半熟工房 The LOHAS (已結業)

我一星期前預訂100件蛋糕同撻，跟預訂時間到店取貨時店員話有30-40件未預備好。我地要求將未預備好嘅蛋糕退款，佢地話網上訂單做唔到退款，然後匿埋喺廚房唔出來要我地等。我地打電話俾客服話已經聯絡店長將未準備好嘅蛋糕退款，即係其實做到退款但佢地唔退！一路拖話就嚟得就嚟搞掂，迫我地等佢準備好啲蛋糕，拖咗40-45分鐘，我地訂咁多件係喺party用，佢地咁樣搞到我地大失預算，啲人喺度呆等。店長店員極不負責任，唔解決問題，投訴都唔知搵邊個，我地一星期前已經預訂，如果做唔到其實可以電話/email聯絡我，但冇！如果大家要訂cake, 千祈唔好搵呢間！！！

忙完一輪，睇睇手錶已經係3點幾，去【半熟工房】食件半熟流心芝士撻（$16）做下午茶都係唔錯嘅選擇🧀 芝士控又點可以錯過咁好嘅機會！店舖另外仲有朱古力味🍫抹茶味🍵 撻同埋其他芝士蛋糕細細件價錢又唔貴，係散水餅人氣之選👍🏼📍半熟工房 The LOHAS (將軍澳)將軍澳康城路1號The LOHAS3樓314號舖

佢哋切件蛋糕大概$30/件。見到忍唔住買咗幾件。叫咗一個bueno蛋糕，一個普通芝士蛋糕，同埋一個藍莓芝士撻。普通嗰個芝士蛋糕，芝士味好淡。應該係話佢比芝士撻淡，但係如果淨係食個蛋糕嘅話，都有芝士味嘅。覺得個芝士蛋糕普普通通，蛋糕方面，鬆軟。藍莓芝士撻，芝士味極濃。芝士好軟滑。食到停唔到口。覺得可以一個人食六建都冇問題。又唔會好甜。可以品嚐到芝士本身嘅味道。至於個bueno蛋糕，真係覺得自己食緊繽紛樂。中間有啲 whipped 棉花糖。同樣唔會太甜。好好味。

記得當年一興起半熟芝士撻 周街都係排隊店 但係過左咁多年之後 我諗到仲有半熟芝士撻既地方 只有呢間😚😚今晚食完飯有啲唔滿足 所以想買個芝士撻甜一甜 依家要16蚊一個 不過感覺同幾年前既價錢差唔遠 賣相好靚 有種簡單美既感覺 拎上手仲有微微熱既感覺 一咬落去 比起忌廉芝士 撻皮既牛油🧈香即刻湧出黎 同埋好脆 好易碎晒 係街食就要小心啲😅 另外佢既芝士味道非常rich 奶香味好重 最重要係中間十分流心 呢樣應該就係我地追求既半熟👏🏻👏🏻 應該隔一排又會想食😂

康城餅舖林立，平日經過冇特別想買。今日發生一些不愉快事，於是想用甜品撫慰心頭愁緒。半熟芝士tart，單純牛油tart底香氣濃郁，如同曲奇餅一般。芝士內餡入口即融，最佳之處甜度剛好，不覺得漏，是少有的可以來多件的甜品。配搭外皮的鬆脆，內餡質感如夢幻般絲滑。這是平凡人生可以確定的小幸福。網紅/IG盛行年代，連鎖店似乎不值一提。方便好味，連鎖又如何？樓下就腳，拎一盒返屋企。一人一件，快捷。熱賣商品芝士小蛋糕未試，好期待。