千金火鍋 (已結業)

新年凍冰冰，梗係要食返個打邊爐，暖下身😆😆😆揀咗間銅鑼灣單點火鍋，可以電話book位，餐廳是日式設計，座位非常寬敞，坐得好舒服👍👍👍我們揀選了精選湯底雙拼招牌泰式冬陰功 + 黑白胡椒豬肚湯大大力推介招牌泰式冬陰功，仲好飲過泰國餐廳，色澤全紅，湯味馥鬱可口，酸酸辣辣又特別開胃還配了一隻大頭虎蝦，提議大家可以每人飲一碗湯先再打邊爐🤤🤤🤤本地牛坑爪牛味重，雖有脂肪，但不如坑腩般肥，並無油淋淋感，非常新鮮有咬口。手打四寶丸 鮮鹹蛋黃豬肉丸、自家手打蝦丸、手打和牛丸、招牌粒粒墨魚丸 ，一共有四款比你試齊晒，手打丸又彈牙，又有咬口，全部新鮮製造不加味精。千金四式餃和牛餃 韭菜餃 芫荽餃雲吞皮薄餡靚，四款口味各有不同，大大滿足。墨魚油炸鬼中式油條切成合適長度，再加入墨魚膠，喜歡其彈牙的口感及鮮甜的味道。羊肉片肥瘦比例極佳，肉質嫩滑羶味少，羊肉控必試！

朋友仔推介這間銅鑼灣新式火鍋店，非常之近地鐵站， 2分鐘便能到達，湯底種類繁多，湯底又非常之多嘅選擇，最後我們選了胡椒豬肚湯 + 招牌泰式冬陰功 喜歡飲濃湯的，我們揀選了這兩個比較重口味的湯底，胡椒豬肚湯又化痰健脾，入邊仲加了雞腳，增添鮮味。千金四式餃和牛餃 韭菜餃 芫荽餃雲吞有我最喜愛的芫荽餃，香濃芫荽配上新鮮嫩滑豬肉，香氣四溢，一啖一口，清香脫俗。雲吞非常有傳統風味， 十分愛吃。本地牛坑爪 帶有脂肪，肉質軟腍，肉味濃。手打四寶丸 手打和牛丸、招牌粒粒墨魚丸鮮鹹蛋黃豬肉丸、自家手打蝦丸全部遠都是自家製的，既新鮮又爽口。墨魚油炸鬼油炸鬼香脆可口，釀入口感彈牙的鮮蝦墨魚滑，. 咬一口脆卜卜，鬆脆香口yum yum 羊肉片重羊肉味，肉質鮮嫩。

千金火鍋新裝環境幾靚，卡位闊落坐得舒服，menu多選擇多配料，價位正路唔貴。招牌椰子雞湯， 用上三黃嫩雞，用原個椰子肉，椰子水再加雞煲到出味，湯頭夠香帶椰子味，非常清新，雞肉幾嫩。墨魚油炸鬼即叫即炸！外層非常香脆但又唔會食到成口油，內層夾雜住墨魚滑，添帶d口感！再配上甜辣醬，幾夠惹味。手打丸，堅持自家製手打唔入現成貨！ 和牛丸咬開好juicy幾夠濃味！質夠夠爽又彈牙，梅菜王豬肉丸梅菜味道幾突出，墨丸咬起黎質感夠多，還食出粒粒既層次。豆腐紙平時比較少見，輕輕在湯放1,2秒就食得，豆香幾夠清香，薄薄一張吸了湯後變成腐竹般一樣，幾推介！ 本地牛腩心用了騸牯牛，所以味道更香更濃！雙飛切法令口感層次更豐厚，色澤紅潤帶油花，份量幾夠多，食原味已經好夠牛香，本地靚牛真係唔同d.竹蔗茅根清新爽甜，而且甜得自然夠解渴，餐廳還有多款啤酒，high ball其他飲品，非常多選擇。

銅鑼灣廣場二期全幢都係食店放題多，今次食左一間單點火鍋店，入店前我係度諗：「樓上樓下都有火鍋任食，究竟點樣生存到？」食完之後，質量勝於數量。本地封門柳 $288/例呢家餐廳所提供既牛肉大多數都係來自本地牛肉，新鮮程度一定媲美空運入口牛肉！牛肉之中就係最鍾意封門柳，因為牛既味道係咁多部位之中最濃，而且油花少冇咁肥，簡單落鍋3-4秒即刻呈現粉嫩狀，非常惹味。手打四寶丸 $98牛丸、豬肉丸、蝦丸、墨魚丸，手打程度每粒都非常彈牙有口感，而且各款味道都夠曬濃郁。千金四式餃 $98四款餃子各有千秋，但最吸引都係皮夠薄，食出每款菜/肉既質感。豆腐紙 $45第一次食豆腐紙，必叫選擇！薄薄一大塊放入鍋裡就會摺疊，但摺疊一起食落去非常吸收湯底味道，而且仲比普通豆腐更加有層次感覺。墨魚油炸鬼 $48火鍋前小食，淨食既口感非常香脆仲有濃郁既墨魚味，輕輕一放火鍋油炸鬼又吸收湯底味道都非常一流。唐生菜 $38黑柏葉 拼鴨血 $78#千金火鍋📍銅鑼灣駱克道463-483號銅鑼灣廣場二期8樓

團年飯想打邊爐 上網揀左一輪決定試下幾多人讚嘅千金火鍋平日晚都勁旺場 真係要提早訂枱穩陣啲瑤柱金華火腿冬瓜湯 拼 秘製香濃沙嗲淨係湯底都有成廿款 搞到有選擇困難症沙嗲好濃好香花生味 用嚟煮牛肉一流鍋底本身有腐竹同鴨血 估唔到鴨血同沙嗲都咁夾手切本地騸牯牛爪底呢度專賣騸牯牛 仲有好多唔同部位揀老闆推介我地試下牛爪底 真係好好味喎脂肪位肥美 肉味濃 咬落勁香 加埋沙嗲湯底真係無敵三黃雞真係比平時啲雞黃啲 睇雞皮已經好唔同食落肉質幾腍幾滑 雞皮好香 真係雞有雞味手打四寶丸包括牛丸 豬肉丸 蝦丸 墨魚丸 全部都係鋪頭手打夠新鮮墨魚丸超彈牙 豬肉丸加左梅菜又幾好味喎白鱔片平時好驚食鱔片會有骨 但呢度處理得好好肉質好爽 鱔皮彈牙又冇泥味 正！豬膶拼黑柏葉內臟有好多款有啲仲比較少見嘅 好好可以雙拼豬膶有淡淡薑味 厚切但食落好嫩滑唔腥黑柏葉好爽口彈牙貢丸拼魚皮餃水準都唔錯自家現炸金響鈴炸得好酥脆 腐皮本身用料靚豆味重 用嚟索湯食勁好味自家製竹蔗茅根好清甜足料 打邊爐怕熱氣最好飲番杯今餐食得勁滿意 好彩冇揀錯！

最近天氣冷 真是天天都想吃火鍋來到銅鑼灣廣場的千金火鍋一來到門口就見到金碧輝煌的擺設果然貼合主題「千金」呀選了沙嗲鍋拼瑤柱冬瓜湯沙嗲鍋底好香濃 裡面有嫩滑鴨血 幾特別瑤柱冬瓜湯味道清甜 打邊爐前可以先喝一碗手切本地牛爪底千金火鍋主要售賣本地手切黃牛騸牯肉味真是無得頂 肉質也比較柔軟放到沙嗲湯底煮一煮就吃得手切本地牛胸油這個相當抵食 如此大碟才不過128吃起來非常爽口又甘香白鱔片火鍋最愛的鱔片 夠新鮮份量也不少自家現炸金響鈴一層一層卷得紥實 炸得夠鬆化吸收沙嗲湯和牛肉精華 推介！

以前鍾意出街幫襯火鍋店，近幾年就喜歡約一班朋友上來，自己動手買海鮮、切牛肉，大搞豪華港式火鍋。今年入冬以來未打過邊爐，碰巧近幾日又有冷峰襲港，一於同老婆阿女出街打邊爐。揀了這間位於銅鑼灣中心地帶的【千金火鍋】，原來旁邊就是幾個月前曾經光顧的【萬丸燒肉】，並且由同一個老闆經營；記得【萬丸燒肉】的質素不錯、定價合理，即刻對今晚的火鍋充滿期待！裝修簡單，同其他火鍋店差不多；走中高檔路線，室內用餐環境乾淨企理。勝在空間寬敞，餐枱沒有佈置得很擠迫。火鍋配料選擇相當齊全，唯海鮮款式供應並不穩定；雖然餐牌上列出多款海鮮，但就並非每天都有供應。最大賣點一定係手切騸牯黃牛，差不多講得出的部位都有。同其他火鍋店一樣，也有美國安格斯小牛排及A4宮崎和牛，但手切本地牛肉款式實在太多，安格斯牛及日本和牛只是配角而已。每間火鍋店都有秘制湯底作為賣點，【千金火鍋】也沒有例外。雖然大大張海報推介極品招牌花膠濃雞湯，但今晚目標主要係食牛肉，揀了千·金香濃牛骨高湯（$148）相輔相成。千·金香濃牛骨高湯（$148）每日用新鮮牛筒骨、脊骨及胸骨為主，配合其他材料熬煮而成。熬成濃湯後隔走油份才作為火鍋湯底；目測牛骨高湯清澈，

銅鑼灣區抵食之一 散叫 質素中高 平民火鍋價 火鍋刺身 有平有貴 豐儉由人 合理之選 牛肉款式多新鮮刀功紮實 用心出品 加拿大象拔蚌、時令游水活魚、特色刺身拼盤、時令海膽、日本池魚王。刺身款式選擇多 總有一款睇得上眼 視覺與味道之衝擊

第一次黎呢間火鍋店打邊爐，食材質素唔錯。首先湯底選擇多，但我地揀咗招牌花膠雞湯，雖然未去到湯底好濃郁，但花膠大大件有厚度夠晒誠意，雞肉鮮甜嫩滑。最令人驚豔嘅係蟹黃包，外貌似小籠包但裏面是滿滿的蟹肉和蟹黃，十分足料且鮮味無比。打邊爐當然唔少得牛，想試多幾個部位嘅我地叫咗本地手切牛四點，有牛頸心、牛邊爪、牛腩心同牛坑爪，四個部位味道質感不同，特別喜歡牛邊爪，油花比例最正肉質最軟嫩，其他的相對有咬口。海鮮方面點了蘇格蘭特大蟶子，大大隻肉質爽彈且鮮味濃，馬刀貝都唔錯同唔覺有沙。另外丸類餃類都相當出色，尤其墨丸蝦丸食得出真材實料，十分Q彈仲有粒粒墨魚肉蝦肉，牛丸同梅菜豬肉丸都係新鮮剁製，大家都讚好。本來見佢地餐牌無甜品，但最後送咗幾粒雪米糍，細細粒但總有個甜點作總結，非常滿足。總結呢度整體水準之上且有不少驚喜，推介！

雖然夏天熱辣辣，但作為一個正宗香港人點都係有個邊爐癮。所以就叫埋朋友去銅鑼灣試下新開嘅港式火鍋，千金火鍋。餐廳位於銅鑼灣廣場樓上鋪，環境闊落，坐得舒服，充足嘅冷氣唔洗驚熱親。湯底有好多選擇，朋友想試啲簡單啲嘅湯底，所以點左胡椒豬肚湯同經典嘅沙嗲湯底。食物方面，友善嘅侍應表示佢哋招牌邊爐料有手打丸同埋手包餃子，同行朋友就決定點手打四寶丸，和牛餃併韭菜餃。手打四寶丸：四寶有墨魚丸，蝦丸，港式梅菜豬肉丸同和牛丸。其中墨魚丸同蝦丸都非常有驚喜，絕對係近期食過最好味嘅手打丸，大大粒得梨Q彈得來帶爽口，無渣，very good。炸金響玲：店家自製嘅炸響鈴，送到上枱嘅時候擺隻手喺上面仲feel到浸熱氣，勁新鮮。落湯3秒就食得，份量充足，好大舊，每人三舊已經都好飽。春芥蘭：點左春夏先有嘅芥蘭苗，食落爽口，份量亦足大腩包：千金主打手切牛肉火鍋料，今日就點咗肉味香濃嘅大腩包，食落有少少似牛板腱嘅感覺，肉味好突出，但不肥膩。店員服務態度親切友善，環境亦舒適，同場亦有其他食客食生日飯， 店員都好開心咁一齊唱生日歌，下次可以叫多幾個朋友訂位一齊嘆舒服邊爐。

今日同啲fd行完山，跟住順路去銅鑼灣打邊爐，之前喺社交平台見到介紹呢間火鍋，見到影出唻環境同食物都唔錯，所以一早訂位。去到見到環境闊落，裝修舒適新淨，我地好早到咗，所以客人唔多，因為我地有7個人，經理同我安排咗一個原本係vip房俾我地，但係大廳冇乜人，所以佢拉開咗隔板，話咁就唔使收我地最低消費，服務體貼細心。呢度最出名騸牯牛，而且有好多唔同部位，所以係我地重點要叫嘅食物。我地有人食辣有人食唔辣，所以叫咗兩個鍋，而我就係食辣嘅，佢個四川麻辣鍋湯底味道濃郁，有麻香味有辣勁，比一般唔係專食麻辣火鍋店嘅麻辣湯用料十足。佢首先唻咗一啲海產類同內臟類嘅食物，黑栢葉同珊瑚蚌都新鮮爽脆，完全冇雪味，牛骨髓都鮮味十足，雲吞同韮菜餃都係用人手自家製， 餡料新鮮足料，手打牛丸同墨魚丸亦係必食推介，牛丸充足肉汁口感札實，墨魚丸食得出係人手用新鮮墨魚自家製，食到一粒粒新鮮墨魚肉唔會好多粉嘅感覺，主角牛肉亦係萬眾期待，牛頸脊口感軟滑肉味豐富，封門柳亦係肉味濃郁脂肪分布平均，抓底油份比較重口感更加軟熟。整體所有用料都感覺店家 用心挑選製作，誠意畀最好嘅食物客人品嚐。經理亦都好好人送咗兩個小食畀我哋， 兩個小食都好好

同朋友食飯，三個人唔知食乜好。係openrice 搵下搵下，畀我搵到呢個千金，訂枱時有兩款優惠揀，一個係九折優惠，但要指定時間埋單。另一個係騸牯牛套餐。考慮過都揀套餐穩陣啲，同可以食耐啲。當晚齊人後，經理同我地介紹個套餐，幫我地揸主意揀咗頭盆一客脆炸和牛餃子，另外二客係A5和牛刺生。朋友怕食生牛肉，我話唔得咪焯一焯片牛肉。咁我就試吓好唔好食。果然真材實料，如果唔係一定唔感畀客人生食。夾起片薄薄嘅牛肉，加少少洋蔥再點專用調配香醋，放入口醋嘅醒胃香味已經加分，當牛肉貼到條脷時即刻化開，因為片肉夠薄，所以牛肉唔係好濃味，再加上爽口嘅洋蔥味道好夾，一絕！炸餃子都好脆，肉味香濃，但我個人鍾意刺生多啲。睇番鋪頭介紹本地騸牯牛，即是閹割的黃牛，牛味濃、脂肪比較多。但每日產量只有十幾隻，加上不少部位都需要有經驗的師傅小心處理，所以市面食店唔常見。當晚我地食嘅牛五點，包括牛味最濃的封門柳、油花適中爽口帶筋的牛坑爪，軟滑牛邊爪，牛頸心、牛頸脊每個部位都有佢的獨特滋味。至於落足心機的湯底亦是店內另一賣點。濃厚鮮甜牛骨湯底。職員細心提我地記得飲多啲湯底，之後佢先加湯。唔知係我哋細食？定係啲牛肉底食，成晚只係食

超鐘意食牛肉打邊爐呢間d牛肉超好味🤤🤤🤤我個人最鍾意牛頸脊 好滑👍🏻👍🏻👍🏻佢仲有好多特別嘅部位食 牛胸油係好爽滑既牛邊爪好有牛味 有少少筋 金錢展就係好有咬口個d口感胡椒豬肚雞湯底都好味我覺得第一次食真係試廚師推介既食物比較好個墨魚滑都好彈牙😍😍今次我地四五個人食 食咗勁多牛 同埋龍蝦 池魚刺身晚餐都係每人500幾 仲要超高質 食左4個鐘如果唔食刺身 又會再抵好多環境幾好 地方大 又唔係好吵同埋d卡位都好大 又有房打邊爐最怕地方細🫢🫢🫢平時做飯堂 或者朋友慶祝生日都無問題仲要銅鑼灣地鐵站上面就係 非常方便❤️會再食啊值得一試

千金火鍋（銅鑼湾）這間火鍋位於銅鑼灣廣場二期，交通方便， 裝修新穎高雅，卡位多， 坐得非常舒服。1.蕃茄薯仔牛腩鍋拼豬肚湯：番茄味濃，薯仔鬆軟，湯有很多牛坑腩， 非常足料。 豬肚湯底湯味濃而清甜， 內有很多鹹菜和爽口的豬肚，口感一流。2.手切牛肉本地牛頸脊：伴碟非常美觀，一條一條整齊地排列着，牛肉色澤鮮紅 ，脂肪分佈平均，吃起來肉質非常嫩滑，而且有濃郁的牛味， 水準高。3.四寶丸：包括有牛肉丸、豬肉丸、蝦丸和墨魚丸，各種丸類非常新鮮，而且全部店鋪自己手打， 虾丸鮮味，墨魚丸爽口，豬肉丸 多汁，全部吃起來彈牙爽口， 令人回味。4.牛柏葉粉腸： 牛柏葉新鮮爽口，豬粉腸製作非常乾淨 ，口感煙韌， 非常特別。5.豆腐紙：第 一次食豆腐紙， 豆味香濃， 放在湯中浸一陣便可食用，吸收了湯的精華，但不會蓋過豆的香味， 很特別。6. 墨魚油炸鬼： 油炸鬼炸得非常香脆， 吃起來卜卜聲 ，墨魚非常鮮甜 ，兩者配搭起來，非常合拍。

位於銅鑼灣鄰近地鐵站千金火鍋🍲🤩今日3個人黎試吓新餐廳。環境裝修得好乾淨，以金黃色為主色，座位都好闊落。餐廳主打本地手切牛肉，仲有好多唔同類型嘅鍋底🤤佢嘅丸類都好出色，聽講係每日自家製手打出嚟。配埋純米大吟釀 name: 梵Gold 🍶充滿果香味，好易入口，完美🥰