南記粉麵 (已搬遷) 新店位置

南記粉麵最好食既係招牌麵春卷係最正加上魚旦，牛丸陪襯ichiban desu!睇睇價錢連埋豆漿都係廿蚊下午茶首選!食厭左附近既老麥/雞記不如清清地食個麵啦無介紹錯架

幾個星期前黎食,未到lunch時間都已經多人.叫左雞肉餃米線,似菜肉餃多d,不過好就抵食,20幾蚊有成7粒餃同大大碗米線.次次食完都好飽,正!!

每次去南記,總是隔離榮記長龍不斷,退求其次才到南記.人棄我取,都唔知做多幾多生意.有時,開店開在一間人龍店隔離,未嘗是一件好事.一味用湯浸春卷,搭魚皮餃,差不多成為此店之不死方程式,每個食客,人人一味吃春卷.放湯吃的魚肉春卷,別有一番口感,軟淋淋.味道也不錯,但感覺如吃隔夜油炸鬼.有點不知所以,只想我不會意.同睇隔夜波一樣,口口聲聲話晨早睇波無壓力.這是得不到葡萄是酸的自欺欺人之說法.睇波唔睇現場直播,不如唔好睇.

其實食過好多次了,而家先第一次寫佢.這間分店較大,分左吸煙區同非吸煙區,比較坐得舒服D啦.不過當然食完就要快閃啦,因客人源源不絕,一路都會有人在等位.自己都唔好意思慢慢'hair'...春卷(類似腐皮卷) -- 每次必食;好肚餓時, 會order雲南小鍋米線,大大碗,酸辣湯底,有辣肉醬,咸菜,芽菜,0岩哂我口味;不大肚餓時, 會order一般清湯粉麵,例牌size,清得黎都好好味總之,又係會定期幫襯的店.

同男朋友2個黎食tea叫左碗招牌米線,牛展酸辣米線,凍奶茶&豆漿加大我碗招牌米線有2粒牛丸,2粒魚蛋同2條春卷,無湯底可言,下次都係叫番酸辣湯底好d,魚蛋好過牛丸,幾彈牙,春卷都係咁啦男朋友碗牛展酸辣米線好大碗,大碗到最後都食唔曬平平地都可以不過環境唔太好,好多蚊

今日去中央溫書溫到就餓死咁濟..頂唔順就碌過南記吃最愛的小窩米線~^^第一次去呢間呢,平時都係去muji對面果間..呢間好好-> 有非吸煙區！勁鍾意...食左春卷魚蛋小窩米線~本來$23的..有"優惠咭"可以平$2~^o^ now $21~但覺得今天的春卷有點兒"走樣"呢..炸得過左火位..不過overall 都好好味~^^ps 唔知係咪心理作用, 好似覺得muji對面果間既小窩米線大碗d..

小辣嘅酸菜小窩米線($23)都已經幾辣，好在冇蓋過酸味，不過略鹹。料就要春卷同魚餃，普普通通啦，唔覺得出色。另外食咗四寶紫菜河($26)，料係春卷、牛丸、墨魚丸同X丸(唔記得乜丸)，正喎！啲河粉好滑，料又夠多(有兩條春卷同7、8粒丸)，落辣椒油食仲啱。不過要彈佢落咗唔少味精，攪到食完有啲口乾。

4月24日9:30是日又北上，坐順風車到銅鑼灣，肚餓極，到這店醫肚。要了牛腩河。河粉：滑而吸水力弱(加分)牛腩：柱候牛腩，入味，但極硬。湯底：過鹹。此店檯上祇放有辣醬、醋和豉油等調味料，要找潮式辣椒油，在外賣的調味架才找到，幾香辣。店有兩層，一層吸煙區，另一層非吸煙區。(加分)這是我會再去的動力。

銅鑼灣返工既關係,又諗唔到附近有咩平價粉麵食~同事推介下, 黎左呢度食~ 南記格局就好似快餐店買左飛仔之後去拎野食~ 目前為止~ 我最鍾意食係" 招牌河" 魚丸同牛丸都好彈牙~ 最滿意係個湯底飲完唔覺口渴~ 呵~ 南記已經成為我既canteen 喇有時心思思都想黎整返碗麵~

南記由一間舖仔做到週圍都係成為OL摯愛不特止仲係銅鑼灣鬧市開到兩層都算係一個小奇蹟同香港故事喇拎完身份證入境處成個流程真係好有效率希望其他部門都可以學下啦下講返南記係咪真係好好食就唔算不過三十蚊又菜又米線又野飲都算抵今次要牛腩春卷小鍋米線呢間既米線真係比較淋牛腩其實係牛根首次接觸呢種"春卷"係城大canteen不過南記係好食尐最奇妙(這是一個形容詞不明白為甚麼某外國公司會叫人體驗奇妙fantasy最多咪係「奇妙感覺」囉)就係你食十次都想像唔到究竟佢係用咩材料做成既怕且係魚肉掛不過正如一般春卷入面係咩都無咩譜亦無咩所謂咁囉環境算係咁多間分店入面最唔迫喇喎

朋友介紹去食.第一次離. 本來諗住食我最愛o既菜肉餃, 但係臨到cashier時見到有有春卷, 見佢層皮好似唔係好炸, 個fd又話好食, 咁就叫左個餐:牛腩春卷小鍋米線+生菜+豆漿因為1/F無位, 被迫走上上面smoking area....唉!講番碗野, size好夠, 有好小辣. 話牛腩, 但係90%係牛筋. d春卷無surprise, 係試過就ok o個d.個菜無咩特別. 食得唔多, 因為唔記得叫佢走蠔油.豆漿略為細杯啦!

原本抱住好期待既心態去食,因為我好耐至會去食一次,點知有好多野都令我失望囉!我同個fd都叫左腩肉腐竹小鍋米線,個樣同之前係無分別,但係一食落去就出事,米線唔彈牙仲林晒,腐竹仲好爛,好似人地煲雞蛋糖水果d爛既腐竹,總之唔係一塊夾得起啦,而且仲好少酸菜同芽菜...雖然佢既料可能放係入面太耐或者煮得耐至攪成咁,不過整體味道都幾好,如果可以控制得d料唔好咁林,一定會好似以前咁好食!!另外個fd食春卷酸菜小鍋,我見佢食得好滋味!!

呢間係我食過最好食既米線. 佢d麵地好似唔同人地果d..好彈牙. 酸辣湯底又岩岩好. 而且d腩肉真係好惦.勁入味又唔會肥! 超正呀! 個餐油菜+一杯野飲都係30蚊!

黎買辣椒醬俾媽咪, 順便外賣左一客魚肉春卷加餸.春卷無放湯, 焗返熱好香口, 魚肉幾甜, 唔知係咪加左師傅呢?

琴日約左朋友o係銅鑼灣食午飯突然好想食車仔麵又一直無黎試過就一於試下朋友幫我決定要叫左個30蚊既set包左春卷牛腩酸菜米線,生菜同熱檸茶春卷牛腩酸菜米線～湯底酸多個辣,配上米線係幾好,但可惜較油;而春卷係包住魚肉黎炸,吸左少少又酸又辣既湯汁,味道唔錯亦唔覺油膩;米線就煮得比較腍身,但o岩我口味,唔錯,米線份量唔算多,但成個set食完會好飽;牛腩同牛筋都唔得,好韌又唔淋,又唔入味,唔食好過!!生菜～淥得好嫩,仍然好翠綠,幾清甜熱檸茶～呢個唔得,又無茶味,檸檬又苦呢度環境十足快餐店搵位坐低去counter叫野食然後等叫飛號算乾淨但坐窗口位會好坐d