南北嚼火鍋海鮮酒家 (已結業)

今晚都仲係凍凍地就同男朋友去食飯~落到街又唔想去食平時食開個幾間野....所以今次決定行遠d~行到太子就去左南北嚼見到門口好似好多人, 以為好好食~入到去見到吉台都唔多睇睇 menu, 碟碟計錢都唔緊要~叫既野食都不外乎:肥牛, 菜, 芝士腸, 海鮮類產品$26 兩碟肥牛 = 得10塊好似3隻手指咁闊, 1隻手心咁長既 size 既 肥牛, 又乾既~$68 墨魚滑 + 蝦滑: 過得去喇.... $62 貴花蚌: 係我地叫得最好味既1樣食品$26 得 14條芝士腸 (但係起碼都有1半係脆皮腸 >> 呃人!!!! )$5 豬紅 淡而無味!!!! $26 吊桶 同食膠無分別!! 又係無鮮味既!!!!!!!$26 牛柏葉: 不值一提!!$18 津白, 點左唔黎~$10 2 隻蛋$16 2位茶芥$38 醉雞湯底, 仲要比我發現碟雞有條好生猛既毛蟲!! total 計埋加一都理應 $333.3但係個waiter行埋黎話$367!!咁我一見條數唔岩, 就梗係同佢地講返架喇~點知計數個阿姐行埋計左2次都計唔岩條數同佢理論完之后, 佢就計到 $333 比我地!!總結: 雖然有 NO

剛入冬已經打左好幾次邊爐，熱氣到想死！ 連經過光鍋店門口都有恐懼，想唔到呢度門口有間鮮果汁店，試左好幾次都有驚喜，第一次店員推介芒果加檸檬汁，聽落好似有D怪怪，試過先知原來檸檬汁可以吊起芒果甜味，反而比其他舖頭芒果汁加糖好飲得多，第二次試蛋白杏仁露，出奇地咁重杏仁味而且好滑溜，唔太甜，相當滿意，最後在店員推介下，外賣左支桂花蛋花馬蹄露，嘩! 呢支先最正，勁多馬蹄，用桂花糖所以好清甜，好潤，果真冇介紹錯，估唔到一間果汁店D糖水仲好過糖水舖，行過買支好過自己煲！

其實好耐冇去食喇,不過食過幾次,真係好正,忍唔住想寫返。以前係做sales,收工都成10點,同同事or同場都好想放左工食餐好既。平時行過見佢有炭燒石蠔,而且又係川菜,o岩晒我胃口,終於有日試過,仲成日好想再食。除左hotpot同小菜,門口仲有個炭爐,燒串燒(豬,牛,羊,雞),燒茄子同埋石蠔,肉類串燒未食過,因為次次去到都賣晒,燒石蠔同茄子就好正,就算唔食辣,都建議叫少辣,淨蒜泥味略淡,叫親辣就夠咸夠味,不過燒石蠔唔係成日有,店家話d蠔唔靚就唔入貨,所以次次食D蠔都好肥。小菜方面試過既有水煮牛肉,茶香骨,荔芋墨魚卷,鐵板o者o者雞,砵酒牛肉,其他唔記得試過咩喇~ 水煮牛肉,荔芋墨魚卷同o者o者雞每次必食,再加茄子石蠔,絕對係水準之作。水煮牛肉上既雞蛋好滑,牛肉煮得剛剛好,一D都唔鞋口,花椒同辣油都係真材實料,如果怕辣就食面果D,嗜辣者一定要沾多少少辣油食,食埋底既娃娃菜,刺激到爆呀!唔食得辣既人千祈唔好食入面既娃娃菜,因為索晒辣油,食左會好大單!!!荔芋墨魚卷就烤得好香好脆口,入面既墨魚打得好彈牙,芋頭就令佢多左綿綿既口感,比起以前食過果D絕對係超班。o者o者雞連鐵板上,雞件滑嫩,配菜用

北方盛產黑草羊，北京大街小巷除烤鴨外，掛牌賣羊蠍子的火鍋店隨處可見，是羊背脊位啜骨髓的風味小品，食味麻麻勝在得意。平日搭巴士到旺角一定會見到南北嚼，本來對火鍋館興趣不大，惟獨羊羯子全港只有她有賣，又看過食友的相片，聽說甲魚也可作火鍋用，每隻百二十元，抵吃，秋風天是時候進補。甫坐下已吩咐店方推出預留原整的甲魚，但「副計」卻看不著縱跡，店方說師傅不小心弄破了肝，掉棄了，肝也可挑破？當客人是傻的嗎。二話不說要取消單，店方連賠不是，又送來新鮮切的甲魚，一副心還在卜卜跳著的甲魚，這才像樣呢！（話時話心跳足超過十分鐘，真的不能小看甲魚生命力！）又叫下美國桶蠔、雪花肥牛、黃喉、雞子幾味，湯底老實地要了藥材清湯，這裡火鍋配料不貴，肥牛約一百元、其他幾味亦不過五十元左右，開至凌晨，真是愈夜愈精彩地痞館子。主打的甲魚自然鮮味，奈何裙邊非（火合）下（火合）的好料子，吃不出豐腴質感，始終炆、紅燒、乾燒才能發揮膠質效果。肥牛肉質細嫩，肉濃又帶點脂肪油甘，用作火鍋好吃，放在鐵板燒就更好味。內臟唔多新鮮，黃喉有發漲跡象、雞子打過水，不吃也罷，始終有著大魚缸養著白鱔等河鮮的地方，還是叫魚鮮最穩陣！至於羊蠍子，吃之無味

南北嚼過往的食評全是吃火煱的，不過我來此反而是吃它的中菜，算是南北嚼在這裡的第一次非火煱食評哩！這天晚上找吃的地方，從旺角走到太子，來來回回，走累了，還未下定主意，最後來到荔枝角道，見南北嚼的招牌大大的，霓虹燈亮亮的，門外的食物廣告也頗吸引，就試試新地方吧！一坐下，周圍的食客都吃火煱，我們偏偏選吃中菜，是想有點白飯下肚吧！兩肉一菜是醬爆田雞、燒雞和咸菜胡椒豬肚。醬爆田雞一上碟時，那份濃濃的香，即時已告訴我沒選錯地方，鑊氣十足；田雞很少吃，比起平時常吃的豬牛類有所不同，所以更添食慾，加上下鑊的調味料和乾葱洋葱和蒜頭都炒得香噴噴，實在美味！燒雞雖然不是很特別，但伴上冰凍啤酒一起，又產生化學作用，難怪的，雞皮脆而肉質鮮美，都有齊燒雞應有的條件，沒有批評的地方了！最後是咸菜胡椒豬肚，是跟氣爐一起上的，咸菜很多，看樣子會不會很咸呢？吃下去又是另一回事，廚師已做過功夫，咸菜浸透去了濃濃的咸味，令咸菜味道剛好，加上胡椒的小小辣味，相得益彰，還有湯水可喝，只是豬肚少了點！要一提，這類較著重街坊的食店，招呼客人都較其他大店殷勤，感到人情味，也都是令人有再來光顧的意欲。

上兩週和同事在此慶生辰，。舊式菜館一間，吃味道不重裝修，有小菜和火窩作供應。大家看了一會後，已大致選好一個大概，不過最重要的，還是選一個好味的窩底，發現上次在深圳吃過的羊蝎子窩，竟然也在這裡見到。名曰「蝎子」，其實是羊的脊骨，完整的是由頸椎到尾椎一大條，不過看這個窩的份量，只得半截上下。稍為烘熱後，立刻手抓一件來吃，附在骨頭的肉不多不少，勝在肉質爽口，有一些還帶點筋，其羊味溫而不燥，吃這東西已有一些經驗，啃完其肉之後，要「粗暴」地撕開其骨，將骨內的髓抽出來吃。啜、挖、挑、吸....................總之用盡任何方法，那才完整的吃完一件。花這點功夫，起碼得到一份滿足感。順帶一提那個湯窩，採用「窩中窩」的設計，外圍的部份是帶點辣的紅色汁湯，中間同心圓的部份則是清湯湯底，基於其獨特的設計，只有中間部份是起氣泡的，外圍只作保溫之用，這樣作打邊爐實不太方便，於是吃完後便要換個「正常」的窩，下半場要做的，自然是烚下烚下。首先是同事H的指定動作 ------ 焦鹽雞軟骨一碟，不過說實話，用它來送啤酒，其效果確是不俗，實在香口和爽脆。其來貨的丸子、鵝腸和豬肉片也算不過不失的水平，多謝(得

三人行來到南北嚼叫左個醉雞湯底...隻雞細份左少少.但勝在有湯底搭救好足藥材咪 ~ 材料稍微貴左少少...大約 $ 2 2 一碟起叫左手打三寶丸.美國肥牛.山根.雲吞.水餃.雞腸.牛柏葉冇時間限制..坐足 4 小時...場內有電視...邊睇劇邊打邊爐....正 !

今晚收工時, 老公突然話約埋細佬一齊打邊爐!!細佬介紹咗我哋嚟太子呢間「南北嚼」,呢度唔係任點任食架! 每碟唔同價, 普通食物由$12 至$30 左右,海鮮類、靚肥牛或特別食物就$30 - $128 不等,至於鍋底有25 款可以揀(鍋底款式請看最底部份), 價錢為$35 - 138 不等,醬油每位$10, 茗茶全免, 其他飲品另計。就咁睇個價錢都幾貴喎~~~ 呢度好得意, 坐底就會比呢盒醬油我哋任加, 除咗蔥花, 我咩都要咗啲! 啲辣椒仔同辣椒醬夠晒辣, 正! 今晚我完全冇落過單, 因為唔想用腦..........等咗好耐, 終於有得食啦~~~~~~~~~~~~~~ 細佬叫咗個「花彫醉雞鍋壹隻」($88), 好大隻雞喎~~~個湯底都唔錯, 不過當然唔夠自己屋企落既料咁足啦! 又叫咗呢兩碟幾好食又幾特別既嘢,一個係「芝士丸」($23), 另一個係「手打蝦子墨魚滑」($56),真係幾好味喎~~ 啲芝士好好味, 啲墨魚滑好彈牙喎~~! 好過叫啲咩牛丸、豬肉丸、龍蝦丸之類, 價錢都係差唔多架咋! 當然唔少得「西冷肥牛」! 呢個都唔錯!另外再叫咗碟「脆鯇片」($28)、「芝士腸」($26)、

2007-12-06一行三人落去試吓(其實兩月前都試過一次)羊蠍子湯底：料足但係多味精手切手：夠肥似雪牛羊雜：低食花膠：低食水魚：新鮮都好大隻牛展：細碟得十片黃喉：都OK鷄脾姑：大碟低食三支黑啤全程六佰幾如果湯底小啲味精就可以好D食完兩粒鐘我依家都好口干

大家可以睇到前幾個有我寫既食評"企鵝豬豬(非會員) 日期: 2006 年11 月24 日"一年前人均消費係＄80，一年後食差唔多既野要＄150琴晚再介紹朋友去，貴左好多！！湯底都係羊蠍子，最貴都係手切肥牛一碟！啤酒＄10支，飲左兩支，又叫左罐＄8罐既黃老吉，無叫任何海鮮，埋單竟然要＄600（4個人乍）！如果＄150一個人我諗仲有其他更好既選擇以後都唔會再去啦

尋晚有位女性朋友生日，係到訂左間房！10 個人埋單$24xx。湯底2個，1 螺頭雞腳湯，2 鴛鴦湯。食左2隻龍蝦刺身(每隻2斤幾)，象拔x刺身(3斤幾)，羊蠍子，2碟手切肥牛，其餘都是普通野，Beer 1打，汽水半打，綠茶半打。湯底試得出無味精，龍蝦及象拔x只要新鮮就一定好食，不用多講。羊蠍子係羊脊骨炸香，幾有特色，但味道無特別，可以一試。手切肥牛就非常得，同新東記，方榮記有得比，絕對首選。個蝦滑就差到不得了，垃圾。其餘野就一般！埋單埋左3次，頭2次話計錯數，最後$24xx埋單，個朋友話呢到好熟，唔會呃佢，唯有照埋。總括黎講，如果黎宵夜，試下其他湯底，2碟手切肥牛(每碟$108)，一碟菜，幾支Beer，為左碟手切肥牛我會再黎！

原本想去小肥牛，但因為無位，所以轉移玉步去呢度試。第一次去，坐正有電視前，好正，可以一路睇一路食。叫咗個清湯拼沙嗲湯底。好大鍋，所以個爐唔夠滾，要用個蓋蓋住先水滾囉！沙嗲湯底就一般，唔夠濃，不過清湯幾香，又無味精。珊瑚蚌好爽好新鮮。手切肥牛($108)好甘香，肥瘦適中，食落有牛味，好好味。手打蝦丸麻麻，有D"o拿" 口，可能加jor 太多chemical 令D丸彈牙。豬腰都係"o拿"到咩味都無。水餃唔錯，蝦肉比例均勻，又食到冬菇絲同木耳絲。豬生腸好味，夠淋唔"un"。我覺得黑牛柏葉好"un"呀，不過媽咪就話夠咬口。鵝腸幾甘香，不過一熟咗就縮晒水。服務抵讚，因為D野好耐都未黎，催吓佢地，佢地立刻幫你睇睇，又賠個不是；見我地個爐唔夠火，又會埋黎睇& explain why 我地個爐唔夠滾。

今年八月已經想留言讚佢架啦，估唔到Openrice要到11月先可以留言俾呢間野～首先呢間火鍋店既樣有點"爛"，入面既侍應又金毛又長髮，我地3個女仔入去時真係有d驚果晚同兩個朋友叫左個羊蠍子火鍋，我地唔明咩叫羊蠍子，個幾個男侍應好有耐性咁解答我地（雖然個樣有少少惡），又教我地正確既食法～食食下又會幫我地斟茶同換碟，一流既服務！！講返野食，所有野都唔錯，激讚既係個羊蠍子湯底，我地3個女仔都不顧儀態咁羅住大大夠骨係到食～～跟住有個侍應話請我地飲汽水～每人一支～其實仲有其他湯底選擇，下次一定再去過～個人覺得雖然格調麻麻，但係服務，食物真係好好，同朋友聚舊吹水都係一個唔錯既選擇！

羊蠍子原來係羊既脊骨,煮得一d都唔'蘇',而且d骨仲'林'到可以咬開黎食,個湯底d味又夠濃...唔錯唔錯

夜晚同一大斑同事走黎e度宵夜真係好抵食...d魚皮餃同d丸最好味d蜆同蟶子都好鮮!!!最岩用黎hotpot...yummy一斑人去邊食邊吹水真係唔錯~