千杯串居酒屋

營業中

休息中

牛魔王拼盤有燒牛舌同和牛各2串，牛柳1串，冬菇1串。燒牛舌超爽口彈牙，又滑又多汁，味道適中，超讚！和牛肉柔軟，味道濃郁，配上醬汁更鮮味。牛柳肉質厚實有嚼口，黑椒味濃。冬菇外皮焦香，裡面嫩滑多汁。蜜糖燒全翼外皮金黃微焦，咬落好脆口，肉質嫩滑，蜜糖嘅香甜味滲入雞肉裡面，非常可口。汁燒活鱔外皮Q彈，肉質鮮嫩油潤。滑蛋牛拖羅飯牛肉啱啱熟，多汁甘香，滑蛋鋪滿飯面，粒粒珍珠米飯煙煙韌韌，撈埋滑蛋同牛肉一齊食，加上味道調校得非常好嘅醬汁，口感同味道都一流。

位於元朗安寧路的千杯串居酒屋主打日式串燒，亦有刺身、丼飯和拉麵等選擇。餐廳提供戶外座位，如果帶寵物也是歡迎的。🐾🔥汁燒活鱔($58一串)多汁厚肉，油脂豐富而燒得很香，肉質彈牙。🔥西京燒比目魚($78)鹹甜的西京燒醬包裹著嫩滑比目魚塊，非常多汁，推薦！🔥海老天婦羅($70)🔥燒和牛($38一串)🔥燒紐西蘭羊架($58)🔥切角魚生杯丼($78)特別杯子造型，份量不大但味道不錯。千杯串居酒屋 (元朗)元朗安寧路110-136A號好景樓地下10號舖

〰️海之幸海鮮拼盤 （$278）拼盤有兩隻燒扇貝、原條火箭魷魚、虎蝦同埋鮑魚。扇貝加左超級大量蒜蓉！！火箭魷魚燒完無乾哂水，口感依然爽彈，醬汁味道帶甜。鮑魚磯燒過，更能帶出鮮味。〰️雞骨腸 （$18）居酒屋必食之一，食落香口肉汁多，細嚼更香，而且唔會太鹹。〰️燒和牛 （$38）入口和牛香氣濃郁，咬落唔會韌。簡單地加上鹽、黑胡椒、蔥花同炸蒜，就已經足夠。〰️鹿兒島五花腩串 （$32）五花腩燒完之後仍然保留到油香，但食落並唔覺油膩。肉質爽彈加上黑胡椒調味簡單而美味！〰️德島縣雞肉串 （$26）雞肉肉質嫩滑，只依附住小小嘅雞皮，唔會太肥之外仲可以過下口癮。〰️〰️📍 千杯串居酒屋 (元朗)元朗安寧路110-136A號好景樓地下10號舖

黎到居酒屋唔一定飲酒，收工後簡簡單單食下燒物，同（唔多飲酒）朋友吹下水都係小確幸。點咗人氣推介嘅海之幸海鮮拼盤，好豐盛，有燒扇貝、原條火箭魷魚、虎蝦同鮑魚。扇貝好肥滿，好正嘅蒜香。原條火箭魷魚仲大過我隻手，燒汁甜甜地令人一口接一口。鮑魚爽口彈牙。主食都有唔同選擇，有拉麵、冷麵同丼飯。朋友話食完燒物，要過下冷河，食返冷食，就點咗和風魚生冷麵。三文魚、墨魚絲同蟹籽令冷麵口感豐富。我就點咗雞白湯火焰牛拖羅拉麵。雞白湯濃郁而不鹹。火焰牛拖羅半生熟，呈現誘人嘅粉紅色，如果想熟啲，可以浸落個湯度耐啲。火焰牛拖羅牛味濃。糖心蛋都十分合格。以果汁同抹茶代酒，Cheers！

依間居酒屋位於元朗廣場附近，略為不起眼，但係野食絕對交足貨，首先前菜有炸土佐豆腐，外層由木魚包裹再拎去炸，非常酥脆香口兼且內軟，食嘅時候要小心太熱辣到嘴，仲有蘆筍肥牛卷，蘆筍冇渣爽脆，同肥牛夾埋好岩餸酒。另外仲有鹽燒油甘魚鮫，油香十足，都係絕配。主菜有滑蛋鰻魚飯，經典冇令人失望。最後不得不提，我朋友好興起係度唱生日歌我聽，突然老闆娘就攞左個生日甜品拼盤出嚟，原來九，十月生日做緊優惠，好窩心，仲要有埋我個名係上面，甜到入心。

@senpaifoods 佢哋嘅午市定食套餐全部都包珍珠米🍚、茶碗蒸同味噌湯，茶碗蒸係日式嘅水蒸蛋，味道鮮甜，味噌湯鹹味剛剛好👍🏻黑松露燒雞扒定食 ＄68呢個燒雞扒$68來講都好高質，雞扒都幾大塊，皮薄、肉質鮮嫩juicy，配埋個黑松露，真係好邪惡、好好味’‘大大塊”厚切吉列豚肉定食 ＄78呢個吉列豬扒真係好大塊😹炸粉好薄，豬扒炸得黎又唔會太乾，配埋沙律醬 同埋飯一齊食，講起就想食😻順帶一提佢哋今個月九月內滿$500 仲有85折添㗎👏🏻👏🏻👏🏻

呢間係朋友介紹，估唔到朗屏有一間幾高質既居酒屋，食得好飽！🔆西京燒比目魚（$7️⃣8️⃣）絕對係我食過最好食既！佢魚肉好滑，皮燒到有少少脆，餣得好入味，必食！🔆冰燒菠蘿（$3️⃣8️⃣）佢食落好似冰菠蘿，但面頭有燒過，所以食落有少少焦香，好得意。🔆土左炸豆腐（$5️⃣8️⃣）呢個一見張圖就好吸引，大大舊咁，外脆內軟，如果佢細舊啲就更好，咁入口就更方便啦。🔆滑蛋蒲燒鰻魚飯（$9️⃣8️⃣）真係夠晒滑蛋🤣，撈飯好好食，鰻魚都好肥美。我哋另外仲叫咗鮑魚同天婦羅🤭，鮑魚係凍食既，夠晒彈牙。天婦羅用咗翠玉瓜去整，仲保留到菜汁，好surprised好好食！佢好似每個月都有唔同優惠，當日見到$45有2串蜜糖燒雞全翼，隔離枱叫咗，好吸引🥹，等我下次又試下。

位於朗屏站去元朗果邊，行天橋經過都一定會見到。見到日式串燒都好想試架啦，今次終於去食到!好有日式居酒屋feel~仲有日本燈籠~主打串燒一定叫串燒食啦~#燒鹿兒島五花腩串 HK$32半肥瘦岩岩好，肉質一點都唔鞋。黑椒味比較重，食完口內都留住一陣辣感。#燒德島縣雞腎 HK$26嫩滑完全唔硬，仲有燒汁好襯。#燒活鱔 HK$58燒鱔好好食!!皮燒到脆身，肉都好新鮮。#燒紐西蘭羊架 HK$58羊架羊味好香，肉質好滑，近骨位就有少少肥。#牛魔王拼盤 HK$185一共6串，有5串肉一串菇。#燒和牛 肉質林身D但唔係果D入口即溶感覺，牛味都比較香。#燒牛舌比較有咬口，尾尾位就比較硬。#燒牛柳咬落比和牛有口感，但都林身嘅。牛味就比和牛淡少少啦~總結串燒都好高質好食，元朗區朋友可以一試~📍 千杯串居酒屋元朗安寧路110-136A號好景樓地下10號舖

當天我們一行四人，用膳時間係6:30，當時只得兩台人客，我們分別叫咗生蠔，燒物，同天婦羅，還有燒蠔，以及4杯大啤，坐位尚算舒適。員士服務態度好，但食物質素與價錢不符合，出餐好慢，有漏單情況，員工人手不足，全店只見到兩名工作人員，包括燒物的員工，串燒嘢食唔香口，味精僱淡，生蠔🦪唔夠凍，所以入口感覺唔新鮮及有腥味，天婦羅唔脆口，還要係淋的，燒蠔還可以，但味道偏淡。

以前住元朗，喜歡的是有很多特色小店。從朗屏西鐵站天橋往下看不難發現這家千杯串居酒居，裝潢滿滿日本特色，非常適合一邊傾計一邊食串燒，配啤酒一流。🥢雞皮 $20雞皮燒得脆脆的，又美味又邪惡。🥢雞軟骨$18送酒一流推薦，粒粒香脆。🥢牛柳 $35燒得剛好。🥢和風燒茄子 $58原條燒茄子配上大量蒜蓉，調味滲入軟軟的茄肉中。🥢原條黑豚露筍卷$32小清新推介，蔬菜中和肉類的油膩。🥢海之幸海鮮拼盤$278一隻鮑魚，一隻大蝦，原條魷魚和兩隻燒扇貝。豪華海鮮拼盤，燒得剛好，吃不停口。

元朗站📍千杯串居酒屋-雖然今個禮拜既Monday唔blue，不過Tuesday 都blue blue地，去食返串串燒平均下心理😂海之幸海鮮拼盤（$278）呢個海鮮拼盤有燒扇貝（2隻）、原條火箭魷魚🦑、鮑魚同虎蝦。扇貝重蒜夠重口味，大大粒😋火箭魷魚都幾多片，配埋照燒汁一流👍🏻磯燒鮑魚唔算好大隻，不過燒得好入味，幾有嚼勁。虎蝦大大隻，肉質彈牙。雞白湯火焰牛拖羅拉麵（$82）一上枱見到個兩片牛拖羅已經流晒口水！好嫩未熟得晒，5成左右，肉質鮮甜，重牛味。湯底相對上較清淡，不過幾清甜，仲有半隻溏心蛋😼食完都幾滿足。環境方面，餐廳裝修真係幾有日本居酒屋style，餐廳有室內、外既座位，如果天口涼d坐出面都幾好feel。淡淡黃光配上微薰既格調，同朋友黎飲返杯都係唔錯既選擇，可惜今日揸左車😹

拉麵配埋流心蛋好好味👍🏼👍🏼👍🏼價錢合理唔會太貴，炸蠔炸得好味😋呢個餐$72包野飲凍飲加3蚊，中午嚟都幾多人，但都坐得都好舒服。氣氛都唔錯，會再幫襯嘅。

想試呢間日本餐廳好耐，見到好多人幫襯，應該質素都有返咁上下😋趁今日放假約媽咪一齊嚟食個lunch我哋兩個都想食拉麵🍜平時唔算好鍾意食拉麵，但見到佢個餐牌唔知點解好自然想試吓。媽咪叫咗個A3雞白湯豬軟骨拉麵$68我就叫咗個A5.雞白湯吉列蠔拉麵$72份量啱啱好，拉麵口感好，湯底好味😋仲有流心蛋同沙律菜，滿足。星期一至星期五跟餐有嘢飲送，凍飲就要加$3媽咪飲熱檸水，我就飲凍coffee，凍coffee都幾好飲，重奶味👍🏼埋單加一總共$157，唔錯😋

琴晚買生果應節, 經過附近嘅 ❥⧽千杯串居酒屋 ❥⧽ , 見到環境氣氛幾好, 所以就食埋飯先返屋企咯。𓊈七味魷魚鬚 $𝟝𝟠𓊉見到真係嘩一聲, 無諗過份量會咁多, 魷魚鬚外層炸得好酥脆, 唔會太多炸粉, 裡面嘅魷魚好爽口, 好味呀!𓊈軟殼蟹沙律 $𝟞𝟠𓊉原隻軟殼蟹上碟真係好加分, 軟殼蟹肉厚, 外面有一層薄薄嘅粉漿, 炸到脆卜卜。下面有沙律菜可以解一解油膩感。𓊈原條燒鰻魚 $𝟡𝟠𓊉呢條燒鰻魚值 100 分, 好多地方嘅鰻魚都會有小骨, 但係呢度嘅鰻魚係無骨㗎! 無骨真係好重要! 鰻魚肉質軟腍, 好好味! 𓊈濃醬燒伊比利亞豚肉丼 $𝟟𝟠𓊉個豚肉丼好大碗, 女孩子要同人 share share 先會食得曬。豚肉燒得好香, 配埋大量軟淋淋嘅洋蔥一齊食真係好惹味。𓊈燒和牛 $𝟛𝟠𓊉和牛燒得剛剛好, 都幾 juicy。𓊈雞全翼 $𝟚𝟠𓊉雞翼有淡淡嘅蜜糖味, 燒得好嫩滑。✧✧ 整體嘢食都好食呀, 氣氛幾好, 值得去吓呀。

同朋友搵到間日式居酒居feel既餐廳主打食串燒 飲啤酒🍻感覺好chill ~ 🏖️.🍢牛魔王拼盤 $185人氣串燒推介(燒牛舌2串、和牛2串、牛柳1串、冬菇1串)鐵板上菜時仲係炸炸聲 會附有海鹽同埋檸檬按自己需要加上去d串燒度燒牛舌: 夠厚 彈牙 唔會蘇 和牛: juicy 肉質夠滑 好有牛味 燒到岩岩好牛柳: 都唔會輸比和牛 一樣咁好食冬菇: 唔會柴*加左檸檬汁 更加帶出鮮味 .🦪山椒辣鮑魚2隻 $88有驚喜 係凍食既 山椒辣度適中又唔會遮蔽鮑魚鮮味鮑魚都好彈牙😍.🍜雞白湯火焰牛拖羅拉麵 $82雞白夠香濃 火焰牛拖羅巨大塊 有用火燒一燒 更帶出好香牛味.此店有加一服務費.原來~有9月優惠!!經 Openrice 訂座 星期一至四晚市堂食消費滿$500，可享85 折優惠🤩下次要book左先去🫡.📍千杯串居酒屋@senpaifoods📌元朗安寧路110-136A號好景樓地下10號舖