我見到個靚仔係香港仔南記米線通常見到呢個格仔衫靚仔嘜頭就知道係香港仔南記米線話時話.....呢間米線都有幾多分店坊間一般見到嘅米線店都比較傳統但係呢間南記米線連鎖店都幾新潮見佢哋要裝修格局同餐牌都係有花過心思設計佢哋識得將唔同嘅色彩配搭出唔同嘅色感去吸引客人眼睛嘩佢地個下午茶抵到爆廿零蚊有交易不過未到下午茶時間.......我唯有食一個份量勁嘅米缐餐不過實在太多人呀我諗應該好好味唔係點會有咁墟撼嘅情況啊淨係見條隊尾都排到出樓梯口細隻妙又出場啦我揀咗個C餐...再加多兩個餸仲要送埋碟魚片頭食完都應該飽到上心口南記既招牌春卷....又真係食極都唔厭.....啲魚肉又彈牙兩條都其實唔係幾夠喉其實我都幾鍾意食米線.....但係唔知點解自己係屋企煮....煮來煮去都唔夠彈牙不過南記啲米線又真係幾好味....勝在夠彈牙👍🏻👍🏻👍🏻食食吓見到佢哋個托盤有Facebook

點解一間原本好好食嘅地道粉面店可以做到咁差，我以前中學係南區，成日都會到香港仔食南記，大個搬離咗南區，去其他分店食，都食唔番以前果隻味，所以今日特登返香港仔食，但係愈食就愈貴，愈食就愈難食，D芽菜好似摘完頭尾又煮埋一齊，以為食到成口毛，小窩米線以前食小辣，都會有好多肉碎，今日食咗中辣，得返兩三粒肉碎，搵枱又難，一樓得幾張枱之後買完上2樓，上邊張張枱都有上一手食剩嘅盤，完全冇人執，以前係舊鋪2樓都會有人註喺度執嘢，真係食到好失望，我諗我以後唔會再係南記食。

自從南記搬咗上樓,自問幫襯咗好多次㗎啦！上去食嘢搵位越嚟越易,啲出品越做越差。真係忍冇可忍要講出嚟！今次試新推出嘅“蕃茄腩肉春卷小鍋米線”一睇...得半碗已經算啦~叫咗走青都有蔥都都算啦~有能本事仲叫我你自己“”“”佢啦！有種! 好嘢! 算啦！返到埋位發現俾少咗春卷。同收銀講先俾返我! 再三算數啦！一食落口....竟然碗米線係唔熱嘅！！！唉～我真係唔知點算啦…其實做飲食嘅你有俾心機做, 真係食得出㗎！唔好賴加租搬上樓做唔住啦…唔想做就請收檔，南記算吧啦！

星期六中午食乜好？諗來諗去心思思，最後就決定隨意一啲，食個南記啦！去南記個人必食：小窩河粉今日隨心地揀左豬腩肉，薄薄地非常入味，配埋酸菜簡直一流！平時就會揀春卷配小窩河粉既，今日見飽飽地就加8蚊食兩條算喇。個人覺得呢間新南記水準比較飄忽。唔知係咪新鋪新同事；廚房有時比較亂（？）所以今日既麵比較淋、而湯就比平時淡啲。題外話，南記新推出左一款蕃茄湯口味，遲啲有機會去試下。

南記真係開到周圍，但係最好嘅當然都係香港仔啦，到香港仔，當然要去南記啦，但原來已經搬左去新既舖位，大左好多，但人比之前更加多，叫左個招牌面，面好q彈，湯既味精唔算多 ，我最buy既係1春卷，愛不釋手，質素keep得住

香港仔南記搬了！香港仔南記搬了！香港仔南記搬了！重要的事要重覆三次。在我有記憶以來，一直都在的香港仔南記，一直都是在小巴站隔離。但是，在今年的7月份，南記搬了，搬了在另一幢大樓。是分兩層的，一樓收銀及出餐，另外還有一半地方是檯凳。而二樓就是全檯凳。地方也很闊落，檯與檯之間的距離比以前的大，坐落都OK。而且地方比以前光猛，是一個很好的轉變，雖然變得不就腳了。我點了墨魚丸春卷河 HKD 25.00 墨魚丸保持一慣的品質，好味彈牙。春卷也不錯，好軟稔夠味。保持一慣的水準。生菜 HKD 25.00生菜堂食的份量比外賣的多好多。這碟生菜真係成個山甘高。凍洛神花茶(大) HKD 13.00第一次試飲新的飲品，但個人覺得麻麻地。因為好淡咪，好淡的洛神花味，只有甜味。但是如果因吃了很辣的辣椒醬，都可以當作解辣飲品的。由好細個的時候就開始食南記了，由十幾蚊一碗粉麵送豆漿，到今時今日的廿幾蚊一碗，我都是一個熟到不能再熟的熟客。因為經歷了十幾年的時光，價錢跟上通漲但仍是平民價，已是難得。