十字冰室 (The Argyle)

營業中

休息中

環境好整齊企理 乾乾淨淨去食左一個十字淡奶早餐配五香肉丁感覺好新鮮 初頭會以為味道好怪食落又唔差 知道佢哋用嘅係十字淡奶所以試左熱鴛鴦幾好飲 茶 啡味都夠不過食物選擇唔多

今日嚟到旺角勝利道以為冇嘢食原來有呢一間冰室好啦好啦飲少少入嚟坐吓估唔到呢個湯底非常之好食加埋呢個米粉大埔非常爽口好正喎 牛肉係好爽口嘅啲湯係好濃郁嘅淨係個肚都有九十分之高原來呢成件事非常之好㗎嘛呢個多士炒蛋火腿凍奶茶總之每次嚟到呢度都可以入嚟食呀食個方便快捷早餐下次有機會再可以試吓其他早餐呢度環境非常之號朝頭早人少少賞心悅目嘅一餐就喺度完成順帶一提呢度附近其實仲有林林總總嘅舖頭下次就會去隔離嗰幾間試吓密切留意

有冇人同我一樣好鐘意食茶記嘅常餐🤤❓一個粉麵配多士蛋真係可以飽到下午，最緊要係有杯熱奶茶慢慢嘆，對咖啡因敏感嘅我，仲可以提神一日❗️✍🏻 / 十字牛奶豬骨湯沙嗲牛肉米粉💵價錢：HK$42🔘整體美味指數：❤️❤️❤️❤️🤍餐廳嘅早晨套餐都幾多選擇，本來想揀濃湯蕃茄湯底，但見呢個湯底有豬骨湯有牛奶比較特別，就想試下！個湯底未食已經聞到好香，食落又唔會話好濃味，味道啱啱好。成碗米粉勁多牛肉，起碼5塊，仲要包埋多士、炒蛋、火腿同熱奶茶， 呢個價錢來講真係好抵食🈵❣️✍🏻 / 十字牛奶豬骨湯仿鮑魚火腿絲通粉💵價錢：HK$40💬朋友就嗌咗以下呢個餐，望落都幾清，做早餐啱曬。💵埋單價錢：HK$82/2人🔘整體美味指數：❤️❤️❤❤🤍

旺角亞皆老街嘅十字冰室行入嚟好似去返80年代香港嘅感覺而且最特別嘅係餐牌上面嘅菜式都係香港人最鍾意食嘅經典食品仲會配合一啲新穎嘅元素而且呢度嘅餐具都有懷舊特色今日經過就嚟食咗下午茶叫咗2份懷舊蔥花蛋牛三文治不愧為呢度嘅經典菜式真係超級大份而且蛋嘅部份非常香滑再配合少量香蔥真係淡淡都咁滋味另外再叫咗一杯十字牌熱鮮奶朋友就點左一杯熱茶走又渡過咗一個愉快嘅下午而且十字冰室仲有其他分店身為香港人嘅你點可以唔試吓？

十字冰室係選用舊式的設計風格，有種懷舊的感覺。主打用十字牌鮮奶而成的制品😍，所以必食的一定係炒滑蛋👍🏻蟹子蝦仁炒滑蛋蓋飯 $72炒蛋好滑，好大隻蝦好爽口😍，仲有蟹子增加左個飯的口感黑松露滑蛋菠蘿包 $34平時黑松露炒蛋配餐包就食過，但用菠蘿包夾黑松露滑蛋呢個配搭就未試過。菠蘿包甜甜地配黑松露的gas味又唔會太濃蓋過蛋味，仲有好足料炒蛋多到流晒出嚟🤤，可能第一次食覺得成個味道好特別紅豆冰 $16比起其他茶記的紅豆冰無咁甜，牛奶滑，仲有陣淡奶味

計劃左去勝利道啲寵物店睇下貓貓狗狗😺 早一日都睇左附近有咩食，而我同男朋友都想搵一啲茶餐廳類型既嘢食，所以最後就揀咗十字冰室試試佢！餐廳就有差唔多9-10款下午茶我自己就揀咗常餐而男朋友就揀咗下午茶咁叫得十字香滑奶茶我估如無意外裏面應該有十字奶喇第一啖飲落去係係我預料之外我冇預計到佢會咁滑同埋香濃🤤所以我覺得依杯奶茶係絕對推介嘅👍🏼呢個係我叫嘅十字皇牌餐由於本身唔係特別中意食通粉所以加左$5轉出前一丁佢煮既硬度適中 唔會林pat pat🤤黑松露炒蛋亦都唔錯 黑松露係一大pat😹 不過可惜分布唔平均另一個餐係斧頭巨人炸雞髀雞髀好大隻但係略嫌揸得太燶另外好欣賞佢係傳統嘅波浪紋薯條而家餐廳好少見會有

呢間「十字冰室」 顧名思義 食材上用嘅都係十字牌牛奶 裝修係幾有特色 係我鐘意嘅懷舊風 但野食就真係麻麻😢十字營養常餐 $65 (⭐️6/10)【 鮮牛奶豬骨湯意粉 •豬扒 • 炒蛋 (黑松露+$6) • 牛油多士 • ☕️/ 十字牌牛奶 】炒蛋細份又唔滑🥺 黑松露味又唔夠濃郁 豬扒厚身而且肉質都算鬆軟 但個豬骨湯底味道真係好淡🥲 天天見麵 $62 (⭐️5.6/10)【 咸蛋黃金炸雞塊麵 • 牛乳叻沙湯配米粉 】炸雞有少少厚粉 而且咸蛋味唔夠突出😔 米粉份量幾多 但叻沙湯底亦偏向清淡 椰香欠奉

星期日經過，見度度都坐滿晒人，就入嚟試吓叫兩個午餐，焗鮮茄吉列魚柳飯（茄汁味道太酸）。西冷扒配蘑菇燒汁飯（西冷有點兒煙韌）其實餸嘅份量都相對多，普普通通食個lunch OK啦。

今日毛孩照超聲波，等待時間唔想再食西餐，見到冰室即刻衝入去！剛好剩返兩個位！坐高枱望街景環境也不錯，只係冷氣好似爭啲！出門口嘅時候已經食咗個蛋糕唔係好餓，唯有叫返個王牌餐，牛肋肉是真的！不會太韌咬口不錯，蕃茄亦都唔會太酸！而且份量也不少！麵包多士加松露炒蛋！炒蛋味道濃郁有驚喜！松露亦都唔會比得太孤寒份量係match個價錢lol!老公叫咗個三眼仔炸毗午餐，非常之啱佢！全中佢飛佛😆不過留意番白飯唔多，如果係男人超級肚餓未必夠食，可惜飲品就麻麻哋叫咗個凍央少甜少冰！超重奶味！唔知係咪因為十字牛奶嘅原因呢！茶餐廳來講佢價錢都唔平！如果Menu多啲選擇應該會更吸引

已唔係第一次幫襯呢間餐廳！每次都會掃安心出行，今次出到餐廳同樣有掃呢個app,好笑嘅係一個帶黑色四方框眼鏡嘅店員話一要出示返成功掃左嘅頁面俾佢睇返佢睇返，仲有同行嘅朋友都冇要求出示，我同店員講電話係我嘅私隱，我冇理由要出示，之後仲有個染金啡色頭髮女職員介入，個感覺似係兩個職員夾一個客人去出示佢部電話，感覺十分差勁！到最後拉隊走人！

我嗌左個炸雞髀薯條餐，頭先隻雞髀啲肉係酸嘅，又乾又鞋，個皮都唔脆，啲薯條嘅肉醬係一啲味都冇🤮，價錢又貴，跟住我嗌左杯熱朱古力，居然要$8，佢仲要唔同我講要加$8，一般去茶記熱朱古力點會要加錢🙄。跟住我個friend嗌咗個肉醬意粉，仲難食過大家樂，啲肉醬都係冇味，呢個價錢有大把選擇，千祈唔好食

食物質素我覺得一直都可以，係服務差d, 一年前亦都係度寫過負平畀佢哋。不過近來由於時間關係，見就腳就忍一忍啦。一次堂食一次外賣，無幫襯一排，覺得d staff態度唔同晒，當然唔可以同5星級酒店比啦，但我覺得改善了，係時候平反下。希望可以keep住啦，都想繼續幫襯。

平日晚上約7時吃晚飯，人不多，立即有位喜愛它裝修，是富有香港茶餐廳特色這餐廳應該是十字牌牛奶公司有關，除餐廳名外，所用的牛奶都是用十字牌的。原本想應該會再來吃，因為喜歡這茶餐廳的味道外，食物也挺特別。但不約而同，我和朋友吃完後有肚痾，應該都是這間店的問題了。我是一個直腸直肚的人，通常吃完食物有問題，很快便會肚痛。吃完這個晚飯，約一小時左右，變搞肚痛肚屙了。店內環境 ：很懷舊茶餐廳裝修，個人十分喜愛1）晚餐 ：熔岩肉醬滑蛋蓋飯，包湯、沙律及一杯飲品， $62羅宋湯餐湯 ：味道不濃郁，比一般茶餐廳的味道還要淡開胃沙律 ：茶餐廳水準，罐頭水果 熔岩肉醬滑蛋蓋飯 ：單點是$52，店員提醒我們有晚餐。分量足夠，滑蛋不錯，。2）十字牌皇牌套餐 $68 ：香濃鮮茄燴牛肋骨湯通粉 （可選米粉、意粉）,黑松露炒滑蛋牛油多士及十字鮮奶（可轉咖啡或奶茶）香膿鮮茄燴牛肋骨通湯通粉 ：牛肋感覺像牛腩，煮得很淋，很滿意。但鮮茄味不太濃。黑松露炒滑蛋及牛油多士 ：滑蛋不太滑，有點乾。黑松露味不太濃，單茶餐廳質素不要要求太多。凍奶茶熱奶茶 ：茶餐廳水準來說是不錯，喜愛白糖的設計，很有心思值得打卡。餐牌

咁啱經過所以入去食，因為店好似幾好，似牛奶公司，見到專賣十字牛奶🥛，所以入去食下野。這間店舖位置雖然比較少，但環境都十分乾淨整齊。安排好位置之後，正正是下午茶時間。今次係同細佬去食，小朋友當然會揀一啲下午茶餐，而我哋兩個不約而同都叫咗炸雞脾下午茶☕️因為個標題寫住係大size，所以有一個疑問隻究竟有幾大呢？當我個下午茶嚟到嘅時候我哋都嘩一聲真係好大隻雞比，可以再配以一個雜果沙律，外皮炸到卜卜趣，但裏便依然係好有肉汁，基本上係連一個大人都食唔晒嘅份量，再配埋佢嘅牛奶🥛而最好嘅係佢嘅牛奶可以揀熱或者凍。最後食完都係大概40幾蚊一個餐，幾好唔錯，下次會再試埋佢嘅其他嘢食例如常餐。

本身想食麥皮不過原來冇得散要麥皮，好彩都可以喺其他早餐度加$6要一碗。揀咗冰火菠蘿油加$6要麥皮之後再加$6飲十字牛奶。菠蘿油係有烘過的，下面嗰半塊有少少多士嘅感覺，nice👍🏼 麥皮唔係平時茶餐廳水汪汪嗰種，用鮮奶整嘅好滑好綿，啱feel! 如果可以叫一碗大啲嘅就好啦。