十八座狗仔粉

營業中

休息中

深宵想食個宵夜又唔想煎煎炸炸。就來一碗「狗仔粉」頂下肚。本來堂食可以揀大碗(唔記得幾錢)或者細碗(22蚊)。但外賣就一定係一個價30蚊。個人覺得係細size。 外賣就唔底食喇。不過好耐無食就試下啦。阿姐會問你要唔要辣。要就畢d辣菜甫比你(如圖) 。都幾野味喎！ 食過嘅人都知係傑湯+碎上海面。d面算普通啦。叫做有嘢食落口咁囉。如果配料可以再多d就開心d囉。其實今次係想讚個辣菜甫同埋彈個外賣一碗太貴。要成三十蚊

朋友十分沉迷十八座狗仔粉，所以跟佢去試下。叫左一碗狗仔粉，一份炸黑白丸。朋友就要左狗仔粉多炸菜。粉一到，成碗野睇落比較多生粉，好似起哂漿咁。但食落口，個湯又唔係太粘口，味道一般般，但味精真係好重。到個粉，好失望，食落比較鬆散同粉，唔夠實。最大問題係食落成陣麵粉旱味，點解個個都食得咁開心，好似好好食咁。。。炸丸都係一般，新鮮炸好，但炸得燶左少少偏黑。令到丸好乾身，味道同口感有點強差人意另外，店員既態度真係好一般，算得上係差添

番學前經過，問咗原來開24小時。放學後衝去買我叫咗碗細狗仔粉加黑白雙丸一句熱愛狗仔粉的我秒速K.O.覺得比起荃灣鋪較咸和重味雙丸夠熱，外脆內軟，加上辣味粉味道更佳

個日接女朋友放工，開心掃街去。十八座狗仔粉都見過好幾次，但都無食過，見到咁多明星相，心郁郁又想試下。梗係要試下啲出名野，狗仔粉同火鴨翅。老老豆豆，個狗仔粉好一般。其實我唔明有咩咁特別咁出名，好普通嘅一碗粗粉面，味道一般。個火鴨翅同一般碗仔翅係好唔同，好重仲火鴨肉味，都幾正。見佢話個千味醬好好食，叫多個魚皮餃。把鬼！一黎到女朋友一食就話，車面豉醬次嘛！千味醬姐係面豉醬，魚皮餃係四海魚餃，毫無特別，可以唔駛食。喱間野都係名過於實，試過就算啦

Had only tried the noodle in Yuen Long Branch, so this time I decided to try this kind of soup in Sam Shiu Poo Branch. This is yummy and the duck meat was tasty which made the whole bowl of soup became full and smell nice. It is not oily at all. Next time I will try to order a entire duck leg and soak it into the soup!

深水埗美食多不勝數，這次與朋友到此店試了狗仔粉、燒鴨脾、炸四式丸和辣魚蛋。狗仔粉配有炸菜、葱和菇，汁料有稠度，做得清淡香軟。食店把燒鴨脾與翅一起煮，單點燒鴨脾，有一點翅黏着，烤香了的鴨脾肉質豐富幼嫰，帶有一點翅，很有風味特色。炸四丸炸得外層香脆，內裏香軟。這種四式丸的配搭不錯，能滿足不同口味，亦好吃。至於辣魚蛋，煮得有彈性，汁料香濃刺激，個人感到有點過辣，但是其辣味是香惹的。這次最喜歡的是炸四丸，最深印象是狗仔粉。總的來說，各款食品也用心製作，是否合味視乎個人喜好，個人認為值得嚐試和讚賞。

成日都聽到人講話，深水埗的狗仔粉好正，一定要去試下，某日去左接隻熊貓去食晚飯啦，咁就打算一齊去試佢一試啦。 我就放左幾多胡椒粉到狗仔粉裡的，味道會有少少辣，但同樣地會變得惹味好多，加上個日天氣凍，更加令人食多兩啖，味道相當唔錯。 另外，我又叫左啲豬皮食啦，少少辣醬加啲原本既醬汁，真的會更加之好味，加上豬皮都幾有彈性，唔係放左好耐淋晒既豬皮，所以總體都好好食，而且價錢親民，就算到糧末去食，都保證食到飽出鋪頭。

很耐冇食碗仔翅，今日路過十八座狗仔粉，點了個火鴨絲碗仔翅，啖啖火鴨絲，再加上黑木耳絲、粉絲及肉絲等，鴨味濃濃，有淡淡煙熏味道，肉絲頗多，翅湯濃稠，本人就相當喜歡喇😊

星期六要去鴨寮街買電話卡，所以專程來試吓深水埗分店係咪一樣咁好食😊當然係這個地區食嘢服務要求已經唔會高，可惜這間分店零服務可言😑短短30分鐘食嘢過程，被轉枱三次🙈⋯⋯都係講返嘢食啦，我哋今次叫咗主打嘅狗仔粉、鴨肉翅、炸豬肉丸、燒賣鴨肉翅好足料，味道十分好，一食就停唔到口👍🏻豬肉丸炸到有少少硬下次會試吓炸墨魚丸

放假決定在深水埗尋味，狗仔粉係我的第一站！ 我最鐘意翅滾火鴨腿加狗仔粉一齊食，可以互相輝映，火鴨腿充滿油香，鴨味濃厚，咸味適中；狗仔粉味道清清的，自行加上桌上辣辣的菜甫更是美味！簡單而美味，正係街坊小店的寫照！

星期三晚上差不多10點係深水埗仲要有一邊街停電，所以搵野食都少左。幸好老公想去個間十八座狗仔粉未被影響😊其實之前聽過依間食肆，但冇留意。黎到見佢其實唔多野揀，但就習中。我地叫晒佢d招牌菜，火鴨翅，味濃，多料，再加埋我鐘意食既菜脯，正👍🏻狗仔粉，其實我一向都唔好，但依度既狗仔粉唔係一條條麵粉，而係一條條已經調左味既麵粉，所以都ok!個大雜燴有白蘿蔔、豬肚、豬腸，不過豬肚少左d,腸比較肥，但佢做個汁幾夾，好味😋由於係小舖，所以食完有油煙味......

第一次嚐『十八座狗仔粉』在佐敦，還記得那天在街舖吃到大汗淋漓。今天在深水埗分店，有冷氣，舒服多了。人客比當天少了很多，或許熱潮已過？今次吃了大的馳名狗仔粉$27，狗仔粉質地就像短的烏冬，個人不太喜歡，太淋了，還是愛吃爽口的銀針粉，可惜在街很少會吃到銀針粉。大的招牌火鴨翅$27，餐牌寫上『點止碗仔翅咁簡單，四隻燒鴨煲足六小時秘製』，與平時吃的雖然多了燒鴨絲，但味道不覺突出，而且吃久了很快會變稀。反而大雜燴最出色，原味大腸+鮮甜蘿蔔雙拼 $13，一小時秘製很入味，而且千味醬很配。雖然整體不過不失，但價錢便宜，也可繼續ENCORE！

雖然而家街邊小食花神愈來愈多但係小妹點都係中意食懷舊小食多啲或者回憶既味道總是美好的行完高登見有啲肚餓但又未到晚飯時間所以諗住係附近醫下肚因為親戚住係屯門既關係所以細個耐唔耐都會係置樂果度食粉仔雖然只不過係麵粉加普通食材煮成既小食但卻無比美味重點仲要係落極多菜脯係高登出面見到有間十八座狗仔粉所以決定入去懷念一番除左狗仔粉，火鴨翅雞髀，碗仔翅亦是其招牌除此之外，店內仲有賣燒賣，魚旦，豬腸，黑白炸丸（炸四式丸）可惜仲要食晚飯既關係所以只係決定點一碗細既狗仔粉唔洗好耐熱辣辣既狗仔粉便上黎啦枱頭有兩款菜脯任添淺色的不辣帶甜味，紅色則是帶蒜同辣味小妹唔小心重手左辣到飛起不過很惹味粉仔看起來滑嘟嘟很腍身索左湯好入味而湯底頗濃但不會過咸而帶有淡淡冬菇同蝦米味回憶當頭上黎雖然狗仔粉只係好普通既小食但好多時都不是念佢其味道而係其背後既回憶總括而言，味道不錯當內有不少人叫炸丸下次也要試一下

成日聽人食狗仔粉諗極都唔知係咩黎今次終於第一次食狗仔粉,份量都幾大碗!狗仔粉既質感係非常咁腍身口感過軟,完成唔覺得煙韌彈牙個湯底杰撻撻一pat野咁愈食愈唔想再食既感覺真係出哂事完全估唔到會係咁

曾經食過fusion菜卡邦尼狗仔粉～ 正宗既狗仔粉就未試過～ 未到七點黎到⋯當時舖頭得幾個客～ 之後越食越多人滿晒座😳😳 不過人流去得好快～ 畢竟都唔係俾你慢慢嘆既高級餐廳～ 嗌左3款野食2份share～ 狗仔粉同翅係一早煮好所以落完單即刻有得食⚡️⚡️必試久仰大名既狗仔粉 (大 $27)湯底好杰身～ 似係熬左一段長時間所以d材料溶左入湯底而成～ 好香冬菇味～ 狗仔粉滑溜煮得稔身～ 配埋湯底味道好夠～ 佢d菜鋪好爽口⋯為呢款狗仔粉生色不少👍🏻👍🏻👍🏻 唔夠既話⋯枱面仲有普通菜鋪同勁辣菜鋪俾你自己加～ 勁辣既真係好辣🙊🙊🙊 最好逐少逐少加 😉😉火鴨翅 (細 $20)初初以為只係碗仔翅加火鴨絲～ 好杰身～ 但呢款唔係芡粉落太多果種杰⋯真係煲左長時間果款杰身～ 火鴨絲已經熬到極稔入口即化～ 加上足料既木耳增加口感～ 雖然冇一般碗仔翅有咁多(假)翅冬菇絲等配料～ 但已經好好味 😋😋另外嗌左黑白炸丸 ($13)～ 有4款丸～ 落單時可揀辣定唔辣～ 其實應該係決定佢落幾多辣粉～ 我食左黑椒牛丸同墨魚丸～ 外面層皮係靭靭地⋯粒丸亦唔爽口彈牙～ 可以略過 👋🏻👋🏻👋🏻平民小食～ 價錢平又好食～ 係糧尾恩物