十六座車仔麵

營業中

休息中

遲遲未食晏，行經呢條食街，就入咗去「十六座車仔麵」醫醫肚。餐牌用膠片過膠，蠟筆寫餐，清晰又可循環再用，環保值得一讚。下午茶時間選三餸麵飲品半價，所以我就揀咗金沙青、雞腸、雞翼同鮮榨檸檬汁。飲品先上，檸檬汁咸咸酸酸，和我想想中的有點不同，味道有點似咸檸檬汁，飲到最尾有果肉，但又食唔出係檸檬，整體味道有點奇怪。(6/10分)之後麵都好快上枱，份量極少，拎上嚟麵都睇唔到，啲餸又沉晒咗一半。湯底偏咸，個辣汁都幾香幾好味。麵係九州刀麵，煮得太碎偏淋，口感麻麻。雞腸唔係脆腸，脂肪太多，唔好食。不過，金沙青肉爽、雞翼都入味，算係唔錯。整體而言味道還好。(6.8/10分)舊時嘅車仔麵本應係大份又抵食嘅平民美食，但近年車仔麵入舖賣裝修、賣回憶。呢餐最後埋單54$仲要唔飽，實在有點失落。

原本約同學仔去學校附近食車仔麵，不過錯有錯著就去左食新潮小小的車仔麵。好環保的點菜單，循環再用……平時食開要用點菜紙唔改得，環保菜單心思想畫過再改又得喎…，點解係叫16座車仔麵，係唔係只可以坐16個客。不過現場睇，又不只16人入座的……烏冬：配韮菜雲吞＋豆腐＋鹵水蛋。蝦仔麵：配咖哩魷魚咖哩齋。可能隔離麵香，蝦子麵配咖哩汁又好好食，麵質不錯又好咬口，好食菠菜麵：配蝴蝶腩＋黑木耳＋咖哩魚旦。 菠菜麵沒有太大驚喜，菠菜味不出。以食車仔麵來說，性價比較高；不過想食下有質素的食材😜，不妨試吓啦…喂😇！

16座車仔麵係以前舊秀茂坪16座，令小編想起小時候喺藍田住嗰陣，喺大排檔食嘅車仔麵，以前舊式嘅公屋係以坐數嚟分嘅， 16座剛好就係小編喺藍田就讀嘅幼稚園嘅位置，所以對16座非常之有親切感。食店嘅裝修都有用返舊日公屋排檔設計， 大黑板旁邊嘅傳遞食物窗口上面， 16座字眼嘅設計係昔日公屋大廈外牆嘅模樣，真係好令人懷念~嚟到食車仔麵，揀嘅餸一定唔少得，豬紅、豬皮、豬腸、蘿蔔… 豬紅嘅味道值得一讚，去咗咁多間嘅車仔麵，暫時只有16座呢度最好味 豬腸、豬皮、蘿蔔都好入味，蘿蔔炆到好淋。金沙青係每日限量嘅，味道好好肉質好淋。雞翼都炆到好淋好入味，肉質嫩滑。豆漿味道好似維他奶。牛腩汁湯底都非常之好。

車仔麵迷被這間咁特色的車仔麵吸引了入去。先看看餐牌，果然有些特色的餸，當然要落單試試。味道不錯，牛爽口感很像牛舌很爽，蘿蔔很入味，沒有渣，蝴蝶腩很瘦，有點痴牙，整體我會比七十五分。飲品也不錯可惜店員死也不肯走飲管，建議的時候她還駁斥是食客要求(我是要求走管呢)，希望她們可以改善一下，原樽装飲品真的可走飲管!

幾次好想試這店⋯每次都見旺角店🈵️人⋯今天專誠行去太子店⋯坐位較多⋯店員問我會否介意坐高凳丶面壁位⋯宅慣的我當然欣然接受⋯當我十五十六諗緊要唔要鹵水流心🥚時⋯店員告訴我最底消費係三餸⋯就幫我解決困難了⋯粗麵丶鹵水流心🥚丶懷舊牛腩丶豬皮丶少辣汁丶樽裝可樂⋯承惠$51⋯期待細個XX座車仔麵的味道⋯把湯放入嘴𥚃⋯😔欠甜的調味或是蘿蔔的甜味⋯而且一點也不稠⋯一點也不掛麵⋯牛腩好靭又唔夠冧⋯惟獨豬皮夠冧入味丶流心蛋流心⋯搵唔番細細過又惹味又辣又甜的車仔麵的美味⋯溫習唔到和媽媽一起的童年美味⋯

其實呢間野喺舊年同朋友喺花墟行完街都有食過個金沙青的確好令我有深刻印象還掂經過要醫肚一於黎食過返尋味先！雖然九點幾入黎食但係依然都仲有唔少人旺場一坐底諗都唔洗諗即刻劃金沙青先XD 之後再叫左牛腩,蘿蔔另加腩汁麵底就叫左九洲刀麵仲有叫埋腐乳通菜等左5分麵就上枱湯底本身標榜無味精雖然飲落唔夠豬骨味 (可能因能加左腩汁既關係)但起碼唔會愈食愈口渴九洲刀麵雖然薄身啲但落係有啲似蘭洲刀削麵既口感金沙青味道依然食落好滑好Q同埋有好香既肉味食完浸味仲會留喺個口一陣至於牛腩同蘿蔔本身係絕配而且個牛腩炆得夠林同入味腐乳通菜啲腐乳比起平時麵鋪啲腐竹淡味啲無咁濃相對易入口食完唔會口渴埋單60蚊度加左咁多野同埋食物質素絕對抵食！

太子真呢條街真係好多嘢食，今日嚟食下午茶食咗車仔麵，第一次嚟呢度食，冷氣好夠，喺條街熱辣辣行入去真係好舒服。食物的味道好得絕對有以前嘅車仔麵風味返曬嚟，全部原汁原味咖哩魚蛋同呢個沙嗲湯底冇得彈。鹵水牛舌好入味而，且牛舌嘅厚度係好厚唔係薄切，咖哩魚蛋亦都係要食一口之後追住嚟食。叫咗個燕麥菲菜餃，一口一粒，好新鮮嘅食材。蘿蔔已經蚊到林曬入味。面底都係食普通嘅粗麵。但係見到有好多選擇，仲有呢個嘅菠菜，自家製嘅麵。而至於個環境都係非常之街坊，亦都係好舒服，而且佢嗰個設計本身個裝修都好有空間感。我最值得一讚係佢嘅點菜紙，因為好環保 --- 係過左膠然後喺上面寫單係非常之環保。我見到好多客飲佢嘅自家製飲品檸檬汁和涼茶，飲品包裝都好乾淨，佢個自家製亦都有好多人外賣佢個飲品。不過我真係好熱，所以今次都係飲可樂。下次有機會要再試自家飲品，有返以前真係車仔檔嗰種味道大滿足!!

我Office喺旺角 附近好多車仔麵但係呢間係我最鍾意嘅 鋪頭裝修好有香港懷舊特色 鋪頭有兩層不過一大班人去食飯都幾難搵位 好多時候都要分開坐 不過因為好食嘅關係都會成日去 呢度可以乾撈或者湯麵我個人就鍾意乾撈小辣非常之惹味 試過中辣我就覺得太過辣 （平時譚仔食開三小辣）麵嘅選擇都好多健康啲可以揀波菜麵或者紅菜頭面 兩樣都叫過上菜嘅時候好開心架因為五顏六色好靚唔係咁多地方有車仔麵餸嘅話我就推薦秘製咖喱魷魚 呢個係我每次都叫嘅 呢度嘅蝴蝶腩燜得好林好入味 蝴蝶腩可能好少聽其實係豬肉嚟嘅所以唔好以為係牛腩試過呢度嘅牛腩有啲失望因為啲牛腩好碎好細塊都試過豬大腸呢度嘅豬大腸都有啲令人失望 因為唔知係咪燜得太耐一啲咬口都冇呢張相係我最近一次食嘅

返完工去花墟買花，經過花園街又睇下有咩餐廳…被餐牌上的豬見青和鹵水牛脷吸引了。加多個新奇有趣的紅菜頭麪，感覺很滿足可惜座位太少，只可坐在bar枱又吊腳，怱怱忙忙就食完走，希望可以改善環境就好了

同事介紹的一家車仔麵餐廳，於是趁住工作日來試試。排咗2分鐘便有位。呢間店有6人樋，可以同朋友坐埋一齊，一路食一路傾，都幾開心。叫咗幼麵，麵身比一般的麵要干，所以唔滑，不過我幾鐘意呢種質地。配菜叫咗木耳，鹵牛脷同茶餃。菜餃細細隻，多菜少肉，幾健康。牛脷都鹵得幾入味，腍腍地。總體比我之前食過的所有車仔麵都好。

七月份一個星期六中午，我路經太子，唸起上次試過既呢度，不期然想起上次既美好回憶，就唸住再次尋味。卻原來，星期六中午人流非常繁忙，向店員表明一位（唸住可以快d），但係真係人群如潮湧，都要乖乖等候入座。十幾分鐘後，終於等到位，時間匆忙等候既人亦多，於是火速叫左一碗粗麵，加上魷魚，牛舌，魚蛋，金沙清，魷魚真心爽口，牛舌同金沙青據聞每日限量，肉質好鬆化彈牙，牛舌既爽口又香濃，味道無得輸。店家應付繁忙既客量仍然保持水準，好野。

星期日晚上，決定到太子吃晚餐想想吓，醒起有呢間 十六座車仔麵呢間十六座車仔麵，店鋪細細，但職員很有禮貌地去服侍每一位食客, 值得一讚我們2個人，每人都自己落單，用張過了膠的餐單，再去用菲林底片的筆，畫落去，非常環保。我們2個人，叫了一碗4個餸，另一位叫了3個餸食。因為3個餸以上，飲品會半價，另外4個餸以上，會送杯豆漿 or 飲品會半價。我們每人都自己落 order1. 豬皮，滷水雞腎，菜肉燕餃 配刀削麵用滷水汁小辣 加枝雪碧2. 金沙青(豬頸肉)，牛爽(牛舌芯)，滷水雞翼， 墨魚丸配紅菜頭麵用豉油汁乾撈 加枝芬達話時話，啲餸料非常好味，但墨魚丸同雞翼就只有2隻，就真的有點少份量，因為每款都起碼要11蚊或者9蚊的。但是豉油汁乾撈的麵，豉油汁就比較濃味點，如果改用瑞士汁乾撈，就應該會好好多。整體來說，我會再次回來幫襯的。評分：服務：9/10食物質素： 9/10環境：8/10

所有野都係得自己味道普通到一個點如果唔叫有味道既湯底根本就唔知食緊乜平.....佢又唔係平味.....佢又唔係特別過人環境只係叫做有少少裝飾/主題如果比37蚊（起）食碗三餸普通到唔普通車仔面可以唔洗選擇

聲稱冇味精，但味道偏咸，可能係咁感覺流心蛋冇乜味。最慘係冇河粉，店員推介12蚊既刀面，厚過河粉又煮到斷哂So Sad.最後.47蚊食唔飽，味道Ok，門口貼住果d雜誌廣告話食裝修...又唔覺有咩好睇

咁大個人第一次係熟曬既雞翼見到毛，唔係一條，唔係兩條，唔係三條，而係至少五至六條......最恐佈個下係你都食左成碗麵一陣，而且仲已經食左一隻雞翼，唔知啱啱食左個隻有冇毛呢⋯⋯OMG ,你叫我點食落下，呢個時候同阿姐講，「Urh, 隻雞翼有毛....，可唔可以....」阿姐反應麻木，目冇表情迅而不掩耳咁變左一隻碗仔出來，示意我放隻雞翼落去GOD... 根據小編既sharp six-sense 同初步估計1. 阿姐見怪不怪一定係細佬仔唔識世界，熟既雞翼平時一定更多毛2. 阿姐我為公司cut cost, 一定唔會幫你呢窮L 成碗換3. 雞毛湯底，有益又健康如是姐，又餓又大食既小編，樹熊加塊葉咁呆L 左一陣，果腦自編自導自演左再大戰雞毛既下場可能係肚痛同急症室見，再叫阿姐換，分分鐘冇雞毛咁pure 咁 true, 所以決定放低手上筷子，俾錢閃人😂之前有開po 大讚過，可見同好多餐廳一樣，要keep quality 好難。特此update 大家自行評估風險再決定幫襯😏😏 Good Luck !#有圖有真相 #食毛記 #毛記 #毛毛送你一對翼 #好好好重要所以影三張相