南小館 (愉景新城) (已結業)

今日黎左南小館食野，嘢食質素比想像中好，乳鴿幾好味，叫咗個椒鹽龍蝦，椒鹽豬手，兩樣都好出色，另外叫咗個撈麵，比較多油但係味道好好食，小籠包多汁，入面粒帶子都算大粒，整體就係食物多，大件，抵食

一向都係南小館嘅捧場客，見到特價嘅紅燒乳鴿$29一隻，即刻幫襯！特價紅燒乳鴿一啲都冇失禮！個皮好趣，肉都仲有肉汁，非常之抵食！一人限叫一隻。原本諗住一人叫一隻但係驚食唔晒所以只係嗌左兩隻三人分，已經非常之夠食！其他經常會食，青菜芥蘭係我至愛！但係今晚四小碟就比較失色咗啲，無論係裏面嘅秋葵木耳、糖醋排骨、花雕白雞、同埋口水川雞都係水準之下。炸銀絲卷同埋蘿蔔絲酥餅取勝！尤其是係蘿蔔絲酥餅，非常之新鮮即整！炸銀絲卷都係外脆內軟，一絲絲好分明！

愉景新城好多啱一家大細去嘅餐廳，其中南小館係帶小朋友好好嘅選擇！地方夠大，檯同檯之間唔迫，光線又充足！就算小朋友嘈都唔會好騷擾到其他人！但最近一次去，發覺質素差了，細碟咗有啲失望。新菜式九菜盒子，圖片係立體嚟到都嚇咗一嚇，只係一塊薄皮包住九菜肉炸，好咸炸到燶晒。龍蝦年糕圖片好大碟，嚟到好似人哋食剩咁，龍蝦亦得三數舊！198$嚟講可以有更好選擇！雲吞雞好味精，雞唔滑...連之前好欣賞嘅喬麥茶，都啖而冇味得返個色。希望係剛有返晚市水準未穩定，短期內都唔會再去了

其實都食過呢間幾次。疫情前有堂食。比較抵是個乳鴿。都ok! 不算好乾。但個生煎飽，我便覺得好一般。比起「祥興記」便差太遠啦。 小籠飽都正常。但個上海風味春卷，有啲似我去超級市中市場買急凍春卷自己炸嘅感覺。早幾日就試咗個鳳尾蝦卷，不過外面包着嘅嘢太厚（粉），所以都唔算好好食。另外又食過「特色牛肉炒米粉」，第一次打算叫，我滿有期待。誰不知道當侍應遞上呢個米粉嘅時候，我第一個感覺，就覺得似茶餐廳嘅沙嗲牛肉麵，變咗乾身米粉版。味道正常。但完全沒「特式」。😓真的有少少失望。但唯一嘅驚喜，就係佢嗰個椒鹽豬手，個皮整得好煙煙銀銀。都夠味，唔錯。不過講真藍小館嘅性價比比較低，唔算特別平。如果喺同一個商場裏便以同樣嘅價錢嘅選擇會更加多。

餐廳環境闊落， 有午市套餐選擇我選了2人餐， 有2款前菜，一款小食，一款主食及一款小炒，$198 。 另有加一。前菜選擇了木耳及醉雞。 木耳味道太淡， 醉雞有酒味，但肉質較「鞋」小食叫了小籠包， 有5隻， 味道可接受，沒有爆汁感。主食是上海粗炒， 外表顏色可以， 但味道一般， 也挺油膩。 小炒的咕嚕肉是最好味的， 肉質沒有肥膩感，因為坊間有些咕嚕肉一咬落去好大舊肥膏，但佢係瘦肉為主。 酸酸甜甜好好味。服務員態度不錯，主動加茶。

行完荃灣，同閨蜜去食嘢，我哋揀咗係愉景新城的南小館食上海野，位置寬躺又唔使等位又唔迫，我哋點了：1. 小籠包一般2.鹹肉蛋白炒飯這個飯因為有鹹肉，所以好入味好好食3.黃金南瓜呢個餸真係冇得彈，成筒唔單止有南瓜還有其他配菜被鹹蛋黃包着來炸，份量都多，我哋兩個人都食唔晒！好好味呀😋

同屋企人聚會，大部份情況都會揀中菜。中菜啱長輩口味，不過長輩都想定時試吓唔同嘅餸菜，所以今次揀咗南小館冇得訂位，只可以早啲去排隊。好彩係平日，好快有位。但係入座有限時，所以齊人入座就最好。位置寬躺，唔會覺得好迫叫咗蒸銀絲卷，炒上海年糕，湯煨面，炒菜，仲有小菜。家人都食得好開心，大致上餸菜口味適合長輩食，味道唔會好濃，不過份量唔算大，叫多幾樣，就夠一家幾口食。大人小朋友都食得好開心，因為好啱食。唔只有餸菜食，仲有甜品同埋飲品，可以滿足大家嘅需要

現在食肆內的座位都要減半，在繁忙時間很多時候都要等位，非常不便。所以很多餐廳為了方便食客，都歡迎外賣，而荃灣愉景新城內的「南小館」更提供八五折優惠。 我買了三個菜回家慢慢品嚐：“上海炸豬扒”，“雞絲粉皮”和“三十年代燻魚”。豬扒酥脆，粉皮爽口，最重要的是甚麼“三十年燻魚”，不知道是二十世紀還是二十一世紀的三十年代，但全家都一致認為這個燻魚最好味。 外賣的好處是無茶錢，無小食，無加一服務費，原汁原味，真超值。

屯門無乜新餐廳，又向荃灣進發。睇左門口餐牌，見到都多選擇及價錢合理，自助取票機取票在門口等候，雖然3-5人枱第二張便到，但一直叫入都是二人枱，基本上兩人枱可不用等，等左大約20分鐘終於入座，環境算光猛整潔，侍應已放上前菜及蕎麥茶，枱上並沒有放上茶壼，侍應會幫忙添加蕎麥茶，食物都算好味並夠熱，乳鴿做緊特價但點單紙上並沒有，口頭叫侍應落一隻，最終也是漏單沒有來，所以冇得試。侍應有禮但人手略為不足，下次可再試餐廳的其他食物。

因為疫情嘅關係，所以好多食店都係以外賣為主，南小館當然唔例外啦，荃灣各商場都有推出各優惠，鼓勵客人消費，所以今次選擇去咗愉景新城買外賣，咁樣南小館都有優惠就係外賣自取85折，我地4個人回家食，買左折後4百幾蚊，我覺好抵食，因為都好多野食，先睇Menu先，有個上海粗炒，健康炒飯，招牌炒飯，香煎生煎包，小籠包，蘿蔔絲卷，肉絲炒年糕等等...，招牌炒飯，生煎包，小籠包值得推介，其他都正常，唯獨是個年糕我覺得差啲，可能我麻麻食年糕，總結外賣七折係非常之抵，樣貌都好精緻，值得再試

當我座下時，無客之下選擇自己喜歡的位是不可以的？態度極之不禮貌，慘過好似我服務佢咁，垃圾態度，以後我一定唔會幫襯，及會通知所有朋友不要幫襯，而我去中環高級餐廳都唔會有呢d對待客人方式⋯⋯垃圾！

又係一個星期六中午, 出街的人都多左D, 本身想去金鳳,不過竟然好多人等位, 跟住行過南小館見店內人唔多又有我最中意的乳鴿, 就入左去.坐低店員好快拎左茶上黎, 劃完點心紙等左一陣就有得食.上海粗炒, 色水幾好; 乳鴿燒得岩岩好, 有手套比埋; 小籠包一上我地凍左先食, 個皮硬左D;最後炸豬扒,好林冇乜炸粉.整體黎講用餐感覺唔錯.

朋友家住荃灣 ，想搵一個地方大家好好享用晚餐， 南小館係一個不錯的選擇 ，尖沙咀南小館 係我經常到嘅地方， 很多時候同商界朋友都會在此飯局， 位置佳，環境舒適，食物質素和 員工服務態度有一定嘅水準。我欣賞此間餐廳的管理， 各項細緻都做得好好。荃灣店舖由於位置佳， 每次都有好多顧客光顧， 尤其是一家大細， 所以比尖沙咀店較嘈吵。每款食物均有一定水準， 特別喜愛 燻魚, 四小拼, 鮮肉小籠包, 雞絲粉皮等。今晚大家在輕鬆愉快嘅環境下享受美食， 分享生活趣事， 人生一大樂事。

咁啱經過見到有新promotion, 有29 蚊燒乳鴿， 所以就拿飛入咗食啦。 可能因為今日滿座， 而我哋坐既位係角落頭， 所以落單同埋叫加茶都有點吃力😥不過整體來講，職員嘅服務態度都係良好嘅入到來就叫左個優惠價的乳鴿， 呢隻鴿太油， 肉太肥， 無佢咁講齒頰留香😕味不濃之後再上的係避風塘炒龍蝦🦞比較乾的避風塘口味， 而份量好少， 但肉質ok , 有點彈性， 不會太乾， 只係整體太油再來的是蔥油餅， 香脆， 但不值$3x 最後甜品🍮， 椰汁八寶飯， 椰汁叶濃， 但係飯內的豆沙太甜， 跟鼎泰豐比較， 還欠一班雖然佢收茶價， 但也值得比， 因為佢個玄米茶不錯， 唔會太淡反之佢個hea 爆前菜， 係花生加炸菜， 可以慳返🤨整體用餐體驗不錯， 只是性價比不高，不過在商場餐飲消費來說， 價格還可接受

今晚遲左放工，近近地去左屋企附近食宵夜一坐底，待應斟左杯喬麥茶比我地，好香麥味，好暖胃點菜後，待應立即端上小菜，在等食途中有野食，十分貼心我們點了一個小菜四小拼，每樣餸小小地，啱哂唔肚餓又想食野嘅我地四小拼點了四喜烤麩，烤麩入口甜甜地，木耳及小冬菇令餸汁香濃四小拼糖醋排骨，酸甜可口，肉質鮮嫩，入口即化四小拼口水川雞，以本人口味，覺得麻辣唔夠，亦冇乜雞味四小拼蒜茸青瓜，蒜味很夠，青瓜爽脆～食上海野必點的鮮肉小籠包，小籠包一口一個，而且多汁軟嫩，必食之選