影片
招牌菜
I see a lot of good comments here... but i was VERY disappointed with the food...ALL of them are way below my standard... or simply i choose thee wrong kind of food...This shop is small and just one of the local area shop... the bosses... (i think they are couple) are very nice, chatty and friendly...They have many different kinds of food to choose from...but i am sorry i didn't like any of the food there... sorry~ not my cup of tea...
繼續閱讀
是日時間好趕，成 2 點先差唔多食得飯，黎到佢已經無哂人執哂野咁，驚佢已經收左爐。問佢有無野食，佢話仲有，最緊要係你啱食，哈哈，呢個老闆娘好好呀。套餐有成十款選擇，應該日日都係咁上下，最後要左個蝦羔炒飯。飯未黎佢就俾左一大碗湯我先，仲同我講話呢碗湯下火喎! 哈哈，我個樣好熱氣咩! 其實飲左我都唔係好飲得出係咩湯，不過個湯夠清甜，幾好飲，而且非常大碗!等左一陣個飯就黎左啦，嘩，感覺幾大碗下，唔知食唔食得哂呢。賣相唔差，有隻炒蛋係上面，不過側邊幾條菜就好似HEA左少少 XD。個飯炒得好香好濃味，唔散乾身，不過感覺唔係好多油。而且都算幾多料，有好多雞肉，切到一粒粒，不過有D食落口感覺粗糙左少少，即係好唔滑既感覺。加埋炒蛋幾好味，可以調劑下D鹹味，最鍾意食個D帶少少甜味既臘腸，非常惹味。食完再慢慢飲埋碗湯佢，個段時間完全無人騷擾，可以慢慢睇下電影咁，係一個食LUNCH既好地方。感覺佢夜晚都唔錯喎，搵機會試下先。
繼續閱讀
封筆良久，過去一年轉變極大且工作繁忙。不過二月來了，虎年亦快將來臨，小弟也是時候重出江湖要寫下食評了！自上年九月新工上任後，大部分時間都會出沒於薄扶林和西營盤一帶，所以對本區的食肆可謂瞭如指掌。其中泰國菜在本區也算是選擇不少，由西邊街到第二街，泰國餐廳也有四、五間，要數有質素及實惠的非華昇莫屬也。九月到現在光顧次數可以說是數之不儘。午市套餐和晚市套餐都是約有十款選擇，價錢分別是$26和$28，只是兩大洋之差和多碟菜而已，另外還是其他特色炒粉麵飯都只是$35左右。是晚與友外賣了火車頭炒飯($28)和香葉肉碎炒飯(加辣)($35)回公司吃，各連例湯及菜。火車頭炒飯有豬肉、芥蘭、車厘茄，用料十足，甚有鑊氣。至於香葉肉碎炒飯則香辣惹味非常，好辣人士記得跟老闆娘說要「加辣」，包你回味無窮。晚餐每人約三十元有菜有肉有湯，實在是超值。不過如閣下對泰式煮法的海鮮有興趣的話，堂食也有很多選擇，但大家最好預早訂位，因逢五六日這裡都極度旺場的。
繼續閱讀
筆者出身草根，自少只知 "石頭飯" "懷石料理" "石燒" 等菜式就代表貴野!!平價版本就是韓式鐵板燒，印象中就是好多前菜，好大油煙，用埋非常"痴"底難搞今次咁短時間於相同鋪頭寫食評，因為老闆 call 話試新野，(個老闆真係好鐘意試新野)，佢話買左幾塊石板，可以玩韓式石板燒，ok!! 一行八人就試下新野!一去到就見到塊石板，原來可以直接放於 Gas 爐上面用! 不過要先上油，感覺幾好玩! 不過食味唔知點? 用一般用火燒或者鐵板又有乜唔同???老闆幫我地安排左生蠔! 鮑魚仔! 魷魚仔! 豬頸肉! 羊肉片等做開始!一開始石板烤肥牛! 正~ 勁快趣又惹味! 但油煙比想像中少左 dd~~~再黎試羊肉片同豬頸肉! 好味~ 以前經驗韓式鐵板好易一放肉落去就 "痴" 實晒，除非落好多油落去，原來用石板唔洗咁多油又唔會勁"痴"底，同行友人一邊食一邊話好玩! 同埋 d 食物燒出黎食都仲可以保持好 juicy! 肉類唔會燒到乾爭爭。跟手又燒 d 海鮮類試試~ 石板燒飽魚仔同生蠔都係第一次試，Keep 到好鮮味!連 d 魷魚仔燒出黎個心都好鮮甜! 好好味~再黎再燒串燒、帶子、茄子、大蝦 (可惜個個已經掛住食! 無人影相~~~)最難得老闆一早準備好一個燒汁，好多食物可以一邊燒一邊上汁，更加惹味! 今次大家食得好開心，而且好抵，埋單為番一人百二蚊，假假地都叫做石燒，仲想點???
繼續閱讀
之前同美女朋友放工之後到西環食糖水跟美女到了西環後，她發現很近蝦多士的這店，二話不說的便拉我來了!門外看真的不起眼 坐到裡頭即刻叫了兩客蝦多士老板娘還認得我的美女朋友呢第1次吃的稍燶但可以接受金黃的麵包上有著原隻的肥美大蝦不禁要說句：好好味啊!最近前幾天又和朋友食飯，立即想到這裡試其他菜兩個人要了泰式炒金邊粉、菠蘿炒飯，蝦多士，青檸梳打等的時間老闆娘送上兩碗湯，不知是什麼湯，但 - 意外的鮮甜! 金邊粉酸酸辣辣的 旁邊配備了花生、辣椒乾、青檸和砂糖不錯啊~還有生菜，吃了這些炒飯實在吃不下了吃了幾口配料很多，很好吃，不想浪費便打包走了友人也說這店的食物很不錯! 尤其係蝦多士~~
繼續閱讀