南記粉麵 (福苑)

營業中

休息中

東安去旺角有啲嘢搞，搞完時候都唔早，又肚餓，上海食個晚飯。 就諗起南記。我點了辣豬肉、招牌春卷和肥牛麻辣米線，整體來說依舊非常美味。首先是辣豬肉，厚切辣豬肉配上特有辣椒醬汁，讓人垂涎欲滴。接著是招牌春卷，外皮香，非常開胃。最後是肥牛麻辣米線，米線口感Q彈有嚼勁，麻辣味道加肥美的牛肉片，讓人回味無窮。除了食物之外，南記的姐姐都好親切友善。總而言之，南記絕對是一個不錯的選擇。食物美味、價格合理，勾起我好多回憶。真係想佢開多啲分店。

平時唔知食咩好 最鐘意食南記 例牌酸辣湯底 冬天食 熱辣辣 真係好正😂😂肥牛 春卷係膽 然後再加個餸 其實都幾貴 都要$6x😢😢 不過食得好飽 可以skip一餐🙈🙈🙈🙈

呢排天氣凍凍地，真係要搵D湯暖下胃，「南記粉麵」最近新推出咗「胡椒•酸菜豬肚湯•雞扒米線」套餐真係要推介☺️👍胡椒•酸菜豬肚湯•雞扒米線，湯底採用特級黑白胡椒、爽豬肚、酸菜，真係好啱秋冬驅寒，食完成個人暖笠笠🤗🤗豬肚份量夠多，爽口、厚肉，帶點脂肪😋😋😋；雞扒即叫即炸，肉質嫩滑，帶有黑椒味道鷄皮炸到脆口正 正酸菜味道酸甜開胃又夠多一路飲湯咬埋酸菜yummy✨✨；旋風豆腐串索哂滿滿嘅胡椒湯嘅精華，一咬好重胡椒味爆湯汁 正紅胡椒•菠蘿特飲，無諗過可以菠蘿咁夾，紅胡椒香味獨特，微辛嘅味道加菠蘿梳打內嘅果肉，兩者夾埋真係幾好飲

🎈食物：🌕🌕🌕🌕🌗香港咁多間米線，暫時最鐘意食佢，好多人都鐘意3哥/譚仔，點解咁鐘意佢，因為佢個酸辣，唔會太辣，個酸係雪菜個隻酸。佢個春卷真心推，其他舖頭食唔到咁好食。佢d米線細細條，好食❤️❤️❤️🎈環境：🌕🌕🌕🌑🌑星期六日會超多印傭，幾個人食一碗麵🤣有d迫，平日食算ok，都叫有位坐😂🎈服務：🌕🌕🌗🌑🌑自助，都無咩服務可言，有人幫收碗，係未都叫服務😂😂😂🎈回購：🌕🌕🌕🌕🌕食親米線附近有佢，都會係first priority 😂

芫茜同榴槤一樣，有人鍾意食，有人聞到氣味都已經怕怕。本人沒有特別喜愛但也不會抗拒，早前南記出咗芫茜蓉湯底米線套餐，見到幾特別所以試一試。因為外賣，所以只係普通汽水，唔知芫荽可樂到底會係咩味呢?至於草綠色的芫荽蓉湯真係好濃郁好好味，其實都幾開胃架，除咗有香口炸豬扒同爽彈嘅芫茜丸外，酥脆可口嘅豆卜同皮蛋都唔錯。

今日去尖沙咀唸住食南記春卷既時候發現佢有新野食，推出期間限定「艇仔粉」套餐，上次期間限定既「茜餐」我都食左幾次🤣佢湯底用左大地魚和蝦精心熬製而成，每一淡湯都好有大地魚的鮮甜味道🤤濃香十足。可以轉粉麵不過我都係鐘意佢地既幼滑米線、有傳統配菜有紅腸、好多脆炸香口的銀魚仔同埋新鮮生菜，另外仲有我好鐘意既皇牌爽爽豬肉、同埋一心想黎食既招牌春卷，份量好足料😋感受到懷舊避風塘滋味，套餐仲有香辣shake shake炸魚皮超爽脆，加埋一杯芒果冷泡鐵觀音又唔會好甜I LIKE IT😍。#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat @namkeenoodle @chillchipr @isaac.chan_chillchipr#南記 #南記粉麵 #namkeenoodle #namkee #艇仔粉 #

食開米線都係食譚仔，今日經過見到南記，就入去TRY TRY，南記既選擇就冇譚仔咁多，小食既種類都比較少。但係米線既咬口反而好D，係彈口既唔會淋PAT PAT，而今次食左魚肉春卷，D魚肉都幾好夠味唔會腥，但係個湯又不及譚仔了，得個紅字同埋辣既感覺，冇麻既感覺。而我就叫多碟菜，都係一般麵店既級數啦，豉油撈生菜。飲品就試左個豆漿，但係豆漿就明顯似係開粉沖果隻啦。食物方面整體黎講就OK，可以接受啦。但係我最想佢改善既係唔好學人地買飛自取餐既個模式啦。送餐到來會好D，一個人食又要霸位又要買餐拎餐都好難搞。

This store at MK is upstairs so if you are carrying lots of stuff or you have a stroller, think twice before you come. Oh… on a Sunday, the locals are outnumbered by the foreign maids…..Anyway as a coriander freak, I came here to try out their latest coriander meal that comes with a coriander coke. The soup base is made from blended coriander with maybe chicken stock. I did finished all the soup so I guess no MsG or at the very least very minimal. Yet I wish the soup base is stronger in terms

南記粉麵出左「芫茜蓉湯底米線套餐」都有一段時間，今日終於可以去試下伏唔伏。果套餐包左一碗芫荽湯底的米線同埋一杯芫荽可樂，令我好奇到底會係咩味呢？ ⦁芫荽湯底米線選用一大堆芫荽磨成汁再融合果湯底度，另外仲有一堆新鮮芫荽。配料入面的豆卜比較硬，要浸係湯度耐d先得。而豬扒、皮蛋同芫荽丸味道都唔錯。 ⦁芫荽可樂飲落去有陣淡淡的草青味，有種飲緊五青汁的感覺，加上可樂本身甜味令到芫荽更易入口。可以一試，但唔會想再嗌。 整體來講，唔算好伏，只系青左D，會嚇親唔鍾意芫荽的朋友仔。🙈 📍南記粉麵地址: 旺角西洋菜街138號福苑1樓

今日約咗朋友出旺角做尖🏋🏻，做之前去咗南記補充體力。咁多間米線舖，我對南記🍜可以話係情有獨鍾，三日唔埋兩日就想去食，如果唔係屋企同工作附近無南記，我諗我日日都會去幫襯。今日仍然都係叫我最愛嘅中麻酸辣辣豬肉春卷米線$54。味道一如以往嘅好，哩度嘅辣豬肉無論係外型同口感都好特別，成日都好好奇製法如何。春卷都係南記嘅人氣配料，口感軟熟，味道香口，百食不厭。旺角哩間南記環境乾淨企理，空間寬闊，枱同枱之間分隔得好開，坐得舒服，好滿足嘅一餐！

hello 歡迎大家入黎睇Clover_EatEatEat嘅食評，今日同大家分享一間餐廳：南記粉麵！係連鎖粉麵餐廳入面，南記嘅水準算係比較高嘅一間，因為返工位置附近有一間所以試一試呢間嘅水準！我今次就網上嗌左一樣嘢，雙拼清湯套餐(貢丸牛筋仲配生菜同嘢飲) 網上嗌有九折！。❀ 雙拼清湯套餐 $46呢個套餐有生菜，係用平時米線個兜，分量好多！而湯底方面，雖然係清湯 但係嗌左牛筋所以都有腩汁係入面，個味就唔會咁寡，牛筋分量都係好多同埋口感軟霖！必嗌！貢丸我覺得一般，唔彈牙有d粉。米線比較軟！岩我嘅口味！

最近見到南記新出左芫荽蓉湯底米線🍜身為芫荽控嘅我 即刻就去咗試💚個湯底真係超級深綠 真係全部都係芫荽蓉 濃濃芫荽味 真係超足料！配料仲有芫荽豬肉丸 同一條條芫荽喺入面 茜味濃！

平時除咗食譚仔之外🤣南記都係一個唔錯嘅選擇！今次見佢哋推咗個外賣火鍋包😜啱晒懶得準備材料嘅人aka我 價錢就真係唔平啦，唯有睇下好唔好食啦！清湯湯底外賣火鍋包半份 $190（2-3人）🥩 肥牛（12安士）雖然好薄身但份量唔少而且牛味都幾濃郁🫔 招牌春卷（9條）外面炸過，魚肉味夠鮮甜香口，保持到當年嘅水準！🐠 魚片（5片）厚度適中，魚肉味都夠濃郁，唔似急凍，抵讚👍🐮 牛丸（5粒）好大陣雪藏味，食咗半粒放棄咗🧆 貢丸（3粒）肉味濃郁，爽口彈牙，而且好大粒！🍢 墨魚丸（4粒）正常發揮，無咩特別🍡 魚皮餃（5粒）魚肉少鹹而且皮偏厚🐷 豬肉白菜餃（6隻）白菜多過豬肉，整體偏鹹但可接受🥬 西生菜（1袋）有半包菜都爛咗... 唯有自己加料🥫 外賣辣醬（5包）小妹唔食辣 .-. 屋企人話怕辣嘅建議唔好試🍲 清湯湯底（2碗）比想像中更濃郁，小妹額外加咗番茄同豆腐小妹Top 5之選：招牌春卷 > 貢丸 > 肥牛 > 魚片 > 墨魚丸⭐️ CP值：🐘🐘🐘⭐️ 打卡able：🐘🐘.5⭐️ 舒適度：N/A⭐️ 再食指數：🐘🐘🐘.5（5 星為滿分）

💚 芫荽控出動啦❣️所有芫荽控聽住啦，最近 •南記粉麵🍜 •推出期間限定「芫茜蓉湯底米線套餐🌳」，記得把握機會去試啦😂～用大量芫茜熬製的芫茜蓉湯底，除了綠得誇張，散發出來的芫荽味同樣濃得驚人🤣～再配上芫茜丸、皮蛋和惹味的炸豬扒，大大滿足。最後不要忘記吃芫荽可口可樂，來個芫荽宴吧～南記粉麵 旺角西洋菜街138號福苑1樓 #namkeenoodle #namkee #芫茜蓉湯底米線套餐 #芫茜challenge

次次食南記都會叫春卷，咁多年都一樣咁好味，春卷夠晒彈牙👍🏻👍🏻一碗有四條，其實真係好抵食，性價比好高💯個湯就比較清淡，通常我都會揀河粉或者米粉，男嘅嘅米粉幾好食㗎～比較爽口