十八座狗仔粉

營業中

休息中

夜鬼深夜宵夜文👻 #cc宵夜食走到去廟街個邊即使凌晨時分都仲有不少選擇，串燒點心打冷粉麵🍢🍲🍚🍜🍗不過又真係無邊間覺得好好味，有人提意食十八座狗仔粉。招牌狗仔粉(大) HKD $30原來狗仔粉就係我以前食既粉仔！個樣似碎既偏林口感烏冬，加上冬菇蝦米之類既稠湯，精髓在於加上一匙辣菜甫😆👍👍👍辣到喉嚨都熱既好爽，當然唔辣菜甫都會加少少太中意呢個口感，口感好豐富既平民美食，好似愈來愈少見了。火鴨(下)脾 HKD $30上脾已經賣完，下脾較貴不過都試下，雞脾就食得多🍗鴨脾其實都貴好多，少食嘛，都幾特別，而且有少少翅汁唔會好乾，都真係幾大一隻，不過食幾啖就會覺得好單調🙈放低了。火鴨翅 (大) HKD $30左右火鴨翅都可算真材實料，味道夠濃料夠足，有木耳蛋花仲有素翅，口感好好，質素對得起價錢有餘👍👍😬起碼唔會覺得係粉絲湯！大雜會在加魚蛋同魚皮餃等等小食，好豐富的一餐😋大雜會太甜唔係我杯茶，魚蛋係細粒既豉油魚蛋👍夠辣正正！魚皮餃都幾好味不過個汁都係偏甜既原來十八座係二十四小時營業，不過坐係露天馬路邊，都係宜家既時分同天氣舒服✌️

太多朋友都講呢間野,,所以搞到我都忍唔住去試下!!!一個字..窄..哈哈去到竟然見到TVB以前個小朋友節目主持..X貫中望到個餐牌個陣..老實講..俾我感覺係幾貴..始終做起左個名..價錢都隨名氣而增加..當然叫左必食狗仔粉..呢個好LIKE熱辣辣味道好好..唔會太(傑)..D粉條好好咬口又彈牙..好好食..加埋無限菜莆咸咸地好好食!!!!又大碗又好食!!!跟手第二出名係個火鴨脾UM...先講個翅..係幾好食好香好濃味..好熱..咸咸的幾好..而個脾就...可能我食唔慣吧..覺得D肉好硬..感覺上食落似雞脾..分別不大..個翅比隻脾好食..但隻脾勝左夠大隻..唔知係米翻熱又翻熱..所以D肉開始唔太好食...其他的燒賣..豬皮..魚蛋..等等..料唔算特別..但個醬一流..有DD辣好香口!!香噴噴!!特別推介個醬係好食!!基本上個醬配咩都好食哈哈!!

急不及待要寫呢個食評,實在一肚氣。今晚同妹妹,3歲的女兒三人去食，聽聞話好味就去試下。去到同阿姐講三位，無反應，已經企左陣，再問佢先話響果邊排隊(其實佢可以開張檯，我地坐低無耐佢都開左檯俾人).等左陣，見有2PAIRS人走.佢抹完檯都無安排我地入坐，態度非常傲慢，都係我地自己坐落去。我地叫左一碗小狗仔粉，一碗碗仔翅同燒賣。全部俾佢厄哂!!!!!!!!!D野食到，問阿姐拿三隻碗我：唔該俾三隻碗阿姐：下我：唔該俾三隻碗 阿姐：下我：唔該俾三隻碗(以為佢聽唔清楚)阿姐：我地無咁多碗喎，俾兩隻你咋喎今時今日仲有咁既服務態度!!!!真係火都黎!!!!講番食物先狗仔粉都唔覺好味，超普通碗仔翅個湯底超淡，肉絲都無，全部都係肉蓉，似俾BB食果D囉，一D 嘐口都無。只係木耳多，仲要見到未攪均既生粉"獻"燒賣完全係無味的，超難食!!!呢間野一定無下次，附近都有好多選擇，行前少少去廟街果邊好味好多。如果有最差服務態度的食肆投票，我一定投呢間!好耐都未試過食到大肚氣了!!!!!

一月四日 (星期六)十八座狗仔粉，舊址是佳佳甜品，而佳佳則轉往對面較大的鋪位小枱四五張，賣的款式也不算多老闆年紀輕輕，原來以前在屋邨長大，對狗仔粉這懷舊街頭小吃念念不忘，遂開店狗仔粉的湯頭，由豬油渣,豬骨,冬菇和蝦米來煲十分香口惹味，冬菇味就特別濃郁火鴨翅，湯底帶着豐富的鴨羶香，還有不少鴨肉絲~更精彩更詳盡內容，不在這裡談，到部落格看吧~

Thank you OpenSnap @ Openrice~~前一個星期參加了OpenSnap 的活動，贏得了兩張＜東京小屋＞的換票卷~好不容易才等它寄到家~~上網Check check，只剩下一、兩間戲院還在放映呀~~一家之煮向來喜歡觀看日本電影，二話不說，隔天放工立刻拉她去睇戲~~睇戲之前當然要醫醫肚~一家之煮愛懷舊，就帶她去bookmark 已久的十八座狗仔粉啦~~地點不難搵~~不過大熱天時坐街邊就真的令人有點吃不消...食物選擇頗多，還好我們有二人，可以多點些分著食~狗仔粉（細）$19，不知道細有多細大有多大，也不知道好唔好食所以點一碗細的淺嚐一下~枱上有菜脯及辣菜脯讓大家自由添加，愛辣的我們，加了不少這惹味的菜脯呢~狗仔粉胖嘟嘟，很可愛~~以為它像烏冬一樣煙韌的口感，但原來是吸滿湯汁而腍腍的~~配有些冬菇蝦米，増添口感及香氣火鴨翅（細）$19，很足料很濃稠，滿滿的都是木耳火鴨絲，湯底濃濃的火鴨香，木耳爽脆，可以減低油膩感，不過湯頭真的比較偏重，有點吃不消...火鴨上脾$22，火鴨皮被翅浸得火氣全消，鴨肉滑滑的，不會很油，都不錯食~這十八座狗仔粉其實真的性價比高，不過，略嫌"師

一直聽好多朋友介紹佐敦有間好有特色的狗仔粉，上個星期終於試到。雖然無冷氣只可以坐巷仔，但果然好好食，咩都抵呀。首先試左個招牌狗仔粉，食大碗size，仲有任落的辣菜甫，味道一流。除左狗仔粉，我發現火鴨翅都非常好味，同街邊的碗仔翅完全唔同。佢的燒鴨味好濃，用的是素翅，唔係普通粉絲，加埋木耳和蛋花，真係一試難忘呀。

專登落佐敦食呢間,又唔熟路,搵左一輪,中於搵到,去到眼見得露天位好熱都算女朋友一心諗住食出名火鴨次同呢個狗仔粉,點知完全兩回事,一嚟到個狗仔粉凍,同冇咩味,口感我覺得似鳥冬,冇特別,我覺得鳥冬仲好食過佢火鴨次唔係理想中咁'結',係好'希',冇咩味另外我叫多左個燒買,燒買其實正常,但個啊姐落左好似豆豉'獎',超級咸!!!頂唔順叫左野飲,飲完都係唔夠喉,食完再去買過野飲總括而言,呢次令我好失望,我食仲多個我女朋友,我食晒咁濟,但又唔好味!!!名不副實

隱藏喺鬧市一隅嘅懷舊小食店，最出名嘅火鴨脾完全無令我失望，真係好入味，搭上幾口翅真係好好食！至於名之所在嘅狗仔粉我就覺得一般，糊仔咁會好飽肚，無食過可以試下。但佢啲魚皮餃同燒賣就一般般無咩特別。但另一十分值得一試嘅係黑白隻丸，四粒都炸得啱啱好，十分juicy,比我再去多次一定食返啲丸！

中午成35度，點都冇諗住坐係果度食啦！點知，次次外賣，三次有二次都要等成十幾分鐘先有得攞，尤其係個大雜燴等最耐，雖然次次食都要可樂相伴（勁口渴）， 但佢個汁真係堅好味，食佢好似食番以前既推車仔小販既感覺 而個狗仔粉，機本上係為左菜圃而叫，鍾意食辣既，一定要試，我最勁只係試過中辣，辣到冇朋友，之後都係叫番小辣，奉勸一句，小辣多滋味

久違了的兒時味道，還記得小時候常在食店吃一種名為粉仔的食物，材料很簡單，只有蝦米、冬菇、豬油渣、菜脯、冬菜等等，湯很少但味卻既濃且鮮的街頭小吃，粉仔的粉外形又短又粗，而且口感也比其他麵來得較實，但現在已很難找到此等美味回憶老公帶我到佐敦出名的十八座狗仔粉，才得知我最愛的粉仔原名是狗仔粉，那我當然巴不得要來一試狗仔粉短壯的粉仔端上有種久別重逢的感覺，粉仔入口口感腍軟，湯底濃稠帶陣陣咸香，呷一啖，味道濃郁鮮味，此味道乃蝦米跟冬菇等配料的功勞，雖不及我記憶中那樣鮮味濃郁，但已重拾到那熟悉的味道，而重要的是必須加入(辣)菜脯同吃，可昇華湯的味道，倍添惹味，吃畢頓感滿足火鴨翅色澤深沈，質地濃稠，材料十足，木耳絲及肉絲清晰可見，木耳絲在濃稠的湯內充當著重要的調和角色，減低油膩感，而湯底也帶出陣陣火鴨香，認真烹製程度可見一斑，但材料之多，真的有點嚇人，而且湯味有點偏重，不能多吃要在炎熱的夏天到此用餐，真的需要點勇氣，還是待秋涼時份再來回味一番

讀大學的年代，每天都受住搭巴士的煎熬，天寒地凍，還是汗流浹背，都風雨不改搭巴士去上堂。好彩既20分鐘，唔好彩可能一塞就成個鐘。這個時候，其中一個消磨時間的方法，就係睇巴士上既roadshow。其實D節目都唔錯，特別吸引的當然是飲食節目啦。記得有一次介紹十八座狗仔粉，見到大過個主持塊面既鴨脾，越睇越肚餓。自此以後，久唔久就會諗起，打算得閒去試下。幾年後的一個星期日，終於有閒情逸致去試下。人氣都幾旺。以為只有狗仔粉，火鴨脾，火鴨翅，原來還有其他選擇。只有露天座位，加塊帆布遮太陽，有大排檔的感覺。但天氣太熱，唔想食到一身汗，還是買外賣回家品嘗。有分大($26)小($15)，但外賣一律$27，但也不見得很大。見幾個女仔站在一旁食燒賣，我又加了串香辣魚蛋，可以邊行邊吃。果然係香辣魚蛋，好辣！辣味之下，魚蛋的鮮味不錯，但可以更彈牙。回到家，急不及待要試。狗仔粉加了菜甫同豬油渣，食落都幾香，少少辣幾惹味。還以為狗仔粉會有甚麼特別，吃下去根本是煎開了和煮爛了的烏冬 　跟我的想像很大差別，稔得可以不用咀嚼，幸好味道還可以。火鴨翅的賣相不太討好，味道更差。值得一讚是有大量一絲絲的火鴨肉，但味道很淡。同一

火鴨碗仔翅堅係好食，適度味精背後係食得出的真材實料，真係有鴨肉絲、唔算太咸，如果可以再多雲耳就好，但呢個價錢，係誠意之作。狗仔粉都唔錯，足料抵食。大熱天時坐喺街邊，搭枱聽住街坊吹水，別有一番風味，冬天會再食，到時應該更開心。

看過飲食飯團的介紹，星期天專程搭地下鐵來佐敦試試。當然試上狗仔粉，火鴨翅，但是給我預期的差。聽媽媽說，這裡的狗仔粉不是最傳統和最正宗的。吃起來的感覺就像上海麪裝扮狗仔粉(食家們有否同感?)狗仔粉味道，我不能說太好或太差。加上小許蔥花，冬菇，味道是普通的，像街邊貨色。火鴨絲翅唯一推介。但大碗size都要$30(其實份量只是比雞公碗大些)，相對貴加上細小火鴨絲，木耳，欣賞材料全部細切，而不是切得又厚又大。口感略"傑"，溫度不太熱，但味道還可以。大雜燴有牛肚，豬大腸，蘿蔔，豬皮強烈不推介牛肚，豬大腸完全不"淋"，不能吞下，驚難消化蘿蔔，豬皮普通貨色飲品偏貴(以佐敦地區)王老吉$8蚊(平時11蚊3罐)

我第一次試十八座狗仔粉係冬天, 個事天氣好凍, 放lunch時又攰又冬, 好想食d熱辣辣既野。聽同學講話十八座狗仔粉d碗仔翅好似唔錯, 咁就去咗試一試。去到見到係一間好細既小店, 店員都只係得2個, 枱都只係得4-5張, 如果你早到都仲有位既, 不過我就等咗5-10分鐘。首先店員唔足夠, 一到lunch time多人就所有野變得好慢。我叫咗個大碗仔翅同一個辣魚蛋。本身我係一個幾食得辣既人, 但係我試過佢地既魚蛋之後辣到噴火, 如果大家食唔到辣就千企唔好叫啦, 因為係冇得走辣既。碗碗仔翅黎到冇我expext咁大碗, 不過食下食下又幾飽。 雖然食落個胃好暖, 有好多木耳, 但係整體黎講好稀, d所謂火鴨絲meet到好碎好碎。之後試過佢既燒賣同魚皮餃, 燒賣(7粒)都ok, 魚皮餃(5粒)上面有d秘製汁都可以。

經過上次TVB嘅飲食節目《搵食飯團》嘅介紹下,認識咗呢項食品,覺得幾得意就連同我妹同我爸一齊去試下咩味 可能因為夏天而且又係中午時分,所以無太多顧客亦唔洗等位。之後我哋叫咗3碗狗仔粉,本來叫咗2碗細1碗大,不過最後黎咗3碗細..本來寫單已經出錯我都重複咗2次先寫岩,但寫岩都無用,都係黎錯..另外仲叫咗碗火鴨翅但無叫火鴨脾至於味道,我覺得唔錯,但未至於好好吃,只能一次起兩次止..而且重味精(我爸亦認為味精非常重),不過菜圃的確幾好食辣度好夠但味道偏咸..食一啖菜圃可能要飲好多水先可以沖淡啲味 不過,狗仔粉嘅配料都幾香口(有冬菇,蔥等等..)  食完狗仔粉就試咗碗火鴨翅,我覺得味道好得意,未試過呢種味道,平時碗仔翅食得多,呢個火鴨翅就係帶有鴨肉味嘅碗仔翅不過好唔好食就見仁見智,但亦可能試試。