十侍 - 棉花糖A5和牛壽喜燒專門店

營業中

休息中

壽喜燒一向係我最鍾意嘅日本嘢食頭幾位，一聽見十侍嘅棉花糖壽喜燒咁有創意，位置仲要喺旺角咁方便，點可以唔嚟試顧名思義，壽喜燒嘅甜味係嚟自十侍即製嘅棉花糖，和牛係嚟自鹿兒島嘅A5黑毛和牛，一望就見到脂肪分布好平均，有專人幫手燒，仲會問客人鍾意生啲定熟啲，非常貼心，和牛肉質又滑又軟，幾乎入口即溶，中間仲夾住入晒味嘅大蔥，非常高質芝士甜薯、炸廣島蠔 - 甜薯食得多，配芝士嘅真係第一次食，有諗過會咁夾咁好食；炸廣島蠔皮脆得嚟保留到蠔嘅濕潤，配千島醬亦好夾大蔥豚肉卷、大蔥雞、牛舌 - 連埋炭爐上枱，一路烘住，keep住熱，味道同賣相同樣高質，食得出食材新鮮，所以簡單調味已經好好食各款野菜、真打稻庭烏冬 - 有香菜、大白菜、菇、燒過嘅豆腐、蟹柳、腐皮同芋絲，特別想讚豆腐，非常有誠意，係燒過再煮，所以特別香；烏冬口綿滑，成煲食材都入晒味，好正巨峰提子梳打、荔枝梳打 - 果味突出，唔會剩係得甜味，壽喜燒同果味梳打係個好夾嘅配搭，飲得好爽十侍環境同氣氛都非常唔錯，深色系嘅設計俾人一種典雅嘅感覺，酒吧枱令人覺得好chill，其他位又闊又好坐，仲有間房俾一班人聚會，好有置身日本嘅感覺今次試二人前嘅壽喜燒，份量

今日總於可以試到期待已久嘅十侍棉花糖•鹿兒島A5黑毛和牛壽喜燒😊果然無令我失望！首先餐廳裝修裝潢型格，以武士主題為主，一入到餐廳就見到一個好大嘅飾武士模型，加掛滿日本傳統燈籠裝飾👍🏻👍🏻🌞🌞日本鹿兒島A5黑毛和牛🌞🌞A5黑毛和牛包裝得好靚，盒裝上好精緻！和牛望落去雪花均勻，油脂好豐盛！店員先將棉花糖放入鍋裏面，再加入壽喜燒醬汁，汁同棉花糖融合，好特別嘅煮法！和牛煮好後沾上日本蘭王雞蛋蛋漿！A5黑毛和牛食入口又軟又嫩，每一啖都充滿牛香和油脂，好味！🌞🌞日本野菜拼盤🌞🌞野菜拼盤材料都幾豐富，新鮮，有:滑豆腐、皇帝菜、冬菇、蟹柳等。越煮越入味，吸曬d壽喜燒醬汁！🌞🌞稻亭烏冬🌞🌞🌞🌞串燒🌞🌞我地仲試左幾串串燒:芝士日本甜番薯、牛舌串燒、大蔥豚肉卷同大蔥雞串燒！擺係小火爐上面可以保持食物的溫度🌞🌞巨峰提子乳酸梳打🌞🌞食到勁飽！

這間專食壽喜燒的餐廳無論環境或食物質素都很令人稱讚，很適合慶祝重要節日鹿兒島A5和牛套餐，包季節野菜盛盒、自家製壽喜燒醬汁、日本蘭王雞蛋和讚岐烏冬自家製壽喜燒醬汁最特別係加入棉花糖烹調，醬汁經過精心調製，帶有微妙的甜味和醇厚的口感，店員會幫你煮好，好好服務✅鹿兒島A5和牛睇雪花分布都覺得好靚，店員會幫手煮，唔洗自己出手，和牛煮得岩岩好，肉質鮮嫩多汁，每一口都能感受到牛肉的豐潤，再加上口感柔軟細膩，肉汁鮮美，真係有種回味無窮既感覺🥺🥺每人有一隻日本蘭王生雞蛋，蛋黃色澤鮮豔，蛋香濃郁，同和牛一齊食真係超正✅季節野菜盛盒有各式各樣既蔬菜🥬，經壽喜燒湯底烹調，特別鮮甜😚✅讚岐烏冬麵條彈牙有嚼勁，索晒湯底既鮮美，滑溜溜又好食✅炸蠔外層酥脆，內部則保持了鮮嫩多汁。蠔肉的鮮甜同炸衣的香脆，真係甜蜜的邪惡！✅串燒有芝士年糕、雞心、大蒜豬肉卷、牛舌

今日慶祝朋友生日，所以book左一間一啲都唔野少既餐廳食日本鹿兒島黑毛和牛！餐廳在大廈一樓，大廈門口在後巷入面，有少少難搵。入到去，裝潢有日本武士風，好似去左日本咁！而依間餐廳主打最出名就係棉花糖壽喜燒，所以決定今日食黑毛和牛棉花糖壽喜燒啦！職員擺好個爐，就準備整棉花糖啦。和牛擺左上台後，仲有張證書，證明牛肉來自日本鹿兒島既A5黑毛和牛添！職員好細心咁幫忙整壽喜燒，仲安排時間影相打卡，十分細心！而和牛亦配上蘭王蛋，點上蛋汁一齊食, 入口即溶既和牛，配埋有棉花糖，甜甜地既壽喜燒汁，一試難忘！！仲有大蔥雞肉串燒，芝士甜薯串燒，牛舌，都會放係預熱左既爐上面一直保持住溫度，等我地都可以慢慢食住傾計，唔怕野食會凍左！炸蠔加埋蛋黃醬，亦都好夾好開胃！野飲方面我地叫左海鹽荔枝梳打同埋巨峰提子梳打，十分清新。食到咁上下其實我地都好飽啦，份量都好足夠，唯有下次先試下佢既自家雪糕啦！

呢間以壽喜燒餐廳十侍，最近討論度好高，能夠突圍而出原因之一當然就係佢嘅桌邊服務以及非常打卡的棉花糖壽喜燒。壽喜燒二人前的A5鹿兒島黑毛和牛絕對是這頓餐點的亮點之一。這種高品質的和牛以其豐富的脂肪紋理和極嫩的口感而聞名，肉質更加鮮嫩多汁，每一口都帶來了濃郁的牛肉以及蘭王蛋嘅蛋香味。搭配新鮮的季節蔬菜盛合及烏冬，豐富了整個餐嘅體驗。另外炸廣島牡蠣是一道絕對不能錯過的小食。這些牡蠣經過炸至金黃酥脆，外皮酥脆而內裡鮮嫩多汁。每一口都散發著海洋的鮮甜味道。串燒叫咗牛舌、大蔥豚肉卷、大蔥雞和雞腎。牛舌肉質嫩滑爽彈，大蔥豚肉卷則結合了蔥的清香和豬肉的鮮美。大蔥雞和雞腎則帶來了雞肉的嫩滑和獨特的內臟風味。

呢間餐廳book mark左好耐終於有時間黎試一試🥹嗌咗壽喜燒套餐二人前，餐廳選用鹿兒島A5黑毛和牛，套餐仲包括日本蘭王蛋、野菜盛合、讚岐烏冬🤩睇住棉花糖係鐵鍋慢慢地溶化，再加上自家製壽喜燒醬汁，好治癒🥰全程有員工服務，員工會問我地想要幾成熟，我地試左5成熟，和牛油花好似大理石咁靚，牛油香到不得了，肉質鮮嫩，入口軟綿綿☁️和牛沾上蛋漿減低油膩感☺️滿滿的幸福食完肉就到蔬菜，店員會加鰹魚湯去煮，煮熟後都唔會太甜🥬🍄娃娃菜、皇帝菜、豆腐、油揚、冬菇、金菇、蟹棒，好鮮甜好入味🙌🏻食完蔬菜店員會煮烏冬，煙靭彈牙好入味 ，吸晒D湯既精華🫠除左壽喜燒，炸物同串燒亦同樣出色🦪炸廣島蠔外脆內嫩，鹽燒牛舌芯爽口嫩滑☺️ 燒大蔥雞肉串、雞腎 、雞心香氣突出，調味恰到好處🙌🏻 巨峰提子梳打、海鹽荔枝梳打酸酸甜甜，清新醒神✨

有冇聽過綿花糖壽喜燒？旺角隱秘小巷中的樓上壽喜燒舖嘅十侍就係主打以棉花糖取代平時壽喜燒嘅糖，新穎諗法吸引到唔少人慕名而來🥰壽喜燒 二人前 $898A5鹿兒島黑毛和牛6片，色澤同油脂分布完美，不愧係MBS達11級嘅和牛，近乎最頂級，另外仲包咗二人份嘅季節野菜盛盒同讚岐烏冬。店員會即席幫你烹調，每一片嘅熟度都可以客製化，和牛配上日本蘭王雞蛋真係冇得彈！入口即溶肉味濃郁🤤小食：広島牡蠣串燒：牛舌、大蔥豚肉卷、大蔥雞、雞腎好貼心嘅係串燒會另外有盆保溫嘅炭爐keep住溫度，等你可以隨時食到最佳溫度嘅串燒☺️Hanabi 花火, 十侍的森林食得壽喜燒同串燒點少得酒，呢2杯cocktail，酒感適中，一杯帶果香味，另一杯帶有蝶豆花味

位於「旺角」嘅日式居酒屋，主打棉花糖壽喜燒，餐廳選用頂級嘅鹿兒島A5級同MBS11級嘅黑毛和牛，令我好驚艷，超牛肉質鮮嫩多汁，入口時散發出誘人嘅牛肉香氣🥩MBS (Beef Marbling Standard) 由MBS 1 到至12 量度，和牛大理石嘅雪花紋分佈均勻，好似大理石咁靚，配上棉花糖aka自家製壽喜燒醬汁唔會太甜，每一啖都帶嚟極致嘅享受🥹 壽喜燒套餐送包括野菜盛合、蘭王蛋、讚岐烏冬/日本米飯🍚新鮮嘅蔬菜、菇類、豆腐加入鰹魚湯煮，口感鮮脆，入味十足🥬讚岐烏冬配埋濃郁嘅湯汁，吸晒佢嘅精華，100分滿足💯我哋另外加點左串燒貼炸物，包括牛舌👅、雞心、雞腎、大蔥雞、炸廣島蠔。串燒方面調味好好，另外想食辛辣香口一點既朋友佢地會提供唐辛子或日式胡椒粉，餐廳以炭火爐上，唔怕串燒變凍，好貼心🫶🏻炸蠔炸到外脆內軟，肉質鮮嫩🦪飲品點咗巨峰提子梳打同海鹽荔枝梳打，唔太甜，好清爽！整個用餐過程中，服務員非常周到， 照顧到我哋嘅需要🫶🏻💯

本身係一個超級鍾意食壽喜燒鍋嘅人上網搵吓 發現原來有專門食壽喜燒鍋嘅店雖然價錢有啲貴但都會想嚟試吓畢竟我係壽喜燒愛好者 哈哈～- - - - - - - - - - - - - - - - - - - - - - - -1. 壽喜燒二人前感覺呢間餐廳嘅侍應好醒目又識做佢哋會喺上晒食材之後預留時間比你影相打卡當見到你影完相先會行過嚟幫手落棉花糖入壽喜燒湯底然後慢慢將啲食材加入鍋到即係A5鹿兒島黑毛和牛西冷/肉眼和牛望落雪花均稱、油脂豐盛再沾少少日本蘭王雞蛋蛋汁完全感覺到有增加咗和牛嘅嫰滑食晒和牛之後就會加入季節野菜盛合當中係有娃娃菜、冬菇、蟹棒、豆腐、京蔥等等仲有個讚岐烏冬係吸晒壽喜燒湯嘅精華去到最後超級入味 一試難忘我諗令我最印象深刻係棉花糖從來都冇諗過棉花糖竟然可以加入食材入面奇奇怪怪 可可愛愛♡ʾʾ

我最鍾意就係壽喜燒朋友就帶我去試新野依間店入口唔太明顯要係小巷，再坐lift 上去一入門口，就有好大個裝飾物，武士模型🤣環境都幾寬廣，雖然坐位唔係太多，每張枱都有好大空間，感覺很舒服整潔今次叫左2人前首先佢會有個綿花糖比我打卡🤣之後再溶佢入壽喜燒汁，會甜d佢地提供鹿兒島黑毛和牛A5，仲有證書🤣侍應會幫我地燒的佢好體貼的，會問我地想要生d定熟d,當然我！係生d😂😂😂😂仲有提供必定有的蘭王蛋！哇！真心好好味😂😂牛超嫩，超軟滑有6片，其實會覺得唔夠喉，好想再叫多d不過我地叫左其他的炸物，所以決定食左其他先🤣🤣串燒叫左4款，牛舌，雞腎，大蔥雞，雞心佢係廚房已整好，有個爐比埋，用黎助熱，佢仲帶有少少炭香味🤣正牛舌好好味！味好重！厚薄均勻！juicy ! 大蔥雞，個蔥被燒過，超香，配合埋雞肉，真係好夾！我地仲叫左広島牡蠣，外層酥脆，裡面肉質鮮嫩最後食埋壽喜燒加埋野菜盛合，有豆腐，冬菇，芋絲，金菇。。。仲有稻庭為冬！正！完美！今次就試左Kyoho Raisin Soda and Seasonal Fruit Soda,,,好好味！甜度適中🤣上菜速度快，而且份量都好足😂👍今次好滿意！

十侍棉花糖A5和牛壽喜燒專門店位於旺角豉油街，要搵一條小巷嘅路口轉入去，前往時小心好容易Miss咗~甫入店內見到一個威風凜凜嘅日本武士大型公仔，裝修相當唔錯。顧名思義，店舖最出名就係A5和牛，但係今次既無食和牛，亦都冇食壽喜燒，所以唔知味道如何。叫咗六串燒物，兩隻炸蠔，一隻炸蝦同埋一碗烏冬。店舖行中高尚路線，兩個人想食飽預算大概係$1000，先講下隻海老天婦羅，$118都幾大隻，蝦肉好彈牙同埋炸得好脆。六串燒物$198，燒雞全翼火候剛剛好，唔會太乾，有效鎖住裏面嘅肉汁。白湯烏冬彈牙得嚟清清地，冇其他餸喺入面。炸蠔大大舊好fresh，值得一讚👍🏼杯白啤都幾香麥味，整體而言食物水平不錯，裝修都幾靚。

鹿兒島A5黑毛和牛壽司燒：Waitress 將棉花糖放係鍋裏面再用壽喜燒汁淋落去嗰下好吸睛同打卡able ～之後再一塊一塊煮比我哋新鮮熱辣即刻食。黑毛和牛嘅油花比例均勻，煮得剛剛熟，沾上日本蘭王蛋汁，又嫩滑又軟淋，唔油膩又滿滿牛肉味。二人set包埋豐富野菜盛合同稻庭烏冬。蟹棒好大支，蔬菜種類份量都唔少，感覺健康啲營養均衡，稻庭烏冬口感幾彈牙，吸收咗壽喜燒汁好入味。燒物叫咗牛舌、大蔥雞、雞腎、雞心。燒物由碳爐端上可以保持食物温度，而且帶有點碳火香，但又唔會燒得又乾又硬。牛舌厚度適中，軟淋唔韌。雞腎爽口有𡁻頭，唔錯。另外都試咗炸廣島蠔，雖然掛住食壽喜燒，放耐咗隻蠔，但仍然香脆唔油膩。巨峰提子梳打同熱情果梳打味道都唔錯，一邊食串燒一邊飲吓嘢吹吓水嘅好地方。

網上見到呢間壽喜燒賣相好靚，以高質的鹿兒島A5和牛作招徠，又好特別用左棉花糖，食左之後真係幾正🥰餐廳位於旺角一條隱蔽既巷入面, 門口有一個1:1武士，又以武侍圖案及日式燈籠裝飾牆身，match返個餐廳名😝🍽️壽喜燒二人前 ($898)包括A5鹿兒島黑毛和牛西冷/肉眼，季節野菜盛合，讚岐烏冬，日本蘭王雞蛋🥚✨A5鹿兒島黑毛和牛西冷/肉眼一共有六片滿佈油花既鹿兒島A5和牛，見到個賣相已經好靚，店員會幫手烹調，製作壽喜燒時會加入一大球棉花糖，再加入壽喜燒醬汁，食落極嫩滑順口感，和牛香氣濃郁，入口即溶，沾上日本蛋汁完美，好好味呀🤤🤤🤤跟住店員會加入季節野菜盛合，讚岐烏冬，野菜包括獅子狗，蟹柳，娃娃菜，冬菇，金菇，豆腐同腐皮，讚岐烏冬同壽喜燒湯底都超match😋✨芝心番薯串燒 / 大蔥豚肉卷串燒 /大蔥雞串燒 / 雞腎串燒 🍢($238)我地又叫左串燒一起share, 提供炭爐可以讓串燒保持溫度，芝心番薯好似甜品咁✨広島牡蠣 🦪$48廣島蠔都肥美，炸至金黃色，外層酥脆☺️十侍 - 棉花糖A5和牛壽喜燒專門店📍旺角豉油街21C號Station 21 1樓

鹿兒島黑毛和牛A5 二人前壽喜燒 $898鹿兒島A5和牛西冷肉眼 約350g季節日本野菜拼盤自家調製壽喜燒醬汁日本蘭王雞蛋 2隻真打稻庭烏冬/米飯將即埸製作綿花糖代替傳統就咁撒白糖上去 既有gimmick打卡 又有實際用途😍 然後倒入壽喜燒汁 煎香大蔥後 就可以放上是日重頭戲 鹿兒島A5和牛西冷肉眼❤️ 全程有專人幫你燒 重會問你想食熟d定生d😍 再加埋蘭王香濃蛋汁一齊呢個價錢 食咁多野 真係超值！ 🍢牛舌 $58 大蔥雞 $42 雞心 $32 芝士番薯 $28 除了壽司燒外我地重點了以上4款串燒 欣賞餐廳會用熱石爐烘烤著串燒 就算掛著吹水都唔會搞到d串燒凍哂！ 我最愛係大蔥雞串❤️ 雞肉外層燒得十分焦脆一咬落去爆肉汁 再加埋我最愛既大蔥 超惹味🤤

今日同朋友喺依間食左個鹿兒島A5黑毛和牛壽喜燒，一句講哂真係仲好食過係日本食既壽喜燒，同埋仲食左佢地既串燒。個 A5 和牛真心入口即溶，啲油花分布得非常平均同密集，油脂超級豐富，點少少生雞蛋一齊食，真係無得頂。一開始見到個價錢覺得少貴，食左第一啖之後即刻覺得值回票價，而且有專人同你淥熟啲牛肉，有種好高級既感覺，拍得住喺日本既服務仲會問埋你想偏熟定偏生少少，咁就唔使驚自己淥牛肉會失手哂左舊靚牛啦！當然仲有季節野菜盛合、自家製壽喜燒醬汁、讚岐烏冬，個烏冬真係無得彈，同平時食開嗰啲好唔同，勁彈牙又爽口。另外，我地仲食左四串串燒，真心好好好好食，如果嚟到一定要試，仲會提供埋個炭爐等啲串燒唔會好快就凍哂，非常貼心！環境方面唔使多講，有滿滿既高級感，配埋日式既擺設，十足去左日本咁，周圍環境令人好 relaxed～