十字冰室 (The Argyle)

營業中

休息中

11:45am到十字冰室，侍應話現在停止入單，要到12點才開始午市。諗住15分鐘，坐低等一陣啦。到12點，叫人寫野，佢話要到12:15先可以叫野食。我話頭先又話12點？侍應話現在廚房話12:15。一肚氣！我趕時間走了！

位於旺角勝利道地下的十字冰室，門口有搶眼的紅色霓虹燈招牌。離遠也能看到店內的紅色瓦磚牆，感覺醒神！店內的裝潢結合懷舊香港元素與摩登設計的時尚風格，門面雖然新淨，但仍保留了舊冰室的味道。除了傳統冰室食品外，多款菜式更加入十字牌牛奶產品作食材，貼題之餘仲創意十足！餐飲 熱好立克所有杯碟都用上紅白色，夠晒經典！餐飲 奶茶紅豆冰 +$10用上了紙飲管，為環保出一分力，抵讚！凍奶茶既香又濃，紅豆夠軟腍，又夠甜，好飲！皇牌餐 $62黑松露炒滑蛋配牛油方包牛油分量一啲都唔少！炒蛋的黑松露味好香，啲蛋仲要勁滑，原來係落咗十字牌牛奶去炒，正！皇牌餐 香濃蕃茄牛肋肉湯通粉有點像羅宋湯通粉，又濃又惹味！牛肋肉有好多舊之餘，仲要又腍又入味，推介！全日早餐 $60有齊多士、煙肉、茄扒、炒蛋、茄汁豆、腸仔，同埋勁大塊雞扒！厚切雞扒炸至外皮極為香脆可口，而雞肉仍保持嫩滑！炒蛋又係落咗十字牌牛奶去炒，又滑又香！煙肉、腸仔同茄扒都有煎過，格外香口！整體質素都唔錯。

一街都系餐廳，點解要幫襯一間服務態度差的店？今晚真系食到一肚氣！個男店員黑口黑面，極粗魯！上菜時極不負責任，野食跌左出來，丟落張枱勁大力，好似發脾氣咁！野食又不是唯佢獨有，咁差的態度簡直趕客！普普通通一份菠蘿包賣28蚊！選擇又不多，全日餐牌都系果d炒蛋三文治，呢個不是問題，問題系瑞士雞翼並非瑞士汁，醬油！咸到一個點！搞邊科？！呢d都算！最大的問題系服務態度極差！估唔到新店開張都咁燥！唔想做咪唔做咯！都唔洗拿客人出氣！可怕的十字經歷！簡直系十字路口遇上「老鼠屎！」

屋企附近開左宜間十字冰室細細個就好鍾意飲十字奶🍼見到開冰室咁過隱，真係想試下！星期六下午經過，哇，排唒長龍Lol平日放工時間去就好點了！入到去揾位坐先，裝修都好懷舊，幾有feel😊其實見其他分店有晚市餐牌，有得鋸扒的。不過旺角宜間因爲新開張，店員都話未做得切。所以暫時全日都是宜個menu~~同爸媽泥三個人泥食，乜都嗌下乜都試下🤪黑松露炒蛋就無得走雞啦！招牌菜，用左十字奶落去炒嫁，好滑溜仲嗌左另一款炒蛋，咸牛肉好足料！！比較重口味的這個咸牛肉炒蛋其實撈清清地既櫻花蝦炒飯係幾正喎試下個餐蛋撈丁先，係太陽蛋啊仲嗌左啲冰室小食。椒鹽燒賣同埋蝦多士。幾過癮，哈哈。野飲無嗌到樽裝十字奶。反而試左木瓜芒果奶昔同埋紅豆冰奶茶。好多紅豆好足料喎！埋單。三個人飽到都食唔唒啲嘢，都唔洗$100一個，幾抵食啊

今日係喺晚飯時間嚟食嘢大約六點半鐘，入到去嘅食客唔係好多因為時間尚早，十字冰室其實已經開咗一排，但係旺角呢間分店就係新開嘅，餐廳係以紅白色為主，一入到去發覺其實幾闊落，而且環境好光猛一啲都唔迫 坐得幾舒服嘅既然叫得十字冰室 主打係用十字奶做食材，當然炒蛋就係必叫啦，今次試咗黑松露炒滑蛋黑松露炒滑蛋呢碟黑松露炒滑蛋上菜嘅時候未埋到黎已經聞到黑松露嘅香味，食黑松露炒蛋最怕就係佢個黑松露味太俗 影響晒成碟炒蛋嘅水準，但呢度嘅炒蛋就冇呢個問題，用十字奶炒嘅蛋有奶香味 而且有淡淡的黑松露味，黑松露味唔會掩蓋晒其他嘢，如果蛋炒再滑d仲正十字濃滑奶茶個人其實都好鍾意飲十字奶，呢個十字濃滑奶茶可接以一試嘅 不過少少偏甜懷舊鮮茄焗豬扒飯一貫焗豬扒飯嘅作風係炒飯底，不過佢嘅炒飯底入邊用嘅炒蛋都係用十字奶炒滑蛋，一望就知同平時炒飯底嘅炒蛋係唔同，呢個幾有心思嘅，而且豬扒食落好鬆化處理得幾好加埋先茄汁好開胃肉醬汁芝士焗通心粉焗通心粉呢家野就真係港式冰室或者茶餐廳先有嘅，香濃嘅肉醬撈埋芝士而且仲有淡淡的香料味，幾好食嘅不過啲通粉略嫌林左少少十字牛奶軟雪糕芭菲見佢竟然有甜品食，食完飯就點個甜品試吓，一嚟到個樣都幾

終於等到它開業了，一向愛飲「十字奶」的我，怎能不試吓它的早餐。今日是平日，早上九時許，店內没有太多早餐顧客，環境頗清靜。我選了它其中一個港式早餐，有靚靚sunny side up 雙蛋，雙腸，火腿，牛油多士及熱奶茶。可能對一些大食的人，會嫌太少，我就覺得okay。熱奶茶茶味不太濃，奶就應該是用了「十字奶」，所以味道較淡，但我也like，只是一杯份量不太夠。其實奶茶可唔可以有不同size???因為我是奶茶控!

阿仔學校附近新開十字冰室， 逢星期五都係我哋嘅happy Friday， 所以放學後，同佢去咗呢間新餐廳食下午茶。這裏裝修比較簡單， 而且坐位坐得比較迫夾， 多數都要搭枱搵食……下午茶的款式都有較多的選擇 ，我叫咗一個下午茶 係炸雞髀沙律拼凍檸茶， 炸雞髀略嫌詐得過火， 層雞皮就炸到黑咗少少，但係內裏的雞肉都保持多汁，雞肉滑溜 ，凍檸茶質素合格。阿仔就叫咗個下午茶餐是午餐肉炒蛋併十字鮮奶， 厚厚的炒蛋加上厚切午餐肉， 食半份已經飽到一個點。

Went there for breakfast at 8:20am on Sunday morning. It was raining and there is a queue outside. No staff is managing the queue until I went in to queries about takeout and thinking of giving up queuing. Noticed empty tables inside so I ask the staff how the queue system works. She just said yes to sit down but I feel unfair to the people queuing outside. So I end up asking them to come in first then wait for my turn. Then we finally sat down and placed order, the tea is fair but the scramble

琴日新開既冰室😍 下午1210去到已經要排隊🙈 但等左五分鐘就有位。系門口有大大隻字 十字冰室，超容易認😂 入面大概有50個位，比我想像中闊落👍🏻 有好多十字牌既裝飾，好有氣氛。食物大多都系用十字牌奶去煮。我地叫左常餐同皇牌餐，另加忌廉鮮奶😋😋 蕃茄牛肋通粉好好食，雖然有少少油，但試得出但湯好有牛味😍 黑松露炒蛋，每一啖都有黑松露🥰超正。忌廉鮮奶系自己溝，十字奶味香濃加上忌廉，味道一流。must try! 👍🏻👍🏻