南海一號

營業中

休息中

近日中午與朋友敍敍、想揀坐得耐又梳化舒服中菜廳、睇網頁相所以才揀南海。一入大堂、服務員是都似臨時工、是日只顧婚宴、堂食服務員相對少。已訂位、服務員未決定比那張枱、又無問幾多人想要邊款茶、杯數量不夠、添茶水、比要求後反應差反應耐。只有一張入數紙、寫得唔清楚想問下都無服務員、原來只有一款餐有90分鐘限時、落單時又不揚聲。沒有隔開婚禮用通道、食用時候婚禮人員近距離人來人往、浪費海景。作客感覺全程似婚禮佈景。食品質素控制不太好、炸物相對凍、茶不夠熱、收錯錢....茶餐廳都好過佢。

呢日喺國際廣場搵食，記得樓上有間環境唔錯嘅中菜-南海一號，朋友就建議上去睇睇，中午一點上到去，感覺環境裝修新派，樓底頗高，貴氣迫人，2人被安排圓桌梳化位，但座位唔知係咪已經身經百戰，坐落好淋，成個人好似坐左落去咁好唔舒服，侍應無問茶，直接就開左壺人參烏龍，粵式無茶揀好似感覺怪怪我地2人㨂左$198/位任食點心，2個人成個餐牌叫晒黎試，但整體黎講，佢啲點心出品完全唔掂，唔知係咪出面啲點心工場交貨，唔係店嘅點心師傅做，出品好難食，至於其他食品都係唔好食，老實地，除左個環境，食品根本唔值價，試一次就夠，永不回頭，尖沙咀飲茶食點心，我都係去返利苑或者The One 煌府好過，平時2個人8款食品，一定飽，至少質素一定好過南海一號，呢度真係可一不可再

精美點心All You Can Eat，整體味道都唔錯，環境靚兼幾好錯，飲吓茶傾吓計，愉快的一天。D茶杯茶壺好靚好有特色山竹牛肉球嘅牛肉新鮮有彈性沙嗲京蔥炒牛肉算係少油，D京蔥好香，不過就無乜沙嗲味晶瑩蝦餃拼鮮蝦菜苗餃個樣好靚，味道都唔錯欖菜四季豆正常啦脆皮素春卷好脆，D餡夠新鮮辣子雞球唯一缺點係唔夠辣葡汁鱈魚酥呢個都唔錯，少少滯咁啦蟹子燒賣拼黑松露素粉果，兩樣都好食話梅石榴呢個第一次食，幾好豉油皇炒蝦米腸粉嘅豉油真係香芝麻綠茶餅是最好食的甜點

Unfortunately service seemed understaffed letting to it taking quite a while to settle down. Worse, the continued experience felt quite like a rowdier local eatery rather than what you'd expect for the price.Thankfully all the good is good. Chicken is flavored the way it says it is, and the vegetable outperform expectations.The environment is conflicted however as the decor is pleasant yet the seating arrangement not so much.I myself wouldn't pay for another dinner, but it ups my confidence in t

今日去Isquire 嘅南海一號食晚飯，個外籍侍應幫我哋開香檳，見佢隻手冇放係個木塞上，已經心知不妙，我話，不如我開啦，佢話，唔駛，佢識，好，咁比佢開啦，佢鬆咗個鐵罩之後，說時遲，那時快，個木塞已經急不及待，奪瓶而出，嚇咗大家一跳！好彩冇傷到人。唉，我唯有話：不如你去上下D餐酒班啦！🤣🤣🤣到上頭盤，個男侍應放低，轉身就走，我問佢係乜嘢嚟，佢竟然答唔出，要去睇menú, 我樓下間茶記都唔會咁啦！起碼會話你知係乾炒牛河定係星洲炒米。D嘢食okay 嘅，收費唔平，但係服務就…….哈哈哈🤣🤣🤣🤣！

Farewell朋友，大家都想食中菜，喺尖沙咀揀一間靚靚哋嘅中菜，有靚風景，坐得舒服，傾吓計又唔錯！就呢度啦論環境一定冇得輸，對住維港夜景食晚飯，感覺十分良好；不過可惜佢高咗一層，冇落地玻璃窗睇夜景，打卡嘅距離都會比較遠🔸茶薰雞茶味好出，上枱已經聞到，食入口時都會感受到香濃茶味；雞肉嫩滑，值得一試🔸蟹肉粉絲煲醬汁味好突出，蟹肉份量適中，每條粉絲都好入味，送飯一流🔸帶子炒飯好足料，係傳統夠鑊氣嘅炒飯

補返生日黎唔到，所以9月頭黎返服務唔錯，職員有禮貌又快手，見到我媽媽行動不便，比左個寬落既位置我地環境幾好，畢竟主推望住維港食飯，不過冷氣就唔多夠，如果再曬啲，就應該會幾熱食物選擇唔算多，想試好多種類既點心就唔好揀呢度，蝦餃燒賣都好一般，前菜反而 ok, 好幾檯都有叫飯粉麵，我地就冇試，不過個炒腸粉就真係用豉油炒，有啲咸！全新都不過不失，性價比唔太高，如果平少少會覺得 ok 宜家就覺得略貴喇基本上唔會再去，因為同一個價錢，我出去飲餐茶，可能會食得多點心過呢度！

環境很好，空間足夠，間局裝修唔錯，但可惜食物九流，服務態度更不知所謂，簡直衰過屋苑酒樓，一行七人1:30左右入座，2:30已經催我地埋單，未夠3點趕你走話要 set 晚飯場。俾錢受氣加上食品質素又差，伏到不得之了！

平日只需$198 一位的午食任食點心套餐，原本已經非常抵食, 仲要同行小童免費，真的覺得物超所值呢！服務很細心，上菜也很迅速，點心選擇也足夠，估不到連肥牛炒河粉也鑊氣十足呢！

首先點心的質量真的不敢恭維，品質跟三四星酒店自助餐的垃圾點心一樣，花這個價錢專門吃點心放題的我倍感失望。菜色少不在話下，在90分鐘內上菜速度也最多只夠三到四次輪迴。重點是埋單的時候，我們剛滿11歲的小朋友居然被說不是小朋友，不能同行免費，要收半價。明明在open rice這裡都明文黑字寫著3-11歲是小朋友，他們卻硬說要未滿11歲才是兒童，但又能算他半價。到底為什麼不是兒童又能半價，但又不能享有二人同行兒童免費的優惠呢？我認為open rice在這裡也需要嚴肅跟進小童年齡的定義，不要給灰色地帶大家引起爭拗。

放假終於可以嚟試下個點心放題！我book左一點鐘個場~ 係尖沙咀，幾放便！最鍾意其實係我哋坐嘅位，咁啱坐咗喺餐廳嘅角落，兩邊都係玻璃😍😍 可以望到270度嘅海景🥳🥳🥳對住個海景一路食點心，好chill! 😍😍之前見過話有啲人等嘢食等好耐，不過幾好彩我哋嗰日要嘅嘢食好快到😋點心做得好特別，最鍾意係話梅木耳！平時喺出面好難食到🤣辣子炒雞都非常好食！我好鍾意佢嘅難度同埋香味🌶🌶其他點心都唔錯，嗰日食到好飽好飽咁離開，10分滿足hahahaha🤣

一行4人，一試點心buffet, 收費$198十茶位，埋單每位大概$250，可能是3:00時段，只有小於10台，安排向海座位，環境尚可。食物質素就非常一般，食物選擇很少，款式不多而且超級普通😭點了炒米粉只有一隻蝦🥶，干炒牛河，兩片薄牛肉，感覺小家😒下次不會再去

本來滿心歡喜想係維港靚景底下試點心放題一開始被安排坐卡位都幾開心，覺得空間幾闊絡🧐點知一路坐，就係咁有啲蚊滋周圍飛🤢上茶嘅時候，茶杯又有蚊滋😞同個侍應講完，唔好意思都無一句☹️到上菜，碟嘢入面又有啲蚊滋仔，好崩潰😶‍🌫️而且咁嘅價錢，連基本衛生都未處理到，就算個景幾靚都無辦法安心食一餐而點心基本上都係普普通通小菜味道都係普通三餸飯質素選擇亦都唔係十分多我相信無下次了，唔想貼錢食蟲補充蛋白質🫠

今日友人登記好日子，我請客，想到露台影相，被告之餐廳露台是酒吧區域，需要24小時快測，我地全程配合，在餐廳買了快測盒。兩位新婚友人先做快測，在座位上做的，一切順利。我因打電話先處理事情，後來單獨一個人在座位做快測，突然被一位戴黑框眼鏡的男性服務員離兩張枱的距離大聲喝斥，要求我到洗手間做快測，說是衛生問題？態度十分惡劣！我因友人新婚，不想在開心的日子被搞到唔開心，亦沒有質疑為什麼前十分鐘可以在座位做快測，到了我就不可以？希望餐廳日後統一管理，政府規矩大家理解，但餐廳員工的處理方式我十分不解。另外，希望下次有同樣情況，服務員可以到我旁邊提醒，而不是遠距離喝斥，令我十分難受，如果是平日，我會馬上離開餐廳。餐廳景觀和出品依舊，值得信賴，我本是常客，唯今晚某服務員的態度令人掃興，希望統一培訓，推己及人，南海一號不是茶餐廳，但今晚的確有茶餐廳般的服務員。

預祝爸爸節，為免人生人海，等位等地天荒地老，唯有提早慶祝吧！落地玻璃永遠無得輸，無敵海景，幽美日落盡收眼底，論環境、食物、氣氛，南海也同樣岀色。是次沒有安排套餐，單點較合適，可order自己和家人喜歡的餸菜。例牌小食蝦片 1 客茗茶每位$28$268 沙茶魚蝦蟹粉絲煲 不妨一試，海鮮有魚肉、蝦粒、櫻花蝦，粉絲炒至乾身，10分香口惹味$198 南海煎蠔餅 略油，但火喉到家，煎至金黃香脆，蠔仔粒粒飽滿，美味$98 脆炸椒鹽魷魚 一般菜式，魷魚頗韌，有點overcook，而且欠缺調味，不太滿意 $248 龍蝦湯泡貴妃飯一鍋 王牌菜式之一，上菜後建議盡快食用，避免脆米變林，影響口感，龍蝦湯底濃郁，必食!$280 半隻 茶燻雞 茶燻雞也比想像中出色，雞肉入味嫩口新鮮，雞肉去骨啖啖肉，味道令人懷念$56 和田玉棗糕香氣四溢，但入口後棗味欠奉，失望$56 生磨杏仁茶 期望越大，失望越大。杏仁茶退步了，杏仁味淡，不夠濃郁，碗底小量蛋白，甜品較失色是次消費 三人共$1316