卓記粥店 (已結業)

叫左外賣。有炒米同炒麵同牛肉粥同炸兩炒米($5)：略為多蔥同埋ｄ米粉黑黑地。炒麵($5)：我覺得略為偏油。牛肉粥($8)：有ｄ淡。炸兩($5)：小豉油，味道尚可。

我一路都好鍾意住喺西環...最大既原因係呢道食野夠公道就好似卓記敢.....一年到晚都係敢好生意主要原因係平靚正幾蚊就可以食到滑一滑既腸粉/綿一綿既粥底/香一香既炒面炒米/好正啊

陪E小姐到西環睇大夫,帶病在身當然要吃得清淡一點,本來送她回家途中,順路到中環威記,但是她下一站並不是回家.倒不如就地取材.後來加埋其他到步的J小姐,到新中華隔離的卓記吃粥.下午仍然人頭擁擁,搭檯也有點難度.三個人好不容易,用"壓力"去逼走一對吃罷打死都唔走的小情人.雖然話要吃得清淡,但E小姐繼續吃炸兩,油炸鬼,再來碗豬腰粥.小弟沒有細看餐單,口快點了滑牛粥,再細看,豬什粥只售$8,大嘆走寶.油炸鬼剛炸起,新鮮滾熱辣,炸兩粉皮拉得很滑,兩者合一近乎完美.滑牛粥的牛肉,名乎其實地滑.粥底米已開到荼靡,質感又並不太稀.只是略嫌師傅有點阻住地球轉.吃罷喉嚨頗乾.下次再來,應該會下注豬什粥搭炸兩這條連贏位.派彩熱到燙手.

我在附近番工既，呢度係我其中一間飯堂！！原因好簡單：真係好平！艇仔粥８蚊豬什粥８蚊碎牛粥８蚊皮蛋肉絲咸牛肉粥９蚊油器３蚊炸兩４蚊炒米／麵４蚊腸粉４蚊綠豆沙４蚊我通常叫外賣(艇仔粥+炸兩)艇仔粥有魷魚絲、豬皮絲、牛肉、花生花生好脆,,,正呀!!!份量一般,,夠我食!!炸兩外賣要５蚊超大盒,,,一般脆!!但叫左多鼓油都好似好少鼓油咁>< 十三蚊,,,真係平到笑,,,食完好飽!!!下次試下其他先~~

因為食開果間糖水店執左, 一時間唔知去邊度食糖水見到呢度有紅豆沙, 所以入左去lor 紅豆沙好夠熱ar, 唔太甜, 而且好平, $4 jar, 睇怕0係西環都幾難搵到再平過佢la

平民粥麵店,可能感覺環境衛生ma ma,但甘既價錢真係好抵,而且好過好多地方既粥店,同男友共食了1個艇仔/1個碎牛/1個炒麵/1個炸兩都係$24 蚊咋~~~

如果唔係平搭救.....我對呢間野真係冇咩好感一入到去，同個friend坐落去食，又逼，又唔理人過左一陣先至叫到個阿嬸點食d咩等得耐左一陣，話：我地頭先叫左果樣野仲未黎點知個阿嬸勁冇禮貌，話：邊有咁快黎呀～等多陣啦個態度勁敷衍......叫到d豆漿，就黎食完先至發現有隻螞蟻o係到....不過算啦...食d先至知奶左野d炸兩好唔新鮮....我估係整左勁耐先至拎出黎....其實以咁既價錢，呢個水準差唔多啦～不過間唔中食下好喇~~~呢間野...咁既環境...近住馬路...咁多車既廢氣飛哂落d食物到....肯定勁污濁....只不過肉眼睇唔到....

以前住開西環...逢假期必到這裡吃早餐~最愛碎牛粥..好味~加埋油條,炒米...嘩~~~~飽到唔識行~~都只不過係20蚊左右~~平到笑~~現在搬左屋...真的很懷念~

I sometimes go there for minced beef congee and noodles. Tasty food and the price is very low!

就是因為這個數字，倒番轉頭行。一碗$4 既綠豆沙，當然不可以expect D 乜野；呢碗實際上是「綠豆湯」，勝在「齊料」（海帶、香草同綠豆）。雖然一D 都唔沙，但對是日口痕同燥底的小妹，$4 已經交足功課...再加上坐o係上o左舖但實情係街邊位咁食，別有一番風味。可是，外賣「加二」，未免駭人了點吧。

係士美菲路自修室溫書, 食飯時候肚仔餓, 諗起卓記就一個人黎左呢度食晏, 初時擔心:落雨會唔會撇雨呢?!(因為呢度係正路邊冇門口) 但係原來呢度落雨會掛起膠幕=]點左白粥, 油炸鬼白粥($3)好唔好我識講...但係我諗都唔算差, 起碼唔會稀到食得一半就返d粥水, 成碗都有米花, 唔算好綿咁。一向唔慣太清淡, 所以食白粥都會落少少鹽, 但係呢度冇喎...-___-" 不過有個油炸鬼送都唔會太冇味油炸鬼($3)真係好油...不過都真係幾脆下, 睇得出都已經擺左一陣, 唔太熱, 但係仲係脆口, 算幾好, 係油左d呢樣扣左少少分...如果可以整乾身少少就更加好=]我竟然唔記得帶紙巾-___-"好彩呢度d客都係街坊客, 個個都好nice, 借紙巾俾我果個一次過俾兩張我傍身, 街坊店好就好在呢度

我親眼見過ｄ阿姐將條跌左落地既油條放落去翻炸。食個一碗腥臭魚片粥。但呢ｄ都唔緊要，去卓記係食個feel既。

--呢間野由我出世時已經係度架啦...--必食碎牛粥!!同埋炒麵!!--千祈唔好食炒米!!係激難食!!!--呢間野D食物唔錯..但係激污糟=.=--我懷疑佢\\\炒麵D\\\"聰\\\"有冇洗過...有成隻手指尾咁長囉...--D碎牛粥上時呢..要壓D牛肉落粥底..因為真係唔太熟架jaaa....好彩so far 我都未試過肚痛xd--另外..D粥都幾多味精///食完會幾口渴架下

今次係第二次嚟呢度食粥。.我嗌咗一碗豬腰粥同埋炸兩，阿K就嗌咗白粥同炒麵(佢真係慘，仲係冇乜胃口)。碗白粥就整得好綿，以粥嚟講係上品。炒麵味道啱啱好，味唔會太濃，適合冇乜胃口嘅人食用。炸兩就對辦，腸粉包住仲係脆卜卜嘅油炸鬼，配合埋甜醬一齊食，確係寧舍唔同嘅中式早餐。豬腰粥就有啲怪怪地，啲豬腰仲有陣“壓”味，好似仲未洗乾淨，啲粥水還水、渣還渣，唔合格。記得上一次嚟食嘅豬潤粥就好得多。價錢十分經濟，一碗豬潤粥都係得十八蚊，炒麵同炸兩各四蚊。不過食完之後我同阿K都有少少肚痛，所以我建議腸胃冇咁好嘅嚮度食就要小心啲。

卓記是我從很少的時候便開始吃了. 這個由大排檔移入舖頭, 就好像昨天才發生.這裏堂食的話, 我想沒有什麼地方再便宜了. 我最喜歡吃炸兩, 白白的腸粉夾著脆脆的油條, 如果是剛剛做的, 更好吃. 炸面看上去很油, 但卻百吃不厭. 還有, 艇仔粥及牛肉粥. 艇仔粥裏面的花生很脆, 這個不知是如何做到的. 家裏的放多一天, 便很難吃. 魷魚\\\\\\\\\\\\\\\"蘇\\\\\\\\\\\\\\\"很脆, 生生地不錯. 牛肉粥裏的牛肉外層好像包著米粉? 很特別? 但我很少堂食, 總是沖沖的走過, 沖沖的離去. 如果, 冬天的話, 或許\\\\\\\\\\\\\\\會堂食.