南小館 (愉景新城) (已結業)

愉景新城內有商店執笠清貨，今日便和朋友去了執平貨，然後便到了1樓的南小館吃午餐。餐廳的環境是半放開式，所以空調非常倚賴商場的中央冷氣。今日唔知發生咩事，冷氣極之不足，所以整頓午餐都食到身水身汗。餐前小食要收 $9。茶水每位收 $6，坐咗一個鐘從來無加水。【黑芝麻豆漿 $13】，無芝麻味，只有甜味。【鮮肉小籠包 $45】，皮比較乾，內裡的肉汁好少，所以絕對唔怕咬落去的時候會爆汁，食落乾憎憎。基本上，好少可食到咁嘅質素的小籠包。【香脆芝麻蝦多士 $58】，雖然已有隔油紙墊底，但依然嗦不盡多士的油份，所以食起上來滿口油。不過味道是OK的，蝦膠肉都多，多士都好脆。【老重慶擔擔麵 $45】，油底唔辣，只覺油膩。麵質充滿鹼水味。【酥燜紅燒牛肉湯麵 $58】，牛肉好腍，湯底都幾有牛肉味，可惜，都係嗰句，啲麵充滿鹼水味，唔好食。

首先，利申先，南小館係我同女友最愛既餐廳之一，評論會有少許偏頗，大家唔好介意😂南小館如今分店已經愈來愈少，今日經開荃灣就去撐場！中午有套餐揀，$80左右一個，我地叫左兩個套餐，一個係酸辣魚配飯，一個係蝦乾雲呑麵，配小籠包，酸辣湯，送一杯薏米水添，眼闊肚窄既我地又食到好飽🌝酸菜魚個魚好滑好正，會令你好開胃，南小館永遠俾我感覺每道餸既分量唔會太多，又唔會太少，岩岩好。雲吞麵清清地，唔想油膩就岩晒。小籠包不過不失，不過絕對唔難食，皮薄多汁勝於一切！酸辣湯就一般喇，本人覺得太酸，酸味重過辣味就無左個平衡。反而值得一提係個薏米水，雖然係個餐包埋，但都幾有水準，佢其實好多料響杯野入面，有少少甜味，飲落個感覺好似食緊薏米糖水，大家有興趣都可以一試！希望南小館要繼續努力💪🏽加油

仲記得之前來荃灣試過他們的下午茶，感覺唔錯，今次特意帶同家人一齊來食晚上，晚上7時多，可能因為假日，有好多一家大細前來，門口需要等位，等位都算清楚，約半小時左右入到去，一坐底就來碟前菜，及茶，我地一行五大一小人叫了個帶子小籠包，蝦肉紅油抽手，糖醋排骨，上海粗炒，2碗湯麵，春卷，食物好快就到，但因我電話無電，所以無影相，有幾味菜係我覺得好味嘅，糖醋排骨，紅油抽手，小籠包，價錢我覺得合理，但份量真是有點兒細份，下次會試試其他分店，看看份量是否都是一樣。

今日放工經過見到南小館門口有新推廣"龍蝦仔"就被吸引左入去食啦～ 龍蝦有兩款選擇，第一款係芝士年糕龍蝦仔，第二款係避風塘龍蝦仔，鍾意食辣的我，當然是選擇了避風塘口味啦。龍蝦仔上枱份量都比想像中多，蒜香味濃郁，龍蝦仔雖然細細粒，但啖啖肉，以優惠價$88,我覺得是非常抵食，推薦比鍾意龍蝦的朋友！"涼拌秋葵雲耳"就比較遜色，實物賣相和menu有差別，味道十分清淡，要自己沾點醋來吃才感覺好一點。"鹹肉炒飯",飯炒得粒粒分明，有芥蘭粒搭配，口感十足！"鳳尾蝦多士"一碟有三件，都算大堅而且配上少少黑松露醬提升香味，蝦肉多麵包香脆，幾好食！"鮮肉小籠包"正常味道，但可以上枱時可以再熱一點。南小館價錢合理，味道和服務中規中矩，會是一間想吃上海菜時可以考慮的餐廳

😂😂 間鋪位置寛落，都幾多人既，見都係一家大細黎，可能都係中式茶，所以 岩大眾口味d叫左d 餸 都幾精緻 ，係份量細左d, 但味道水準都可以既😂😂 整體環境係舒服 ，職員都有禮貌

出名上海菜，食物質素真是有番咁上下水準。今日想食麵，就order阿娘雪菜黃魚麵，老公話腥，食落又ok喎，黃魚新鮮，湯底稍微咸少少，仍可接受，麵質爽滑，第一次叫呢個麵，欣賞。老公另外叫左小籠包，都是好新鮮，食得出係即叫即做。還有老味道蔥油餅，再鬆軟d就good啦！

愉景新城呢間分店係2樓的尾尾，未去過真係最好問路啦。是日平日晚上八點搵位，唔多客人。環境幾好，岩一家大細，食物選擇多而快上菜，水準唔高但合理擺得落口。鮮肉小籠包$45，似朝早點心。以前食過原味就知佢唔係主角，只係呢度有得食，所以請不要期望大粒多汁，未計加一平均9蚊一隻，大家懂的。回鍋肉$88，好細碟。菜多過肉好多好多，一個人食晒一碟都仲得。只係幾濃味下，鹹鹹地，建議叫多個白飯食。黑豚肉配魯蛋 $98，不過不失。五花腩算靚同滑，魯蛋有2隻開4份，入味，同茶單圖片唔會好大出入。蝦多士$58 3件，細件得意。入面有芝士，而唔係茶單講既芝麻，仲有一點累松露醬，食落幾香。

等位同上菜都幾快,餐廳面積都大。食物好味道，有好多菜式，乾扁四季豆好好味😋整體食物質素唔錯！小籠包同銀絲卷都好好味，芒果布甸也有水準👍PS：以上只是個人意見

同朋友去食入面好熱，可以半向商場旁就出口，覺得冷氣極微弱講反野食叫左1.小龍包-不過不失2.薑蔥餅-香脆可口3.酸辣麵-普通水平，麵上時夾不散，有點失色4.雲吞雞湯-好味值得推介5. 酒鑲丸子🍡飯後甜品————————————————滿分5🔆🏝環境🔆🔆🔆🛋服務🔆🔆🔆💲價錢🔆🔆🔆😋食物質素🔆🔆🔆💥翻兜指數🔆🔆————————————————

一直都好想試，終於有機會食！佢都幾多上海嘢食，不過都有啲好普通嘅中餐款式，我哋都叫咗幾多嘢食，因為份量唔係好夠芝士龍蝦年糕係幾值得一試，年糕唔會太口，只是執好足夠，龍蝦都新鮮。不過叫嘢飲就有啲貴， 同埋唔係好大杯。我哋叫咗一碟醉雞，我自己就麻麻哋鍾意食，但係屋企人都幾鍾意。炒飯叫咗一碟，其實唔係好夠食，所以如果多人去食嘅話建議可以叫多個飯～我地最後叫左個外賣，等左好耐，不過可能人手唔夠啦，我地催左兩次先有人拎比我地

話說朋友想試試這間於荃灣愉景新城新開的上海餐廳，等了大約5分鐘左右便可以入座我們總共點了七款菜式上海小籠包：不過不失，皮有點厚花雕醉雞：雞肉還可以，但花雕味道不是太濃蔥花海蜇：我不太喜歡這個味道，最後自己加了串串香的辣椒汁，才令這個餸菜變得更好味豆乳雜菜煲：還可以這個炒飯是最好食的！椒鹽龍蝦球：挺失望，肉質很假，不像真的龍蝦有咬感，有點像龍蝦丸串串香：幸好點了這個，拯救了海蜇飲品方面點了薏米水及金橘檸檬，飲品是值得點的，一杯$12左右，份量充足

前排母親節，我同媽去佢想食既上海菜試下。呢間佢話想食好耐，於是我不以為意地帶佢去。誰不知，裡面唔收費不單唔平，而且大部分野食都難食冇味，我媽因唔食辣，所以冇點，因此d餸就更加冇味道。坐左一個鐘頭，冇人黎加過茶重要收我加一。前菜唔好食又要收我錢。重要既野要講3次：d野真係冇味道加好難食d野真係冇味道加好難食d野真係冇味道加好難食d野真係冇味道加好難食d野真係冇味道加好難食最後講左5次，因為真係唔好食，我唔會再比機會佢啦，大家要食既真係要諗清楚。

閒日諗住試吓，因為唔使等位，冇諗過人唔多，但D食物都不是即叫即做，只是暖的，而不是熱的，所以食小籠包及生煎包的感覺好奇怪。而上海菜的回鍋肉是用打邊爐的豬肉薄片去做的，而味道又咸不辣，感覺怪怪的，如想食正宗上海菜就不要去這家了。

一入到去，我地一家四位，根住個待應問我地坐二人枱再加二張嬰兒椅得唔得！絕對無可能，明明勁多四人枱同個店勁空 成九點半，根住仲話我地因爲有二個係bb唔算係四人喎，仲有問經理approval,成班待應都好過分，但咁夜我個bb好餓就算，攞完經理approval 皇恩𧶽坐後終於可以坐底食... d嘢都幾難食，又成日唔加茶，一叫加茶就黑哂面！咩事真心。。

這次約了朋友來這家吃飯，從外觀來看這家南小館挺乾淨敞亮的，我們8點左右來到已經很多人，店裡的服務人員也忙來忙去。當有需要的時候服務員總是忙來忙去，叫了一陣先有人應，不過都還好，員工的服務態度是很好的，非常有禮貌，不過這裡的食物味道就一般般啦。叫了幾個都很一般般。希望這家餐廳可以多d人手，如果唔係真係要等好耐，好在員工態度很好，有耐心