南海一號

營業中

休息中

堂堂iSquare頂樓、風光一時嘅南海1號，而家午餐點心任食，$208一位。可惜點心只有10幾款，食物質素遠遜於街坊茶樓；大約五款炒粉麵飯，大部分茶餐廳都比佢好。開頭話有一個半鐘，過程中不停埋嚟收碟，大半個鐘就問last order。

🖤黑白配⚪️今次去到南海一號嘆中菜，成個裝修佈置高貴優雅，樓底好高，所以坐落去令人哋覺得個空間感都幾大，仲要望住維港夜景🌃對住個靚view 食飯，心情都特別好👀總括嚟講，論環境、食物，氣氛，南海都好出色👍🏻餐前小食蝦餅脆卜卜 🦐 冰鎮鮑魚 三隻 $168每一隻鮑魚都係大概一口size ，配搭酸辣醬汁做調味，鮑魚幾有咬口，入口清新，啱晒做開胃菜野生椒䜴蒜蒸斑球 $488斑球🐟食落去新鮮，配埋啲酸辣醬料，仲有粉絲喺底撈埋一齊食😙化皮乳豬件 $240乳豬🐽 嘅外皮脆得黎有少少鹹鹹地，皮脆肉嫩，不過略嫌啲乳豬食落去有啲膩嘅感覺茶燻雞 半隻 $290茶嘅味道好出，仲有好香嘅煙熏味，入口嘅時候好香濃，個雞嫩口食落去好滑，仲要去埋骨龍蝦湯泡貴妃飯 一鍋 $248呢款泡飯係中菜館嘅招牌菜式，泡飯有小棠菜、肉碎同埋蝦仁，湯底係用奶白色嘅龍蝦湯底，好濃郁同埋鮮甜，仲有啲脆米喺裏面，成個口感層次好豐富 🔥

餐晚餐係慶祝生日飯，本身開開心心慶祝，比依間餐廳搞到無晒引。想叫紅酒飲，waiter十問九唔應，叫佢介紹又唔識介紹，連遞本drink menu都唔識，要叫先識拎。仲要waiter講野串到呢，唔知以為我得罪佢😡送餐先搞笑，送到好似去左茶餐廳甘，求其放喺枱，正常見到客人放咗個人物品係枱面都會提提客人拎開呀，但waiter理都唔理，想直接放上面，完全冇出聲提客人，面口仲要係你做咩亂擺野係枱面阻住我放底野既樣😡之後執野仲要執到啲野跌晒，仲倒瀉杯酒，差啲倒落部電話度😡野食先更垃圾，做得中菜餐廳，啲中式野食都唔掂，避風塘炒蟹完全無辣味、蟹又無肉，鮑魚唔新鮮，大蝦又霉又唔新鮮，片皮鴨肉質太實而且黎到已經凍晒，唯一好味啲淨係得個湯飯。之後仲發現啲片皮鴨係放晒喺入口、近lift位切，附近不停有人出入，完全無衛生意識😡最後叫個甜品更加用垃圾黎形容，整tiramisu跟本無技巧可言，任何新手都整得出，但佢一間高級餐廳整個tiramisu整到似新手整甘難食，咁就唔好賣啦！做返自己中式甜品咪算，整咩西式甜品！？無圖去證明以上問題，因實在太垃圾唔值得影相留念😡😡此餐廳永久black list！

公司老外上司們從外國來港, 做TEAM BUILDING! 老外一般都愛中餐(西餐在外國日日食), 有人提議去六公館, 但公司既BUDGET係100USD per each. 最後揀了南海一號, 餐廳安排了上層, 仲要後面無人, 夠晒靜, 俾空間我們一齊合照及敬酒等, 仲要最後因公司政策, 麻煩待應去分單, 分成三張, 待應也很配合幫忙, 真係掂! 尤一係有一個餸, 沒有分開兩個碟(我們有15人, 要分成兩張枱), 不過只是小失誤, 其它野好優秀! 最後落下層既無散維港景真係無得輸(不過那晚好大風好凍!) 

南海一號(4/5分)餐廳位於尖沙咀iSQUARE國際廣場30-31樓粵菜館南海一號 Nanhai No.1坐擁維多利亞港優美景色加上食物美味南海一號的名字靈感源自明代航海家鄭和的歷史性遠洋航行細心挑選海上鮮以精湛烹調技巧和香料用心演繹，帶領味蕾遊歷東南亞。因為朋友是常客，所以今次安排了房間，私隱度好，房內三五知己暢所欲言，服務員態度好貼心今次只影咗兩張美食照，分享住咁多先片皮鴨肉質偏瘦無太多油脂尚算可以，不過不失，沒有特別驚喜反而蜜汁叉燒食落停不了

環境優美服務態度不錯食過幾次都未曾失望，都有保持水準。今次要讚賞下個龍蝦泡飯前幾次都未試過，今次叫一試難忘泡飯食落去仲有少少脆脆地嘅感覺燒腩仔亦都唔錯，等嘅時間有啲耐食嘅時候已經凍了但都好食

以前就有曾經來過南海𝟏號隔壁的𝐞𝐲𝐞𝐛𝐚𝐫喝酒，可以欣賞到無敵大海景🌊這次特意約了一大班朋友過來這邊試試他們家的點心放題，獲安排到樓上就坐，絲毫看不到任何景色🤣(如果目的是要看景的記得𝐫𝐞𝐪𝐮𝐞𝐬𝐭)食物質素的話，如果你想體驗一下也是可以的🤣不過不要太大期望🤣飲茶還是建議大家正經去茶樓吧科科。 ——— ✤ 午市點心放題任點｜$𝟐𝟏𝟖（星期六、日及公眾假期） ✰ 點心類 蟹子燒賣 ➤ 不過不失 蜜糖薑汁糕 ➤ 味道香甜煙韌 豉油王炒蝦米腸粉 ➤ 超級啖口，絲毫沒有調味呢🤣 一口核桃包 ➤ 本日最佳，餡料爆漿🍞 ✰ 精美菜式 京蔥炒牛肉 ➤ 沒什麼味道🤣炒的是沒什麼肉的肥牛 辣子雞球 ➤ 酥炸雞粒配辣椒乾🌶️ 鮮果咕嚕肉 ➤ 選用豬頸肉位置，肉質軟稔 滷水雞翼 ➤ 叫了人頭𝟏隻🤣都吃不完

全程超快上晒食物，食得好趕急。環境嘈吵。可取嘅係鮑魚幾出色，兼可以欣賞31樓嘅夜景，但同一價錢有更多更好嘅選擇。鮮味鮑魚龍蝦中式套餐 $799✨前菜：蜜汁叉燒/拍蒜青瓜/白胡椒海哲頭叉燒冇蜜汁味，青瓜冇蒜味，海蜇頭冇白胡椒味🥲 調味輕手，青瓜細細粒但爽脆，叉燒較瘦同乾，海蜇頭好硬，無爽口既感覺。✨花膠遼參鮑魚👍🏻是日MVP，唯一有驚喜嘅菜式😗 鮑魚彈牙入味，醬汁惹味，但花膠同遼參較一般。✨鵝肝牛柳粒鵝肝份量好少🤭 牛柳粒正常，呢個菜式配菇有啲九唔搭八。✨乾蔥白酒汁龍蝦我諗起平時食開嘅焗釀蟹蓋🥹 炸粉好厚兼有油耗味。龍蝦肉唔比較韌🥲✨蝦乾竹笙扒時蔬蝦乾味失了蹤，竹笙無調味，時蔬食返本來嘅原汁原味🫤✨滋補燉湯：普通。✨龍蝦湯泡貴妃飯👍🏻龍蝦湯唔算濃郁，冇咩龍蝦味，但好飲嘅😂 脆米加泡飯呢個組合有趣。✨和田玉棗糕正常，甜度適中。✨生磨杏仁茶我唔飲杏仁茶🥶店員幫我換咗紅豆沙。連個Menu都係搵張白紙再過膠，感覺求其，好唔精緻🥹 未到唔好食，只係冇咩驚喜，性價比低。

餐廳環境十分好，望出窗外可以看到整個維港景色，是加分位。當天是週末，價錢會比平日貴多小小，我用餐時間是第一輪，四位用，早上十一點半左右，人都不算太多，上菜的時間都好快。食物方面選舉不算多，但都有點心小食及飯粉麵可以order，這種的任食任叫都 很不錯。點食物是用紙自己填紙的，要幾多叫幾多，但是要留意的是 小食菜式是一客（一份）計算，點心就是一舊舊計，是有點不同。每碗食物都很精美，味道都好好，雖然是任食但水準都十分好唔會好鹹。另外值得一提是，每張枱都會有一個鐵茶壺，那就可以保溫飲到熱茶👍🏻

開年飯同同事嚟食過任食點心貪佢環境靚靚哋又望住過海令人心曠神怡點心紙上面有10幾款食物整體嚟講都唔錯上菜快份量都足夠食物吾突出但都好味記憶特別深嘅，有以下幾款核桃包燒賣薑汁紅棗糕鱈魚酥人均$250 食個半鐘 其實一定飽 不過都幾準時叫人走所以如果諗住要慢慢傾偈嘅話 呢間就未必適合都食得，有啲急

本來高高興興一家人來這做節，一進去，環境不錯、氣氛不錯，坐下來，茶不錯，景不錯。一道又一道菜上來，食質素，食環境，食氣氛，食一家團圓，但是隔鄰桌坐了一桌子女孩，吱吱喳喳的不停大聲喧鬧，以為只是一時，可是卻沒停過。個多兩個小時的時間，如此環境。。。我們忍了很久，是不想太計較，但差不多最後還是跟經理抱怨投訴了，我們不投訴那桌客人，我投訴的是當場的服務員沒適時勸管，這樣影響整個地方的格調，跟一般酒樓沒分別。

朋友本月生日，正好可以來試試這個生日四人套餐（壽星免費）。總體來說都很棒，尤其是避風塘炒蟹帶點微微的辣，很好吃，而很多人都推薦的醬煮大蝦和龍蝦貴妃湯，也都不錯！其他諸如湯，鮑魚和甜品，則是正常的水準，不會讓人失望。我唯一不太喜歡的就是片皮鴨，餐廳提供的餅皮有點太黏（其他餐廳的餅皮要比這個好），鴨肉的肉質也有點老（但其他餐廳其實也差不多）。不過，套餐分量對於我們四個女的來說有點太多，最後片皮鴨剩下好多

上次晚上來過之後念念不忘，這次中午又過來，坐在窗邊望出去，雖然比不上晚上夜景，但天藍海藍，個view依然幾好。我們兩個人點了個食豪D套餐再加上龍蝦烏冬（好似半價或八折優惠）。整個套餐超抵食，因為鮑魚，燕窩羹，元貝這些都幾唔錯，唯一略為遜色的是斑頭腩，但總體味道好好，這樣的價錢真是超值。最好食的是另外點的龍蝦，新鮮彈牙，分量都好足，而且烏冬亦好味，所以我們最後食得超級飽。

我係今年1月1號係呢度擺午宴，以為佢係一間高級中菜廳，差極都有個譜，但我真係用極差嚟形容。大概係幾個原因如下:1.我11:30迎賓，12:00證婚，之前傾咗證婚露台要擺凳，原來佢哋用咗場內啲賓客枱嘅凳拎咗出去，搞到有3張台既賓客嚟到，發現自己張枱係冇凳，企喺度戇居居，我閙人佢哋先喺第二度搬啲凳過嚟，我更嬲，以為佢哋係唔夠凳所以咁，但原來只係因為懶。2.會有MC同律師講嘢，佢哋一早知，現場發現啲咪唔得，佢哋有音響嘅同事冇去處理呢個問題，仲要最後比我知道原來場內場外係有兩set 唔同嘅咪，拎錯咗場內嘅出去場外，我唔明點解可以咁簡單嘅嘢都有咁嘅錯誤，全個晏晝冇賓客聽到mc用咪講乜，我哋嘅感謝詞亦冇人聽到。3.我個結婚蛋糕有四層10幾磅，賓客話想食每一張枱分唔足數量，我問屋企人會唔會係唔夠分，佢哋話見到個蛋糕擺咗埋一邊未切晒，所以叫侍應幫手切，侍應答佢地唔切，但冇講原因，最後剩晒係度。同埋個重點係個蛋糕係我哋帶過去，係我㗎喎，點解我想食自己蛋糕都唔得，如果係唔幫手切，點解又切啲唔切啲？4.我哋March in嘅時候有啲枱本身冇人坐，已叫佢哋清走，點知佢哋話太重唔搬，最後要出動到兄弟同埋我自

今日慶祝生日，訂了11:30-13:00在南海一號嘗試它的點心放題，我們倆人剛好安排在窗邊的位置，感覺很舒服，初時人不多，很悠閒地點了第一輪點心，這裡的侍應很有禮貌，大部分的食物都很有水準，特別是煎餃子，葡汁鳕魚酥，很美味，只是京葱炒牛肉太老了，還有黑松露素粉果的皮太淋了。整體來說，很靚的風景，舒適的環境，有禮貌的服務員，食物質數幾好，每人約$250,性價比高呀。