南北小聚

營業中

休息中

因為地理優勢，好多上班一族會係南北食午飯，所以要食的話，最好最小小到，1230前係較易拎位。午市有好多套餐，揀一餸加麵食or 飯。如果鐘意食辣，最推介食水煮牛同魚，唔算得上好正宗，但係魚同牛都好嫩，小小辣，重有薯粉係底

天氣不似預期，突然變凍，食暖𥅈𥅈的菜最好。 之前去過抵食小店「南北小聚」，晚市套餐人均才 $168，免茶介免加一，食過翻噚味，今次再來捧場。 今餐飯唔夠十人，只好散叫，及試一系列什麼孖寶： 「古法黑草羊羊腩煲」$388，絕對是全晚焦點： 點了大煲，羊腩煲湯汁濃，基調不是簡單一股麵豉之類，是帶一陣藥材味。撈着撈着，會發現裡面有挺多紅棗。 羊肉，侍應阿姐話係是每日新鮮購入的黑草羊。肉質非常優質，部位好，骨頭與肥肉都不多，也不會炆得乾如柴。啖啖肉，皮也是寶，激暖胃啊。 隨「羊腩煲」附送一客生菜、支竹： 因為羊腩煲的湯汁太吸引，滾生菜和吸味支竹太夾，忍不住繼續又追加 ($40 / 每碟) (溫提，此羊腩煲記得要預訂) 「南北小聚」另一系列孖寶，「香糟醉雞」併「黃金海蝦球」$228 醉雞入味，份量偏少；拍檔蝦球表現一般，加上我一向不太激愛鹹蛋熱氣的東東，個人評價平平。 「雲腿津白」併「石鍋薑蔥爆桶蠔」$198 蠔煲調味是不錯，處理就強差人意。薑蒽蠔煲可以說是很少失手的菜，這個一來份量太少，只有五粒蠔；二來蠔 size 很細，只沾了棉胎一樣厚的粉漿去炸大佢，非常之煞

今早約11：30到店食早餐，本來想食埋午餐，無啦啦被態度服務員趕我地走，問佢點解，佢話要做午市生意，叫我地走，當時係12時，好難想像會發生這樣的事，我從未試過，bad list這間店。以後都吾食佢，東西好吾好食已經不重要，被人咁趕走，真的很差很無奈。餐廳最後早餐時間係11：45可叫，如果一座下，佢地話比我知，要早走，我可以揀，但都無這個規定，更重要，職員態度勁差，勁勁差，廢店一間。

餐廳位置都好就腳中環行過嚟好快到午市套餐選擇好多包一個小菜 同一個主食我個人鍾意佢個菜飯 另外可以揀白飯同面個人最中意麻婆豆腐 辣子雞 口水雞 醉雞好足麻辣味 辣子雞又香又脆其他小菜都好惹味上枱時熱辣辣一大班人lunch⼀人叫一個餸大家share就正

行完街街後週圍搵食，在門外睇餐牌，熱情的待應叔叔係門外拉客，就這樣在此用膳了。我們點了套餐，及多點一碟前菜。先來涼拌青瓜黑木耳，青瓜清甜爽脆，味道酸酸辣辣，非常野味，令人不斷追著吃。茶樹菇老火湯味道香濃，每碗有適量的湯料；而蔥爆羊肉的大蔥好甜，味道適中拌飯可口，可惜羊肉有點老。另一碟辣子雞，一上枱便覺得與圖不符，第一口吃是香脆的鍋巴，少許焦味，再夾一件雞件，味道不差，不過個人不太喜歡包漿粉。麻辣海浙頭，海浙頭爽口，但有點點兒異味，下次可以不點這個。整體來說，此店性價比高，值得再光顧。

南北小聚位於上環的干諾道中地段，是區内人氣高企的食店，午飯時間總會見到門口排長龍。這裡的套餐，配搭眾多，十幾款的午市套餐，價錢由$50到$70不等，加$3 可以配熱飲；套餐主菜有水煮魚、酸菜魚，獅子頭、口水雞、醉雞、麻辣牛腩，好多選擇，每款小菜更可配搭白飯、菜飯、上海麵、擔擔麵及紅薯粉等。我和同事叫了一份辣子雞和水煮魚，魚片份量十足，有很多魚塊，大豆芽和津白，仲有紅薯粉墊底，每份餐加配埋濃湯的四川擔擔麵，在幾度的天氣食一次四川口味嘅麻辣餐真係好過癮。餐廳在12:45 前埋單，居然有折，真係抵上加抵，太超值了~

凍冰冰既天氣最岩食辣野 係上環番工既朋友可以黎南北小聚食....呢個麻婆豆腐真係麻架🤭🤭愈食愈辣⋯但都幾多油😖😖撈飯食好似食埋d油落肚咁⋯另外個紅燒肉都唔錯！！味道好好 唔食得辣既朋友可以點呢個！

和同事一齊lunch，叫左三個套餐。口水雞擔擔麵、醉雞菜飯and 上海排骨擔擔麵。d 飯是暖的加上一舊舊，失敗！擔擔麵不似擔擔麵，失敗！口水雞唔似口水雞，完全係d 雞肉浸在辣油裡面，失敗！最出色乃醉雞是也，不過略嫌太鹹。d 阿姐粗粗魯魯...大大聲聲，無招呼可言。

中上環租貴，想食餐經濟啲嘅下午茶，真係要捐窿捐啦搵搵。上環信德中心對面嗰條街，開咗一連串嘅食肆。今日揀咗一間上海菜館醫肚。「紅燒肉 + 菜飯」下午茶分量來說，佢算大份。味道OK，紅燒肉唔會全部都係肥豬糕。菜飯方面，都好味，多菜，飯有調味。「酸菜魚 + 上海麵」我覺得這道菜好刺激。食到一半已經大汗淋漓。味道尚可。上海麵正常，麵唔會太淋、太硬。「一口西多士」好味，西多好鬆化。切到一粒粒，一啖一粒，好方便。新鮮製，所以熱辣辣，好好味。

朋友們突然話中午要一齊食, 我平時無人約, 當然OK無問題~南北小聚看來挺不錯, 今次好幾個人一齊去吃, 可以多嚐幾款小菜~主要好像是川滬菜, 我喜歡吃辣, 大部份我都想食朋友叫了兩個小食- 小黃瓜$18 夠爽口, 好食 & 山椒泡鳳瓜$22 小小辣, 也不錯我點了口水雞, 小辣, 正常,還可以, 味道可以再濃一點, 我覺得中環另外一家更好吃另外點了醉雞, 可能是因為吃了口水雞, 再吃醉雞便覺得沒有味道.....另外點了上海排骨, 就是平常的煎炸豬扒, 很大塊, 唔算太軟/太韌可以跟餐要菜飯/麵上海麵味道很淡, 麵質正常勝在餐廳都乾淨, 食物性價比高, 可以再來食~

某天約了幾位好友中午一齊食, 想有上環找間平平地的餐廳, 最後決定試南北小聚平時都有路過見幾多客人午餐主要有十多款的選擇, 包主菜, 主食-飯/菜飯/上海麵/擔擔麵, 再加杯飲料, 價錢5x-6x左右, ok呀~12點去到還有很多位, 不過大約1點左右就連外面都排晒隊某位阿姐的服務一般, 我覺得佢忙中有亂咁上海排骨味道不錯!!可以推薦獅子球看起來有點像肉餅, 食落像平時的牛肉球轉為豬肉球, 口感再結實少少, 我覺得一般啦有朋友主食點了上海麵, 比較清淡的其他也有人點了擔擔麵, 很香的麻醬花生味, 唔算很辣, 但比較油膩, 不過不錯咁另外因為掛住食忘記影, 點了水煮牛好食!! 牛肉份量多, 比較辣, 但又辣得好過癮, 我覺得是最好食!

轉到上環區工作已有一個多月，一直想跟同區工作的昔日戰友來個短聚，唯一直很難碰上。恰巧友人剛旅行回來而今天大家都有空，就約定來個午餐！不知不覺，原來工作的附近比較有名氣的餐廳都已經吃過，我們兩者在思考 "今天吃什麼" 這個本世紀最困難解決的問題，最後決定要到「南北小聚」，寄意 5 年前我們各散南北，今天終於可以於午餐小聚了 (瞎扯的，其實也有一直見面…)。老壇酸菜魚 & 菜飯酸菜魚真的是令人念念不忘的一道菜，這個酸菜湯的辣度是可以飲用的程度；雖然魚肉沒有像較高檔餐廳切成一片片薄薄的，肉質亦沒有較上等魚類般非常的嫰滑，但表現卻還是很理想，配合酸菜湯仍然是十分的夠味道，份量也是滿滿的！這個辣，帶點麻，香味源源不絕！沾到味美酸菜湯的魚肉，配合菜飯來吃，算是一絕！八仙醉雞 & 菜飯友人想吃農家小炒肉的不知什麼原因好像被 "下架" 了，就選了八仙醉雞配菜飯。醉雞一到，當然我這個兄弟身先士卒，來個試味！米酒的味道很濃，料理得一點也不馬虎，感覺連雞骨都滲透那份酒香，而雞皮也滑得可以源喉嚨直到胃部。短短的一個午飯，讓我們可以暢談舊事新知。下次，繼續讓我們可以「南北小聚」！

我真係好中意食中菜，粵菜四川菜上海菜等等全部都係我杯茶，奈何Lunch time仲要中上環地區，要食一間中菜仲要質素唔錯既真係好難，有同事聽完我講就推介我尼南北小聚呢到每個餐價錢都係五十幾至六十幾蚊左右，每個餐都可以揀一個餸配一個粉麵/飯辣子雞+擔擔麵一碟好多餸好多辣子雞，個份量大到有d意想唔到擔擔麵唔太辣，幾適合大眾口味，花生味啱啱好👍🏻本身已經好大份主菜，再加埋個擔擔麵好足夠一個餐八仙醉雞呢個推介👍🏻👍🏻保持到d雞肉仲係好嫩，微微既酒味好入味上海排骨上海式既豬扒一向都有保證，拎出尼仲熱辣辣好香麻辣紅薯粉一拎出尼辣味澭埋尼，中意食辣嘅人一定中意

上環多嘢食就係架啦，今次跟同事去間位處偏多少少既地方食，但味道十分有驚喜，推介！首先，見到12:45pm前賣單享有85折優惠，已經係打工仔既福音黎再睇睇餐牌，發現係以set lunch 形式，可揀一樣餸，配菜飯、上海麵、擔擔麵、薯粉或白飯，仲有飲品如奶茶咖啡檸茶檸水。除左白飯，仲可以配擔擔麵等麵食，值得一讚我就揀左毛氏紅燒肉配四川擔擔麵，賣相相當不錯四川擔擔麵個湯少少辣並有陣陣花生味而個麵既質地亦有咬口大家睇睇個紅燒肉，真係好靚每粒肥瘦均勻，食得肥豬肉預左實有啲肥架啦，但真好食到想講「食埋今餐先減肥啦」湯味濃肉質好最後，講下佢杯奶茶，都幾有茶味，唔會得個甜字，幾好

<<服務態度差劣，趕客走>>話明12:45 前離座有85折，個收銀就話一時話你張枱仲有人坐緊(其實係執緊野) 一係話你過左鐘。如果真係比唔到折，就唔好咁強調呢個優惠。心諗反正過左鐘，咁坐多陣先啦。其間好多員工人超超，10分鐘後仲有人要求我咃離座，原因係佢好多客。大佬呀，我坐左40分鐘咋，仲要野食唔係即叫即到架，等野食都等左8-10分鐘啦。呢間野真係愈做愈差，你想比人罵，比人趕，就黎呢度食午餐啦