千海水產海鮮火鍋放題

營業中

休息中

今次嚟到位於淘大嘅千海水產！店面非常之大，自助區位置大，有好多唔同嘅火鍋配料、前菜、小食、甜品、雪糕、飲品等，有好多唔同嘅選擇，仲有Tiramisu軟雪糕等，可以自己唧落雪糕筒！小食方面有小龍蝦、燒賣蝦餃等等，雪糕亦都有唔同品牌，例如Häagen-Dazs最特別嘅selling point就係佢哋有一個好大嘅即撈海鮮池，全部好生猛嘅海鮮，例如螺、青口、蝦等，全部即撈，再入去自己位煮，可以自己任揀海鮮、任撈、任煮火鍋，超有趣嘅Experience！海鮮區仲會不停不停補貨，不斷refill確保新鮮～火鍋亦都可以用QR code叫牛肉、乳鴿、廣島蠔等等，仲有唔同嘅炸物，例如芝麻雞翼等等，超豐富超多嘢揀！

二訪千海水產！2小時放題平日最貴$338+10%。海鮮任撈任食，全晚無限補貨。每次嚟見到嘅海鮮種類都有啲唔同。呢晚有鮑魚、花蟹、藍花蟹、大頭蝦、基圍蝦、草蝦、蜆。經歷過上次我就知蟹係最好食🦀。紅花蟹勁多肉，一隻起到一碟肉。個別爆多膏。不過當晚嘅藍花蟹真係勁鮮甜。各有各好食。蝦類嚟講目測大頭蝦🦐最受歡迎。勁多膏勁香，仲有啲係抱子。想食牛肉要嗌埋澳洲M5和牛、美國肩胛肉。自助區食物款式好多，有啲放題食品（炸乳鴿嗰種）係經QR code落單。杯裝Häagen-Dazs都係任食。今次又係食到最後一刻，因為食蟹真係太花時間🥹。如果食得多蝦蟹就建議揀3個鐘放題，或者食到差唔多先決定加唔加鐘。

最鍾意食海鮮嘅我今日就嚟到位於九龍灣千海水產海鮮火鍋放題。門口中央已經見到一個海鮮池，海鮮種類有好多選擇，無限量任撈任煮，選擇完之後店員好細心為我們清潔海鮮所以食得好放心，揀完海鮮可以到另一個自助區度攞食物，有前菜、海鮮、火鍋配料、熱盤、甜品、雪糕和大量特色飲品。湯底我哋選擇了椰子雞，味道好清甜。海鮮自助區有兩三款蜆、海蝦、蟹、鮑魚和花螺等，超新鮮好鮮甜。如果唔夠飽，仲可以用QR code落單，有幾款牛肉及豬肉，有美國肩胛肉、肉質好靚，顏色鮮明，牛肉味好濃郁。熟食有我最鍾意的燒乳鴿，肉質鮮嫩多汁。火鍋配料中的鮮甜螺片，脆鯇魚片、田雞脾、蔬菜、粉面、生蠔和丸類，超過二三十款，樣樣都好新鮮，生蠔粒粒都帳卜卜。飲品方面有清酒、熱飲、汽水、以及多款自家製的茶和珍珠奶茶等。食完好滿足！

呢間係香港討論區討論到極高嘅即撈海鮮火鍋 基本上每次過去都要排晒長龍🥰連朋友都話性價比超高‼️晚市最平$300左右就有交易 多款海鮮自己撈 鮑魚、三點蟹、卜蜆、白貝、羅氏蝦等等都有 保證足夠新鮮🤓除咗海鮮之外 呢度仲當然都唔少得過百款嘅肉類、火鍋配料同各款熟食，約埋成班朋友聚會，一定個個都啱食‼️-呢度主打每枱有一個小鐵桶可以出去水缸撈蝦夾蟹，夾好可以交低俾職員洗乾淨 拎個號碼牌 等一陣就可以拎返去打邊爐啦 全部都新鮮扎扎跳🥰有我鍾意食嘅三點蟹、鮑魚、羅氏蝦、黑虎蝦等🌹三點蟹大大隻，唔算好多肉，但蟹膏好鮮甜，隻隻都彈吓彈吓好生猛 大頭蝦爽口彈牙 濃郁蝦膏👅

第二次嚟千海水產打邊爐，今次再encore佢哋嘅椰子雞湯底🥥🐔，真係冇得輸！湯底清甜得嚟帶淡淡椰香，涮海鮮超夾～必叫招牌鵝肝多士，入口即化嘅鵝肝配脆多士，邪惡但忍唔住encore咗兩轉😋！海鮮方面，鮑魚依然係MVP，大大隻又彈牙，仲要好新鮮👍。不過今次啲蝦有啲跌watt，好多死蝦之餘，連蝦膏都冇，真心失望😩...好彩蟹挽回分數，鮮甜！拆肉食超滿足！ 熟食區同甜品區都keep到水準，食到飽晒都要食🍮～整體嚟講，性價比OK，但如果改善返蝦嘅質素就完美啦！ #千海水產 #海鮮放題 #火鍋控 #鵝肝多士 #鮑魚無限encore #死蝦扣分 #甜品救贖

慶祝大學好友升職🎊，請勁like海鮮嘅佢去【千海水產】實現海鮮自由🦀🦐!!!!餐廳環境藍色襯木色🥰，時尚格調。撈海鮮及自助區位置近門口集中，方便搵食👍🏻~🐔金湯花膠雞鍋真材實料👍🏻，鮮甜濃郁湯底，好滋補❤!!🦀海鮮區即撈即烚超新鮮🤩，多種生猛海鮮任撈任食🤤，不停補貨~有螃蟹🦀、草蝦、大頭蝦🦐，大蜆，鮑魚，蟶子等等……🦀蟹膏滿滿，濃郁甘香😋! 蟹肉鮮甜鮮嫩，超正~🦐大頭蝦肉質彈牙，蝦膏油香豐腴😍鮑魚鮮甜，肉厚柔嫩👍🏻🥓澳洲M5和牛鮮紅肉色，油脂均勻，入口軟嫩~🥓鹽燒牛舌爽脆彈牙，有嚼勁😋🦪川味燒鮮蠔肉厚肥美，滿滿蒜香味，好惹味👍🏻🐟蒲燒鰻魚入口軟嫩有油香😍，鹹甜風味，醬香濃郁~🌏環球自助區款式超多，琳琅滿目!!配料除左有多種新鮮蔬菜，丸類等，竟然仲有大隻生蠔、花膠及象拔蚌片🤩!小食區都不能睇少‼️蟹粥、燒腩仔、焗榴槤、蝦餃、小籠包等等~⭐焗榴槤一出好快會無呢，見到記得拎。🍦雪糕甜品區款式多多，而且仲有Häagen-Dazs雪糕，回本之選!!!💯大堆半熟芝士蛋糕，🧀芝士味香濃，入口輕盈軟熟。另外，黑芝麻慕絲及伯爵榛子蛋糕都唔錯呢😋~🥤飲品區有多款冷泡茶、果汁汽水🧋、生啤及任飲酒精飲品🍻~好友

今日嚟咗香港人氣嘅海鮮千海水產火鍋海鮮放題店食嘢哇有好大個魚翅啊，有各款直流先海鮮，好好玩啲海鮮又新鮮撈完之後有專人幫手洗一洗啲海鮮我哋先揀咗一個龍蝦頭鍋超鮮甜，然後就出咗去撈海鮮啦 自助區有好多嘢食揀烤榴槤啦燒賣啦蝦餃啦小籠包啦仲有一啲火鍋配料牡蠣超肥帆立貝啊珍寶蟹柳棒啊蔬菜啊好多好多選擇 仲有新鮮水果火鍋醬汁配料甜品雪糕雪條蝦餃燒賣小籠包都有仲有一個超大嘅飲品雪櫃到花埋位啦可以用QR code落單澳洲M5和牛 燒香草釀安川味燒先好鐵板鵝肝多士等等 食到7788啦，再落多個可燕窩椰汁燉木瓜超正 佢哋揀咗7:30前離開兩小時$308再加一，食回本啊，下次再嚟食過九龍灣分店牛頭角道77號淘大商場三期2樓九龍灣站A出口

衝住佢個8米長海鮮魚缸專登嚟試，真係未打邊爐先興奮！自己拎鐵桶撈大頭蝦、鮑魚、三點蟹，啲蝦生猛到落鍋嗰陣仲扎扎跳，嚇到全枱人尖叫拎蓋擋住「防跳海」🦐！海鮮每日不斷補貨，鮑魚爽脆、蟹膏橙黃鮮甜，連平時怕腥嘅朋友都狂encore。龍蝦頭鍋原隻上枱，蝦膏濃郁，襯海鮮超夾。店員仲會主動派濕紙巾，算貼心。 晚市$318/位（2小時）另加一，除海鮮任撈，澳洲M5和牛油花靚、肉味濃，火鍋配料仲有花膠、鵝腸、雞子等刁鑽款！熟食有鵝肝多士、川味燒蠔、出面仲有得拎焗榴槤係驚喜位，尤其榴槤控必搶焦香爆漿原粒肉😍。甜品Häagen-Dazs任挖，生啤清酒任飲，回本無難度。 平日都逼爆，試過walk-in要早2個鐘排隊。親測夜晚9點後較易入座，或者提前電話訂位。環境過萬呎算闊落，但人多時拎海鮮要排幾分鐘，建議同朋友分工撈海鮮同拎熟食。 晚市得2小時，拆蟹拆蝦慢手腳可能唔夠喉，午市3小時更鬆動。

千葉海產好食嗎？睇其他人食評都預左晚餐兩小時係好趕所以一坐低即叫湯底叫肉叫熟食老實講 所有熟食都好普通（除左木瓜 木瓜好食的）海鮮就食到兩轉要突登搵啲睇落仲生生地既鮮味夠當然都唔能夠要求太多但時間真係唔夠仲要去殻個人會偏好 鮑魚》蝦〉蟹個人唔算好大食所以食左熟食 同 海鮮都冇咩點試到其他海鮮料雪糕就多款同特別一定要留肚食雪糕整體來說海鮮打邊爐唔推薦比唔食海鮮既人但如果你對海鮮好高要求都唔好啦

今次慶祝父親節食晏晝放題，是關晏晝可以食足三個鐘。我就做足攻略先嚟食，話哂真金白銀俾錢食🫡🫡🫡入座第一件事要叫湯底，之後就可以拎枱面個桶自己揀/撈海鮮，再交俾店員清洗，等十分鐘再返去拎返，途中你可以去挾熟食或蔬菜兼拎嘢飲！餐廳自助撈海鮮區實測過係不停補貨，無限量任撈任煮！第二件事建議大家先食鮑魚及蝦，當日蝦都有三種，大頭蝦竹節蝦基圍蝦，可以食得快又回本！之後先再夾蜆肉、螺、及蟹！啲蟹勁多膏，店員都洗得好乾淨，幫你斬埋件，方便你食！另外都係建議要嗌一個湯底，千祈唔好嗌鴛鴦鍋，一個湯底就唔會因為中間隔層嘥咗煲個位，先夠位可以裝晒一桶海鮮。餐廳有濕紙巾同紙巾提供，非常貼心！啲蝦全部都好大隻，蟹都非常鮮甜！仲有集團必嗌嘅乳鴿牛舌等等，非常有品質保證。食三個鐘可以慢慢品嘗嘅話其實兩個鐘食哂想食嘅嘢，剩返一個鐘慢慢食甜品，因為甜品有烤榴槤、hagandarz 雪糕我及其他雪條、仲有大量自製甜品、app都有得叫燉木瓜🥰 烤榴槤好好食！

🧭千海水產海鮮火鍋放題(九龍灣)⭐️任食即撈海鮮⭐️🇭🇰人氣海鮮邊罏💸2小時火鍋放題(7:30前離座)$328 💸呢間舖頭呢排好hit 長期排晒長龍主打即撈海鮮 款款新鮮任你揀海鮮種類豐富 由大頭蝦 蜆 花螺 去到鮑魚 蟹 都一應俱全撈完啲海鮮 交俾店員洗乾淨處理就ok除咗海鮮 普通熟食 肉類 甜品都有好特別嘅體驗 滿足嘅兩粒鐘🥘💰人均 ~$350🍗食物：8/10👨‍✈️服務：7/10🪑環境：8/10💯總分：8/10總結: 想食一定要book 枱，真係好多人排隊，book咗都要排一陣等夠鐘齊齊入座。即撈海鮮好有特色，款式都比想像中豐富，質素以價錢嚟講冇得彈。可惜兩個鐘要食咁多野有少少趕，可以訓練吓大家嘅time management✌🏻#hongkong #hkfood #hkfoodie #foodie #holunhungry

去到 千海水產，我以為自己去錯地方，點知真係一間火鍋放題😳成條自助撈海鮮區長到好似超市海產部，啲鮑魚、大頭蝦、花蟹全部不停補貨，任拎任煮，拎多拎少都冇人黑面，呢種自由我鍾意！我同朋友每人拎三round仲未夠喉，火鍋變咗捕魚大賽🎣而且啲海鮮唔係得個樣，真係勁鮮甜🫶🏻撈完即煮，配個花膠雞湯底，食到我想申請住喺度😮‍💨最後當然唔少得甜品位～Haagen‑Dazs 無限任食，食完感覺人生都變甜咗🍦 💅🏻

某日，同事突然興致勃勃咁話要約食餐好，仲bookmark定這間長期人氣爆棚嘅火鍋放題。老實講，我平時好少揀放題，因為自知「唔多大食」，食量細，驚嘥錢。但今次有班「食得之人」同行，我食唔多都唔怕，靠佢哋努力回本啦！話晒人均消費超過$300，點都要食番夠本先得！ 呢間火鍋放題最特別嘅地方，就係有個自助海鮮區，可以自己動手夾海鮮，真係幾過癮！同事們瘋狂掃貨，有人專攻大蝦、螃蟹，我就集中火力夾鮑魚。啲海鮮新鮮到不得了，尤其係啲蝦，一放落湯鍋竟然仲識郁，彈下彈下，嚇到全枱人尖叫，仲搞笑到有人拎個蓋擋住，驚佢哋「跳船逃走」！ 除咗海鮮，餐廳仲有好多其他嘢食，例如各式小食、甜品同飲品櫃，最正係酒水任飲！返工咁辛苦，緊係要啤一啤放鬆下啦～我哋一邊打邊爐，一邊飲啤酒，氣氛超high！值得留意嘅係，我哋係平日夜晚去，已經全場爆滿，相信周末會更加誇張，想試嘅話真係要早啲book位🧐

千海水產海鮮火鍋放題 ✌🏻12:00pm-3:00pm 我地食左2小時45分鐘🤣記得預先Book位 , 早小小到達排隊入座今日係平日都全場爆滿 ! 勁 !排隊時要同同行嘅友人部署 ? 😎👉🏻👉🏻因為海鮮桶一枱得一個 邊個夾海鮮 , 邊個拎飲品 , 邊個負責App落單 ! 讚海鮮新鮮 , 真係扎扎跳 !!!!! 大蝦落窩嗰陣時一定要小心 , 佢真係會跳走 ! 😛😝同埋彈水 ! 真係生蝦咁跳海鮮食到鮮甜味 , 蟹有膏 , 沙白好大粒 ( 螺同埋蟶子仔可以不食 🤣🤣 ) 讚生果新鮮 , 有幾款原個比你自己夾 ! 焗榴槤勁多人鍾意 , 目測每位每次都夾兩三個以上 ! 重點有乳鴿 , 燒蠔 , 鵝肝多士 , 炸鮮奶 🤩🤩🤩好多嘢我都無食到已經飽左🤪🤪我好鍾意食呢個檸檬雪葩 ! 最後食番個雪糕🍦! Happy ! ✌🏻

📍 千海水產海鮮火鍋放題 九龍灣店 📍好多朋友都知道我鍾意食海鮮，一直都推薦我嚟試呢一間千海水產火鍋放題。終於嚟試，果然冇推薦錯。好驚喜係呢間餐廳有自助撈海鮮區域，會不停補貨，無限量任撈任煮！海鮮款超級多，淨係蜆都有幾款，可以滿足我試唔同款式嘅願望，做吓比較，好開心。仲有蟹同埋鮑魚，都係新鮮即劏，基本上揀完想要嘅海鮮，交俾工作人員，就可以再去自助區嗰度拎其他食物，工作人員會幫我哋處理好，非常貼心便利。自助區嘅食物款式多好多，有水魷、牛柏葉、生蠔、各種菜等等；仲有熟食區，有燒榴槤、燒腩仔、麻辣魚皮等等，應有盡有。一路行嘅感覺係，嚟一次會試唔晒咁多款嘢食，好可惜，會想再嚟多幾次，試晒唔同嘅嘢食！服務員態度都幾好，積極友善，但又唔會好打擾你。食物質素非常之高，環境舒服寬敞。真係非常之值得試一試！