千海水產海鮮火鍋放題

營業中

休息中

餐廳的自撈海鮮區，實在太吸引了，廚房還會不停地無限量添貨，保證夠吃～海鮮自撈區～海鮮都是生猛新鮮的，有蟹、鮑魚、蝦、蜆、花甲、東風螺等，選擇超多，還有提供擦洗斬件服務～熟食～都有很多選擇，需用手機下單，有乳鴿、比目魚、鵝肝多士、芝麻雞翼、羊架、鰻魚及燒蠔等也有，食物上桌時均是熱辣辣，熱點高，味道也很不錯～甜品～有一個放滿甜品的多層雪櫃，馬卡龍、布朗尼、芝士半熟蛋糕、3.6牛乳布甸及豆腐花等，再走數步，還有知名品牌雪糕及雪條等，款式甚多～飲品～除了雪櫃的基本凍飲外，還有羅漢果茶、燒酒、白酒、甘蔗汁、梅酒及果汁等，羅漢果茶香濃不太甜，剛剛好，很好喝～

$288任撈活海鮮＋M5和牛＋鵝肝多士＋任飲清酒！🤯 🌊即撈即煮！8米海鮮缸任你玩全港首創活海鮮放題真係癲到爆！💥 鮑魚、蝦、蟹全部生猛到扎扎跳🦀，撈起即刻有專人幫你洗乾淨～ 海鮮會不停補貨，無限量任撈任煮！必試爆膏大頭蝦！🥩澳洲M5和牛輕輕一灼就食得，牛味濃～仲有生蠔、脆炸響鈴，全部任食！ 🍤熟食區驚喜！鵝肝多士＋乳鴿王🍞鵝肝多士外脆內軟，鵝肝油香濃郁。🐦燒乳鴿皮脆肉嫩，一咬爆汁！仲有麻辣小龍蝦、蒜蓉燒蠔，選擇超級多！真係抵到爛！🍨雪糕控有Häagen-Dazs同多款唔同雪條。

至愛海鮮嘅我又怎可以唔再來呢今次係第二次食都一樣覺得物超所值首先自己喜歡那種海鮮就自己撈~撈完由專人幫忙清洗活海鮮有~3種唔同品種的蝦,蟹又有3種,鮑魚,大蜆,花蛤……火鍋類本人特別推薦有~和牛,牛肩胛,大大隻嘅生蠔同脆鯇魚片……熟食必食~乳鴿,鵝肝多士,羊胺,比目魚,燒蠔,燒鰻魚,藤椒魚皮……甜品~喜歡食榴槤唔好錯過烤榴槤,海燕窩椰汁燉木瓜,樽裝楊枝甘露無論熟食,火鍋類,甜品,生果,飲品嘅種類都真係非常多大家絕對唔怕會比人撈曬啲海鮮~係源源不絕地出不過如果可以多少少時間食就更好

第3次嚟食千海水產 4月已經嚟咗2次我都好佩服自己😂12:00入座$288/位再加一上2次食2個鐘都覺得唔夠時間唔夠喉今次午市嚟食可以食耐D但可能食第3次已經好熟大概知道點食2個鐘已經夠晒今次嘅蟹都係好大隻！2個人食咗3隻蟹 10幾隻大頭蝦 仲有一兜蜆湯底揀咗椰子雞湯底 食過幾次有經驗因為蟹比較大 一個鍋底一鑊過就最爽火鍋食材今次連貴妃蚌都有 平時出面食要百幾蚊一份4隻左右今次有食個蠔 好大隻 好似台山蠔或者美國桶蠔Häagen-Dazs雪糕有幾個味都好正 都係任食！

終於有時間去大熱嘅「千海水產火鍋放題✨」，餐廳座位寬敞，可以自己撈海鮮，任撈任食，新鮮又好味，平日午市3小時任食火鍋放題都係$288起，性價比十分高，難怪咁旺場👍🏻餐廳自助撈海鮮區域會不停補貨，無限量任撈任食，十分滿足❤️ 即撈嘅海鮮有鮑魚、貝殼類、鮮蝦、蟹等等，款款新鮮。另外可點選嘅火鍋配料有牡蠣🦪、青口、帆立貝等等，任點任食。除咗火鍋配料，仲有多款熟食，西京燒比目魚、川味燒鮮蠔都係必食之選。鐵板鵝肝多士及燒乳鴿王都非常好味。鍋放題唔少得豬、牛、羊、雞肉等等，澳洲和牛及美國牛肩胛都好高質素超值嘅價錢，高質嘅食物，款式又多，令人十分滿足，啱晒我大胃王。

香港都有海鮮任食！簡直係海鮮控嘅天堂盛宴🥳性價比超高 中午$288任食3小時😍無限量任撈任食‼️之前就聽講九龍灣開咗千海水產，心癢癢超想試試，終於去咗食啦！一開門已經排長龍，好在店員安排迅速，好快就有得入座。店內空間超闊落，卡位舒適寬敞，坐著很自在💕自助區好多嘢食，生猛海鮮活蹦亂跳，有鮑魚、沙白、藍花蟹、花螺、大頭蝦，即撈即煮~鮑魚蟹夾完店員會幫我哋洗同切，超乾淨！大頭蝦膏滿肉肥，基圍蝦鮮甜彈牙，沙白、花甲又肥嫩又多汁，鮑魚更是肉質緊實Q彈，花蟹、三點蟹、花螺等也毫不遜色，每一口都是大海的鮮甜滋味🤩店員服務超細心，自助撈海鮮區域會不停補貨🤩淨係海鮮品質同新鮮度都值回票價啦！除了海鮮，仲有火鍋肉類&小食～超推薦澳洲M5和牛🤤熟食區的燒物、鰻魚、鵝肝多士、比目魚等都超正！特別是燒蠔，蒜香搭配微微辣，超滿足！甜品雪糕種類豐富，最正係有日本版häagen - dazs雪糕😍仲有Bulla乳酪雪條🤤簡直超幸福~ 呢度超適合海鮮愛好者過嚟，強烈推薦！💯

千海水產海鮮火鍋一間有活海鮮火鍋餐廳已進駐九龍灣牛頭角道77號淘大商場第三期2樓,餐廳主打即撈活海鮮火鍋放題,餐廳海鮮區設計似街市海鮮檔,每個水池擺放一種活海鮮,有三點蟹,鮑魚,沙白,大頭蝦,蜆,基圍蝦等等,海鮮區餐廳會不停補貨任撈任煮,服務員會替顧客清洗花蟹和鮑魚。湯底order金湯花膠雞和蟹皇海鮮湯雙湯底,湯底清甜,材料豐富。海鮮區揀選花蟹和三點蟹,大頭蝦和基圍蝦,鮑魚沙白和海蜆,今天有口福花蟹好大隻,蟹肉鮮甜嫩滑,海蝦爽口兼彈牙,海蜆和沙白冇沙,肉質鮮甜,鮑魚夠大隻入口爽彈,另外order2隻川味燒鮮蠔,肥美鮮蠔有大量香蒜香葱口感豐富。肉類揀選澳洲M5和牛,美國肩胛肉,和牛雪花分佈平均,入口即溶,肩胛肉肥瘦比例均匀,食落嫩滑有牛味。另一邊自助區揀選,田雞腿和鮮蠔,大大隻田雞腿,入口鮮甜,鮮蠔肥美啖啖肉好腍滑。還有生果揀選燒榴槤和燒菠蘿,白色士多啤梨,菠蘿,哈密瓜和西瓜,甜品選擇迷你葡撻,疏菜棟選蛙蛙菜,飲品選欲竹蔗茅根清和地道鳥龍茶,甜品選Movenpick 椰子雪糕和häagen-dazs朱古力雪糕。

性價比好高的自助火鍋店，除咗去九龍灣之外，始祖店在荃灣。午餐時間可以享用3小時，三個小時，這樣感覺比較舒服，不用趕時間。所有海鮮都好新鮮，可以任食已經去殼的生蠔，基圍蝦草蝦，不同類型的貝殼和最受歡迎的鮑魚。另外還有一些熟食，以及湯羹可以自助，另外還有其他熟食可以自己在手機點，其中的雞翼特別好味。另外的花膠和海參，入場不久便馬上問員工，佢哋話可能已經比其他食客食晒，所以冇哂，所以下次去食的時候要盡快夾走😅

今日我去了一間海鮮火鍋放題店，一個價錢講緊人均只係$300左右就可以3小時任食生猛海鮮，而且餐廳自助撈海鮮區域會不停補貨無限量任撈任煮，仲有有專人負責清洗食材，咁着數一定唔能夠錯過！打邊爐嘅湯底都有好多選擇，今次試咗椰子雞煲，湯底清甜，又下火，配海鮮味道一流，鍾意肉類嘅，亦都有好多選擇，例如我呢款澳洲M和牛，美國牛肩胛片、羊肉片、豬梅頭片等等。去到海鮮區放眼望埋去款式真係好多，勁多水池，全部都放滿生猛海鮮！例如有眼仔碌碌三眼仔蟹、肉蟹、深海鮑魚、跳跳紮大蝦、巨型大頭蝦、好大粒下嘅東風螺、掌心大蜆、肥美沙白，鍾意食海鮮嘅一定唔能夠錯過呢度！而且海鮮全部好新鮮，即煮即食真係特別鮮甜㗎！自助熟食區選擇亦唔少，矜貴嘅麻辣小龍蝦、特大桶蠔、脆鯇魚片、大人細路都啱食嘅港式點心、邊爐必備嘅響鈴，炸魚皮等等，仲有各款前菜生果蔬菜丸類，真係應有盡有！熟食方面，鐵板鵝肝多士、鹽燒牛舌、燒香草羊胺、西京燒比目魚、川味燒鮮蠔、蒲燒饅魚、皇牌燒乳鴿王等等，真係食到捧住個肚仔！

我地BOOK左7大1小 17:30我地準時去到，但佢話張枱未得，叫我地等⋯我地入座時根本就係17:45， 19:00就截單🆗8個人得2個爐，1張6人枱1個爐 1張2人枱1個爐洗海鮮⋯洗15分鐘 仲要唔乾淨 （都算）海鮮得貝殼類（大部分都係蜆、鮑魚） 蟹有2款 都係平價貨 上菜，勁無禮貌，飛碟上枱執野，執到漏曬d汁落個客張櫈到😡求其用條毛巾抹就算。食緊個生日蛋糕都未食完就不停趕客走⋯我知多人等，但呢間野真係無下次。

餐廳裝修簡潔、光猛及乾淨，好多二人及四人卡檯，坐得舒服。餐廳午市可食3個鐘，星期一至五價錢$288，入到餐廳唔使急住去撈海鮮，可以先揀好火鍋湯底及火鍋肉類再慢慢出去撈選心水海鮮。📱QR Code落單餐廳嘅湯底、肉類、炸物、燒物及精選推介都係以QR Code落單，非常方便。🫕湯底有成9款可以揀，款款都好有特色，例如有龍蝦頭鍋、野菌魚湯、蟹黃海鮮鍋等，我哋就揀咗椰子雞鍋，湯底真係好香椰子味。🥩火鍋肉類有美國豬梅肉、澳洲羊肉、美國牛肩胛及澳洲M5和牛，款款都唔錯，但係我哋覺得最正嘅係澳洲M5和牛，牛味濃郁又腍甜，添食之選👍。🍢以免減低戰鬥力，炸物及燒物方面只係試咗燒乳鴿及鹽燒牛舌，兩款都幾好味。🧑‍🍳精選推介方面我哋點咗個海燕窩椰汁燉木瓜，食落暖笠笠，海燕窩感覺好滋補，椰汁又夠香，作為甜品一流😋。🚶自助區🦀自助區方面相當精彩，見到個自撈海鮮區已經相當興奮，有蜆、羅氏蝦、九節蝦、三點蟹、花蟹、藍花蟹、鮑魚及花螺，好新鮮，工作人員會不停補貨，我哋就可以無限量任撈任食，另外，好欣賞佢哋會幫忙清洗海鮮以及將活蟹斬開一半，方便食用，比起大陸更勝一籌，各種海鮮都非常新鮮，個人最鍾意九節蝦、花蟹及鮑魚，鮮

訂位於2025年4月23日晚上7點，之前一星期已經訂7位，在23日通知改6位，但訂位時已經感覺態度不好，那位張經理說沒有7位枱，一定要分枱，一係6位枱加一張椅，一係6位枱加另一2人枱，我要求可否訂兩張4人枱，他說訂兩張4人枱要求落訂金，而且不可以預訂孖枱，其實這樣訂枱方式有何意義呢？至23號當晚去到取位，那位張經理在門口安排入坐，但特登分派2張天同地咁遠既枱，將6人強制分開坐，想問下這樣安排入座是否合理呢？香港人不是不想留港消費，而是現今的食肆服務態度真的另人汗顏！這些食肆擺明想係香港攪上市搵香港人錢！至於食物方面，所謂海鮮只係幾款貝類（幾款蜆及鮑魚）有兩款蝦（大頭蝦及基圍蝦）有三款蟹，全是任撈，但所給的桶非常細小，撈完要給工作人員清洗乾淨。熟食方面跟其他日式放題餐廳差不多，沒有什麼驚喜，至於每人只可以點一客的木瓜燕窩甜品，真心差，可以不試。飲品方面比較多選擇，有自家制茶飲及一般飲品都有。食物大致上有70分，比一般日式放題優性，但服務水平倒扣100分。餐廳成功抄襲內地，但抄襲不到內地服務態度，只會一次幫襯，絕對沒有下次。

間中都會黎呢間千海食，食物係好食，選擇夠，不過部份職員既態度好需要改善，入座有禮貌問一問可唔可以坐近出面少少，恤衫男同女黑衫已經好決絕話唔可以揀位同埋講一堆咩8點理論。講真，係合理情況（如圖片裏面及近門口係非常多空位），有老人或小朋友提出一下該要求，我覺得係合理囉。做服務業話個客揀位，應有既說話技巧無，態度又無，所以點解香港餐廳摺埋，真係要問下自己！

-晚市火鍋放題 $298/人-要食新鮮海鮮火鍋，當然要搵間夠料又夠霸氣嘅放題，「千海水產海鮮火鍋放題」就啱晒！晚市火鍋放題$298一位，無限量供應各種新鮮海鮮，簡直係食海鮮控嘅天堂。 講到海鮮，呢度有齊生猛鮮蝦、肥美帶子、鮑魚、花蟹等等，全部鮮甜爽口。湯底選擇多樣化，由清甜昆布湯到濃郁麻辣湯，完全可以按照自己口味搭配最完美嘅海鮮組合。除此之外，仲有各式肉類、丸類、蔬菜同埋手打餃子，食材新鮮，選擇夠多，最啱一家大細或者朋友聚餐。最正係任食模式，想食幾多都唔使計，盡情享受大快朵頤嘅滋味！ 如果你係海鮮迷，「千海水產」絕對係必試之選！

早前九龍灣開咗千海水產已經想試好耐， 今日同朋友一早訂定位去試下， 一開門已經好多人喺門口排隊入座， 店員好快已經安排客人逐一入坐，入到店舖環境好大， 大部分都係卡位舒適寬敞。自助區選擇嘢食超多款， 仲有好大個魚缸， 有十多款生猛海鮮即撈即煮， 有大頭蝦、基圍蝦、 沙白、花甲、 鮑魚、花蟹、 三點蟹、 花螺等等， 大頭蝦勁多膏， 鮑魚肉質彈牙， 每款都鮮甜美味。 店員仲好細心，當你揀選完海鮮仲會幫你洗乾淨先畀你， 淨係食海鮮已經值門票價。另外 仲可以qr code落單 火鍋肉類及小食， 澳洲 M5和牛美國肩胛肉、羊肉、豚肉, 熟食有燒、鰻魚、鵝肝多士、青魚等等。 燒蠔蒜調味上枱熱辣辣脹卜卜超正。甜品雪糕種類都好多，每樣都想食，最大驚喜就係 有日本版häagen-dazs雪糕可選擇，我都忍唔住食咗兩杯超滿足。