千金火鍋 (已結業)

搵過銅鑼灣好少有任食嘅打邊爐，所以嚟咗呢一間有得任食雞煲同埋打邊爐嘅放題我哋揀咗個B餐有手切牛肉同埋刺身送佢寫話係食兩個半鐘然後兩個鐘就last order 跟住佢俾咗個QR code然後打咗個交叉話而家用紙落單😂👌🏽首先佢俾咗個刺身，正正常常，個帶子幾好食但係我等個雞煲足足等咗差唔多九個字先嚟😅😅😅期間仲叫咗啲小食但唔知點解會無啦啦未叫就比小食我係咪想快啲執飽人個胃？喺嗰九個字入邊我見到遲過我哋入嚟嘅人都已經有雞煲，咁我就問啲職員點解咁耐？佢唔係去廚房了解㗎喎，佢直接一句勁大聲:得㗎喇！廚房整緊啦！個人認為態度極之惡劣！我然後真係等到有啲唔耐煩，我冇叫嘅小食都已經比我食埋😅😅我再問多次職員過咗半個鐘啦喎，點解仲未有雞煲？然後佢即刻見到有個同事迎面行緊過嚟，佢問過同事雞煲有未呀？個同事啤一啤我，然後又係話廚房整緊結論我個第一轉嘅雞煲九個字先嚟！仲要一次過出咗5煲😊真心未試過食一間餐廳可以九個字先比一雞煲然後個師傅行到過嚟，佢問我：你係咪叫咗唔辣㗎？我心諗，根本落餐嘅時候個職員都冇問我食唔食辣或者食幾多辣😂然後我同佢講：冇人問過我辣唔唔辣，不過我食辣！然後佢就諗都冇諗到就擺咗個雞煲落嚟走

因為上次新年上黎冇book枱，冇位食唔到比佢大大個掛係到嘅餐牌寫手切牛吸引左咁啱清明放假路過就去食一開始問個職員有冇紅日加一佢話冇咁我都覺得幾好因為好多餐廳公眾假期都會再收多錢咁我同男朋友就決定去食即刻已經可以入坐滿懷期待入去食點知呢個就係惡夢嘅開始入座率不足五成，一半人都冇，得4枱客就咁睇佢出面個牌以為好多食物種類點知埋到位到為先發現原來呃人嘅柬左個b餐$398有好多嘢食都無左其實已經覺得少貴，通常呢個可以食到更加好一入到去佢就話有刺身食，上左個刺身先大約等左15分鐘，左望右望睇下餐牌先上菜中間職員俾左四張點餐紙，一張白色3張黄色白色係無限任食小食黃色係無限任食火鍋配料已經好多年冇見過火鍋店係仲用點餐紙🤣覺得幾特別，好有懷舊味道仲興奮左一下飲品方面都係中規中矩有白桃烏龍茶：正常無糖茶竹蔗汁等等嘅茶包茶罐裝飲品 ：有好多芒果荔枝玉露，我見雪櫃有加入其他野泰國飲品紅酒白酒清酒最特別係有王老吉✨️最特別一定要講就係，個雪櫃係臭嘅，似壞咗嘅食物，因為雪櫃經常開山，最底個層已經積哂水，好核突，全程都冇人去處理呢度就開始黎料餐牌講嘅小食黃金蝦 冇手撕雞 冇炸金磚豆腐 冇反而有個芝士黑松露蝦同三文魚

book左枱準時到。。一來係門口叫你選set...問佢餐牌係邊。。舉手指指幅牆。。跟手又問你要咩湯底。。其實可唔可以比客人坐低睇下先選呢。。都係選個a餐。啲野好普通。。服務又一般。。咁既價錢。。唔會再試

門口staff同經理態度都好差…未入去已經成肚氣，問佢哋幾時有位竟然係反問返我：「你見到有人走咩？」然後唔理我哋，淨係問遲過我哋嚟嗰台客食咩餐。最後等咗1個半鐘，先同我講一開始講嘅預計入座時間唔可以作準。世界級 食物質素如何我評價唔到，因為到最後都係無位比我哋，但態度真係好差。一心想返工開開心心同朋友食餐飯，點知未入去已經成肚氣。都好嘅，無得打邊爐都叫有嘢落肚，諗番轉頭可能都要多謝呢位staff同經理等我哋有嘢落肚😀

响openrice見到, 決定一試, 立即致電訂位, 除夕火鍋每位附加$30, 因為想食本地手切牛肉,所以選擇價值$398/位嘅B餐 用餐時間150分鐘,坦白講真係無下次, 員工態度有待改善,1730進場, 入座率不足五成, 有小食有雞煲有刺身, 上菜速度都正常,但手切牛肉上得非常之慢, 我哋係要停哂手等好耐, 好難想像如果人多嘅時候,枱枱都落手切牛肉單情況會點,兩個人埋單差不多一千蚊, 市場上質素更好及有更合理嘅選擇.

凍冰冰嘅日子同幾個朋友去左銅鑼灣食雞煲+刺身船+火鍋😆😋第一樣到嘅係前菜~1. 皮蛋2. 流沙黃金蝦3. 泰式鳳爪*其實仲有好多其他選擇，不過我地冇試晒😂要留肚之後就到雞煲啦，好多洋蔥🧅好多雞(啲雞係多雞肉嘅，唔係多雞皮😆)個雞煲真係好足料，食完都飽左6成😅雞煲差唔多食完之際，店員就拎左個超大嘅刺身船岀黎🚤每一樣刺身同海鮮都好新鮮！👍🏽真心正🩵有蟹(with膏🦀)，蝦🦐，希靈魚，三文魚🍣，帶子，魚刺身同鮑魚再過多10分鐘左右，個火鍋(鴛鴦鍋:招牌椰子雞湯，海魚豆腐濃白湯)就到，然後又黎多盤海鮮，今次係生嘅😂有鮑魚，蟶子，甲殼類🦪仲有啲手切牛都到啦🐄 每一樣餸都好新鮮，啲牛好嫩！岀面仲有得自助拎火鍋配料㗎！不過我地食到依段時間已經飽飽地，都冇乜拎配料😂由於小食係仼食，我地引唔住試多左兩款😂兩款係咁飽嘅情況之下都冇令我地失望👍🏽- 芝士松露墨魚多士- 鴨血依間除左價錢貴左啲之外，完全係perfect，食到超飽

天氣轉涼, 又是時間打邊爐, 本身對任食打邊爐的喜好隨着年紀越來越大, 和胃口越來越少, 已有所減退, 只是另一半然喜歡這種可以隨意選擇的飲食方式, 也就唯有順其意去選擇. 在港島區工作的她, 放工後銅鑼灣就成了任食火鍋的集中地, 這家火鍋和牛大人在同一棟商廈, 但不用等待, 而且除了火鍋外也有雞煲, 滿足了喜歡選擇的她. 任食120分鐘, 大約300多元, 算是正常價錢. 牛肉方面除了有安格斯外, 也少有以本地牛肉作為賣點, 比起用上澳洲或者日本和牛, 少些脂肪但牛味更濃, 而且打邊爐嘛! 少些油脂也會令到湯底更加健康和清澈, 也是一個醒目的舉動. 雞煲方面, 雞肉份量不少, 醬汁夠辣夠香, 只是有點偏甜, 另一樣欣賞的舉動, 是完成雞煲後會另外將打邊爐的湯底用另一個鍋奉上, 而不是直接將湯底倒進雞鍋的煲裏面, 這樣感覺乾淨得多之餘, 也不會影響到湯底及打邊爐時食物本身的味道, 這點值得表揚. 其他打邊爐菜式和小食就是一般, 若想滿足航天打邊爐的心態, 而想找一個地點比較方便的地方, 這裏不失為一個正常的選擇.

第二次去食，早四日打電話訂枱， 去到竟然話我冇訂過， 跟住死死地氣懶係執張枱畀我， 真係多謝你喎。一入到枱， 西口西面問我哋食咩餐， 你而家人多，爆場，就大曬。 揀咗b餐398 ， 仲要問我一個人食b 餐？ 我幾個人咁唔係應該幾個人都係同一個餐嚟㗎？ 咁即係可以一個人a餐一個人b餐一個人c餐咁揀？ 輪到食物質素， 所有食材 都非常唔錯， 任食手切肥牛， 海蝦又夠大隻， 包一隻刺身船都唔錯， 衰在有少少漏單情況， 又唔話畀人聽夠鐘喇截單， 到要追單又話冇得追！ 你話十分鐘要交枱即刻有人等緊， 到走喇出去 唔見有人囉 前後左右 都有枱嘅 唔畀人坐㗎？ 係得呢張枱興香啲？第一次嚟食嗰時成個場， 得三台人， 啲禮貌好到加01， 截單會同我地講， 問我哋仲叫唔叫嘢食， 今次嚟到， 野食係好， 但食左成肚氣！ 尤其是阿叔個經理， 冇禮貌到嘅一個點！

銅鑼灣呢一間任食嘅火鍋餐廳，一開始可以食雞煲，雞煲嘅質素好高，味道唔會好鹹，啲雞肉都好滑身，好惹味好開胃！而A餐套餐一開始就會有好豐富嘅海鮮拼盤，個人認為佢嘅聖子同生蠔都好值得食，而佢嘅大蝦都好大隻好新鮮。丸類方面一啲都唔馬虎，包括咗手工韭餃、手工鮮蝦雲吞、手工麻辣牛肉餃、手打香茜鲮魚丸、手打梅菜工豬肉丸等等，覺得佢嘅麻辣牛肉餃好好食，encore咗好多粒！而呢度嘅小食都好好食，芝士墨魚多士、泰式鳳爪、流沙黃金蝦等等，全部都好高質素好似單點咁！而呢度最最大嘅當然係佢哋嘅安格斯牛肉，包括咗安格斯牛胸腹、安格斯牛肩肉眼，亦都有黑毛豬梅頭、紐西蘭羊卷肉。肉質好新鮮，同埋都幾厚切，麻辣湯底非常惹味，辣到都好適合香港人口味！

今日黎到銅鑼灣，同朋友想打邊爐經過見到呢間火鍋店就決定試下😎麻辣雞煲這家火鍋店的麻辣雞煲散發著辛辣的香氣，令人垂涎欲滴。雞肉經過悶煮後，入味鮮嫩，搭配著辣椒和香料的獨特調味，每一口都能夠感受到麻辣的刺激與雞肉的鮮美。這道菜的食材新鮮，調味得恰到好處，給人留下了深刻的印象椰子雞湯拼冬蔭公湯椰子雞湯帶來了濃郁的椰香，而冬蔭公湯則散發著鮮甜的海鮮風味。這兩種湯底的組合，讓火鍋的味道更加豐富多樣。每一口湯底都充滿了鮮美的滋味，令人回味無窮。這道菜的湯底口感醇厚，食材新鮮，絕對是火鍋愛好者不可錯過的美食安格斯牛肩肉眼肉眼部位的牛肉切片鮮嫩多汁，入口即化。每一片牛肉都散發著濃郁的牛肉香氣，咀嚼時帶來的口感極為滿足。這道菜的食材新鮮，肉質細嫩，給人一種極致的享受生猛中蝦、廣島蠔、聖子這家火鍋店提供的生猛中蝦、廣島蠔和聖子是海鮮愛好者的最愛。生猛中蝦新鮮彈牙，鮮味豐富；廣島蠔肉肥美，口感鮮嫩；聖子則帶來了獨特的鮮甜風味梅菜豬肉丸、墨魚丸梅菜豬肉丸的豬肉與梅菜的結合，帶來了豐富的層次感和口感。丸子本身彈牙有嚼勁，梅菜的酸甜風味與豬肉的鮮美相得益彰。墨魚丸則以墨魚為主要成分，質地軟嫩，帶著淡淡的海洋風味，

首創任食手切本地牛肉，香港都有得食😳 連雞煲都係任食，包埋紅白酒任飲，一個價錢滿足你多個願望～環境 / 自助區 餐牌 有A,B,C 三款，分別在於有無手切本地牛肉及其種類，仲有海鮮選擇，我哋就試最平嘅套餐。 150分鐘任食雞煲 x 任食火鍋 $328起 每款套餐都包任食小食、任食雞煲及送一盤時令海鮮。未食得之前食住小食先！推薦芝士松露墨魚多士、胡椒豬肚卜卜蜆，份量唔馬虎，味道都唔錯，仲流沙黃金蝦、椒鹽魚皮等等。雞煲預設微辣，芫茜、洋蔥爆得幾香，雞件都有醬汁包裹住。食完雞煲就上火鍋，有8款湯底可選，款款都唔洗加錢，連椰子雞都有，但我哋還原基本步，食返HK style 沙嗲湯。轉火鍋之後，先上送時令海鮮，有海蝦、蟶子、魚片及沙白，雖然係送嘅，但質素唔錯！A套餐主打特級美國安格斯、牛肩肉眼、牛胸腹等。仲有紐西蘭羊卷肉、極・黑豬頸肉、極・黑豬梅頭肉、三黃靚雞、花雕醉雞。較鍾意佢嘅羊卷肉，羶味剛好。相反海鮮我係咁encore！特別係時令貝類，無沙又帶煙韌口感，自帶鹹味，encore咗3,4次，吊桶都唔錯。點少得丸/餃類，手工鮮蝦雲吞、手工粒粒墨魚丸都彈牙，除咗剔剔紙上面嘅選擇之外，仲有自助區嘅

「千金火鍋」位於銅鑼灣廣場二期8樓，位置十分方便。餐廳裝飾雅緻，座位很寬闊。提供三款套餐，成人每位由$328-$488不等，享有150分鐘任食火鍋及雞煲，時間十分充足，可以慢慢嘆吾使急。先自選一款火鍋湯底，如想雙併只需加$30提供點餐紙，可以無限追加多款小食、各款肉類及海鮮等。設有自助蔬菜吧，除常見蔬菜、菇類，更有多款少見菇類，其中花生芽菜最特別。餐後甜品雪條、雪糕當然吾少得。各款飲料包括酒精類都可任飲，基本上一般罐裝汽水，自家製庶汁、酸梅湯、白桃烏龍等多款冷泡茶都有。此外，更有紅酒、白酒、日本清酒等，選擇甚多。如果喜歡飲酒的話，單飲品都已值回不少票價。我們先選好套餐及火鍋湯底，店員會先上雞煲。雞煲超有驚喜，不單肉質鮮嫩，而且味道非常不錯，香料及醬料味道恰到好處，不會過咸過辣，很有水準。食完雞煲就可以改上火鍋湯底，我們選了麻辣。湯底夠麻香，並配有豬皮，越食越滋味。套餐每枱均奉送時令海鮮併盤一份。個人推薦必試手工餃子，尤其喜歡韮菜餃及鮮蝦雲吞都皮薄餡靚。安格斯牛肩肉眼、牛胸腹都高質。肉眼牛味較濃、牛胸腹較多油脂，各有特色。其他食材全部都很優質，性價比十分高，值得一試。

一到秋冬就好喜歡打邊爐既我, 今次黎到千金火鍋探店, 呢到真係唔錯,  又可以食到雞煲, 食完就即刻黎個熱騰騰的打邊爐, 我當然揀左鴛鴦湯底,可以試多啲唔同味道啦, 正! 叫左招牌椰子雞湯和冬陰公湯(加$30), 好香椰子香味, 冬陰公湯唔係好辣~呢度係任飲任食, 包括小食都係, 先叫左酸薑皮蛋同麻香辣鳳爪, 呢兩款都好開胃, 做前菜唔錯, 其他海鮮都係新鮮送到, 肉類叫左牛胸腹, 牛肩肉眼, 黑毛豬梅頭, 牛肉一樣新鮮有牛味, 即炸響鈴, 炸魚皮拾一拾就食得, 好脆~飲品和蔬菜的種類都很多, 可以自己去櫃入面拎, 估唔到仲有埋紅, 白酒, 連日本Sake都有, 岩哂喜歡飲酒既朋友~甜品就係雪糕、雪條又係任食, 因為都食到幾飽吓, 所以試左兩隻味既雪糕就算啦, 哈哈!

千金火鍋地址: 銅鑼灣駱克道463-483號銅鑼灣廣場二期8樓電話: ===================== 出去打邊爐任食,牛肉多是機切，因出餐量大，要快捷加強效率。千金火鍋卻有手切牛肉，只是這點已經要加分啦！晚市成人任食，收費是$398 一位，有任食小食，任食任辣雞煲，湯底8款。時間有150mins 椰子雞湯原個椰青水倒出做湯底，超清甜，另一邊是芫荽皮蛋先來刺身拼盤，有蝦三文魚，蠔，鮑魚等，很壯觀。小食推薦流沙黃金蝦、黑松露墨魚多士及麻辣小墨鬚，皮蛋同蜆邊爐配料菜類放了在冷櫃，飲品冷櫃同醬料也在同一個位置附近肉類海鮮有蠔，肉類有本地，手切牛，牛胸腹，牛肩，金錢展，黑毛豬梅頭豬頸肉，三黃雞同花雕醉雞，羊等等蝦，貝類，蠔（視每天供應不同）吊桶而我地叫架$398 仲有個海鮮拼盤用來打邊爐，大蝦，蟶子，蜆，魚同鮑魚，大滿足鴨血，白柏葉，午餐肉

又到了火鍋季節，天氣漸漸變涼，約朋友食飯當然第一時間就係諗到熱辣辣嘅火鍋。今晚立刻行動，去了銅鑼灣廣場II期一間火鍋店食放題。環境寛敞，大大張卡座，坐得非常舒服。麻辣雞腳，酸薑皮蛋…. 無限添加，味道不錯。先吃雞煲，辣得過癮，惹味。湯底揀選了椰子雞/海魚豆腐，兩款味道各有特色，有椰子飄香和魚湯嘅鮮美。肉類有牛，豬，羊，雞數款。牛肉眼最得民心，肉質軟滑，少許脂肪比例。海鮮非常新鮮，蟶子，蝦爽脆，蠔隻肥美，蜆鮮甜。調味品，菜蔬，飲料，全部自助，擺放得整齊衛生。其他如丸類，海鮮類，炸物…. 等等都係任叫任食。最後有幾款雪糕雪條，滿足！