十六座車仔麵

營業中

休息中

本以為九州刀麵似刀削麵煙煙unun,但似河粉多啲,淋左啲，咖哩尤魚味道幾好，不過可能係撈麵，唔熱的.另外友人的菠菜麵勁hyber的綠色（其實係咪色素黎架？😅）食完埋單走人時諗住買皮蛋，職員未能答到黃金皮蛋係咩黎（話要打電話問😅），所以order溏心皮蛋算了，比錢後最搞黎係冇話宜家拎比你定點，淨係強調哩張係你既單...行行下去疑似拎時突變左帶位，跟住冇溏心要轉黃金皮蛋，最終呆等左七分鐘，一個企門口，一個企舖內（舖內太迫，唔容許企二個人）如果職員可以一早話要等耐少少有個心理準備會好啲.....（店內寫明有溏心皮蛋/黃金皮蛋4隻賣的）人客係多，但等四隻皮蛋（未脫殻的，純買走）重耐過碗麵！😅😅😅

十六座最近成為我同同事嘅飯堂，大家都好想去，今日試咗另外一個時段去，試吓去下午茶嘅優惠。最抵食都係下午茶時間去，三餸車仔麵包埋飲品，一杯豆漿免費送俾你。今次嘅三餸車仔麵，揀咗紅菜頭面用麻辣醬撈，另外揀咗咖喱魚蛋、牛舌心、和咖喱麵筋。三款都好入味，尤其係咖喱麵筋，索哂咖哩嘅汁，以牛舌芯係牛舌的中間，都係16座特有嘅配料，爽口彈牙。不過紅菜頭面，識落同普通嘅右面冇乜分別，可以唔使加錢叫。以之前嘅經驗，都係普通幼面同埋油面最夾，下次都想試埋豉油撈。

又係我同朋友搵食。未去旺角睇戲之前。我同朋友去找找食店。企係店門口 觀察左一陣。入去食野既人不斷。應該唔差。入到寫車仔麵。上到台。發覺三個餸極少。係好食。但比我再揀寧願食麥記都好過佢

食神話來這間試下，我當然跟去試新野啦!此店位於太子，中午時都多人，但幸好不用等位環境以懷舊的公共屋邨為主題由於本著嘗試的心態,所以我們4人分別叫了不同的餸基本上樣樣餸都好入味好食,不過有幾樣真係十分好食,第一樣是蘿白，蘿白煮得好腍，而且蘿白好甜好入味，沒有渣,超正!另一樣是金沙青,金沙青是豬肉來的，有點似豬頸肉，肉很彈牙,很易入口蝴蝶腩和牛舌都很好腍和好入味由於每樣食物都很味道濃烈,所以 愈食愈頸渴，因此叩叫了樽仔奶茶奶和茶的比例配得幾好，加上奶茶沒有落冰，所以不會愈飲愈淡總括而言,而店屬於水準較高的車仔麵，食物亦算精細!!不細車仔麵原是平民食品，精細的食物卻原本車仔麵粗糙的風格有點違背!

晏晝食得太飽，行咗好耐都未消化🚶‍♂️🚶‍♀️，行到太子見到依間車仔麵🍲出面好多人等位，今餐就食車仔麵啦。鋪面裝修似以前啲舊屋村啲車仔麵檔，我估應該係老字號。仲標榜無味精。食完之後都覺得應該冇落味精，味道都幾重口味，翼尖，雞翼🍗幾入味，魚蛋都幾彈牙🍡，其他食材就普普通通，我叫咗少辣但都幾辣🔥，湯底亦略為油，價錢方面💰，雖然份量都幾大碗，但如果收平啲就合理啲。舖面，枱面都幾乾淨，食物都用托盤俾客人，筷子用即棄，坐位有少少窄，但整體感覺唔講得上好舒服，但乾乾淨淨，整整齊齊,冇小昆蟲快嚟快去，車仔麵店都好難得，而招呼客人嘅姐姐，幾好笑容幾friendly。

最近，香港各區都有吾少車仔麵店開張 。以我所知， 呢間名為16 座車仔麵系比較開得長時間，都有幾年光景，呢一日黎到 太子踢波，順道一試. ，裝潢好懷舊，裝飾品聽講系店主珍藏，通埋朋友提供。來哥同香港好多人一樣都系屋村成長，記得細個住系慈雲山舊61座，數字上剛剛調轉但那份親切感不禁油然而生 ， 。因為趕時間踢波於是快速叫左幾個送，先試為快 。有魚蛋，米糖雞翼，魷魚同豬腸等等。風味勝過一切，身處懷舊環境，食住以前既味道，童年感覺，屋村頑童生活點滴，從前的 舊友，一下子好像全部回來了 。講返碗麵，翼尖位其實系重點 ，記得阿媽話細個無錢買中翼，遑論全翼，翼尖就系最佳代替品，肉一定無咁多，但味道其實一點也不輸，其他配料亦都有水準 。下次要留耐點，沉浸下呢個咁有feel既懷舊環境 。影多點相

今日喺花園街行完街買完花， 在附近搵食， 看見這間食車仔麵的裝修幾別緻 ，便入咗去試一試 。壁畫和檯面的擺設很有舊屋村feel。 落單紙的設計亦很環保 用了過膠的落單紙和蠟筆 可循環再用我點了一個幼麵豬大腸拼蝴蝶腩要牛腩汁。湯底非常一般 ，豬腸冇up味，但亦鹵得不太好味 蝴蝶腩唔算韌 但味道得很一般 整體而言兩個字"普通"炸韭菜餃算係好味 雲吞皮香脆和餡料ok. 飲品叫了一個自家製涼茶, 算ok啦整體而言很普通沒有特色, 價錢唔算便宜, 所以唔會有下次.

車仔麵通街係，但真係好食嘅唔係好多。今次試下呢間。叫外賣，姐姐比一張menu你係張膠片剔。我選左菠菜麵低，佢有比較特別少少嘅麵底，唔好下下河粉米粉，係吸引人嘅地方嘅。叫左唔知乜鬼雲吞，滷水豆腐同糖心蛋。個湯低都係叫左滷水汁。成個麵係幾大個，好處係一定夠飽，但餸就。。。。好普通，店家推薦嘅雲吞係ok真係ok啫，同推薦嘅個豆腐又係極普通，唯一可取就係個糖心蛋，因為貴一點嘅餸，算叫真糖心，但個滷水汁同一般雞湯分別不大，當然睇佢店應該係辣汁出色一點。 但呢個滷水就一點可取都無，叫清湯無論個味同色等來得自然。下次要幫襯都係試辣睇下會唔會有第三次囉！

因為係附近happy hour ,所以想食碗面打底，我個人好鍾意食車仔面，呢間其實餸係ok，我叫左豬大腸，蠔油冬菇同滷水豆腐，面底揀左感覺上比較健康既菠菜面，由於我唔食牛，所以選擇了撈面汁，點知，咸到食唔到，咁姐姐就俾左碗湯我，落左半碗，就勉強便食到

有晚OT完去旺角轉車，無意中見到「十六座車仔麵」，真係太耐無食過車仔麵，一於食完先回家，結果一連兩星期的OT日子都喺16座尋回車仔麵風味。第二次食先記得影下環境，睇得出裝修的確有用心，好多八九十年代的用品擺設作為餐廳裝飾。地方雖然細細，環境好衛生，都算舒服，有啲對牆bar枱位，最啱好似我咁一個人食。Menu係自劃再用膠片，基本上以往車仔麵餸都有得選擇！我少飲汽水，但食車仔麵就例外，原來支裝都有zero喎，支裝汽水特別正呀！兩次食嘅餸都大同小異，第一次無劃辣度，但辣魚蛋已經夠哂辣，第二次劃咗小辣，對我剛剛好。蘿蔔：夠淋、好夠味，好好食！豬紅：無咩特別，不過一樣好食。魚蛋：辣味，對我太辣，下次會選唔辣。豬腸：一啲都唔肥又夠味，正呀！整體都算ok，但短期內就唔會食第三次，因以這個價錢可以有更多選擇。今時今日食車仔麵已經再唔係大眾化價錢食品啦！

My student and I went out for lunch together again in the same region. We came across this "cart noodles" restaurant and decided to have lunch there. Having waited for 10 minutes for our seats, we saw a number of news reports about the restaurant posted on the window. We thought this lunch would be great but it turned out to be just a shameless rip-off.The shrimp roe noodles were fine. The pig blood curds were ok. The pig intestines were a bit too soft. The dumplings were great but way too small

星期六的夜晚 打算到熱鬧到深夜的旺角吃個簡單的車仔麵安撫一下我疲憊的心情 見十六座車仔麵裝修頗為有趣 便走入去一探究竟 叫了雞翼，芝士丸，蟹棒三餸一米線用料只可以稱為實在沒有任何配料 只有一碗加了鹵水汁的豬骨湯叫人難以有驚喜雞翼是瑞士汁雞翼 還算入味 蟹棒：使用的是壽司專用貴價蟹棒但嫌尚有些少雪味亦仍未完全加熱芝士丸與我平時吃的正方形芝士丸有所不同它不能拉絲而且味道偏甜.剔了店鋪要求的最少3餸一麵以及烏龍茶(hkd12)結帳51元 老實說 實在不值這個價即使是在旺角貴價地段以及深夜營業 基於味道和質素 也令我不服

今晚勁肚餓，見間店咁靚，好想快啲入去，車仔面應最快醫肚餓嘛。點知：1. 等咗好耐面都未嚟，10幾分鐘後阿姐仲行埋嚟確認緊張單（店內只有半數人坐，非繁忙）2. 等到車仔面嚟，但無面！再等阿姐補⋯3. 個腩汁=沙茶醬溝水加辣椒油4. 個冬菇係凍的5. 唯一可取的是自製菠菜面。不錯。5. 叫咗兩碗面（有菜、冬菇、雞腎、黑木耳）加兩支檸檬水，盛惠$160。平均$80一碗車仔麵，又貴量又少又唔好食😭😭從未試過好肚餓個陣食都會覺得好難食！😖😖

1/ 湯底： 太油又味精多2/ 冬菇：凍的，有雪氣3/ 鮮檸檬汁：不鮮，有加糖水4/ 侍應：落單錯誤，態度差5/ 車仔麵都有加一6/ 貴到無朋友，一碗八十蚊總結，一定無下次沒有更差，只有極差

2017-9-15 (Fri) 8pm 🌙#好味度: ****#抵食度: ***#環境度: ***#推介度: *****原來車仔麵都可以與別不同。這裡的座位擺設跟一般車仔麵都是簡單，但就比較乾淨和寬敞，另配置少量懷舊裝飾，格局在車仔麵的界別算是不錯。.特別點了從沒嚐過的菠菜麵，不過不太感覺到菠菜味道，只是綠色的麵，口感韌度適中，略嫌整個麵可以稍為剪斷，方便夾起進食。牛爽，即是牛舌蕊，都值得一試，很爽口。蘿蔔也大塊入味、豬大腸一般。要提一下，這次點的是小辣，辣味比一般餐廳的小辣更強，不能吃辣的人會吃得較辛苦。整體份量也比較大。價格也偏貴了點。#009 完。