南記粉麵 (士丹利街)

營業中

休息中

星期六，早上在公司忙得一頭煙，lunch就走上來吃個同事極力推薦的米線。除樓下的街鋪之外，樓上另設雅座，要有membership才可以內進。樓下好迫好多人，可能是lunch hour比較多人，環境算光猛但不算非常企理。在餐牌上選定了什麼餐，再比錢落單交飛仔，就好似大家x大快x那種流水作業的模式。也好，夠快嘛。自己要菜肉雲吞小鍋米線，小辣，份量剛好我自己一個吃夠飽，米線的質感很不錯，是彈牙的，菜肉雲吞不特別，一碗六粒，索價25，相當便宜。最可惜的是不夠辣，比起譚仔的差好遠，但實質兩者nature及selling point不同，也無謂作什麼比較。整體叫吃得滿意，但番炒的動力就相對不高了。

Went shopping in Wing On. Cos needed to exchanged for some household goods bought previously. So really didnt have time to have a proper lunch. Thought of going here as one of my colleagues told me that this one was okay.Crowded as expected. Ordered a 貢丸春卷小窩米線. The soup base for this noodle was not as spicy as in other branches. Even it was not hot enough. Though I order little hot, usually it would be quite hot and make me feel sweaty. But this time, the soup was like clear soup. So no

近來好鐘意去中環間南記, 因為佢啲酸辣米線真係好好味, 又唔會太酸辣, 啲餸又足, 中環廿幾蚊一個lunch算係好好架啦, 不過最唔鐘意啲waiter好冇禮貌, 同埋太多人, 有時想環保啲响入面食都唔得, 因為好難等位腩肉酸辣米線 – 我的最愛之一, 勁好味紫菜四寶河 – 都好好味春卷小窩米線 – 都好正呀牛"展"米線 – 一般, not my cup of tea但我唔鐘意佢啲豆漿, 唔知係咪因為啲米線太濃味, 整到豆漿好淡

以前好鐘意食南記，覺得超好味但依家好似愈黎愈唔好食個湯愈黎愈淡，有時會落少左配料d麵有時好硬但有時又好"林"唉 上次食到好唔開心因為真係差左 仲要加左價希望以前既質素可以返黎

今日唔想食大家樂,醒起openrice介紹過呢間,所以去買咗碗外賣 "春捲腩肉米線"!打開見到好大碗,配料好多,最驚喜係佢地將條春捲用袋分開,避免比d湯"浸淋"! good! 但D腩肉就甜口咗,要扣番少少分!!結果真係食唔晒..好飽!但係都算唔錯!

真係食過番尋味, 每次經過都心思思想入去佢既春卷真係好食...八爪魚丸都唔錯, 有咬口不過人流太多喇, 都唔好意思坐得耐, 要食完就走下午茶時段叫粉麵+飲品, 飲品係超特價添+$1 豆漿

熱熱地，無謂口，食粉麵最好，食酸辣米線更好...食過南記幾個餸，包括魚肉春卷、腩肉、大腸。春卷好似係招牌菜，但我覺得無咩特別，大腸都ok，因為幾入味。最愛還是腩肉...HK$25元，大大腕，豆漿加HK$3，合理，所以會再幫襯。

同事冇帶飯,我落開中環,順道幫佢地買埋野食想食粉面,(我又口痕,帶左飯都想加料食春卷)梗係去南記啦.落完中環,返上環途中去左士丹利街果間南記.頂門口多人到我以為南記都有特別版廿蚊紙賣....排左3個字左右,買到.春卷($16-6條)---用腐皮包住魚肉,炸香.幾重魚味.雖然都好好食.但係如果淨食就會有d乾.下次要叫同事借d湯黎浸下會好d.p.s.同事叫左紫菜四寶河加底($30)--好厲害,食極都重有,好似變魔術咁..........我係格離睇到都驚.

六月廿六日(星期四)呢排開OT呀,所以又係早d黎食dinna.....都算係tea呢,因為六點左右去食!不過,今日因為我lunch食得好飽,又肥既野食,所以選擇食d light既野!去到,平時呢度lunch好難搵位架!!老公仔食左個大腸酸辣米線!佢話幾好食wor,個米線真係幾酸,幾多配料!我之前都食過幾次,都覺得呢度既米線幾醒胃,我地都唔係太中意食太酸既野都話唔錯!個味道有別於出面既米線,佢比較酸,但係幾正^^我食個生菜右圭凍奶茶,個奶茶幾多奶,幾滑!!!

南記係中環其中一間最旺埸既食店賣點係"平", "快, "味道又好"… 例必叫小窩米線… 個湯同d肉碎…. 好好味…. (仲可以比你選擇 小 , 中 , 大辣)而小窩米線配既餸, 選擇都好多… 其中一樣好好味既係春卷…. 佢係魚肉黎既… 出面係用腐皮包住… 註: 佢個辣椒醬真係好好味...又夠辣

仍是覺得中環呢間比銅鑼灣 & 灣仔的好味仍是覺得酸辣好味 (如果多d酸菜更正斗)仍是覺得春卷 (即魚卷) 最好味仍是覺得腩肉係瘦而好咬口以上都係我所愛的, 只係員工則... 好一般... 甚至有時唔太理你咁...受了上一回的教訓, 叫大辣的結果有勁多油在面, 結果係食完個肚因為多油而唔舒服, 第日便係咁疴... 油...所以, 呢次去便同佢講大辣少油... 付款時講了一次, 佢冇反應... 交單時同個姐姐講了一次, 佢冇反應... 見佢冇反應便再講一次, 佢都係冇反應... 我唯有講... 「我上次食完太多油, 第日係咁疴!!」... 另一個姐姐便終於有反應了!! ＝＝|||於是佢同後面講... 大辣淨要渣唔要油... 唉.............不過, 後黎再想想下... 智彗d的處理, 便是自己在櫃位加辣椒自己走油淨渣...講多, 都只係自己浪費氣力...

1定食春捲 + 豬腩肉小窩河粉, 大辣啲 豬腩肉係瘦肉,正春捲好似魚條咁,我最喜歡,湯夠濃味,都ok夠辣日日都排晒長朧架

和男友在太平山走了一圈。本想去西環吃晚餐。但見大家也累了,自己乘了一轉車又弄得天旋地轉的。經過門口,就走了進去。男友叫了一個牛"展"米線,我則叫了菜肉餃米線。男友說那牛"展"味道太重花椒八角的味道,是"入味過了頭";我則仍為可以接受,只是吃到尾發覺咸得不得了。而那餃子的味道很清淡,很吸引,總算為那平淡的湯底搶回不少分數。反而,最令我驚喜的是那平價豆漿,味道淡淡,但豆味頗濃。雖然在中環來說,這店價錢可以;但相對其他米線店,這間不會有下次了。

南記我去過幾次, 但係始終印象唔深, 我覺得佢可以有咁多笑面係因為價錢平, 而d野並唔難食咁囉.今日再去幫襯, 兩點三都爆晒, 犀利! 叫左個牛腩春卷小窩米線, 加一杯豆漿. 先講湯底 - 因為我比較食得辣, 所以我覺得以一個酸辣米線黎講, 呢個湯底並唔及格. 冇辣味之外仲好重味精, 我食完呢餐之後飲左三杯水都仲係口渇!春卷仍然有水準, 睇下面所有食評就知啦. 牛腩就真係好唔得, 非常韌同埋冇花椒八角香味.Sorry真係比唔到笑面, 用味精煮既野通常都唔難食得去邊, 但係唔代表好食喎.....

係中環上街既範圍,實在有食肆臨立,大大小小既香氣充斥整條街道,當然,從排隊既情況來看,就自然高下立見...今次,就選擇左平日無論lunch,晚上,都好多人排隊去食既南記粉麵...其實已經去過幾次,個度既春卷,係特別令我難忘,大件之餘,之後同出面超級市場買既雪藏貨唔同,口感好彈牙...今次叫左個牛腩貢丸雲南小窩米線($25),女朋友就叫左春卷小窩米線,等左一陣就食得,晚上始終冇lunch咁多人,所以都好易搵到位...南記入面通風比較差,食食下會好熱...但係論食物既話,其實雲南米線黎講,真係好食,首先,料一定會落足,什至你要邊樣多d既,佢都會俾多d你...不過個人黎講牛腩就仲有發展空間,有d咬落比較硬,不過整體黎講的確唔錯...食得過!!!而且較同區既平...呢樣值得彌補個吸引力...