十字冰室 (The Argyle)

營業中

休息中

之前都間唔中路過，但一直都冇見有餐牌放門外，唔知咩價錢今日決定把心一橫入去試試一望個餐牌原來冇話咩是日午餐之類，見佢有個常餐同皇牌餐，包埋飲品，咁就叫晒兩款啦 (亦有多款特式食物，例如火腿爆蛋菠蘿包，一睇個名爆蛋已經覺得幾搞鬼)店員先端上奶茶，飲落幾順滑，都唔差隻杯係印上餐廳名稱先黎呢個，牛肋肉蕃茄湯通粉呢個幾好食，有蕃茄味唔係只係個D罐頭茄汁湯，牛肋肉亦好腍唔韌黑松露炒蛋加油包，黑松露味幾濃，岩晒我，好味一般特餐常餐少見用上黑松露另一款係十字牛奶豬骨湯意粉當然，餐廳主打係十字牌牛奶，就緊係好多菜式都用上呢個牌字嘅牛奶啦望落都幾奶白色，但飲啖又唔係話個牛奶味好突出，不過塊豬扒都算好大塊，食完都飽，相對之下就覺得蕃茄湯通好食一點炒蛋多士，同黑松露炒蛋個款一樣都係咁滑有機會要試下其他食物，好多款式 不過可能店面細左D，食客坐滿晒後，路較窄，侍應傳菜時及食客進出都要小心點

今日即興想食個早餐，今次揀咗新開的十字冰室，炒蛋多士，加火腿通牛乳湯心粉，再另外加多一個黑松露炒蛋。 炒蛋多士來到的時候，先吃一口炒蛋，個心一路諗住華星冰室同埋澳洲牛奶公司嘅早餐，炒蛋差人哋好遠，多士係普通厚度的多士，牛油油唔夠香，烘底又烘得唔好。之後再想買個黑松露炒蛋，黑松露炒蛋用的黑松露是非常低級的黑松露，香味唔夠口感吖嘛，而炒蛋的份量極少，沒有加入北海道牛乳，只加入他們的十字牛奶去炒，味道同人比較真係差得更遠，相信不會再來。

咁岩有日經過勝利道，見到有間新既冰室又忍唔住入左去試。-皇牌餐（香濃蕃茄牛肋肉湯通粉& 黑松露炒蛋配牛油方包） $62既然講得係蕃茄湯，蕃茄味應該係非常濃厚先合格，但依個蕃茄湯底比較似係羅宋湯既味道，甚至係食唔到蕃茄果種鮮味同甜味，蕃茄湯黎講係麻麻。至於炒蛋，黑松露味幾重，令炒蛋更加香，調味亦都係適中 ，但略嫌炒蛋唔夠嫩滑。麵包方面有少少失望，62蚊一個餐都唔烘一烘個方包有少少失色，最重要既係方包係凍既，好冇誠意。-瑞士雞翼撈一丁麵 $42瑞士雞翼係用雞全翼整，但係瑞士汁唔夠多、雞翼亦都煮得唔夠入味，甚至係有少少乾，合格差少少。再講講個撈一丁，冰室為左令客人知道個麵係出前一丁，所以佢地落埋包麻油，但唔好忘記本身個撈麵已經有瑞士汁，麻油加埋啲汁完全唔match，再者啲瑞士汁又係唔夠，成個麵好dry。-十字雲尼拿焦糖奶昔 $28（跟餐半價）依杯野係所有野入面最有特色既，奶昔味道香甜、重雲尼拿味、加埋焦糖幾好飲。杯頂塊餅除左係裝飾之外，亦都有切碎放入奶昔入面，令到奶昔既口感更豐富。-另外冰室亦都有推出印花制，印花算係易儲 30蚊一個，唔同既印花數量都可以換番唔到既野食，算係一個挽留客人既好手

今次為大家呢間十字冰室，聽落是不是似曾相識呢， 入到去同侍應員傾偈先知道原來真係十字牛奶開的餐廳。 事不宜遲馬上介紹菜式先。黑松露炒蛋: 黑松露炒蛋分量不算多，但勝在黑松露好香同出面啲有少許分別， 雞蛋易炒得非常之滑，相信加入牛奶去做。懷舊蝦多士: 蝦多士係最懷舊嘅菜式 這是真心推介非常之好吃外脆內軟。龐仔椒鹽燒賣: 燒賣咁簡單嘅嘢竟然諗到用龐仔魚椒鹽去做，非常惹味同一般的燒賣與眾不同。瑞士雞全翼: 呢個瑞士雞全翼非常之厲害，瑞士豉油汁非常之濃郁滲透在雞全翼肉裹，全翼嫩滑得不得了，一定會再叫！懷舊鮮茄焗豬扒飯: 呢個焗豬扒飯有別於一般的，豬扒特別後加炒飯底配上香濃的鮮茄汁，唔夠十分鐘把全碟食光了。 椰汁涼粉冰: 椰汁涼粉冰非常好飲是懷舊的款式，沒什麼特別。 美綠山: 美祿山是什麼，美祿山是一種美綠飲品，加上大量胚芽做到好似個山咁樣，飲落好味香口有益健康十字牛奶軟雪糕芭菲 & 牛奶軟雪糕加脆皮朱古力: 重頭劇就在雪糕裏因為他們用了自己的十字牛奶去做雪糕所以奶味特別重。奶類製品是十字冰室的推介，重頭劇，味道特別香滑，用自己牌子去做特別有誠意。

I was relived that the menu was in English haha. I was craving for baked pork rice (焗豬扒飯) since I haven't eaten it since I have been in HK, so I ordered it. I cut the pork into bite size pieces and then mixed the meat, rice, and sauce together. There was bits of egg, mushrooms, and melted cheese in the sauce. I wished they put more cheese on it cuz that's the best part haha. It was a little too salty for my taste... maybe it would have been better if I ordered a drink with it. It was a really fi

#小秘書 今日特登請假，就係為咗修理吓個殻迎接我班姨媽姑姐🥳 做facial、整指甲... 由朝早九點鬆啲直踩到三點三終於可以唞一唞☕️ 第一次幫襯 十字冰室 Cross Cafe 比我想像中清靜、客人唔太多。#小秘書 以為 #下午茶時間 可以食平啲啲，但原來只係我一廂情願😅 咁我唯有將對眼望遠啲，睇吓有無其他選擇😆 餐牌左上角寫住「唔食就走寶」... #小秘書 都唔執輸🤣 叫咗個 #火腿爆蛋菠蘿包 + #鮮奶 做 #下午茶 ☕️ #菠蘿包 非常鬆軟、一啖咬落去 #酥皮 散落到餐碟上... 仲有啲喺我隻手同心口🤣場面震撼😅 咁都未夠👀 第二啖咬落去啲蛋漿亦隨即泌哂出嚟💨💨💨 真係好後悔冇拎定濕紙巾出嚟😆雖然食得論盡，但係配埋支 #十字奶🥛 真係好好味㗎喎😋

上星期五晚去旺角做完野後就同同事係附近搵野食。係openrice search 到原來旺角都開左間十字冰室(之前係九龍灣食過，幾好味)，我就帶左同事黎試下。我地叫左兩個晚餐再補番差價叫左杯香蕉奶同士多啤梨奶，另外叫左一份瑞士雞翼。餐湯及方包餐湯係忌廉湯，熱辣辣，非常開胃，亦唔會太油。牛油方包更加係我的最愛，每次去冰室都必食。另外，啲餐具同碟都好靚！好有特色。懷舊鮮茄焗豬扒飯作為焗飯的fans，又忍唔住叫左焗飯食。個焗飯好夠火喉，茄汁味好出。豬扒比我預期更加大塊又厚身，口感超正！焗芝士吞拿魚蘑菇汁通粉通粉好入味，有濃厚的芝士味，配搭吞拿魚好夾。份量好多！兩個人食都得。瑞士雞全翼黎到冰室又點少得瑞士雞翼！隻雞全翼賣相已經好吸引，表面層瑞士汁好光亮吸引，味道超香！香蕉奶&士多啤梨奶呢間餐廳主打十字牌牛奶，我地就叫左兩杯奶飲。兩杯都分別係牛奶配以一種生果味，感覺好特別，係不錯的嘗試。好抵食！

上個月除夕日（31/12）仍然係要返工做港奴，雖然夜晚應該可能有機會有除夕晚餐食（希望有啦），但一整日既工作仍需要一d動力去推動。所以lunch time就去咗旺角食十字冰室！點解要食佢？因為我好鍾意飲十字牌牛奶！！！今次叫咗2個餐：一個係常餐（十字牛奶豬骨濃湯意粉，配煎豬扒，牛奶炒蛋，牛油多，再加杯熱華田）、另一個餐係皇牌餐（蕃茄牛肋肉湯通粉，黑松露炒蛋，牛油方包，要加杯熱奶茶）。先講講個常餐，個意粉重奶香味但如果可以轉做通粉咁就可以每一啖都有湯入口，豬扒無咩特別，唔會柴口，個炒蛋就正啦！又滑口又香，加2粒鹽上去，正呀！再講講個皇牌餐：我覺得最正嘅係牛肋肉湯通粉，每食一啖通粉同時飲到一啖湯，呢個正正係食通粉既吸引之處！個牛肋肉湯正呀！而個黑松露炒蛋我就唔識講了，因為小弟卑賤無咩食黑松露經驗，所以唔識講好唔好食，牛油方包嚟講，我會比較鍾意食牛油多。餐飲方面，奶茶應該有奶茶果種茶澀味，咩係茶澀味？就係好似會蝕入d牙齦同牙肉位咁。而杯熱華田就正正常常啦，因為都係沖粉嘅姐。😂😂最後要講下環境，個裝修我最鍾意佢個弧形嘅窗台坐位，因為真係好有feel，可以對住條街食，可能得麻甩佬會鍾意呢d環境啦

啱啱開業嗰陣成日嚟食早餐、下午餐都好正先講早餐每次嚟我都會叫H餐，通粉+香煎雞扒+黑松露炒蛋雞扒皮脆肉juice，炒滑蛋又香又夠味下午茶就叫個黑松露薯條同朱古力西多又香又脆又好食可以話係附近性價比最高嘅餐廳可惜一切俱往矣上星期我唔得閒，無乜嚟食；今日見早起身，就去嘆返個早餐先結果我塊扒又乾又鞋，咬落去都咬唔開炒蛋又老又無味整體而言仲垃圾過大XX啲早餐開張無耐就跌曬watt，可能唔休做啦，質素唔再重要

如何定義「挑剔」？是吹毛求疵，或是力臻完美？就以一道菜作喻，食材好但煮功不好，那便白白浪費了。【十字冰室】發展至今，是成長，是倒退，是停滯不前？一頓飯便自有分曉。.餐廳雖叫【十字冰室】，但並不是由十字牌牛奶所開，只是冰室和十字牌牛奶合作。但係聽到十字就知道有十字牌牛奶就好興奮。是晚約左朋友一齊去影相加食野，試下由細飲到大既牛奶既出品究竟係點呢？門口的霓虹招牌尤其搶眼!入面結合懷舊香港元素與摩登設計的時尚風格，用上黑、白、灰亦都好似有復古紅磚牆、懷舊窗花、到貼滿街招的牆身鐵閘等，再加傳統的白色冰室枱，懷舊味濃。餐牌都好有特色！而食物方面，一樣有以冰室必食的常餐為主打，常餐滑蛋升級變黑松露炒蛋，再配上蕃茄牛尾湯通粉，邪惡度急升。燉奶、軟雪糕、炒滑蛋等都加了十字牌牛奶，款款超濃奶香味！亦有多款懷舊小食！香酥炸雞脾配懷舊雜果沙律 $42嘩....巨型炸脾，好吸引。新鮮即炸，雞脾外皮香口夠薄脆，食落脆到有聲！一切開厚實的雞肉，內裡保留肉汁，雞肉入味肥美，如果自己一個吃的話，一定會很飽。好彩有人同我Share，旁邊伴碟的雜果沙律，應該是罐頭的吧！說不試是健康的水果粒，但減輕吃完炸雞後的油膩感。籠仔

途經旺角，有d肚餓，見到路口有間裝修靚仔的冰室，原來是十字冰室。剛一入門口，侍應就好熱情過來招呼，態度好友善，朋友話之前來過，今次店員換左，態度變得超好的。等我試下招牌野食先。朋友講佢地d炒滑蛋系加左十字牌鮮奶，所以一定要試下。餐牌選擇超級多吖！好多都想試下。首先，點左兩杯紅豆奶茶，奶味香濃，紅豆十分綿密！茶味恰到好處，正！怎能不試下皇牌餐？62蚊有香濃蕃茄牛肋肉湯通粉配黑松露炒滑蛋及牛油方包，抵食！湯底夠味，牛肋肉好冧，質素高。黑松露炒蛋冇得彈！因為加左十字牌牛奶，炒蛋突顯香滑！黑松露味十足！呢個炒蛋系列必食！肚已飽，但仲想食甜點，又點左十字燉蛋，奶味超濃，香滑十足。加入十字牌牛奶的制品真系零舍好味。

為食兵團首領推介，旺角十字冰室的奶茶及紅豆冰一流，剛好在旺角辦年貨，正好順道一試。環境企理，格仔地板，情調懷舊。我倆點了幾款不同美食，有$62的香濃蕃茄牛肋肉湯通粉，是餐廳推介食品，味道果然不錯，湯底美味，牛肋肉腍滑，通粉軟熟，不錯推介。跟餐還有牛油方包及黑松露炒滑蛋，松露配蛋很夾，大廚將蛋炒出滑漏的口感，高分制作👍散叫了瑞士雞全翼 $35，瑞士汁調得不錯，味道甜甜的，瞬間吃掉。紅豆冰 $10，紅豆軟腍起沙，十字奶濃滑，很好味的紅豆冰，必點美食。雪糕紅豆冰 $34，沒想過會是軟雪糕，有驚喜！雪糕好味道，軟滑不膩，激讚！🍨沙嗲肥牛煎蛋一丁麵 $35，肥牛都不錯，一點不韌；脆底太陽蛋感覺良好；略嫌沙嗲汁不夠濃，稍遜！十字熱奶茶，香、濃、超滑，茶味夠，是一杯出色的奶茶， 錯過了會是損失 😋😋懷舊薯條配松露蛋黃醬 $28，新鮮炸起，香脆無比。蛋黃醬一般，松露味略淡。龍鳳可樂 $22，咸檸+鮮檸+雪碧，味道很好，頭一次飲這個，有新鮮感。最後，還有印花咭優惠，換取食品印花要求不高，是個真回贈優惠 😁

週末早上在旺角「十字冰室」享用早點。店內裝潢帶懷舊風，尤其是細格磚地板及掛牆食品介紹牌，懷舊風味洋溢。仿鮑片火腿通粉湯頭呈淡奶白色，味道不俗。牛奶炒滑蛋食感確實嫩滑，並泛著輕盈奶香，好吃。 五香肉丁煎蛋一丁麵做工平實，未予驚喜。 熱奶茶口感比一般奶茶薄身，茶奶比例合適，水準達標。

十字冰室位於勝利道街口， 從旺角東港鐵站行過去大概五分鐘左右， 非常方便。 餐廳位於新落成的 住宅大廈， 有落地大玻璃， 樓底高， 坐得舒服。餐廳以懷舊冰室作佈置， 無論他在還是其他在位也有懷舊老香港的風味呢。皇牌餐62餐廳以十字牌牛奶作招來，當然要試試招牌十字牛奶炒滑蛋以及熱奶茶, 用了十字牌牛奶炒的滑蛋， 拿出來的時候還是真騰騰， 入口非常滑嫩。 加了黑松露的炒滑蛋，變化出新口味，餸菜矜貴度 立刻提升 。香濃蕃茄牛肋肉湯通粉蕃茄湯酸甜開胃， 餐廳以牛肋肉入饌， 雖然價錢會貴些少但是牛肋肉有牛味， 不像平時普通快餐用梳打粉醃製過， 滋味當然會倍升。熱奶茶熱奶茶亦以餐廳的招牌十字牛奶沖濟，既有牛奶的滑度又有茶葉的清香，不錯。鐵板西冷扒108套餐奉送餐湯及牛油湯包， 餐湯是南瓜湯 ， 金黃香濃， 唯一美中不足的是餐湯不算很夠熱 。西冷扒可以選燒汁或黑椒汁，配薯條或飯或意粉， 西冷扒是典型港式西餐的風味，肉身較牛柳有咬口， 意粉份量也很多， 小食的女生一定吃不下呢。冰鎮龍滑奶茶11餐飲可以改飲用十字牌牛奶沖製的冰鎮濃滑奶茶， 以牛奶沖仔的冰奶茶幻滑如絲，先茶味後甘甜，滿口都是牛奶香，十分濃

走到旺角東懷舊的十字路口，在門口大大的字寫著「十字冰室」，這家荼餐廳打著懷舊十字牌鮮奶的旗號。餐廳比我想像中闊落、乾淨。裝修都是以香港舊式圓凳長枱為主，並以紅色掛牌寫著不同美食，懷舊感十足。既然來到這家十字冰室，當然會試一試它以十字牌牛奶製作的招牌滑蛋。黑松露炒滑蛋炒蛋加了鮮奶果然特別滑溜， 而黑松露為炒蛋增添獨特的香味，簡單而又奢華。籠仔椒鹽燒賣魚蓉燒賣經油和椒鹽淺炸後，皮脆帶咸，酥香脆口，鹹香滋味。燒賣放入籠子上枱，賣相也一流，創意也十足！鐵板牛仔骨拼司華力腸可選擇白飯、意粉或是薯條，而我則選了薯條。這個套餐包了一份餐湯（南瓜涉）及牛油方包，味道正常，也不賴。主菜送上檯後，侍應接著淋上黑椒汁，鐵板隨即吱吱作響，香氣撲鼻。牛仔骨比較惹味，入口多帶牛筋，口感軟熟且煙韌。午餐肉煎蛋撈一丁麵 比較平平無奇的撈一丁麵，味道不夠，午餐肉尚算煎得香脆。十字牌香蕉奶／熱鮮奶十字牌香蕉奶味道與平時在便利店買到的無異，但這裡的是用玻璃瓶盛載。整體來說，這家茶餐廳的食物也到位，小食更加出色，吃的不只是食物，更什是懷舊的味道。