南小館 (愉景新城) (已結業)

^_^Lunch time 同老友食愉景新開嘅南小館，裝潢設計好文青令人感覺加舒服！由於食晏最旺嘅時間已過，所以有吉位，好快坐低！一坐低就會上茶同小食。。然後睇下餐牌～食物價錢中上！我地就點咗上海組炒，生煎包（4粒），雞絲粉皮，小籠包（4粒）同2杯豆漿⋯⋯食媽我本人真心覺得份量偏小同少，個上海粗炒好似一人分量，個雞絲粉皮就好似半人份量咁問心味道其實係唔錯嘅只係份量方面略嫌太小了。。全單埋單合共277。

好地地去食個晚餐食到一肚火，見佢新開以為乾乾淨淨幾好，點知食物質素差👎🏻👎🏻👎🏻去食個茶餐廳無甘嬲，點野食叫幾次無人理係邊掛住吹水😡😡😡，點完等成半個鐘都未上，浪費曬我d時間😰😰😰d野食上到黎凍既，我仲以為食緊壽司，最後我用左我最快既速度去完成呢個晚餐，拿拿聲埋單走人🏃🏻‍♂️🏃🏻‍♂️🏃🏻‍♂️🏃🏻‍♂️最得耐我可以體諒，唔好食我可以忍，不過甘既服務態度真係唔得😤😤😤

夜晚加班到九點先收工，喺公司樓下愉景新城見到新開上海菜，本身要加班已經唔開心，點知食完呢一餐更加唔開心。同同事叫咗三個餸諗住食下菜叫咗個欖菜肉碎炒四季豆，唔明點解可以啲四季豆燶嘅，而且食食吓食到一條好似橡筋咁嘅嘢🙄同事鍾意食辣，店員介紹左水煮牛肉，牛肉用得太重鬆肉粉，而且水晶粉多到不得了牛肉得幾舊，筍太老，苦的，最後差唔多成煲都冇食到。最正常應該係雲吞雞湯，湯唔錯但係雲吞覺得灣仔碼頭好食過佢囉，而且一盅＄52，得兩粒雲吞半條小棠菜再加隻雞鎚。埋單好似二百幾＄300，下次嬲嬲地都係食返老麥算。

父親節正日特地返去陪父親飯聚, 南小館岩岩開左向愉景新城, 就帶父親去試新野, 唔洗成日飲茶咁悶父親節果然冇母親節咁震撼, 午餐時段去搵位都係等左15分鐘左右餐廳好濶落, 坐位好鬆動, 坐得幾舒服的, 點餐係用自助點餐紙劃左一大堆野食, 先上既係自選4拼頭盤, 我地叫左海蜇頭, 薑蓉雞, 甜酸骨同涼拌秋葵每款味道都唔錯, 如果揀晒4 款都係肉會更飽肚 XD 節日都有優惠價, 乳鴿做緊29蚊一隻, 當然要叫黎試下! 炸得幾好食, 唔算好油, 特價既話就抵食, 原價就唔會點了食野一定要有D飯麵先飽肚, 叫左碗牛肉麵 , 牛肉好淋好入味, 唔錯!炸豬排性價比非常高, 28蚊大大塊~食左咁多肉, 梗係要叫返D菜中和返~ 乾扁四季豆係我每次叫食上海野都會叫的~ 呢度既都炒得唔錯, 好香口, 夠味又唔會過咸另一款無肉小食係素鵝, 又係好香口, 份量都唔少另一不可不點既食品 : 招牌小籠包! 我覺得幾好食, 皮薄湯又唔濃味!4個人食到好飽都係130蚊位左右 (茶芥, 餐前小食都要收錢的), 價錢算合理

老媽子有滿$150減$50 coupon，好就試試佢一打開個menu，奇怪啦，個menu上有好多傳統嘅上海野食都無，有嘅反而係好多時尚fusion 但根本唔係上海菜嘅疑似上海野..... 已經覺得大打折扣。第一味 四小拼：烤麩 + 口水雞 + 花雕雞 + 糖醋骨烤麩重點係醬油香，但呢個烤麩，唔好意思，係無嘅！只有覺得係求其撈左一堆糖同小小豉油，甜，只有甜味。口水雞第一眼望到個醬嘅顏色已經知有啲唔同啦.... 第一下入口，味道好矛盾，真係唔同呢！呢種味，同我喺四川店買到嘅麻辣辣椒油完全一樣，重點，好似加左d 是拉差辣椒醬，呢個係fusion 定係咩食法？我一路同自己講，新派餐廳，要接受，要接受，要接受！順帶一提，雞有啲“梅”，有啲羶味，有啲雪味。花雕雞一樣地，雞唔入味，酒底好咸，用左類似玫瑰酒嘅味道，總之唔係傳統嘅花雕酒，有啲羶味，有啲雪味，但偏偏無乜酒味.....繼續講...... 新派餐廳，要接受，要接受，要接受鎮江骨味道還可以，但都係一樣，醋味未夠入，未夠濃，肉質好“鞋”。頭盤後，已經知道，好多求其製作，求其撈一堆野，其實呢啲菜係要用時間去蚊同醃架......第二味：乳鴿半價$29

本身沒有打算寫食評，所以沒有拍照。今日我和家人在這間餐廳慶祝生日，一直都好端端的，直到最後想上蛋糕時，我爸爸舉手對侍應說可以上生日蛋糕了，怎料那位黑框眼鏡束起頭髮的女侍應一臉疑惑，不明白我爸爸的意思，再溝通了兩句，她才知道「有個蛋糕雪住左，而家可以拎出來了」，然後她說要收砌餅費，我地話ok，（我第一次見咁豬既侍應@@‘’ 是新入行還是她沒試過在餐廳慶生呢？）點知！轉個頭竟然見佢成個原裝蛋糕連盒的拿過來比我地。。。傻眼了我們沒有馬上出聲，隔了一分鐘我家人問同一位女侍應：有冇火機？那位女侍應在我們面前以黑臉的態度call mic: 你地有冇火機？然後再重複問：有冇火機wo~當刻我已經對佢既服務態度感到很不滿，覺得應該搵個較有經驗既侍應跟，笨都算，仲要冇禮貌然後另一位看似較醒目的女侍應跟我們說沒有火機，我家人便問：你地要收切餅費但連火機都冇？我更忍不住對家人說：算啦吾好係度食啦，都冇幫我地切仲要收我地切餅費？最重要的是，生日是應該開開心心，可惜當時心情已經被那位黑框女侍應搞得不高興於是埋單走人，返屋企再慶祝仲開心！我明白做飲食行業係辛苦，但我更明白如果你以厭惡的態度面對工作，代表你不適合做這

喜歡新嘗試的我，在這家店開張的第一天就去試菜了！算上這一家，在愉景新城及中染大廈範圍內就有3家大型滬菜選擇。第一天，人太多（上圖是之後補拍的）傍晚未夠6點經已站滿人。一家四口的我們等了1小時才能入座可能為迎合商場主題，餐廳特別準備了2款兒童餐⋯ 有2個女兒的我，就點了一客試試。彩色西蘭花味道一般，不及正常的好⋯ 份量絕對足夠⋯ 另一款是小朋友喜歡的銀絲卷⋯ 外表看來相當不吸引。前菜四小拼；海蜇頭是完全不合格，我稱為難食！烤麩也非常一般，醉雞的酒味跟肉味是分開的，排骨亦只屬一般。生煎包的湯汁不夠，跟祥x記 或 王x沙的差太遠幸好鮮肉小籠包可以取回一點分數，很薄的外皮及滿滿的湯汁喜歡炸物的老公點了炸豬排，也一如外表的乾金網窩貼的外表不錯，唯餡料的肉不鮮CP值最高的，該是新開張優惠的燒乳鴿，才$29；熱呼呼的，肉嫩味淡，外灑少量淮鹽

小籠包：不過不失，合格雞絲粉皮：都係不過不失，冇讚冇彈。吾記得叫薑咩雞。小食野既。上面D炸薑絲。D雞冇乜味，似有少少似類米酒個D味。有D 「un」，吾嫩滑。吾好食。炸乳鴿，優惠中，$2X隻，原價$5X定$6X隻。上碟快，應該一早炸定冇番炸熱。所以吾夠熱，但都好好食。size 大D D好D。上：麵，吾知乜醬，普普通通下：云吞，都系冇特別，同自己boil一樣。炸蝦，脆口！但蝦太細，粉厚。生煎包，普通水晶紅豆糖不甩最差！完全冇糖不甩感。皮厚又un。似小朋友食品。酒讓丸子一碗味同份量也不錯冇set lunch,午/晚市同價。所以午市係貴。又細碟。試一次夠。晚市5：30開始，一去到時D音樂勁大聲，完全講吾到野，耳都差不多聾甘濟，佢地7～8個服務員企係到，完全冇人sence 到！要我主動叫佢地関細聲D！多服務員，但叫人都難，吾係掛住傾計，就係吾望客。又冇乜礼貌。任何時間也多人。食歺晚也有限你時間坐得舒服。食物上枱快。

話說屋企人住荃灣，附近新開左間南小館，本身想試另一間小店，但最後都係揀咗呢間因為近。可能因為新開張，入座安排有啲混亂，希望之後會改善下。可能晚市有啲亂，未坐低碟小食已經放喺枱面好耐🙈🙈🙈，本身仲以為係上手留低，不過個花生都幾好食，但個菜葡就麻麻地。前菜多謝＄9蚊叫咗個蝦肉紅油抄手，食唔到蝦味早知叫返普通抄手，味道就似水煮小雲吞再加辣椒油。 每次去上海舖都會食回鍋肉 ，雖然知道回鍋肉會比較油，但呢間可能因為特別多菜吸哂啲油所以超誇張😫😫😫，肉得幾舊🤔另外叫咗個炒飯食，菜飯冇味，但係啲鹹肉就超級無敵鹹😟😟因為個飯實在太鹹所以叫咗杯黑豆漿，不過不失👍🏼南小館我淨係食過呢一間分店，唔知道佢係唔係每一間都係咁定係呢間分店特別難食，而且食緊嘅時候隔離枱有一對老夫婦落單想叫甜品，問咗職員兩句個職員勁冇禮貌勁串喺度解釋係咩黎，雖然我知做晚市好忙，但起碼唔應該係咁嘅態度對老人家🤷🏻‍♀️🤷🏻‍♀️

本來諗住翔龍質素下降左，去試試另一間上海野，雖然之前無食過，諗住甘多分店應該無伏，點知真係仲伏，首先排隊拎飛已經夠亂，到我no.一直比之前走左返黎既入先，我都算，當新餐廳管理有d亂我本身係上海菜迷，要求都已經唔算高，不過食物質素真係差得緊要可算係今年食過最差既上海菜，最深刻係個蟹粉小籠包，完全無蟹粉味，裡面肉又梅，收我88蚊，28蚊我都唔會再食另一問題係最後我想去洗手間，一個員工唔知廁所係邊，一個點我出商場行十分鐘先有，一句無廁所商場先有咪得咯差評，請都唔再去最差蟹粉小籠包0分呢個水煮牛肉，睇賣相都心照燒濃左既味既濃味辣子雞全部食唔落

今日去左荃灣行下，見到愉景新城有間舖頭門外人頭湧湧，原來今日新開張，南小館，之前都知有呢個品牌，但未食過，見到有coupon，$150送$50 緊係唔好執輸 入去試下。入到去 見到地方好寬敞，坐落都幾舒服，岩哂一家大細去，擺架bb車都仲大把位淨。門口又有一大堆汽球 見到好多小朋友拎，可能迎合返商場多小朋友去。坐低，睇餐牌叫野食，見到$29乳鴿，都幾抵 叫左黎試，水準都不錯。之後見到有個五顏六色西蘭花，都幾靚，店長話新野，咁緊係試下，清清地都唔錯嘅。之後見到有個薑蓉雞，最鍾意薑蓉，味道果然唔錯。試埋大路嘅蒽油拌麵，鍋貼，全部都有水準。食到差不多，入黎睇餐牌時已經見到有個龍眼冰，熱辣辣見到都透心涼，叫左一碗share, 好足料，涼到入心，岩哂呢期咁熱時食。最後埋單，一人都係$130左右 算好平。下次行完宜家去食下野都係唔錯選擇！

一直幫襯左南小館好多年了，終於等到荃灣區都開左！今日咁啱係第一日開張，排左一陣就入座，依間好寬敞，其實一直覺得荃灣區不缺美食，但要搵保證坐得舒服又唔太貴既地方真係唔多，我相信南小館會係個同朋友聚腳既好地方原來餐牌都唔同左，新加左「紅燒乳鴿」，質素唔錯，好juicy入味，重做緊特價，下次會再叫另外第一次食「五彩安格斯牛肉」，最驚喜係個沙律醬汁，好惹味，牛肉重好軟，都幾特別其他點心都係一貫水準，唯一係唔係好夠冷氣，可能商場冷氣本身就唔夠