十侍 - 棉花糖A5和牛壽喜燒專門店

晚餐嚟到一間喺旺角嘅壽喜燒專門店。第一次嚟，估唔到喺巷仔嘅入面竟然有間咁嘅餐廳，上咗一樓，推開門之後佢哋嘅裝修風格好日式，係比較高級嘅裝修。我哋叫咗一個壽喜燒二人前($898)-前菜-野菜盛盒-鹿兒島A5黑毛和牛西冷肉眼(每人3片)-烏冬或飯-甜品落咗單之後，店員好快已經將牛肉，配菜，同埋個爐放上枱面，擺得靚靚咁俾我哋打卡。之後仲有個最大重點，就係棉花糖，成舊放上個爐上面，之後再淋壽喜燒醬汁，之前食過係用糖，但係佢哋呢度用棉花糖，效果同平時食嘅壽喜燒一樣咁好味，而且仲好有特色。之後店員就逐塊牛肉燒俾我哋，仲會詢問我哋想要嘅生熟程度，牛肉每一片都好大塊，好肥美，牛肉沾滿壽喜燒嘅醬汁，甜甜地又鹹鹹地，真係好好味，仲要配埋佢哋唧出嚟嘅蘭王蛋泡沫，又滑又香。食完牛肉之後，就將野菜同埋烏冬一齊放落去煮，份量啱啱好，兩個人食完之後都好滿足。訂枱嘅時候有備注到生日，個套餐本身都有甜品，我上網睇平時應該係兩球雪糕，點知佢哋突然拎咗個迷你蛋糕出嚟，好貼心，而且好好食。呢個壽喜燒都幾高質，唔使過遷就食到，性價比好高，絕對推薦。…查看更多

綿花糖壽喜燒是這店的招牌菜，我們選了「壽喜燒二人前」（$898), 店員會先為我們即席製作一個綿花糖球，再把它放左鍋中，將他們家自家製的壽喜燒醬汁一同加熱攪拌，當棉花糖溶化後令湯底帶有甜甜的醬油味。然後就可以逐塊加入高品質的「鹿兒島A5黑毛和牛西冷肉眼」，只需要輕微煮一下，就可以享用帶雪花狀肉脂，入口柔軟，牛汁豐富的壽喜燒和牛。沾上日本蘭王雞蛋漿的和牛，更見嫩滑。每set 的和牛的份量約有360g, 足夠二人食用。享用完和牛後，便可加湯煮季節野菜盛合，有數款菇類和蔬菜，還有豆品，和蟹棒。甜甜的湯底和野菜組合的味道很夾。最後吃個吸收了牛肉精華的讚岐烏冬，彈牙好吃。套餐還包括了自家製甜品，是晚的是雲呢拿雪糕。除了壽喜燒鍋物，我們還點了串燒。牛吞芯軟中帶勁，火喉燒得剛好，牛汁不錯。素菜拼盤串燒，有南瓜、秋葵、冬菇，經調味後燒，又有另一番風味呢！另外亦需一讚這家的特調飲品，我們點的「青之海」和「熱情林檎」，兩款夏日風味十足，果味清甜，還附有果肉。…查看更多

十侍-棉花糖A5和牛壽喜燒專門店位於旺角豉油街，要搭升降機上去，入口有少少難搵。不過，少少困難係阻止唔到我哋搵好嘢食嘅決心。因為突發有事要慶祝，所以六點幾先打去book枱。好彩仲有bar 枱位可以Book ，唔使等位。去到餐廳一坐低就落左set $898的鹿兒島A5黑毛和牛套餐，另外可以加$198 要埋串燒拼同兩杯冇酒精飲品。………………………………………………鹿兒島A5黑毛和牛套餐 ⭐️⭐️⭐️⭐️⭐️套餐$898 包括約每人180g的鹿兒島A5黑毛和牛西冷肉眼、前菜、季節野菜盛合、自家製壽喜燒醬汁、日本蘭王雞蛋、讚岐烏冬或日本米飯 同埋 自家製雪糕。⭕️ 鹿兒島A5黑毛和牛西冷肉眼⭐️⭐️⭐️⭐️⭐️⭐️每人有大約180g嘅肉。肉眼會用一個木盒好靚咁樣裝住，仲會有一張由鹿兒島黑牛黑豚銘柄販売促進協議會發出嘅證書。店員會一塊一塊咁幫你煮好夾落你個碟。肉眼油脂分佈均勻，入口即溶，好好味。180g每人有3大片，好食到唔夠喉。⭕️ 自家製壽喜燒醬汁 ⭐️⭐️⭐️⭐️⭐️店員會先製作一個棉花糖，然後將自家製嘅壽喜燒醬汁倒落棉花糖上面，兩者最後溶為一體，十分特別，係屬於關東風嘅壽喜燒。⭕️ 前菜 ⭐️⭐️主要係海帶漬物，味道口感都麻麻地，而且分量好少。⭕️ 季節野菜盛合 ⭐️⭐️⭐️⭐️盛合有娃娃菜、冬菇、金菇、本菇、豆腐卜、豆腐、大蔥、蟹柳等，食材新鮮。⭕️ 日本蘭王雞蛋 ⭐️⭐️⭐️⭐️⭐️店員會將日本蘭王雞蛋打落一個好特別的金屬容器，再將攪勻好的蛋液打成慕絲狀比我哋點牛肉，十分特別，蛋香味濃郁，口感細滑。⭕️ 讚岐烏冬 ⭐️⭐️⭐️⭐️⭐️烏冬好滑好彈牙，用壽喜燒汁煮到甜甜地，好味。⭕️ 自家製雪糕 ⭐️⭐️⭐️⭐️Vanilla 雪糕，好味。串燒 Set ⭐️⭐️⭐️⭐️⭐️一共有五串，包括翠肉瓜、冬菇、秋葵、雞肉同 雞軟骨。即叫即燒，翠肉瓜、冬菇、秋葵都燒得剛剛好，充分保留到水份同蔬菜的口感。而雞皮都燒到脆卜卜，雞肉Juicy。巨峰提子乳酸梳打 ⭐️⭐️⭐️⭐️⭐️餐廳即調的梳打飲品，甜度剛剛好，不過細杯左啲。………………………………………………十侍用的食材都好高質素，製作亦都好用心。不過，我個人比較喜歡關西風的壽喜燒。如果鐘意食關東風壽喜燒，十侍絕對係唔錯嘅選擇。…查看更多

主打鹿兒島A5和牛壽喜燒🍲，更有顛覆傳統的棉花糖壽喜燒鍋底，火焰融化棉花糖帶出甜香，配上頂級和牛，入口即化超豪華！🐮✨餐廳裝潢走武士主題＋日式燈籠風，氣氛chill兼有型，串燒、鐵板生蠔、創意日式調酒同威士忌都超正，絕對係聚會食飯首選！🍶🔥⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣ 清酒牛油雜菌 $58一上枱就聞到牛油香氣🧈同清酒淡淡酒香🍶🍄 菇菇控一定會尖叫～金菇、雞脾菇、鮮冬菇全部炒得啱啱好，牛油將菇嘅鮮甜完全鎖住，咬落去多汁又爽滑。再加埋清酒，味道提升咗幾個level，清香同濃郁並存，唔會油膩反而有回甘2️⃣ 燒茄子$48平時食燒茄子都幾普通，但呢度真係upgrade版🔥 外皮烤到焦香，肉質滑到似豆腐一樣，入口即化🥢。上面再加蒜蓉同醬汁，鹹香惹味，仲有少少焦糖化香味。食到最後仲吸晒底下嘅汁，真係停唔到口😋3️⃣ 銀鬼燒(七）$248🔥「燒鳥匠發辦七式」係招牌必點！包括雞胸、雞腎、雞心、雞頸肉、雞上腿、雞翅～每一串都由師傅即燒，🔥炭香味濃，肉質保持嫩滑。雞心同雞腎口感彈牙又juicy，雞胸無柴味，反而滑到爆汁💦雞翅仲燒到外脆內嫩，啖啖肉！一份就食齊7種雞部位，好似開咗一場串燒 tasting menu，一次過滿足！4️⃣ 壽喜燒二人前$898⭐全場最大亮點！一出場就已經贏哂打卡位📸：巨大棉花糖放上鍋，然後由店員即席淋上壽喜燒醬汁🍲，棉花糖慢慢溶化，將甜味融入湯底，畫面超療癒～牛肉用上鹿兒島A5黑毛和牛西冷肉眼，每片都雪花紋理超靚，入口油香四溢😍仲有蘭王蛋泡沫，用專用槍打到好似雲咁 fluffy☁️，沾牛肉一齊食，嫩滑+香甜，口感無敵。蔬菜盛盒夠豐富🥬🥢有京蔥、燒豆腐、腐皮、娃娃菜、皇帝菜、蟹棒、菇類等等,最後落稻庭烏冬吸滿醬汁，好滿足～甜品柚子雪糕清新解膩,柚子粒粒都增加左口感,完美收尾！5️⃣ 青之海$58（blue curacao syrup,limeCordial, pineapple)🌊顏值100分嘅藍色特調，藍柑橘糖漿+青檸+菠蘿🍍，酸酸甜甜，飲落Refreshing到爆！顏色藍白漸層好似夏日海洋，打卡必點💙。6️⃣ Netsui Ringo 熱情林檎$58(apple juice, ginger juice, passion fruit syrup)呢杯超特別！蘋果汁🍎配薑汁🫚再加熱情果，入口先甜後微辣，尾韻酸酸甜甜，層次感豐富。飲落暖胃又開胃，好適合搭配串燒！⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪記得follow@mochicouple_hk啦😍🎉📸…查看更多

十待棉花糖A5和牛壽喜燒專門店餐廳以日式風格為主，門口擺放咗武士嘅盔甲，眼前一亮，非常有氣勢，配埋和風嘅裝修，坐得舒舒服，食得舒服，餐廳吸引之處係用棉花糖做鍋底，加埋鹿兒島A5頂級黑毛和牛，別有一番風味，再配埋每日新鮮嘅蔬菜，同自家製嘅壽喜燒汁A5和牛，油脂分布均勻，肉質嫩滑，入口即化，一入口釋放牛肉嘅香氣，真係高級嘅享受，每$1嘅牛肉都用膠紙包住，仲有一張卡係介紹牛肉嘅來源產地，店員慢慢解釋非常細心，湯底滾咗之後可以將難蘭王雞蛋放入熱辣辣嘅壽喜燒湯底，雞蛋的汁包住了牛肉，令牛肉更加嫩滑，棉花糖嘅甜度可以自由選擇，棉花糖令湯底帶有甜甜的，仲帶有輕微嘅焦香味道，新嘅玩意，湯底甜中大鹹嘅味道令到牛肉嘅味道更加突出，充滿驚喜配埋新鮮嘅蔬菜，旺菜，金菇，加埋輕輕燒過嘅豆腐，入口非常滑溜湯底煮到最尾變得濃郁，放入讚岐烏冬，吸晒湯入面嘅精華，烏冬煙靭又彈牙，最尾飲埋甜甜嘅湯底，一滴都冇剩飲品熱情淋檎蘋果汁，薑汁，百香果甜漿入口酸酸的，非常開胃最尾仲有個雲呢拿雪糕，透心涼…查看更多

這間十侍壽喜燒在朋友圈裡面很出名個個都贊不絕口 說很好吃！🤤所以今天跟朋友來吃一吃！點了個壽喜燒二人前！它家最出名的就是棉花糖壽喜燒！故名思義 就是 用烤棉花糖作湯底一部分！非常有趣特別！鹿兒島黑毛和牛A5 西冷肉眼 (360g) 光澤度高、油脂分布平均、和牛厚薄適中！配搭日本蘭王雞蛋漿真的是超好吃！😋不過今次用咗氮氣打蛋方式，蛋味遜色一點😮‍💨壽喜燒甜度剛剛好😍 完全停不了口！跟餐還有季節性野菜拼盤和烏冬！🔥🔥全程都會由職員烹調！完全係一級享受！串燒：·牛舌芯 燒到剛剛好 很好吃有點味道👅！· 雞上髀 烤到很香 啖啖肉多汁不錯！·冬菇 ·翠玉瓜 ·秋葵青之 海 -是杯葡萄特飲！熱情林擒 -是杯熱情果蘋果特飲！雲呢拿雪糕 有一粒粒雲呢拿籽在裡面！味道超級濃郁😍…查看更多

今日同朋友來到這間壽喜燒店😍這間特色是用自家制的棉花糖及壽喜燒汁，做成獨一無二的湯底😋牛肉選用了【鹿兒島A5黑毛和牛西冷肉眼】每一塊都很大片🥩職員全程幫忙烹調食物，我只需負責吃🤩再沾上【蘭王雞蛋慕士】，而牛肉則近乎入口即溶😋將所有高級食材配搭一起，味道更上一層樓🤤季節野菜盛盒有京蔥、燒豆腐、腐皮、娃娃菜、皇帝菜、蟹棒、菇類等等，再加入壽喜燒汁再煮一會兒就更入味更好吃😋食到中途，職員再加入【真打稻庭鳥冬】，烏冬瞬間吸收壽喜燒汁的日月精華，口感煙靭彈牙❗️好好味‼️串燒拼盤牛舌芯、雞上髀肉、冬菇、翠玉瓜及秋葵配上青之海及熱情林檎飲品，可以消暑解渴😍最後食飯後甜品雲呢拿雪糕🍦非常滿足！…查看更多

好耐無去日本啦，今日專登約個朋友黎解下癮。十侍既肉好有名，拿曬證書，梗係要食。 叫左個A5 黑毛和牛すき焼き二人前SET，900蚊左右有360g既肉，係鹿児島A5 黑毛和牛西冷肉眼。紋路非常靚。 蘭王蛋漿係用枝槍噴出黎，非常濃密，空氣感十足！壽喜燒汁加上棉花糖真係好吸睛！店員會幫手逐塊牛肉燒，可以就你喜歡既熟度，同店員講就得。牛肉入口即熔，加埋蛋漿真係滑入口，好味。之後有野菜鍋及烏冬，好味。 我地都叫左少少串燒，雞胸，雞腿肉，翠玉瓜，秋葵，冬菇。最中意雞腿肉，燒到剛好滿有肉汁，面頭加左少少芥末，好惹味。 野飲試左推介既青い海，比較重味，有blue curacao syrup， lime，Cordial，pineapple。熱情リンゴ有apple juice，ginger juice，passion fruit syrup。 整體而言非常滿意，MVP 係和牛，真係好吃到想再追加。下次再黎！…查看更多

👉🏻鹿児島A5 黑毛和牛西冷肉眼約360g😺😺😺由店員 親自為客人準備 ge壽喜燒鍋, 首先係擺滿咗 一團白雪雪嘅棉花糖 係一鍋壽喜燒汁入面，然後煮到客人想要嘅熟度，和牛西冷肉質非常鮮嫩😺😺😺前菜昆布絲同南瓜蘭王蛋漿串燒:雞胸雞腿肉翠玉瓜 x 秋葵 x 冬菇用炭爐warm 住俾客人😺MOCKTAIL 青い海（blue curacao syrup,limeCordial, pineapple)熱情リンゴ(apple juice, ginger juice, passion fruit syrup)自家製柚子雪糕😺😺😺奶味香濃柚子味都好出,柚子粒粒都增加左口感…查看更多

永遠都不會吃厭日本菜🥰今次在旺角找到樓上的壽喜燒專門店，主打以棉花糖作基底調味的壽喜燒，令人非常好奇！店家更挑選來自鹿兒島的A5黑毛和牛西冷肉眼，質素絕對不容置疑🐮✨壽喜燒 （二人前）二人前份量包括鹿兒島A5黑毛和牛西冷肉眼、季節野菜盛盒、日本蘭王雞蛋、讚歧烏冬及自家製雪糕，極豐富😙A5黑毛和牛油花好靚，入口軟綿帶即溶感🤤沾上蛋香味濃的蘭王蛋，絕對是人間美味！另備新鮮野菜盛盒和軟糯讚歧烏冬，飽足又滿足～最後再品嚐自家製雪糕，完美😍✨燒牛舌芯✨素拼串（秋葵、南瓜、冬菇）除了主打的壽喜燒套餐，餐牌上還有各款助酒美食🤓不少得串燒類，爽口的燒牛舌芯最得人歡心👅亦有蔬菜選擇，同樣焦香惹味👍🏼✨青之海✨熱情林檎自家製雞尾酒的選擇一樣豐富🍸藍色的「青之海」以青檸和菠蘿作基底，酸酸甜甜，易入口💙而「熱情林檎」由蘋果、薑和熱情果組成，甜中帶微辣，味道融洽又帶點驚喜🍹…查看更多

如果想食壽喜燒大家會諗起邊度？正常啲人都會去中環，但最近發掘咗旺角有一間非常抵食嘅壽喜燒，價錢比起中環平咗三份一左右，佢就係十侍棉花糖A5和牛壽喜燒專門店。二人就可以選擇佢哋嘅壽喜燒二人前套餐，$898 已經包括咗360 gram嘅A5和牛，野菜盛合，蘭王蛋烏冬及甜品非常抵食。餐廳選擇咗A5和牛之中嘅最頂級MBS11,油花分布非常均勻。配上壽喜燒醬汁及即製嘅棉花糖取代砂糖，沾滿蛋汁後入口即溶，餐廳亦會幫你將和牛一件一件煮熟遞上。食完就會加水溝淡醬汁，然後放入蔬菜組合及烏冬。拼盤包括了油豆腐，蟹棒，芋絲，蔬菜及豆腐等等，非常豐富。我哋另外仲加左蔬菜及雞肉串燒另外最喜愛嘅白鱔串燒，最後就會奉上自家製雪糕作為結尾，非常滿足，唔會食滯，係一個非常高質嘅壽喜燒。…查看更多

旺角的《十侍》壽喜燒專門店，以其獨特的棉花糖鍋底和頂級鹿兒島A5黑毛和牛，為食客帶來了一場味覺的盛宴。進入餐廳，精緻的武士盔甲和低調雅致的日式裝潢，瞬間讓人感受到濃厚的和風文化，心情也隨之放鬆。首先，鍋底的創新令人驚喜。棉花糖的加入使醬汁帶有微妙的甜味，完美平衡了醬油的鹹香，讓整體口感更加豐富且不膩。這種獨特的做法，讓壽喜燒的風味柔和，烹調時糖分慢慢融化，令人食指大動。主角當然是鹿兒島A5黑毛和牛。肉質細膩，油花均勻，光看就讓人垂涎。職員將和牛片輕輕涮入鍋中，掌握火候的技術，使牛肉入口即化，香甜多汁。搭配特別提供的蘭王雞蛋，將牛肉浸潤在蛋液中，口感滑嫩，肉香與蛋香相互交融，讓人陶醉。配菜方面，多樣的新鮮蔬菜拼盤，包含娃娃菜、香菇、豆腐等，為整餐增添清爽感。店內的燒烤串燒，如秋葵、南瓜和牛舌芯，經過精心烤製，香氣四溢，讓人欲罷不能。餐後的雲呢拿冰淇淋，口感細滑，甜度適中，為這頓豐盛的晚餐畫上完美句號。飲品方面，選擇了熱情林檎，蘋果汁的清甜與生姜的微辣交織，既解膩又提神。整體而言，《十侍》在食材選擇和服務上均表現出色，職員耐心示範如何品嘗壽喜燒，讓初次嘗試的客人也能輕鬆享受。這家壽喜燒專門店，無論是與朋友聚餐或慶祝特別日子，都是絕佳的選擇。對於熱愛日本料理和和牛的食客，這裡絕對值得一試！…查看更多

香港有唔同價位嘅壽喜燒專門店，又要抵食又要食到A5和牛唔係有好多間最近發掘咗旺角有間上樓嘅十侍壽喜燒專門店，主打高CP值鹿兒島A5和牛，於是試吓。我哋叫咗個二人壽喜燒套餐已經包咗6 塊A5最高級別鹿兒島和牛，蔬菜，烏冬等等，我哋兩個仲叫多個串燒拼盤及兩杯嘢飲。正常嘅就少都係用砂糖，但呢度竟然做上即製棉花糖代替砂糖，非常適合打卡。和牛壽喜燒配上蛋汁油香軟嫩，滋味無比，食完和牛之後嘅醬汁帶有牛油香氣用嚟煮蔬菜豆腐拼盤等等，醬汁香甜帶有蔬菜香氣，配上烏冬作為完美嘅句號。串燒拼盤方面亦是即叫即燒，最喜歡佢哋嘅人鮮冬菇及燒白鱔，鮮冬菇燒到入邊非常Juicy,白鱔新鮮，燒到白鱔嘅魚油都迫晒出嚟，令到外皮香脆。…查看更多

聖誕節周街食飯都貴，一早book咗依間主打棉花糖嘅壽喜燒餐廳，需要提前每人落訂250蚊留位。前菜係細細兜【蟹籽沙律】同每人兩隻【清酒焗蠔】。仲有個【串燒拼盤】，分別有牛舌、鰻魚、珠蔥豚肉卷、雞腎一串，全程都有用個鐵架warm住啲串燒，正常發揮啦~終於嚟到主角【鹿兒島A5黑毛和牛】‼️牛肉品質好高，雪花油脂分佈好靚好平均，因為A5和牛油脂太多，每人三片其實都好夠，食到最後會有啲膩😂 每程都有專人服務可以食殘廢餐😂 棉花糖其實都係啲噱頭嘢，會有個自家製壽喜燒汁淋上個棉花糖度之後再煮牛，鍾意偏甜醬汁嘅我就幾鍾意👍🏻 野菜盛盒都幾豐富總括嚟講，如果閑日900蚊一位真係令人幾卻步，始終市面上壽喜燒選擇都幾多，但節日嚟講冇得選擇就可以接受😂 建議可以閒日嚟試吓啱唔啱食先，價錢好似平一半…查看更多

旺角和牛壽喜燒專門店《十待》，以其獨特的棉花糖特製壽喜燒鍋底和頂級鹿兒島A5黑毛和牛，帶來了一場味覺上的盛宴。店內氛圍極具日式風格，門口擺放的精緻武士盔甲立即讓人感受到濃厚的和風文化，整體裝潢低調又雅致，非常適合細味和牛的珍貴滋味。首先要讚賞的是他們的壽喜燒鍋底，別具一格地加入了棉花糖作為糖分來源，令醬汁帶有微妙的甜味，平衡了醬油的鹹香，口感層次豐富且不膩。這種創新做法讓壽喜燒的風味更加柔和，烹調過程中糖分慢慢融化，令人食指大動。和牛部分，主角無疑是鹿兒島A5黑毛和牛。牛肉紋理細膩分布均勻的油花，光看就令人垂涎三尺。職員細心地將和牛片放入壽喜燒鍋中輕輕涮煮，掌握得恰到好處，牛肉入口即化，香甜多汁。配合店家特別提供的蘭王雞蛋，將牛肉浸潤在蛋液中，口感更加滑嫩醇厚，蛋香與肉香完美融合，提升整體味覺享受。配菜方面，蔬菜拼盤新鮮多樣，包含清甜的娃娃菜、香菇、冬菇、豆腐及蟹柳等，既豐富了口感，也為整餐增添清爽平衡感。此外，店內還提供了多款燒烤串燒，如秋葵、南瓜和牛舌芯等，每一串均烤得恰到好處，香氣四溢，令人回味無窮。餐後甜品以清爽的雲呢拿冰淇淋作結，口感細滑，甜度適中，為這頓豐盛的晚餐畫上完美句號。飲品方面，我們點選了netsui Ringo熱情林檎結合了蘋果汁的清甜及生姜的微辣，恰到好處，解膩又提神；另外，十待的森林帶出陣陣酒味，十分可口。整體來說，《十待》不僅在食材選用上極為講究，服務態度亦十分專業，職員會耐心示範如何品嘗壽喜燒，讓初次嘗試的客人也能輕鬆享用。總括而言，旺角的《十待》是一家值得反覆光顧的壽喜燒專門店，創意棉花糖鍋底與極品鹿兒島和牛的結合，帶來新穎又傳統的日式和牛體驗。無論是和朋友聚餐還是慶祝特別日子，都能享受一頓令人滿意的和牛盛宴。推薦給喜愛日本料理和和牛的食客，必定不會失望。…查看更多