南記粉麵 (福苑)

營業中

休息中

之前趁南記推出優惠劵時買了一張牛腩河劵，今天下午茶時份肚子不太餓，就去換領優惠券。都有好一段時間沒有來到旺角分店，裝修後比從前乾淨光猛精神了。跟收銀姐姐說我要換這碗牛腩河，她馬上很純熟地拿出一部機素描我電話裡的QR code，很快就換到。以往光顧南記，一般都會食他們的春卷，從未食過他們的牛腩。特別選在今天不太肚餓的狀態下食是因為預計份量不大，果然如預計般，但也不算細的，只是男仔不會夠食。牛腩大約有4至5件，帶點根膜的牛腩用汁煮過所以本身有些味道，幸好不太鹹，質感都算淋，算是有驚喜。河粉生熟度控制都不錯，不會太淋，吸收了少許牛腩味，不錯啊。湯底方面食得出是用來煮粉麵的水了。裝修後的鋪是看似比以前整潔，但當我食完碗河粉時，卻發現餐盤上有半支不屬於我的牙籤。我的餐盤裏只有筷子匙羹還有碗河粉，究竟那半支應該是用過的牙籤哪裡來？有扣點分了。希望南記可以繼續推出優惠劵吧

以前南記只得幾間分店，每次要到港島區先有得食！現在荃灣、旺角，很多地方都有分店，要食最愛的春卷米線，簡直易如反掌！旺角門市地點就腳，逛完街再過來吃十分方便。通常會點小窩米線今次試試menu 上的清新滋味套餐，包括招牌春卷、魚腐、竹笙、木耳 米線。由於米線是指定套餐，所以是清湯上，口味較清淡。招牌春卷保持一貫水準，外面香脆煙韌，內裡軟腍有魚肉味。竹笙、木耳沒有特別，味道一般。魚腐大大件，夠新鮮，而且嫩滑得有點像豆腐，但口感比豆腐好，有咬口。整體來說，味道不過不失吃。南記米線始終有一點辣及有肉碎才好吃，清湯的米線有點單調。

今日到旺角逛街，一個人唔需要食太多，又想唔太迫，所以去左旺角中心附近搵野食，最後決定搵南記其實我幾年前已經食佢，初初只有兩間舖，近年發展迅速，越開越多，以前最愛冬菜，已經絕跡了，不過腩肉就一直出色春卷腩肉小鍋米線可自己選擇辣度，春卷煙韌有口感，炸得外層腐皮金黃，4支好夠飽，腩肉大片，雖然薄身，但入味又夠濃，配搭彈牙米線，酸甜鹹酸菜，惹味又飽肚，好抵食抵食要步行樓梯上，內有不少座位，假日較難搵位，上菜速度快，自助取食物。

南記E幾年真係周圍都有，由以前只有港島區有到現在開到總有一間係左近，係方便左但對我來說，我都係最鐘意佢地招牌麵加辣椒醬，魚蛋同春卷真係好好食麵又爽口，加埋東菜真係一流

今日又去旺角區醫肚，去食我最愛的南記😍😍今次叫左麻酸辣招牌滋選小窩套餐 $55呢個係佢其中一個特選優惠，當中有好多配料包括麻辣豬肉，冬菇，招牌春卷個麻酸辣湯底好正，麻辣同酸辣平衡得好好，記憶中冇咩地方試過湯底係麻辣同酸辣並重配料方面，冬菇好厚好多肉，好少有係出面食到呢重質素麻辣豬肉就普通d，偏簿同唔係太夠味而當然當中最出色就一定係佢個招牌春卷，未試過的朋友一定要試下💪🏻💪🏻💪🏻食到咁飽最終都只係$57，絕對超值

又黎到今晚食乜餸😂呀媽又有節目，約左班師奶一天遊唔返屋企煮飯，我唯有又落街食啦。行下行下，見到呢間南記，突然好掛住佢既招牌春卷，太耐無食過，所以決定揀呢間食。入到去個環境都唔錯，地方算乾淨，不過冷氣就凍左小小。入到黎，當然叫左個我最想食既招牌春卷米線啦～我仲加多樣貢丸，飲品方面我叫左杯豆漿，感覺上健康啲😂個春卷果然無令我失望👍🏾依然係咁好食，咬落去唔會散開，好正！而貢丸對我黎講只係配菜😂重點不是它，所以我對貢丸無咩要求，食落去唔差就得。而杯豆漿都幾好味，唔會太甜，好飲！

旺角分店啱啱新裝修完成個幾月冇得食，超級掛住佢哋嘅牛腩店面裝修完後比以前整齊得多，座位數目同之前差唔多逢星期日喺旺角食南記總係好多工人姐姐，好彩今日算小人唔使等位即刻有位座每次嚟都係食牛腩，鍾意佢唔太肥啖啖肉我個人唔鍾意太鹹，所以每次都係叫撈麵今次叫咗腩汁撈粗麵粗麵大大碗加埋冬菇同紫菜三份主菜都只係$47朋友叫咗牛腩紫菜腐竹湯河湯底略嫌有啲過喊不過唔算好重味精食完唔會太口渴雖然成日講話支持小店，但真心食咗咁多間湯粉南記嘅牛腩粉真係最大份同抵食🤣配料種類又多如果喺旺角食湯粉真係首選係南記

南記粉麵出名平靚正，河粉更加係必食之選。今次選了兩餸河粉。配餸係益食東菇和招牌魚肉春卷。今日病病地冇乜胃口，食河粉會必較易消化。配上蕃茄湯底，酸酸甜甜十分開胃。東菇雖然只有兩粒，但體積十分巨大，粒粒都大過隻湯匙，真心非常高質，食落啖啖滋味，好感動。而招牌的春卷一開頭食似似地魚卷，味道正正常常啦。但一路食開始明白佢好食的精髓，真係魚肉春卷十分有彈性，慢慢仔細咀嚼的時候，真係越食越回味。好彩，春卷份量都十分多。呢間餐廳座位多，環境闊，下次一定要再食。

南記粉麵，所有香港人都很清楚就是非常本土地道的米線餐廳。我覺得就味道來說，其實真的是很難挑剔。最便宜的是他的招牌河粉，只售26元。整整一碗米線，有魚蛋，有墨魚春捲，有墨丸，熱燙燙的。這種價錢夫復何求？在香港哪個地方你能夠找到，請告訴我。旺角的南記粉麵經常都很多人，特別是午膳時間，上班族真的超多。不過由於我總是一個人去吃，所以沒有等位的問題。這次我叫的是小鍋米線。小窩米線是即叫即做的，有一點辣，但是完全可以接受。這間餐廳我經常去，便宜到核爆。在這個物價騰飛的社會，它簡直就是良心飯店。

坊間有好多間食米線嘅鋪頭，我鍾情嘅始終係南記，仲要係旺角咁方便，實在太好。我最鍾意食南記嘅春卷同辣腩肉，暫時無第二間可以取代到。今次食左招牌滋選小窩，$56已經有4個餸，比普通小窩米線多一個。平時食開酸辣湯底，今次就試下麻辣湯底，口腔麻麻嘅感覺好刺激，不過我都係鍾意酸辣😝。米線一貫好食，煮得唔會太淋，少少韌有咬口。我嘅最愛辣豬肉同春卷唔洗多講，招牌餸仍然好正。魚片我覺得普通，好在唔會太粉，冬菇煮得好入味，索埋湯汁好好食。下次一定要再試下其他配料。

久唔久就會食南記。又係平價之選。我叫左超值套餐C1, 自選小鍋套餐，可以揀酸辣/麻辣或者蕃茄湯底， 我就梗係揀咗酸辣小窩(小辣)。😋 仲可以配西生菜或者牙菜。 我本身諗住可能係個粉麵入面嘅配菜可以揀，點知原來係一大碗芽菜。。會落左好“好多“蠔油，唔要的記得叫走醬! 😂 成個set好豐富。仲發現張收據下面有優惠券! 一係中午時段用，一係夜晚8點後先用到。。個時間好似mama地bor. 最好食緊係必食ge 春卷，小窩酸辣個湯夠酸，唔會好鹹，食完唔會太口渴。唔錯

突然間好掛住南記的春卷！以前係中環返工成日都會食到！依家要專登出去！識食嘅都知南記春卷係最好食！今次我點了墨魚丸春卷小窩米線！一如以往春卷都仲係好好食！墨丸都唔差，唔會有腥味！另外男朋友比左2粒菜肉雲吞我食。。菜肉雲吞我就覺得一般！男朋友的魚片就唔係咁好食！除咗冇乜鮮味之外，仲有啲腥味！始終南記都係食春卷最好！我叫咗小辣，唔會太辣啱晒我！我喜歡佢的酸味很重！整體來講個米線味道都好OK！keep到水準！

聽聞南記新出左個期間限定既 “艇仔粉”餐,好有興趣黎試試!湯底係用左魚同蝦熬成, 仲有乾銀魚仔Tim!配埋招牌春卷+叉燒+魚片同生菜,餐飲係雙檸樂(有齊半舊咸檸檬🍋同一片檸檬片),好盞鬼小食我無揀叮叮糖🍬, 揀左炸魚皮 可以邊浸邊食

每次去南記必定為清湯春卷而去！今晚如常去旺角分店點清湯春卷魚皮餃米粉，出到黎發現貨不對辦，同廚房阿姐講左句「俾錯左，我要清湯」，阿姐竟然堅持係清湯😡請問有清湯係咁既顏色仲有辣椒浮面的嗎？！阿姐啤左我一陣見我堅持唔肯拎走就拎番入廚房換，換出黎，一模一樣再同我講換左…碗野入面仲要有牛肉…其實忙碌多客人唔係藉口，俾錯左咪再換過，請唔好指鹿為馬🤬🤬🤬Fine!!!!!!!!好差的體驗, blacklist!!!!!!!!!!

在附近有間南記但因為都成日不少人，今日再同同事來試試有冇得堂食，好彩今日不多人等一陣就可以坐下叫午餐，今次我同事叫了牛魔王酸辣米線配加$5檸檬茶，大約六十元左右。等左不用十分鐘就可以食啦，牛魔王酸辣米線因為材料都不少所以價錢都合理。牛肉都有幾款，牛丸彈牙好味道，牛腩作淡味但都可以，其他都不錯但辣度吾夠。檸檬茶就茶底太太淡，只可講一般而且仲十分甜。而我就叫咗每次來南記必食的春卷酸辣腐皮米線，春卷口感好味但同事覺得太幼身，腐皮有不少又入味好味道，酸菜比其他米線店好食，爽口又帶少酸幾開胃，米線口感偏淋左少少，都是辣度不足。