千両 (已結業)

食晏時間(12:30pm-1:00pm)去食晏,見到得個兩檯人,仲以為自己好好彩(因為其他千兩排十世都排唔到).食完賣單既時候,用信用卡找數.個侍應將我張卡給第二台簽,搞到要再印多次給我簽,到宜家我都唔知有無收我double.要留意,當時只有兩檯.我都唔知多幾檯佢地會搞成點.令我最唔開心既就係佢竟然連一句道歉都無.佢完全唔覺得自己錯囉.連給第二檯簽左個張單都好似唔想給我keep.大佬,如果銀行收多左我我都要有個張野去證明架.同朋友分享今次經驗,佢地都話試過佢地既服務,上菜勁慢,要等一個鐘頭先有一客三文魚壽司.上既時候仲講埋晒d唔係理由既籍口黎敷衍佢囉.一句講晒,唔好去.

15/3 星期六放工後同男友去試下新太陽廣場既千有幾好食,唔駛等位入到去只見迴轉有十幾人到啦,唔FULL,餐牌得4頁紙,又冇圖睇,真係唔知食乜好, 種類又少呢!放迴轉上既壽司來來去去都係果幾碟, 我地食左都有十碟到, 包括有三文魚,吞拿魚,帶子,八爪魚,尤金魚等...埋單$176總結:相比下和花亭種類多囉, 但千襾賣點係新鮮同手握壽司

之前朋友介紹我去IFC嗰間食過，都知價錢唔平，唔會好似一般d壽司店咁十幾蚊有交易，不過一分錢一分貨，d用料梗係唔同d啦，星期五晚睇concert之前就去Sun Plaza新開嗰間試吓。七點幾去到唔駛排隊，唔似IFC嗰間任何時間都排歺死！我哋先食槍魷魚同蟹腳壽司，好好味，跟住有生帶子、生牛肉同甜蝦，碟碟都好大件同肉厚，而且好新鮮甜美。我老公特別鍾意三文魚子壽司，所以叫咗兩碟，我食咗一件覺得d三文魚子好咸，有d失色！！！去得千両梗係要食tuna魚腩啦，我哋點咗$48兩件cheap cheap嗰款試吓，碟tuna魚腩壽司一嚟就令我眼前一亮，因為件魚腩係粉紅色嫁，唔係深紅色，一睇就知好肥美，果然一口咬落去，勁滑，d魚油喺個口度好甘香，一流。食完一輪，人開始多，我哋亦準備最後一擊，再食洋風扇貝同甜蝦，點知等咗十分鐘，追order再等五分鐘都唔嚟，唔通人一多就攪唔掂？！最後唯有放棄！埋單時以為元氣咭免加一，點知Sun Plaza呢間無，明明IFC嗰間有嫁，唔通兩間有唔同？？？

星期六8/3/08下午約2:15到,唔駛等位,以為星期六下午會好多人,可能佢係尖沙咀呢個商場位置麻麻地...坐上見壽司枱上唔係太多壽司..但都OK可接受啦,陸續都有壽司出...價錢比姊妹店元氣貴少少,而食物的款式也同元氣很相像...but anyway只要好味就得...佢件飯細細件,好似三文魚壽司,一件可以擺晒入口,件三文魚前後都拖晒地,又新鮮...下次都會再幫襯....

本來諗住去板長,但可能新開張太多人,6點半去到都要等成20張枱,咁聽聞千兩都唔錯,所以過黎睇下有無位點知7點去到,完全無人等位,入到都見到都唔係好多人,坐低揀野食先覺得有問題,1. 首先,價錢貴,三文魚兩件都$14,最平玉子都$122. 種類少得可憐,壽司加埋得20樣,軍艦得6樣,手卷都係得幾種,連天婦羅都無,成本menu加埋得果4頁,真慘3. 無相睇,就算迴轉見到果碟都唔知係乜,都唔知自己食緊乜坐左大半個鐘,轉黎轉去都唔知有乜食,最後只係食左5碟(三文魚,魷魚,玉子,油金魚,仲有一碟唔記得),都要$100,在慘不忍睹的情況下,我地決定返返去板長食,果然係明智的決定我諗以後除非尖沙咀無野食,淨返呢間,我先會再食,唔怪得知到走成7:30都係坐唔滿喇...原來又貴又唔特別好食,在附近咁多食店,聰明人都唔會黎呢到...

行完街見呢間千両無圓方咁多人等位,於是一試,等了約二十分鐘就有位但係order枱,坐落阿女想轉坐迥轉位,就是同帶位的哥哥講想轉枱,佢好有禮貌地叫我地等等,有客埋單就幫我轉,約十分鐘後我地就轉左枱，壽司的賣相真係十分精美,而且幾新鮮，見佢餐牌介紹鱈長蟹於是叫了鱈長蟹味噌湯,Ｄ蟹肉好'梅',Ｄ湯又好咸,不值一試,須然只是$30,其他壽司都唔錯,但價錢偏貴,末能盡慶而歸。

夜晚七點半去到門口，初時諗住會好多人排隊啦。點知去到門口無人排隊，一入去就有位坐。眼望見店裡坐位空空如也，大概只有一半滿。睇完個餐牌都心知不妙了，不明點解個menu咁少款式，而且價錢又咁貴。好多人都覺得貴價既壽司一定有番咁上下啦，誰不知這不是一般的事實。這裡的三文魚壽司兩件要$14，差不多貴其他的50%。可惜價錢貴得來不好食，片魚生又薄又唔新鮮，連我最喜歡食呑拿魚朋腩都弄得不知所謂。侍應又常常傾計，等了幾分鐘都無人理。最後點了六碟收我一百六十蚊，真係有點過份。我寧願去超市買壽司食也好過來這裡食。做日本菜不是只靠裝修，而是要明白顧客需要的日本料理，要有新鮮材料，創意，食物色香味俱全才能會有口碑。不外如事的"千兩"，永不回頭!!!

千両是元氣壽司的尊貴版暫時在香港只有二家店約了Suki去看尖沙咀電影，就在尖沙咀這家吃過晚飯再去看六點到了千両，只有寥寥數人到了差不多七點，巳經座無虛席了為了減肥巳經很久沒吃好料，跟Suki發了瘋似的狂點貴價壽司極上金槍魚刺身...前菜–味噌青瓜...前菜–枝豆...超級鮮味的油甘魚刺身...是晚每人平均HKD180，是有點小貴，但食物素質真的值得！不過…就此一次而巳我還是會去和花亭及峰壽司多一點，這兩家的壽司在我而言巳經很不錯了！http://www.wretch.cc/blog/foodiebarbie&article_id=9704179

聖誕節book唔到其他地方食，就即管來千兩試試他們的壽司。壽司味道和板前差唔多，價錢亦差唔多，但是種類比較少，連我最愛的炸蠔都無，這就超讓人失望，餐牌又沒有相片，的確是比其他壽司舖差一截。整體上無驚喜，我想不會再去千兩，因為種類實在太少。

與老友充飢後再衝刺，因為趕緊時間，order枱也照坐，打開餐牌文字多過相，一點不吸引，而款式不多，食慾急降。胡亂點了幾款壽司，油甘魚、甜蝦、海鰻、中金槍魚腩壽司、辣味三文魚軍艦、加州卷。給以上的評語只是普普通通，沒有一款突出，尤其是辣三文魚，蒜味重過辣，圍邊的紫菜也不脆。炸軟殼蟹-細細隻，炸夠算脆口。三文魚刺身-厚切有口感，但不是肥美。大家都不夠飽，但已無可再選，唯有叫了三款雪榚，南瓜、紅豆及綠茶來填飽肚子。除了選擇少，對侍應們的服務也不敢恭維。

死因：(1) 後生的香港師傅極度自負，以為自己後生做倒師傅就唔聽阿頭講野，仲要幾個後生師傅係度細聲講大聲笑，絕對有違日本人認真既精神(2) 我五幾半去到，全場只有三枱客，佢竟然都可以漏單，漏單都唔緊要，我再同佢講想追番，但食完11碟野都未黎，所以迫住要取消(3) 取消order果陣個員工既態度真係極度麻麻，勁漏單一句唔好意思都無(4) 即叫即做既壽司，第一兩舊大細不一得誇張，第二個軍艦真係勁細舊(5) 食之前我都知佢同元氣有關，但真係唔洗cheap到用番元氣既鰻魚醬掛? 你收哩個價錢，唔該俾d應有既服務啦(6) 終於講到味道了，收$40一碟，味道口感新鮮度都係勁普通，我絕對唔介意你收得貴，但真係唔值囉結論：唔好去呀!

今日放左工行左一陣街,正心大心細唔知食乜既時候,經過尖沙咀新港中心附近,見到有人派傳單,走埋去攞番張,原來係間壽司店千兩,睇到佢話有註場日籍師傅主理,以我同燒肉飯祟日嘅心態,當然第一時間去試下啦!入到去有如入左日本既壽司店一樣,不停有好熱情既歡迎聲,日本師傅會同食客傾計,整左D新野又會問下客人食唔食.....果種氣氛簡直Wonderful!!呢度嘅WASABI都寧捨唔同,好明顯係自已磨果種,新鮮到暈!呢款Toro真係超新鮮,我地一共食左3碟,肥美到不得了,又無筋,隔左一陣個口都依然有魚油嘅甘香!只係$48一碟咋,仲有兩舊,平時去板前、峰壽司果d度食,起碼都要$35一舊,真係抵!

曾經去過IFC第一分店，地方雖小，但有「驚艷」之感覺，食物新鮮，感覺獨突，日本人也蠻多。得知TST都開了新店，便急不及待一個人去幫襯。裝修：是很美觀舒適。至於食物，坦白說，只是比一般好一點。當天點了sushi特價中Toro (HK$25), 海膽, 油甘魚，　三文魚子，加州卷，三文魚sushi及蜆miso soup.這裏的食物價格都比其他店貴一點，最平都要HK$14一碟。當日最欣賞是特價中Toro sushi, 那個價格與質素的確美味。蜆miso soup大碗好飲。各HK$40一碟的海膽sushi, 雖沒有臭味，但感覺一般。HK$40一碟三文魚子軍艦，OK.加州卷$18-幾大份，但好像sushi jyo比這裏更好吃三文魚sushi$14-魚片幾大份，味道OK油甘魚－　不好吃其實自己最頂唔順是小廚們常常說以為是日文的日文，我覺得好煩。埋單HK$180. 有一張HK$30 coupon平日來非晚飯時間可用，這樣的話或許會再來，否則還有其他選擇。奇怪的是，當晚有點拉肚子。

終於到千両吃壽司了﹗而且星期六的晚上竟然不用等位，真開心。一坐下就覺得很舒服。試過的迴轉壽司店的座位都是密密麻麻的，坐得很擠迫，不過這裏的座位空間十足，不錯。我們試了幾款︰玉子︰不熱，不過味道都不錯，少少juicy。辣味三文魚︰男友至愛，和元氣一樣好味，夠麻油香，比元氣多了一些蟹子。油甘魚︰一般，不夠肥美。軟殼蟹手卷︰雖然軟殼蟹很油，不過份量不少，而且熱騰騰的，很好吃﹗槍魷魚︰比普通魷魚好吃。帶子︰都蠻有鮮味的，而且肉質新鮮。鰻魚︰不是即燒了，比其他店遜色。最驚喜的是wasabi，我倆都覺得很好吃，很新鮮。環境當然無可挑剔，服務生有禮，雖然壽司的選擇不多，但也不失為一個吃壽司的好地方。

早兩日﹐朋友帶在我去在哩間新開o既店食飯﹐佢話哩一間係高級版o既『元氣』﹐佢食過一次覺得好好味﹐叫我一定要一試﹐所以我地Lunch Hour就去在食o勒。Lunch唔多人﹐見佢仲有好多位﹐我地坐迴轉﹐見佢係運輸帶上面o既款式一般﹐但睇樣都覺得好靚!! 咁一邊食﹐有再order一D係運輸帶上無o既o野食﹐食得幾開心﹐好好味。貴佢就係貴D﹐唔係一般壽司店﹐D魚大大件、好鮮味﹐飯唔係用機壓﹐而係D師父仔用手握出黎o既。同埋有個日本人坐係我地隔離﹐D師父仔都可以用簡單o既日文同佢地溝通。然後尋晚﹐另一個朋友聽完我咁講﹐佢又好想試下﹐所以尋晚我又去在一次﹐我覺得夜晚食又係另一種感覺﹐夜晚運輸帶上面o既款式多好多﹐好好味﹐我朋友仲好大聲講話D魚好鮮﹐佢o既款式比其他店如『元氣』、『壽司亭』、『元祿』多好多﹐我地食在D是日推廣o既魚﹐然後仲Encore在一次。但當然D壽司有咁o既水準﹐價錢絕對係會貴D﹐佢o既海膽手卷係要$40一件﹐但海膽份量多﹐食到底都仲有海膽﹐一般三文魚、吞拿魚就比較遜色﹐因為佢地其他魚係仲好味過一般款式好多。當然﹐如果Lunch去黎咁食法﹐一定覺得貴﹐一個Lunch竟然食百幾二